USU MƐNƆ 12:7 - WE NU GALE 1995

⁷ Nɛ bolo tia li nza i. Wi a anzɛ Mikaɛlɛ do oanzɛnɔ 'da a hã wa bi ngba wa do gba sɔ̃ sa'de ni do oanzɛnɔ 'da a.

USU MƐNƆ 12:7 Iomraidhean Croise

Zumanɔ 78:49

Nɛ zã Gale nɔ̃lɔ̃ dɛ tɛ Oezipeto la li ngele, nɛ a hã gã 'bako hã wa. A tumba oanzɛ gbɛ winɔ 'da a dɛ ngɔ wa.

Ezai 34:5

NWA 'bili na, a kumu Oedɔmɛ. Du kɔya 'da a yula li nza 'di, nɛ ma zĩlĩ dɛ ngɔ wa.

Ezai 55:4

Mi ia zi a do nwa ngɔ onu kɔnggɔ winɔ, nɛ a zi a wi kpe dati wa. Nɛ mi bia zi ngawi 'da mi hã owinɔ do wala 'da Davidi ni.

DANIƐLƐ 10:13

Nɛ nde anzɛ kɛ a fɔmɔ le nwa Pɛrsɛ ni, a kpia wala hã mi gbaa 'do 'bu tũ bɔa ngɔ nɛ kpo. Nɛ Mikaɛlɛ, kɛ a a mbe kpo sanga ogã anzɛnɔ ni tɛa we gala mi. Ma kɛ mi la ti kɔ nwa ngɔ nù Pɛrsɛ we a.

DANIƐLƐ 12:1

“Anzɛ kɛ a hi'da tulu linɛ ni, a tɔ̃a hã mi na: ‘Do 'da fala ni, nɛ Mikaɛlɛ, gã wi ngɔ anzɛnɔ kɛ a fɔmɔ owinɔ 'da mɔ ni, a hɔ sɛ. Mɛ sɛ a 'da fala ngamɔ ngboo. Ndo nyanga kɛ wa dɛa do nùi gbaa we hɔ sɔɛ gɛ, mbe ngamɔ nɛ́ mɛ ni dɛ̃ mbe tɛ̃ ɛ fala kpo gɔ. Nɛ nde do 'da fala ni, nɛ owinɔ 'da mɔ vɛ̃ kɛ li wa kɔ 'buki 'da Gale ni, wa kpasa sɛ.

MATIE 13:41

Mi Be 'da Wele, mi tombo sɛ oanzɛnɔ 'da mi, nɛ wa ngɛmɛ li winɔ kɛ wa ɔlɔ ongba wa we dɛ 'dã mɔ, do owi dɛ 'dã mɛnɔ vɛ̃, nɛ wa fo wa kɔ le nwa 'da Gale,

MATIE 16:27

Mi Be 'da Wele, mi tɛ sɛ do dɔ̃lɔ̃ li 'da Baa mi, fala nɛ kpo do oanzɛnɔ. Nɛ mi futa sɛ wele do wele we do dɛa mɔ tɛ̃ a.

MATIE 24:31

Nɛ gã mɔtũlũ ma dɔ̃lɔ̃ sɛ, nɛ mi tombo sɛ anzɛnɔ, nɛ wa yɛnggɛ nyanga nza gɛ vɛ̃, we ngɛmɛ li owinɔ kɛ Gale saka zɛ́ wa ia ni ngɔ nù gɛ vɛ̃.

MATIE 25:41

“Nɛ 'do nɛ, nɛ mi tɔ̃ sɛ hã wanɔ si ngɔ gale kɔ̃ mi ni na: ‘Nɛ fó tɛ nɛ li mi do'do, we kɛ Gale fɔmbɔ nɛ fɔmba! Nɛ lá dɛ li gba nyɛa we kɛ ma bí gɔ, nɛ Gale dɛa zɛ́ ma we Satana, fala nɛ kpo do oanzɛnɔ 'da a ni!

MATIE 26:53

Mɔ ĩ̀ na, mi wia sɔ we aka Baa mi na, a gala mi, nɛ a tombo sɔ gba gili oanzɛ hã mi do ti ni gɔ̃ nde?

2 KORINTƐ 12:7

Omɛnɔ kɛ Gale bia hã mi ni, mɛ a mɔ ɔ ɔngba, nɛ ma wia sɔ we hã gã zu hã mi. Nɛ nde Gale hã zɛlɛ hã mi na, dɔ mi hɔ́ wi gã zu gɔ. Nɛ zɛlɛ ni ma zɛlɛ mi ɔ nɛ wa dumu mi do tɛ́ ni. Nɛ ma ɔ nɛ wi nɛ to 'da Satana zɛ mi zɛa fai na, da dɛ kɔ mi dɛ́ gã zu gɔ ni.

EFƐZƐ 6:12

We kɛ lɛ bí bole do Owele ɔ nɛ lɛ gɛ gɔ, nɛ nde lɛ bi do ohi winɔ kɛ wa do ngawi, nɛ wa a onwa do ogã wi ngɔ gba tũi, do o'dã hi winɔ kɛ wa yɛnggɛ do kɔ gba kuti ni.

2 TƐSALONIKƐ 1:7

nɛ a hã sɛ fala kpe tɛ wi hã nɛ, winɔ kɛ nɛ zɔa ngamɛnɔ ni, a hã sɛ ma hã lɛ do nɛ fala nɛ kpo. A dɛ sɛ ni 'da fala kɛ Nwa Yezu a yolo sɛ ngɔ i, nɛ a zĩlĩ fala nɛ kpo do anzɛnɔ 'da a kɛ wa do ngawi wena ni.

OHEBRE 2:10

Gbãlã we, ma wia zi na, Gale kɛ a dɛa mɛnɔ vɛ, nɛ a zɔ mɔ tɛ nɛ vɛ ni, a 'dafa tɛ mɛ 'bɔ Yezu, nɛ a we ngboo, we duzu zɛlɛ tɛ a kpa ni. Gale dɛa na mɛ ni, takɔ Yezu hũi wala kpasi hã ogba gili wele, nɛ wa hɔ benɔ 'da Gale, nɛ wa mba kpo do a kɔ dɔ̃lɔ̃ li 'da a.

2 PETRO 2:4

Nɛ zɔ́, Gale dɛ̀ zi 'bako hã anzɛnɔ kɛ wa dɛa zɛ́ 'dã mɔ ni gɔ. A da zi wa kɔ gba 'du kɔ̃, nɛ wa 'bana kɔ tũ fala ni we 'bɔ 'da ngba soe kɛ a nɛ 'bili sɛ do we 'da winɔ ni.

YUDA 1:9

Gɛnɛ kɔ Mikaɛlɛ ngboo, kɛ a a nwa ngɔ oanzɛnɔ vɛ̃ ni, nɛ nde a dã̀ zi Satana gɔ. 'Da fala kɛ Mikaɛlɛ wɛlɛ zɛ́ zu wɔlɔ Mɔizɛ do Satana ni, nɛ a bà zɛ́ tɛ̃ dɛ ngɔ gɔ, nɛ a tɔ̃ zɛ́ 'dã we hã Satana gɔ. Nɛ nde a tɔ̃a zɛ́ hã a na: “E kɔ Nwa Gale do tɛ̃ a a hã etumbu hã mɔ!”

USU MƐNƆ 12:8

Wa bi gbaa, nɛ gba sɔ̃ sa'de do anzɛnɔ 'da a wa tia li bole, nɛ fala do kɛ na wa 'bana 'bɔ li nza i ni bina.

USU MƐNƆ 12:9

Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.

USU MƐNƆ 13:7

Nɛ wa hã 'bɔ wala hã a na, a bi bolo do owinɔ 'da Gale, nɛ a nɛ ngɔ wa. Nɛ wa hã ngawi hã a we dungu nwa ngɔ nu fɛlɛ kulanɔ, do lɛnggɛnɔ, do nu kpalanɔ, do lenɔ vɛ.

USU MƐNƆ 20:2

Nɛ a ba gba sɔ̃ sa'de, ã gɔ̃ɛ zɛ́ belee kɛ li a a Zabulu tabi Satana ni, nɛ a ɛnzɛ a do dɔkpɛ, takɔ a ɔ do ma we sabɛlɛ koto kpo.