USU MƐNƆ 13:2 - WE NU GALE 1995

² Sa'de ni wia kɔ̃ do gɔ̃̀, nɛ nyanga a ɔ nɛ nyanga ursi, nɛ nu a ɔ nɛ nu gbɔgbɔ ni. Nɛ gba sɔ̃ sa'de sɔ dati ni hã ngawi 'da a, do dɛa to nwa 'da a hã mbé sa'de ni.

USU MƐNƆ 13:2 Iomraidhean Croise

2 Onwanɔ 2:24

Nɛ Elize siki tɛ̃ ɛ, nɛ a zɔ wa, nɛ a fɔmbɔ wa do zu li NWA. Nɛ ogã sa'de bɔa, kɛ wa sa li wa na ursi ni, wa yolo zamɔ i, nɛ wa hɔ nza, nɛ wa kala obe 'bu wa nalɛ ngɔ wa bɔa kɔ obenɔ ni, nɛ wa 'bili sanga wa sikili sikili.

Zumanɔ 22:21

Mɔ ámbá zu mi li gogo otolonɔ ni, nɛ mɔ kpasa mi li du kɔya 'da wa.

GBA WENƆ 17:12

Kpa ngba mɔ do naa gbɔgbɔ kɛ a fa obenɔ 'da a ni, dia nɛa ngɔ kpa ngba mɔ do yɔnda wi kɛ zu a dunu do yia linggamɔ ni.

GBA WENƆ 28:15

'Dã wi kɛ a dungu nwa ngɔ Owi sãnɔ ni, a ɔ nɛ gbɔgbɔ kɛ a ngbu dã, tabi gɔ̃̀ kɛ a misi tɛ̃ a, nɛ a bũlũ we ba sa'de ni.

Ezai 5:29

Mɔ zele gɛlɛ wa, nɛ mɔ lengge na, mɛ a gɛlɛ ogbɔgbɔ. Wa he mɔ ɔ nɛ naa gbɔgbɔ, kɛ a o dã, nɛ a ba sa'de, nɛ a la do a, nɛ nde fo wi ba a nu a bina ni.

Yeremi 13:23

Tũ wi wia we kpolo ndala tɛ̃ ɛ nde? Nɛ gɔ̃̀ a wia we kpolo sala tɛ̃ a nde? Ma tɛ mɛ 'bɔ na mɛ ni we nɛ. Ɔ nɛ kɛ nɛ ili do dɛ 'dã mɔ ia ni, nɛ wé sɛ 'bɔ we dɛ de mɔ gɔ.

Yeremi 5:6

Gulu nɛ a ogbɔgbɔ wa yolo sɛ tɛ fala ɔi 'da wa, nɛ wa tɛ we gbɛ winɔ ni. Ogbokologboe wa yolo sɛ li zɔ̃nɔ, nɛ wa tɛ, nɛ wa kala winɔ ni, nɛ wa ɛ̃ sanga wa. Nɛ ogɔ̃̀ wa usu sɛ tɛ wa dɛ 'do lenɔ, nɛ wa kala sɛ wanɔ wa hɔ nza ni, nɛ wa 'bili sanga wa sikili sikili. Mba gɔ, 'dã mɛnɔ 'da wa ma la li, nɛ zu wa tɛ nganda dɛ dati nganda fai.

OZE 11:10

“Mi NWA, mi ngbu sɛ dã nɛ́ gbɔgbɔ ni, nɛ owinɔ 'da mi wa kpe sɛ dɛ 'do mi. Wa yolo sɛ kɔlɔ 'duli si 'biti gɛ̃a wese, nɛ wa wɛlɛ tɛ wa dɛ 'da mi nga.

AMƆSI 3:12

NWA tɔ̃a na: “Fala kɛ gbɔgbɔ ba bata, nɛ wi dala bata wia we kala tati a onyanga bata bɔa, tabi zala a kɔ nu gbɔgbɛ ni. Ma ɔ sɛ ni we Oisraɛlɛ, tɛ kɔ le Samaria. Wa ɔ nù ngɔ odia bunggu do odia mɔ ɔi. Nɛ nde mɛ ma 'bana sɛ olo wa, tati a o'bulu mɛnɔ 'da wa iko.”

AMƆSI 5:19

Ma ɔ sɛ nɛ wele kɛ a yu gbɔgbɔ, nɛ a kpa ngba a do gɔ̃̀, tabi nɛ́ wi kɛ a le kɔ tɔa 'da a, nɛ a 'be tɛ dɛlɛ tɔa, nɛ gɔ̃ gɔmɔ kɔ̃ a ni.

HABAKUKƐ 1:8

“Ombalatanɔ 'da wa wa ĩ ti yu yu nɛa ngɔ ogɔ̃̀, nɛ tɛ wa gbɛngɛ nɛa ngɔ ogbokologboe kɛ wa nɛ we fa nyɔngɔmɔ nu wa do gɛ̃a wese ni. Osoda kũ mbalatanɔ 'da wa, wa yula du wala, nɛ ombalatanɔ 'da wa, wa tɛ bũlũ wula wula. Nɛ osodanɔ wa tisi owinɔ kɛ wa bi wa ni, ɔ nɛ kɛ oziki wa tisi do sa'de ni.

2 TIMOTE 4:17

Nɛ nde Nwa zi fala nɛ kpo do mi, nɛ a hã zi ngawi hã mi. Nɛ we duzu ngawi ni, mi bia Dia Sakoe hã owinɔ kɛ wa zi a Oyuda gɔ ni ia vɛ̃, nɛ wa vɛ wa zila. Nɛ Nwa kpasa zi mi kɔ nu gbɔgbɔ.

1 PETRO 5:8

Li nɛ sɔ̃́, nɛ nɛ tɛ ɔ̀ yala gɔ! We duzu kɛ Satana, wi sɛnɛ nɛ, a yɛnggɛ tɛ fa wele we ba a, ɔ nɛ gbɔgbɔ kɛ a he mɔ, nɛ a yɛnggɛ tɛ fa nyɔngɔmɔ ni.

USU MƐNƆ 12:13

Kɔ 'da fala gba sɔ̃ sa'de nɛa we zɔ na, wa da ɛ dɛ nù nga ia ni, nɛ a ma ngɔ ndaka wuke kɛ a kua be ni.

USU MƐNƆ 12:15

Kɔ wuke ma ngɔ yu nɛ, nɛ gba sɔ̃ sa'de ɔ̃lɔ̃ gba fua lì gbɔngbɔɔ, nɛ a da ma 'dɔkɔlɔ wuke ni na, ma bindi a.

USU MƐNƆ 12:9

Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.

USU MƐNƆ 13:12

Nɛ a dɛ mɛnɔ do ngawi 'da kuti sa'de sɔ ni, nɛ a dɛa ma dɛ dati sa'de ni. Nɛ a ba nu a hã nùi do winɔ ngɔ nùi vɛ́ na, wa dɔnggɔ kuti sa'de, kɛ wa ia dani fie tɛ̃ a, nɛ ma ɛ̃a ni.

USU MƐNƆ 13:4

Nɛ wa dɔnggɔ gba sɔ̃ sa'de sɔ dati ni, we kɛ a hã ngawi 'da a hã mbé wele ki ni ni. Nɛ wa dɔnggɔ 'bɔ mbé sa'de ni tɛ tɔ̃ na: “Wi wia kɔ̃ do sa'de gɛ a wio nde? Wi wia we bi bolo do a a wio nde?”

USU MƐNƆ 16:10

Nɛ mɔlɔ anzɛ sulu ngamɛ kɔ bila kɔ̃ a ni dɛ ngɔ kpongbo nwa 'da sa'de, nɛ gba tũ tũ kɔ le nwa 'da sa'de ni. Nɛ owinɔ wa ma ngɔ nyɔngɔ li gogo wa we ngamɛ ma kpa wa ni.

USU MƐNƆ 17:12

“Nɛ zamba zu a 'bu kɛ mɔ zɔa sɔ ni, mɛ a onwa 'bu, kɛ wa tɛ ndò dɛa to nwa 'da wa gɔ. Nɛ nde wa dɛ sɛ to nwa fala nɛ kpo do sa'de ni we sa kpo.

USU MƐNƆ 19:20

Nɛ wa bi gbaa, nɛ wa ba sa'de ni, nɛ wa ba 'bɔ wi gba olo nu Gale do bɛlɛ, kɛ a dɛ zi gba sɔ̃ mɛnɔ dɛ li sa'de, nɛ ma ɔlɔ winɔ, nɛ wa gɔnɔ zi dã 'da sa'de dati wa, nɛ wa dɔnggɔ hi a ni. Nɛ wa da wa bɔa nɛ do tunu li wa dɛ li gba nyɛa we, kɛ ma nyɛ gile gile ni.

USU MƐNƆ 2:13

Mi ĩ ti fala ɔi 'da nɛ. Nɛ ɔ kɔ le kɛ Satana dungu nwa ngɔ nɛ. Nɛ nɛ 'bana do kɔ̃a we dɛ 'da mi fai, nɛ kàfà mi gɔ. Gɛnɛ kɔ 'da fala wa gbɛa zi temɔɛ 'da mi Antipasi, kɛ a dɛ do nu mi fai ni, nɛ nɛ kàfà zi mi gɔ. Wa gbɛa zi a kɔ le 'da nɛ kɛ Satana dungu nwa ngɔ nɛ ni.

USU MƐNƆ 20:2

Nɛ a ba gba sɔ̃ sa'de, ã gɔ̃ɛ zɛ́ belee kɛ li a a Zabulu tabi Satana ni, nɛ a ɛnzɛ a do dɔkpɛ, takɔ a ɔ do ma we sabɛlɛ koto kpo.