USU MƐNƆ 13:12 - WE NU GALE 1995

¹² Nɛ a dɛ mɛnɔ do ngawi 'da kuti sa'de sɔ ni, nɛ a dɛa ma dɛ dati sa'de ni. Nɛ a ba nu a hã nùi do winɔ ngɔ nùi vɛ́ na, wa dɔnggɔ kuti sa'de, kɛ wa ia dani fie tɛ̃ a, nɛ ma ɛ̃a ni.

USU MƐNƆ 13:12 Iomraidhean Croise

2 TƐSALONIKƐ 2:4

Wi sɛnɛ Gale ni a bɛ̃ sɛ gɛnɛ mɛnɔ vɛ kɛ owele wa sa li nɛ na gale ni, do mɛnɔ vɛ kɛ winɔ wa dɔnggɔ ma ni, nɛ a ba sɛ tɛ a na, ɛ nɛa ngɔ mɛnɔ ni vɛ. Nɛ a nɛ sɛ gbaa we dungu nù kɔ gã tɔa Gale we be tɛ̃ a hã winɔ na, ɛ a Gale ngboo.

USU MƐNƆ 13:2

Sa'de ni wia kɔ̃ do gɔ̃̀, nɛ nyanga a ɔ nɛ nyanga ursi, nɛ nu a ɔ nɛ nu gbɔgbɔ ni. Nɛ gba sɔ̃ sa'de sɔ dati ni hã ngawi 'da a, do dɛa to nwa 'da a hã mbé sa'de ni.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 14:11

Nɛ zɛ we kɛ ma zɛlɛ tɛ wa ni, ma kutu sɛ fai, nɛ ma é sɛ gɔ. Nɛ winɔ kɛ wa dɔngga sa'de, do hi sa'de, do wanɔ kɛ wa gɔna dã 'da a tɛ wa ni, tũ do gba wese, wa ɔ́mɔ́ sɛ tɛ wa fala kpo gɔ.”

USU MƐNƆ 14:9

Nɛ talɛ anzɛ hɔa 'dɔkɔlɔ wanɔ bɔa dati ni, nɛ a he mɔ dɛ ngɔ na: “Wi kɛ a dɔnggɔ sa'de, do hi sa'de, nɛ wa gɔnɔ 'bɔ dã 'da sa'de dati a, tabi tɛ kɔ̃ a ni,

USU MƐNƆ 16:2

Nɛ kuti anzɛ la, nɛ a sulu ngamɛ kɔ bila kɔ̃ a ni dɛ ngɔ nùi. Nɛ gã odani kɛ ma zɛlɛ wena ni, ma te tɛ winɔ, kɛ wa gɔna zi dã 'da sa'de dati wa, nɛ wa dɔnggɔ hi a ni.

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 19:20

Nɛ wa bi gbaa, nɛ wa ba sa'de ni, nɛ wa ba 'bɔ wi gba olo nu Gale do bɛlɛ, kɛ a dɛ zi gba sɔ̃ mɛnɔ dɛ li sa'de, nɛ ma ɔlɔ winɔ, nɛ wa gɔnɔ zi dã 'da sa'de dati wa, nɛ wa dɔnggɔ hi a ni. Nɛ wa da wa bɔa nɛ do tunu li wa dɛ li gba nyɛa we, kɛ ma nyɛ gile gile ni.

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.