USU MƐNƆ 13:1 - WE NU GALE 1995

¹ 'Do ki ni, kɔ mi nɛ ka mɔ, nɛ mi zɔ sa'de kpo, a yula 'dɔ gba lì, kɔ a tɛ hɔ nza. Zu a sambo, nɛ zamba zu a 'bu, nɛ wa gu ndasa nwa ngɔ zamba zu a ni kpo kpo vɛ, nɛ wa kɔma 'dã li tɛ ozu a ni kpo kpo vɛ, we dã zu li Gale.

USU MƐNƆ 13:1 Iomraidhean Croise

Yeremi 5:22

Mi a NWA 'da nɛ, kɔ gulu kɛ nɛ dɔ́nggɔ́ mi gɔ we ge nde? Gulu kɛ nɛ táná kili dati mi gɔ we ge nde? Mi a mi ngɛmɛ zi kɛnzɛ dɛ nu lì, takɔ ma ɔ do ngbala we gba lì, nɛ ngbala ni, ma ɔ sɛ fai. Gba lì wè we kũ ngɔ nɛ gɔ. Gɛnɛ kɔ ma yaka tɛ̃ ɛ wena, nɛ nde ma kṹ sɛ 'do nɛ gɔ. Nɛ Ongele lìnɔ ma wia we bũlũ dɛ ngɔ wena, nɛ nde ma lá sɛ ngɔ nɛ gɔ.

DANIƐLƐ 11:36

“Nwa ngɔ nù Siri a dɛ sɛ mɛ ma dia tɛ̃ a ni vɛ̃. Zu a ma gã sɛ wena, nɛ a ba sɛ tɛ̃ a na, ɛ nɛa ngɔ ogalenɔ vɛ̃. A tɔ̃ sɛ 'dã we hã Gale kɛ a do nganda vɛ̃. Nɛ a dɛ sɛ ni gbaa we hɔ 'da fala kɛ Gale nɛ hã do etumbui hã a, ɔ nɛ kɛ a handa zi we dɛ ma ni.

DANIƐLƐ 2:41

“Mɔ zɔa 'bɔ na, wa dɛa tambala nyanga kpikima, do zu nyanga nɛ do nù, mba do mɔ bolo. Gulu nɛ na, nùi ma kɛ̃ sɛ sanga tɛ ngbɛ ɛ. Kɛ nùi ma mba do mɔ bole ni, ma be na, nùi ni ma 'bana sɛ do be ngawi sĩ.

USU MƐNƆ 11:7

Kɔ bia wenɔ 'da wa e do'do, nɛ gba sɔ̃ sa'de a yolo sɛ kɔ gba 'du kɔ̃ɛ, nɛ a hɔ nza we bi do wa. A nganda sɛ nɛ ngɔ wa, nɛ a gbɛ sɛ wa.

USU MƐNƆ 12:3

Nɛ mbe gele gba sɔ̃ mɔ hɔa 'bɔ li nza i. Mɛ a gba sɔ̃ sa'de, a gã wena, tɛ̃ a fila kpangbangba, nɛ zu a sambo, nɛ zamba zu a 'bu. Nɛ a gu ndasa nwa zu a sambo ni kpo kpo vɛ.

USU MƐNƆ 13:11

Nɛ 'do ki ni, kɔ mi nɛ ka mɔ, nɛ mi zɔ 'bɔ mbe gele sa'de kpo, a yula ti nù, kɔ a tɛ hɔ nza. A do zamba zu a bɔa, ma ɔ nɛ zamba zu be bata ni, nɛ a wele we ɔ nɛ gba sɔ̃ sa'de ni.

USU MƐNƆ 13:14

Nɛ a ɔlɔ owinɔ ngɔ nù gɛ do gba sɔ̃ mɛnɔ, kɛ wa hã wala hã a we dɛ ma dɛ li kuti sa'de sɔ ni. Nɛ a ba nu a hã winɔ na, wa dɛ hi sa'de kɛ wa dumu zi a do du kɔya na a fe, nɛ a fè gɔɛ ni, hã wa dɔnggɔ ma.

USU MƐNƆ 13:15

Nɛ wa hã 'bɔ ngawi hã bɔa sa'de na, a ufu bũ kpasi dɛ kɔ hi kuti sa'de, takɔ a wele we, nɛ a gbɛ owinɔ vɛ kɛ wa kɔ̃̀ we dɔnggɔ a gɔ ni.

USU MƐNƆ 15:2

'Do nɛ, nɛ mi zɔa 'bɔ mɔ ɔ nɛ gba lì ni, ma ndele nɛ́ talatala, nɛ ma mba do nyɛa we. Nɛ mi zɔ 'bɔ winɔ kɛ wa nganda zi nɛa ngɔ sa'de, do hi sa'de, do wele kɛ li a bia tɛ̃ ɛ do motuya ni. Wa yula dɛ ngɔ gba lì kɛ ma ndele nɛ́ talatala ni, nɛ wa kala okundunɔ kɛ Gale hã zi hã wa ni,

USU MƐNƆ 16:13

Nɛ 'do nɛ, nɛ mi zɔ o'dã hi wi talɛ, wa ɔ nɛ odalɛ ni, wa hɔa nza kɔ nu gba sɔ̃ sa'de, do kɔ nu sa'de sɔ dati ni, do kɔ nu wi gba do nu Gale do bɛlɛ.

USU MƐNƆ 17:16

Nɛ zamba zu sa'de 'bu, do sa'de kɛ mɔ zɔa ni, wa sɛnɛ sɛ wuko ndumba, nɛ wa kala mɛnɔ kɔ̃ a vɛ, nɛ wa la a do kũlĩ tɛ a iko. Nɛ wa nyɔngɔ sɛ mulu tɛ a, nɛ wa dɔ a do we.

USU MƐNƆ 17:3

Nɛ Hi Wi 'da Gale lia kɔ mi, nɛ anzɛ la do mi gbaa dɛ li gba zɔ̃ i. Nɛ mi zɔ mbe wuko i mɔ, nɛ nde a dungu ngɔ gba sɔ̃ fila sa'de. Nɛ wa kɔma o'dã li kpa do tɛ sa'de ni vɛ̃, we dã do Gale. Sa'de ni do zu a sambo, nɛ zamba zu a 'bu.

USU MƐNƆ 17:5

Nɛ wa kɔma li kpo dati a, nɛ gulu li ni usu tɛ̃ ɛ usu. Li ni a: “Gã le Babilɔnɛ, naa vĩ zu yɛli do sɔkpɔ mɔ sapenɔ ngɔ nù gɛ vɛ.”

USU MƐNƆ 19:19

Nɛ mi zɔ sa'de ni, do Onwanɔ ngɔ nù gɛ, fala nɛ kpo do osodanɔ 'da wa vɛ, wa mba li ngba wa we bi bolo do wi kɛ a kũ ngɔ fɛ̃a mbalata ni do osodanɔ 'da a.