USU MƐNƆ 13:16 - WE NU GALE 1995

¹⁶ Nɛ sa'de ni ba nu ɛ na, wa gɔnɔ dã tɛ ngawili kɔ̃ winɔ do dati wa vɛ, ogã wi do obe wi, owi kpamɔ do owi sã, ongbá do Owele le.

USU MƐNƆ 13:16 Iomraidhean Croise

2 Sakonɔ 15:13

Do 'da fala ni, kɔ be zagbãlã tabi kpasa wi, wi wili tabi wuko kɔ̃̀ we dɛ olo nu NWA Gale 'da obe Israɛlɛ gɔ nde, nɛ wa gbɛ a.

YƆBƆ 34:19

A sí 'do ogã wi gɔ, nɛ a kɔ̃̀ gɛnɛ wi kpamɔ nɛ ngɔ wi sã gɔ. We kɛ wi dɛa winɔ vɛ̃ wi a a.

Zumanɔ 115:13

A wele sɛ nu a tɛ ogele winɔ vɛ̃ kɛ wa dɔnggɔ a ni, gɛnɛ kɔ okpasa wi tabi obe, nɛ a wele sɛ nu a tɛ wa.

Zumanɔ 49:2

Aa nɛ, owinɔ ngɔ nù gɛ vɛ̃, nɛ gɛ́ zala nɛ hã nɛ zélé we gɛ.

Kulu Tɔa 13:9

Nɛ ɛngga ni, ma ɔ sɛ nɛ mɔ kɛ wa ɛnzɛ dɛ tɛ 'baka nɛ, tabi dɛ tɛ zu nɛ na, ma gba ta zu nɛ ngɔ mbula 'da NWA, nɛ nɛ lengge ma fai, we kɛ a fua nɛ ngɔ nù Ezipeto do ngawi 'da a, kɛ ma nɛa ngɔ mɛnɔ vɛ̃ ni.

EZEKIƐLƐ 9:4

nɛ a tɔ̃ hã a na: “Mɔ bá 'da le, nɛ mɔ yɔlɔ mɔ dati owinɔ vɛ̃ kɛ wa dɛ 'bako, nɛ wa he kɔ̃a we duzu gã 'dã mɛnɔ wa zɔ ma kɔ le gɛ ni.”

ZAKARIA 13:6

Na mɛ ni, fala kɛ wele aka wi gba olo nu mi Gale do bɛlɛ ni na: ‘Gulu daninɔ tɛ gbãlã ngu'du mɔ gɛ a ge nde?’ Nɛ a gese sɛ hã wi ni na: ‘Ngba mi wi tɔa hã ia daninɔ ni tɛ mi.’ ”

Owi Nɛ Tonɔ 26:22

Nɛ nde Gale kpasa mi ti kɔ̃ wa gbaa tia do sɔɛ gɛ. Ma kɛ mi tɔ̃ gulu nɛ hã winɔ vɛ, Owi kpamɛnɔ do Owi sãnɔ ni. Nɛ we mi tɔ̃ gɛ, mɛ a kpo kpo wenɔ kɛ Mɔizɛ, do Owi gba olo nu Gale wa tɔ̃a zi na, ma hɔ sɛ ni.

1 KORINTƐ 12:13

Mba gɔ, lɛ vɛ, obe Yuda, do ogele winɔ, ongbánɔ, do wele lenɔ, lɛ kpa zi batisimɔ dɛ kɔ Hi Wi Santo kpo, nɛ lɛ hɔa kili tɛ wele kpo, nɛ ngawi 'da Hi Wi ni ma lia lɛ, nɛ ma dunu kɔ lɛ vɛ.

GALATI 3:28

Na mɛ ni, fo 'bɔ gɔnɔ sanga tɛ ngba wi kɔ nɛ bina. Nɛ ɔ do be Yuda tabi gele wi, ngbá tabi wele le, wi wili tabi wuko, nɛ nde nɛ vɛ nɛ wia kɔ̃, nɛ nɛ hɔa wele kpo kɔ Kristo.

GALATI 6:17

Tala lɛnggɛ 'da mi ma kɛ: Mi kɔ̃̀ na, wele tulu 'bɔ mi gɔ, we kɛ mi do dã 'da Yezu Kristo tɛ mi gɛ boe.

EFƐZƐ 6:8

Mɔ a ngbá tabi mɔ a wele le, nɛ mɔ ĩ na, Nwa a hã sɛ si olo dɛa toe kɛ wele kpo kpo dɛa ni hã a.

Mbulanɔ 11:18

Tɛ nɛ tɛ èlè ngɔ mbulanɔ ni gɔ, nɛ ba ma dɛ kɔ sila nɛ. Nɛ kpo sɛ ma dɛ tɛ zã 'baka nɛ, do tɛ dati nɛ na, da dɛ kɔ tɛ nɛ élé ngɔ nɛ gɔ.

Mbulanɔ 6:8

Mɔ kpo sɛ ma dɛ zã 'baka mɔ do dati mɔ na, da dɛ kɔ tɛ zu mɔ élé ngɔ nɛ gɔ.

KƆLƆSƐ 3:11

Na mɛ ni, nɛ nde mɔ kɛ ma gɔnɔ sanga be Yuda do gele wi, tabi wi nɛ gaza do manda'ba ni bina. Nɛ wi kɛ a yàmbàlà mɔ gɔ, do wi kɛ a ĩ̀ ti mɔ wena gɔ, do ngbá, tabi wele le, wa vɛ wa wia kɔ̃ li Gale iko. We kɛ Kristo ngɔ mɛnɔ vɛ, nɛ a kɔ winɔ 'da a vɛ.

2 TIMOTE 3:8

Owinɔ ni, wa bɛ̃a gɛnɛ gbãlã we 'da Gale ɔ nɛ kɛ zɛ́ dati Yanɛsi do Yambrɛsi wa bɛa zɛ́ we nu Mɔizɛ ni. Hã zã wa dè gɔ, nɛ kɔ̃a we 'da wa ma yala iko.

USU MƐNƆ 11:18

Zã ogele winɔ nɔ̃lɔ̃ zi dɛ tɛ mɔ wena, nɛ nde tũi kɛ mɔ nɛ be do nɔ̃lɔ̃ zã 'da mɔ ni, ma wia ia. Mɛ a tũi kɛ mɔ nɛ 'bili do we 'da ofionɔ. Nɛ mɛ 'bɔ a tũ si do de mɔ hã owi dɛa tonɔ 'da mɔ, kɛ wa gba olo nu mɔ ni, do winɔ 'da mɔ vɛ̃, ogã winɔ do obe winɔ kɛ wa dɔnggɔ mɔ dɔngga ni. Mɛ a tũi kɛ mɔ nɛ kumu do winɔ kɛ wa 'danga zi nùi gɛ ni.”

USU MƐNƆ 15:2

'Do nɛ, nɛ mi zɔa 'bɔ mɔ ɔ nɛ gba lì ni, ma ndele nɛ́ talatala, nɛ ma mba do nyɛa we. Nɛ mi zɔ 'bɔ winɔ kɛ wa nganda zi nɛa ngɔ sa'de, do hi sa'de, do wele kɛ li a bia tɛ̃ ɛ do motuya ni. Wa yula dɛ ngɔ gba lì kɛ ma ndele nɛ́ talatala ni, nɛ wa kala okundunɔ kɛ Gale hã zi hã wa ni,

USU MƐNƆ 19:18

Nɛ tɛ́, nɛ nɛ nyɔngɔ mulu winɔ kɛ wi kũ ngɔ fɛ̃a mbalata nɛ gbɛ wa ni. Nɛ nyɔ́ngɔ́ mulu tɛ Onwanɔ, do onwa ngɔ sodanɔ, do osodanɔ. Nɛ nyɔ́ngɔ́ mulu tɛ ombalatanɔ, do kɛ 'da Owi kũ ngɔ wa, do mulu owinɔ vɛ́, Owele le, ongbá, ogã winɔ, do obe winɔ.”

USU MƐNƆ 19:20

Nɛ wa bi gbaa, nɛ wa ba sa'de ni, nɛ wa ba 'bɔ wi gba olo nu Gale do bɛlɛ, kɛ a dɛ zi gba sɔ̃ mɛnɔ dɛ li sa'de, nɛ ma ɔlɔ winɔ, nɛ wa gɔnɔ zi dã 'da sa'de dati wa, nɛ wa dɔnggɔ hi a ni. Nɛ wa da wa bɔa nɛ do tunu li wa dɛ li gba nyɛa we, kɛ ma nyɛ gile gile ni.

USU MƐNƆ 19:5

Nɛ wala gɛlɛ wele wila tɛ fala do kpongbo nwa ni na: “Nɛ, Owi dɛa tonɔ 'da Gale 'da lɛ vɛ́, ogã winɔ do obe winɔ kɛ nɛ dɛ kili a dɛa ni, nɛ dɔ́nggɔ́ a!”

USU MƐNƆ 20:12

Nɛ mi zɔa ofionɔ vɛ, ogã winɔ do obe winɔ, nɛ nde wa yula dɛ dati kpongbo nwa ni. Nɛ mi zɔ 'bɔ ohũi li 'buku dɛ di ni. Nɛ wa hũi 'bɔ mbé gele 'buku kpo, kɛ Gale kɔma li owinɔ kɛ wa do kpasi kɛ ma é sɛ gɔ ni kɔ nɛ ni. Nɛ Gale 'bili we 'da ofionɔ vɛ, wele do wele do 'da dɛa tonɔ a dɛa zi ma, nɛ wa kɔma ma kɔ 'bukunɔ ni.

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.

USU MƐNƆ 6:15

Nɛ onwanɔ ngɔ nù gɛ, do ogã winɔ, onwa ngɔ sodanɔ, Owi kpamɛnɔ, owi ngawinɔ, do ogele winɔ vɛ, ngbá tabi wele le, wa yu vɛ, nɛ wa usu tɛ wa kɔ tanɔ, do ngɔ okalanɔ.

USU MƐNƆ 7:3

“Nɛ tɛ 'dàngà nùi, do gba lìnɔ do tenɔ do ti gɔ. Nɛ 'bɔ́ hã lɛ gɔnɔ dã dati Owi dɛa tonɔ 'da Gale 'da lɛ do'do sɛ.”