USU MƐNƆ 13:10 - WE NU GALE 1995

¹⁰ Wi kɛ ma we na, a la kɔlɔ 'duli, nɛ a la sɛ. Nɛ wi kɛ ma we na, wa gbɛ a do du kɔya, nɛ wa gbɛ sɛ a do du kɔya. Kɔ we duzu ki ni, ma wia na, owinɔ 'da Gale wa kunu sila wa, nɛ wa 'bana do kɔ̃a we dɛ 'da Gale.”

USU MƐNƆ 13:10 Iomraidhean Croise

Ezai 14:2

Ogele winɔ wa gala sɛ obe Israɛlɛ, nɛ wa kã sɛ wa dɛ ngɔ nùi kɛ NWA Gale hã zi ma hã wa ni. Wa hɔ i mɔ, nɛ obe Israɛlɛ wa kala sɛ owinɔ wa gala wa ni do ngbá. Owinɔ wa kala zi obe Israɛlɛ do ngbá ni, obe Israɛlɛ wa kala sɛ wa do ngbá, nɛ wa e sɛ 'bɔ mbula ngɔ winɔ wa ia zi mbula ngɔ wa ni.

Ezai 26:21

NWA hɔa nza kɔ tɔa 'da a, nɛ a tɛ tɛ ma we hã etumbu hã Owi dɛ 'dã mɛnɔ ngɔ nù gɛ. Tɔkɔ tɛ winɔ kɛ ma a zi nù ni, ma be sɛ tɛ̃ ɛ, nɛ wɔlɔnɔ kɛ wa usu zi ma ni, nùi ma fo sɛ ma dɛ nza.

Ezai 33:1

Aa nɛ, owi sɛnɛ lɛ, nɛ kpa sɛ 'bako. Nɛ 'danga mɛnɔ 'da owinɔ 'da lɛ vɛ̃, nɛ nde wele 'dàngà mbe mɔ mɔ nɛ ɔ ni fala kpo gɔ. Nɛ vũ to tɛ wa, nɛ nde wele vũ̀ mbe kuti to tɛ nɛ gɔ. Kɔ nɛ ĩ́ na, fala kɛ nɛ 'danga mɛnɔ vɛ̃ do'do, nɛ Owele wa 'danga sɛ tɛ mɛ 'bɔ mɛnɔ 'da nɛ. Nɛ vũ sɛ to tɛ wa gbaa, nɛ do ndɔti nɛ, Owele wa vũ sɛ tɛ mɛ 'bɔ to tɛ nɛ.

Yeremi 15:2

Kɔ wa aka mɔ na, lo fo tɛ lo, hã lo la dɛ do nde? Nɛ mɔ tɔ̃ hã wa na, mi NWA, mi 'dafa wala kɛ wele do wele nɛ la do ma ni ia. Ombe wa fe sɛ do 'dã zɛlɛ, nɛ ombe wa fe fio bolo. Ombe wa fe sɛ do wɔ, nɛ otala nɛ wa la sɛ kɔlɔ 'duli.

Yeremi 43:11

Nwa Nabukɔdɔnɔzɔrɛ a tɛ sɛ, nɛ a bi nù Ezipeto, nɛ a 'danga ma vɛ̃. Nɛ kɔ Oezipeto, ombe wa fe sɛ fio tɔa, nɛ ombe nɛ wa la sɛ kɔlɔ 'duli, nɛ ombe nɛ wa fe sɛ fio bolo.

ALA NU 3:26

Ma dia fɛ̃ na, lɛ ɔ do du sila, nɛ lɛ 'bɔ 'da NWA na, a tɛ we kpasa lɛ.

HABAKUKƐ 2:3

Wenɔ ni ma dɛ́ sɛ tɛ̃ ɛ da dɔ̃ gɛ gɔ, nɛ nde kɔ̃ tũ nɛ ma tɛ kɔlɔ nɛ. Gɛnɛ kɔ ma dɛ̃ tɛ̃ ɛ ngangga gɛ gɔ, nɛ mɔ kunu sila mɔ kpa. Wenɔ mi nɛ tɔ̃ ma ni, ma dɛ sɛ tɛ̃ ɛ do ngbongbo nɛ, wele dísí sɛ ma gɔ.

MATIE 26:52

Nɛ Yezu tɔ̃ hã a na: “Mɔ yúlú kɔya 'da mɔ dɛ li foko nɛ, we kɛ winɔ vɛ̃ kɛ wa e kɔya tɛ ngba wa ni, wa fe sɛ fio kɔya.

MATIE 7:2

We kɛ Gale a 'bili sɛ we 'da nɛ kpasaa ɔ nɛ kɛ nɛ 'bili do wenɔ 'da ngba nɛ ni. Mɛ nɛ we do mɔ hã ngba nɛ ni, Gale a we sɛ tɛ mɛ 'bɔ do mɔ hã nɛ.

LUKA 21:19

Kɔ sila nɛ nɔ tɛ kɔ̃a we 'da nɛ, nɛ Gale a kpasa sɛ nɛ.

KƆLƆSƐ 1:11

Lɛ aka Gale na, a kpãlã sila nɛ do ngawi 'da a kɛ ma do dɔ̃lɔ̃ li wena ni, takɔ nɛ ɔ do nɔa sila, nɛ nɛ ĩ ti kunu sila nɛ kɔ ngamɛnɔ vɛ̃.

OHEBRE 6:12

Lɛ kɔ̃̀ na, nɛ mbɔkɔ hã nɛ la fala nɛ gɔ. Nɛ nde nɛ dɛ mɔ tɛ nɛ ɔ nɛ kɛ 'da winɔ wa kɔ̃ zu li Gale, nɛ wa kunu sila wa gbaa, nɛ wa kpa mɛnɔ kɛ Gale kpua zi mbulu nɛ hã wa ni.

USU MƐNƆ 1:9

Wi a mi nya nɛ Yoanɛ, kɛ lɛ mba do nɛ kpo dɛ kɔ Yezu ni. Lɛ tɛ kpa zɛlɛ tɛ do nɛ, nɛ lɛ tɛ kunu sila lɛ, nɛ lɛ do nɛ a wele le nwa 'da Gale. Wa ba zi mi do bɔlɔkɔ, nɛ wa tumba mi dɛ kɔ ngolo lì Patmosi, we kɛ mi bia we nu Gale, kɛ Yezu Kristo tɔ̃a gulu nɛ hã lɛ ni.

USU MƐNƆ 11:18

Zã ogele winɔ nɔ̃lɔ̃ zi dɛ tɛ mɔ wena, nɛ nde tũi kɛ mɔ nɛ be do nɔ̃lɔ̃ zã 'da mɔ ni, ma wia ia. Mɛ a tũi kɛ mɔ nɛ 'bili do we 'da ofionɔ. Nɛ mɛ 'bɔ a tũ si do de mɔ hã owi dɛa tonɔ 'da mɔ, kɛ wa gba olo nu mɔ ni, do winɔ 'da mɔ vɛ̃, ogã winɔ do obe winɔ kɛ wa dɔnggɔ mɔ dɔngga ni. Mɛ a tũi kɛ mɔ nɛ kumu do winɔ kɛ wa 'danga zi nùi gɛ ni.”

USU MƐNƆ 14:12

We duzu ki ni, ma wia na, owinɔ 'da Gale kɛ wa dɛ mbulanɔ 'da a, nɛ wa do kɔ̃a we dɛ 'da Kristo ni, wa ɔ do du sila.

USU MƐNƆ 16:6

Mba gɔ, owinɔ ni, wa a zi tɔkɔ tɛ winɔ 'da mɔ, do owi gba olo nu mɔ nù. Kɔ ngangga ni, mɔ hã tɛ mɛ 'bɔ tɔkɔ hã wa na, wa nɔ, nɛ ma wia olo li 'dã mɛnɔ 'da wa.”

USU MƐNƆ 17:11

Nɛ sa'de kɛ a zi do tunu li a, nɛ ngangga ni a 'bɔ bina ni, a ngboo hã a nɛ dungu sɛ nwa kɛ ngbɛ'dɛ'dɛ. Nɛ nde a sanga Onwanɔ sambo dati ni, kɔ a nɛ la dɛ fala wa gbɛ sɛ do a ni.

USU MƐNƆ 17:8

Sa'de kɛ mɔ zɔa a ni, a zi do tunu li a, kɔ ngangga ni a 'bɔ bina. Nɛ nde ma 'bana bi sĩ, nɛ a hɔ sɛ nza kɔ gba 'du kɔ̃ɛ, takɔ a la dɛ fala wa nɛ gbɛ do a ni. Nɛ winɔ ngɔ nù gɛ, kɛ 'da fala Gale ndua zɛ́ nyanga dɛ mɛnɔ, nɛ a kɔ̀mɔ̀ zɛ́ li wa kɔ 'Buku Kpasi gɔ ni, wa ɔngbɔ sɛ wena we zɔ sa'de ni, we kɛ a zi do tunu li a, kɔ ngangga ni a 'bɔ bina, nɛ a hɔ sɛ 'bɔ mbé nɛ ni.

USU MƐNƆ 2:19

Mi ĩ ti dɛa mɔ tɛ nɛ vɛ̃. Nɛ mi ĩ na, nɛ do kɔ̃a zã wena, nɛ nɛ 'bana do kɔ̃a we dɛ 'da mi. Nɛ mi ĩ ti tɛlɛ tɛ kɛ nɛ hã tɛ nɛ we dɛ to hã mi do kpã sila ni. Nɛ mi ĩ 'bɔ na, tonɔ nɛ dɛ ma ngangga gɛ, ma gã nɛa ngɔ kɛnɔ zi dati ni.

USU MƐNƆ 2:2

Mi ĩ ti dɛa mɔ tɛ nɛ vɛ, nɛ mi ĩ ti ngamɛ kɛ nɛ kpa ma, do tɛlɛ tɛ kɛ nɛ kunu do sila nɛ ni. Mi ĩ na, nɛ kɔ̃̀ na, o'dã winɔ wa 'bana dɛ sanga nɛ ni gɔ, nɛ nɛ yamba zi sila owinɔ kɛ wa tɔ̃ na, lo a owi nɛ tonɔ 'da Gale ni, nɛ nɛ kpa na, wa a wi 'bili bɛlɛ.

USU MƐNƆ 3:10

Kɔ we duzu kɛ nɛ dɛa olo nu mi, nɛ nɛ kunu sila nɛ ni, mi fɔmɔ sɛ tɛ mɛ 'bɔ nɛ 'da fala ngamɛnɔ ma kpa sɛ winɔ ngɔ nùi gɛ vɛ̃, we yamba sila wa ni.

USU MƐNƆ 3:3

Kɔ ta zu nɛ gbá ngɔ wenɔ kɛ wa bia zi ma hã nɛ, nɛ nɛ kɔ̃a gɛnɛ nɛ ni. Nɛ dɛ́ mbula nɛ, nɛ nɛ kífí sila nɛ. Nɛ dɛ̀ ní gɔ, nɛ mi gbanga sɛ nɛ ɔ nɛ wi zũ ni, nɛ nɛ ĩ́ sɛ ti ngba soe mi nɛ hɔ nɛ ni gɔ.