USU MƐNƆ 12:9 - WE NU GALE 1995

⁹ Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.

USU MƐNƆ 12:9 Iomraidhean Croise

Ndo Nyanga Dɛ Mɔ 3:1

Zɛ dati, gɔ nɛa ngɔ osa'denɔ vɛ kɛ NWA Gale dɛa wa zamɔ gɛ ni do 'dã hã. Nɛ mbe 'da fala kpo, nɛ gɔ aka wuke na: “Gale bɛ̃a na, nɛ tɛ nyɔ̀ngɔ̀ wala tenɔ kɔ fɔ gɛ gɔ gbãlã we nde?”

Ndo Nyanga Dɛ Mɔ 3:13

Nɛ NWA Gale aka wuke na: “Gulu kɛ mɔ dɛa ni we ge nde?” Nɛ wuke gese na: “Gɔ ɔlɔ mi, ma hã mi nyɔngɔ wala te ni.”

1 Sakonɔ 21:1

Mbe ngba soe kpo, nɛ Satana kɔ̃a zi we hã ngamɔ hã obe Israɛlɛ. Nɛ a e linggamɔ kɔ sila nwa Davidi na, a tɔlɔ obe Israɛlɛ vɛ̃.

2 Sakonɔ 18:21

Nɛ a gese na: ‘Mi nɛ sɛ, nɛ mi dɛ na, Owi gba olo nu Gale vɛ̃ wa 'bili bɛlɛ hã Akabɛ.’ Nɛ nwa gese hã a na: ‘Ki ni a dia wala we ɔkɔlɔ a. Mɔ nɛ́, nɛ mɔ dɛ́ na mɛ ni!’ ”

Zumanɔ 109:6

Wa tɔ̃ dɛ ngɔ mi na: “E kɔ wa da a, nɛ wa tɔ̃ bɛlɛ dɛ ngɔ a!

Ezai 14:12

“Mɔ, nwa ngɔ nù Babilonia, mɔ to zi ɔ nɛ gbandolo ni, kɔ mɔ tia 'bɔ nù we ge nde? Mɔ kɛ mɔ bi zi ogele winɔ, nɛ mɔ nɛ ngɔ wa, mɔ tia wá nù kpaa ia.

Ezai 27:1

Do ngba soe ni, NWA Gale a ba sɛ du kɔya 'da a, kɛ ma nganda wena, nɛ nu nɛ tɔ̃a wena ni. Nɛ a gbɛ sɛ gba sɔ̃ sa'de li a Leviatanɛ, do gba sɔ̃ gɔ̃ɛ kɛ a gu wena, do gba sɔ̃ sa'de kɛ a ɔ 'dɔ lì 'di ni.

Ezai 65:25

Ogbokologboe do obe bata wa nyɔngɔ sɛ wɔkɔsɔ fala nɛ kpo, nɛ gbɔgbɔ a nyɔngɔ sɛ wɔkɔsɔ ɔ nɛ ngɔmbɔ ni, nɛ gɔ̃̀ a nyɔngɔ sɛ nù iko, a gbɛ́ sɛ 'bɔ wele gɔ. Tɛ ngɔ kala santo 'da mi vɛ̃, wa dɛ́ sɛ 'bɔ 'dã mɔ gɔ, nɛ wa 'dángá sɛ 'bɔ mɔ i mɔ gɔ.”

EZEKIƐLƐ 28:16

Mɔ zi tɛ be gole, nɛ ma gã zi gã fai, nɛ ma ka mɔ dɛ li wala dɛ 'dã mɔ, nɛ mɔ hɔa wi dɛ ngatɛ. Mi zɔa na mɛ ni, nɛ mi ndaka mɔ tɛ ngɔ kala santo 'da mi do'do. Nɛ anzɛ kɛ a zɔ mɔ tɛ mɔ ni, ndaka mɔ nyɛlɛ do tanɔ ma to zoko zoko ni.

MATIE 13:39

Nɛ wi sɛnɛ mi, kɛ a mi 'dã wɔkɔsɛ ni, wi a Satana. 'Da fala kala kpalɛnɔ li fɔɛ ni, mɛ a ndɔti nùi, nɛ owi kala kpalɛnɔ, wi a oanzɛnɔ.

MATIE 24:24

We duzu kɛ ombe wele wa hɔ sɛ, nɛ wa dɛ ogã ɔngbamɔ do ogba sɔ̃ mɔ we ɔkɔlɔ winɔ na, lo a Mɛsiya, tabi lo a Owi gba olo nu Gale. Nɛ mbe gɔ, hã ma we, nɛ wa ɔlɔ sɛ winɔ kɛ Gale saka wa ni.

MATIE 25:41

“Nɛ 'do nɛ, nɛ mi tɔ̃ sɛ hã wanɔ si ngɔ gale kɔ̃ mi ni na: ‘Nɛ fó tɛ nɛ li mi do'do, we kɛ Gale fɔmbɔ nɛ fɔmba! Nɛ lá dɛ li gba nyɛa we kɛ ma bí gɔ, nɛ Gale dɛa zɛ́ ma we Satana, fala nɛ kpo do oanzɛnɔ 'da a ni!

MATIE 4:1

Nɛ Hi Wi Santo kã Yezu dɛ li gba zɔ̃ i, takɔ Satana yamba sila a.

MATIE 4:10

Nɛ Yezu gese hã a na: “Mɔ fó tɛ mɔ, Satana! Wa kɔma kɔ 'Buki na: ‘Mɔ dɔnggɔ sɛ Nwa Gale 'da mɔ, nɛ mɔ sambala tati a a zu a kpo.’ ”

MATIE 4:5

Nɛ Satana ba a, nɛ a la do a dɛ kɔ le Yeruzalɛmɛ, nɛ a e a gbogbo zu tɔa Tɛmpɛlo i,

MATIE 4:8

Nɛ Satana ba 'bɔ a, nɛ a e a tɛ ngɔ 'bɛ̃lɛ̃ zu kala, nɛ a be lenɔ ngɔ nù gɛ, do dɔ̃lɔ̃ li 'da ma vɛ̃ hã a,

LUKA 10:18

Nɛ Yezu gese hã wa na: “Mi zɔa zi Satana, nɛ nde a yula li nza i, kɔ a tɛ te dɛ nù nga ɔ nɛ nyɛa li kolo ni.

LUKA 13:16

Kɔ wuke gɛ, kɛ a a be zã Abrahama, nɛ Satana ɛnza a, nɛ a ɔa do zɛlɛ gbaa sabɛlɛ 'bu ngɔ nɛ ngbɛ'dɛ'dɛ gɛ, nɛ mi wè tɛ kpasa a do tũ ɔmɔ tɛ wi gɔ nde?”

LUKA 22:3

Nɛ Satana lia kɔ Yudasi Iskariɔtɛ, mbe sanga Owi yambala mɛnɔ 'da Yezu 'bu ngɔ wa bɔa ni.

LUKA 22:31

Nɛ 'do nɛ, nɛ Yezu tɔ̃ hã Petro na: “Simɔ, Simɔ, mɔ ĩ́ na, Satana kpa ngawi, takɔ a pɛpɛ nɛ, ɔ nɛ kɛ wa pɛpɛ do gbãlã mɔ, we gɔnɔ sanga kɔa kɛ do gbãlã kɛ ni.

LUKA 8:12

Nɛ nde owinɔ kɛ wa ɔ nɛ li wala kɛ mbe kpalɛ ala tɛ nɛ ni, wi a wanɔ kɛ Dia Sakoe gbo zala wa nɛ́, nɛ Satana tɛ, nɛ a fo ma kɔ sila wa do'do na, dɔ wa kɔ̃́, kɔ Gale kpasa wa gɔ ni.

YOANƐ 12:31

Ngangga ni, Gale nɛ 'bili we 'da winɔ ngɔ nù gɛ, nɛ a ndaka sɛ Satana, nwa ngɔ nùi gɛ do'do.

YOANƐ 14:30

Mi wélé sɛ 'bɔ mbé we hã nɛ wena gɔ, we kɛ Satana, nwa ngɔ nùi gɛ tɛ tɛ nɛ. Nɛ nde a do ngawi kpo ngɔ gɛlɛ mi bina.

YOANƐ 16:11

Wa ĩ̀ ti gulu 'bili we 'da Gale gɔ, we kɛ Gale 'bili we 'da Satana, nwa ngɔ nùi gɛ ia.

YOANƐ 8:44

Baa nɛ, wi a Satana, nɛ nɛ kɔ̃a we dɛ mɛnɔ kɛ zã Satana kɔ̃a ni. Zɛ́ belee, a a wi gbɛ wi fai, nɛ a kɔ̃̀ mbe gɛnɛ gbãlã we fala kpo gɔ, we kɛ fo gbãlã we kɔ a bina. Kɔ fala kɛ a 'bili bɛlɛnɔ, nɛ nde mɛ a tɛlɛ tɛ̃ a hã ni, we kɛ a a wele bɛlɛ. Bɛlɛnɔ vɛ̃ yula kɔ a.

Owi Nɛ Tonɔ 26:18

Mi tombo mɔ, takɔ mɔ hũi li winɔ na, wa hɔ nza kɔ tũ fala, kɔ wa le kɔ sa fala. Mɔ fo sɛ winɔ kɔ ngawi 'da Satana, nɛ mɔ kã wa dɛ 'da Gale, nɛ wa kɔ̃ zu li mi Yezu. Nɛ Gale a fo sɛ ku'da 'dã mɛnɔ zu wa, nɛ a a wa sanga owinɔ 'da a.’

Owi Nɛ Tonɔ 5:3

Nɛ Petro tɔ̃ hã Ananiasi na: “Ananiasi, gulu kɛ Satana 'danga sila mɔ, nɛ mɔ 'bili bɛlɛ hã Hi Wi Santo, nɛ mɔ usu mbe nu mbili fɔɛ kɔ tɔa 'da mɔ i, nɛ mɔ tɔ̃ na, mbili fɔɛ 'da mɔ vɛ hã ni we ge nde?

ROMA 16:18

We duzu kɛ winɔ ni, wa dɛ́ a toe 'da Nwa 'da lɛ Kristo gɔ, nɛ nde wa fa tati a wala kpasi 'da wa wele nɛ iko. Wa ɔlɔ owinɔ do ɛ̃fɛ̃ lɛnggɛ, nɛ wa tɔ̃ ogba du lɛnggɛ we vĩ do zu winɔ kɛ wa ĩ̀ ti mɔ ngboo gɔ ni.

ROMA 16:20

Gale, wele gɛa sila kɔlɔ fala gbɛ ngawi 'da Satana ia, nɛ a e sɛ a do ti nyanga nɛ. E kɔ dia zã 'da Nwa 'da lɛ Yezu ma 'bana do nɛ vɛ!

2 KORINTƐ 11:14

Nɛ mɛ a mɔ ɔ ɔngba gɔ, we kɛ gɛnɛ kɔ Satana ngboo, a wia we kifi tɛ a, nɛ a ɔ nɛ anzɛ kɛ a do yele ngbala ni.

2 KORINTƐ 11:3

Nɛ mi do kili na, da dɛ kɔ hã zã 'da nɛ 'dángá, ɔ nɛ kɛ gɔ̃ɛ dɛa zɛ́ 'dã hã zã, nɛ a 'danga do hã zã 'da Eva ni gɔ, dɔ nɛ lá fala gã kɔ̃a zã 'da nɛ dɛ 'da Kristo gɔ.

2 KORINTƐ 12:7

Omɛnɔ kɛ Gale bia hã mi ni, mɛ a mɔ ɔ ɔngba, nɛ ma wia sɔ we hã gã zu hã mi. Nɛ nde Gale hã zɛlɛ hã mi na, dɔ mi hɔ́ wi gã zu gɔ. Nɛ zɛlɛ ni ma zɛlɛ mi ɔ nɛ wa dumu mi do tɛ́ ni. Nɛ ma ɔ nɛ wi nɛ to 'da Satana zɛ mi zɛa fai na, da dɛ kɔ mi dɛ́ gã zu gɔ ni.

2 KORINTƐ 2:11

dɔ lɛ hã́ wala hã Satana, kɔ a nɛ ngɔ lɛ gɔ. We duzu kɛ lɛ yɔ̀ ti linggamɔ zu Satana gɔ.

2 KORINTƐ 4:4

Owinɔ ni wa kɔ̃̀ zu li Gale gɔ, we kɛ 'dã gale ngɔ nùi gɛ, a bi gbãlã zã wa do'do. A dɛa na, dɔ wa zɔ́ tɛlɛ tɛ kɛ Dia Sakoe yele ngɔ nùi gɛ, nɛ ma be dɔ̃lɔ̃ li 'da Kristo, kɛ a ba tɛlɛ tɛ Gale ngboo ni gɔ.

EFƐZƐ 4:14

Nɛ lɛ sɛ 'bɔ a obe kɔ kɔ̃a we do kɛ na, Owi be gele wenɔ wa yɛkɛ lɛ nɛ́ kɛ bũ ba ga, nɛ ma la do ma mba mba ni gɔ. Ma dɛ tɛ ɛ ni do 'da fala Owi 'dã hãnɔ wa ɔlɔ winɔ do bia we bɛlɛnɔ 'da wa ni.

2 TƐSALONIKƐ 2:3

Da dɛ kɔ wele ɔlɔ nɛ do gele we gɔ. Mba gɔ, dati kɛ na kɔ̃ tũi ni ma we, nɛ Owele wena wa bé sɛ gɛnɛ Gale, nɛ Wi 'danga mbula 'da Gale a be sɛ tɛ a nza. A a wi kɛ Gale a gbɛ sɛ a do ndɔti nɛ.

1 TIMOTE 2:14

Nɛ wi kɛ Satana ɔlɔ zi a dati, wi a Adamu gɔ, nɛ nde a ɔlɔ zi wuko, nɛ wuke tia kɔ 'dã mɔ.

2 TIMOTE 3:13

Nɛ o'dã winɔ do Owi ɔlɔ winɔ, 'dã mɛ 'da wa ma gã sɛ dɛ dati fai. Wa ɔlɔ sɛ winɔ, nɛ Owele wa ɔlɔ sɛ tɛ mɛ 'bɔ wa.

OHEBRE 2:14

Nɛ ɔ nɛ kɛ benɔ ni wa a Owi kili tɛ wi nù ni, ma kɛ Yezu hɔa zi tɛ 'bɔ wele nɛ́ wa ni, takɔ a fe, nɛ a nɛ ngɔ Satana kɛ a do ngawi we gbɛ winɔ ni.

1 PETRO 5:8

Li nɛ sɔ̃́, nɛ nɛ tɛ ɔ̀ yala gɔ! We duzu kɛ Satana, wi sɛnɛ nɛ, a yɛnggɛ tɛ fa wele we ba a, ɔ nɛ gbɔgbɔ kɛ a he mɔ, nɛ a yɛnggɛ tɛ fa nyɔngɔmɔ ni.

1 YOANƐ 5:19

Lɛ ĩ na, lɛ a benɔ 'da Gale, nɛ tala winɔ nù gɛ vɛ, wa 'bana ti ngawi 'da Satana.

YUDA 1:9

Gɛnɛ kɔ Mikaɛlɛ ngboo, kɛ a a nwa ngɔ oanzɛnɔ vɛ̃ ni, nɛ nde a dã̀ zi Satana gɔ. 'Da fala kɛ Mikaɛlɛ wɛlɛ zɛ́ zu wɔlɔ Mɔizɛ do Satana ni, nɛ a bà zɛ́ tɛ̃ dɛ ngɔ gɔ, nɛ a tɔ̃ zɛ́ 'dã we hã Satana gɔ. Nɛ nde a tɔ̃a zɛ́ hã a na: “E kɔ Nwa Gale do tɛ̃ a a hã etumbu hã mɔ!”

USU MƐNƆ 12:12

Kɔ we duzu ki ni, ma wia na li nza, do nɛ owinɔ kɔ nɛ vɛ́, nɛ dɛ yangga! Nɛ nde 'bako do nùi do gba lì! Mba gɔ, Satana zĩlĩ dɛ i mɔ, nɛ sila a dunu do mãlã, we kɛ a ĩ na, ngba soe 'da ɛ 'bànà gã gɔ.”

USU MƐNƆ 12:3

Nɛ mbe gele gba sɔ̃ mɔ hɔa 'bɔ li nza i. Mɛ a gba sɔ̃ sa'de, a gã wena, tɛ̃ a fila kpangbangba, nɛ zu a sambo, nɛ zamba zu a 'bu. Nɛ a gu ndasa nwa zu a sambo ni kpo kpo vɛ.

USU MƐNƆ 12:7

Nɛ bolo tia li nza i. Wi a anzɛ Mikaɛlɛ do oanzɛnɔ 'da a hã wa bi ngba wa do gba sɔ̃ sa'de ni do oanzɛnɔ 'da a.

USU MƐNƆ 12:8

Wa bi gbaa, nɛ gba sɔ̃ sa'de do anzɛnɔ 'da a wa tia li bole, nɛ fala do kɛ na wa 'bana 'bɔ li nza i ni bina.

USU MƐNƆ 13:14

Nɛ a ɔlɔ owinɔ ngɔ nù gɛ do gba sɔ̃ mɛnɔ, kɛ wa hã wala hã a we dɛ ma dɛ li kuti sa'de sɔ ni. Nɛ a ba nu a hã winɔ na, wa dɛ hi sa'de kɛ wa dumu zi a do du kɔya na a fe, nɛ a fè gɔɛ ni, hã wa dɔnggɔ ma.

USU MƐNƆ 16:14

Wa a o'dã hi winɔ kɛ wa yula 'da Satana, nɛ wa do ngawi we dɛ ogba sɔ̃ mɔ. Nɛ wa nɛa 'da Onwanɔ ngɔ nù gɛ vɛ, takɔ wa mba li wa, we bi bolo do li gã ngba soe 'da Gale, kɛ a do nganda vɛ ni.

USU MƐNƆ 18:2

Nɛ a hia mɔ nganda wena na: “Gã le Babilɔnɛ tia! Ma tia ia! Di ngangga ni, ma hɔa le 'da ozabulunɔ. Mɛ a fala na 'dã hi winɔ kpi do kpi wa usu do tɛ wa. Onɔɛ ndi kpi do kpi, kɛ owinɔ wa kɔ̃̀ wa gɔ ni wa ɔ dɛ di ni.

USU MƐNƆ 18:23

Nyɛa we mwinda nyɛ́ sɛ 'bɔ kɔ nɛ gɔ, nɛ gɛlɛ wi ba wuko, do wuko ba wili, ma wélé sɛ 'bɔ kɔ le gɛ gɔ. We kɛ zi dati, Owi be golenɔ kɔ le gɛ, wa nɛa zi ngɔ winɔ ngɔ nù gɛ vɛ́ do ngawi, nɛ le gɛ ɔlɔ zi nu fɛlɛ kulanɔ vɛ do dɛa mɔ sɔ̃nɔ 'da a.”

USU MƐNƆ 19:20

Nɛ wa bi gbaa, nɛ wa ba sa'de ni, nɛ wa ba 'bɔ wi gba olo nu Gale do bɛlɛ, kɛ a dɛ zi gba sɔ̃ mɛnɔ dɛ li sa'de, nɛ ma ɔlɔ winɔ, nɛ wa gɔnɔ zi dã 'da sa'de dati wa, nɛ wa dɔnggɔ hi a ni. Nɛ wa da wa bɔa nɛ do tunu li wa dɛ li gba nyɛa we, kɛ ma nyɛ gile gile ni.

USU MƐNƆ 2:13

Mi ĩ ti fala ɔi 'da nɛ. Nɛ ɔ kɔ le kɛ Satana dungu nwa ngɔ nɛ. Nɛ nɛ 'bana do kɔ̃a we dɛ 'da mi fai, nɛ kàfà mi gɔ. Gɛnɛ kɔ 'da fala wa gbɛa zi temɔɛ 'da mi Antipasi, kɛ a dɛ do nu mi fai ni, nɛ nɛ kàfà zi mi gɔ. Wa gbɛa zi a kɔ le 'da nɛ kɛ Satana dungu nwa ngɔ nɛ ni.

USU MƐNƆ 2:24

“Nɛ nde we nɛ, Owi Kristonɔ tɛ Tiatirɛ, kɛ nɛ kɔ̃̀ gɛnɛ 'dã bia we ni gɔ, nɛ nɛ ĩ̀ ti gulu mɛnɔ wa sa li nɛ na ‘'du gulu usu wenɔ 'da Satana’ gɔ ni, mi tɔ̃ hã nɛ na, mi é sɛ 'bɔ mbé tole dɛ ngɔ kɛ zu nɛ ni gɔ.

USU MƐNƆ 2:9

Mi ĩ ti ngamɛ nɛ kpa ni, nɛ mi ĩ 'bɔ ti sã 'da nɛ. Nɛ nde nɛ ĩ́ na, nɛ a wi kpamɔ. Mi ĩ ti 'dã wenɔ kɛ ombe winɔ wa tɔ̃ do zu li nɛ ni. Wa na, lo a Oyuda, nɛ nde wa a Oyuda gɔ, wa a winɔ 'da Satana.

USU MƐNƆ 20:10

Nɛ wa ba Satana, kɛ a ɔlɔ wa ni, nɛ wa da a li gba nyɛa we, kɛ ma nyɛ gile gile ni. Mɛ a fala kɛ wa da zi 'bɔ do sa'de, do wi gba do nu Gale do bɛlɛ tɛ nɛ ni. I mɔ ni, wa zɔ sɛ ngamɔ tũ do gba wese kɔ sabɛlɛ do sabɛlɛ.

USU MƐNƆ 20:8

Nɛ a la sɛ 'bɔ we ɔlɔ owinɔ, kɛ wa pɛsɛ do nyanga nzanɔ vɛ̃, nɛ li wa a Gɔgɛ do Magɔgɛ ni. A mba sɛ li wa, takɔ wa nɛ bolo. Wa dɛlɛ sɛ wena ɔ nɛ kɛnzɛ nu gba lì ni.

USU MƐNƆ 3:9

Kɔ nɛ zɔ́ mɛnɔ mi nɛ dɛ sɛ do gili winɔ 'da Satana, kɛ wa 'bili bɛlɛ, nɛ wa tɔ̃ na, lo a Oyuda, nɛ nde wa a Yuda gɔ ni. Mi ngbɔkɔ sɛ wa na, wa nɛ 'da nɛ i, nɛ wa gu gba zugolo dati nɛ, nɛ wa ĩ sɛ na, mi kɔ̃a gɛnɛ nɛ.

USU MƐNƆ 9:1

Nɛ 'do nɛ, nɛ mɔlɔ anzɛ dama mɔtũlĩ 'da a, nɛ mi zɔ sɔla kpo, ma yula ngɔ i, kɔ ma te dɛ nù nga, nɛ wa hã fungula nu gba 'du kɔ̃ hã a.

USU MƐNƆ 9:20

Nɛ tala winɔ kɛ ngamɛnɔ ni gbɛ̀ wa gɔɛ ni, wa kɔ̃̀ we fo sila wa ngɔ mɛnɔ wa dɛa do kɔ̃ wa ni gɔ. Wa là fala dɔnggɔ 'dã hi winɔ do okpikimanɔ gɔ. Wa dula okpikimanɔ ni do mɔ mbali, tabi fɛ̃a mɔ bolo, tũ mɔ bolo, tabi wa sɛa ma do ota tabi ote. Nɛ mɛnɔ ni ma zɔ́ mɔ gɔ, nɛ ma zélé we gɔ, nɛ ma nɛ́ nɔ gɔ.