USU MƐNƆ 12:4 - WE NU GALE 1995

⁴ Do sa'de ni fua kpo mbee talɛ osɔlanɔ tɛ li nza i, nɛ ma ala dɛ nù nga. Nɛ a yolo dɛ dati wuke kɛ a bi zɛlɛ kula ni, takɔ a ko, nɛ a yɔ'dɔ be do ti.

USU MƐNƆ 12:4 Iomraidhean Croise

Kulu Tɔa 1:16

“Fala kɛ nɛ ba ngbɛ 'da owuko 'da Ohebrenɔ, hã wa ko, nɛ nɛ sókó sala ku be. Fala kɛ be a bulu be, nɛ nɛ gbɛ́ a, hã fala kɛ be a boko be, nɛ nɛ lá a.”

Ezai 27:1

Do ngba soe ni, NWA Gale a ba sɛ du kɔya 'da a, kɛ ma nganda wena, nɛ nu nɛ tɔ̃a wena ni. Nɛ a gbɛ sɛ gba sɔ̃ sa'de li a Leviatanɛ, do gba sɔ̃ gɔ̃ɛ kɛ a gu wena, do gba sɔ̃ sa'de kɛ a ɔ 'dɔ lì 'di ni.

YOANƐ 8:44

Baa nɛ, wi a Satana, nɛ nɛ kɔ̃a we dɛ mɛnɔ kɛ zã Satana kɔ̃a ni. Zɛ́ belee, a a wi gbɛ wi fai, nɛ a kɔ̃̀ mbe gɛnɛ gbãlã we fala kpo gɔ, we kɛ fo gbãlã we kɔ a bina. Kɔ fala kɛ a 'bili bɛlɛnɔ, nɛ nde mɛ a tɛlɛ tɛ̃ a hã ni, we kɛ a a wele bɛlɛ. Bɛlɛnɔ vɛ̃ yula kɔ a.

1 PETRO 5:8

Li nɛ sɔ̃́, nɛ nɛ tɛ ɔ̀ yala gɔ! We duzu kɛ Satana, wi sɛnɛ nɛ, a yɛnggɛ tɛ fa wele we ba a, ɔ nɛ gbɔgbɔ kɛ a he mɔ, nɛ a yɛnggɛ tɛ fa nyɔngɔmɔ ni.

USU MƐNƆ 12:7

Nɛ bolo tia li nza i. Wi a anzɛ Mikaɛlɛ do oanzɛnɔ 'da a hã wa bi ngba wa do gba sɔ̃ sa'de ni do oanzɛnɔ 'da a.

USU MƐNƆ 12:9

Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.

USU MƐNƆ 13:2

Sa'de ni wia kɔ̃ do gɔ̃̀, nɛ nyanga a ɔ nɛ nyanga ursi, nɛ nu a ɔ nɛ nu gbɔgbɔ ni. Nɛ gba sɔ̃ sa'de sɔ dati ni hã ngawi 'da a, do dɛa to nwa 'da a hã mbé sa'de ni.

USU MƐNƆ 13:4

Nɛ wa dɔnggɔ gba sɔ̃ sa'de sɔ dati ni, we kɛ a hã ngawi 'da a hã mbé wele ki ni ni. Nɛ wa dɔnggɔ 'bɔ mbé sa'de ni tɛ tɔ̃ na: “Wi wia kɔ̃ do sa'de gɛ a wio nde? Wi wia we bi bolo do a a wio nde?”

USU MƐNƆ 16:13

Nɛ 'do nɛ, nɛ mi zɔ o'dã hi wi talɛ, wa ɔ nɛ odalɛ ni, wa hɔa nza kɔ nu gba sɔ̃ sa'de, do kɔ nu sa'de sɔ dati ni, do kɔ nu wi gba do nu Gale do bɛlɛ.

USU MƐNƆ 17:18

“Nɛ wuke kɛ mɔ zɔa a ni, mɛ a gã le kɛ ma ia mbula ngɔ Onwanɔ nù gɛ vɛ́ ni.”

USU MƐNƆ 20:2

Nɛ a ba gba sɔ̃ sa'de, ã gɔ̃ɛ zɛ́ belee kɛ li a a Zabulu tabi Satana ni, nɛ a ɛnzɛ a do dɔkpɛ, takɔ a ɔ do ma we sabɛlɛ koto kpo.

USU MƐNƆ 8:10

'Do nɛ, nɛ talɛ anzɛ dama mɔtũlĩ 'da a, nɛ gba gbɛlɛ sɔla ma nyɛ ɔ nɛ tanda ni, ma te dɛ ngɔ kpo mbee talɛ fua lìnɔ do 'denɔ ngɔ nù gɛ.

USU MƐNƆ 8:11

Nɛ kpo mbee talɛ 'denɔ fanga kɛrr, nɛ Owele wena wa fia, we kɛ wa nɔa fã lì ni. Li sɔla ni a Fãmɔ.

USU MƐNƆ 8:12

'Do nɛ, nɛ nalɛ anzɛ dama mɔtũlĩ 'da a, nɛ kpo mbee talɛ li wese bi, nɛ kpo mbee talɛ li zɛkɛ do sɔlanɔ bi 'bɔ. Na mɛ ni, nɛ kpo mbee talɛ gba wese, do kpo mbee talɛ tũi, fo zi mɔ tu tua bina.

USU MƐNƆ 8:7

Nɛ kuti anzɛ dama mɔtũlĩ 'da a, nɛ kolo gbãlã mũlũ, do we, mba do tɔkɔ ala dɛ nù nga, nɛ kpo mbee talɛ nùi do kpo mbee talɛ tenɔ, do wɔkɔsɔnɔ bɛla vɛ̃.

USU MƐNƆ 8:8

'Do nɛ, nɛ bɔa anzɛ dama mɔtũlĩ 'da a, nɛ wa ba gba gbɛlɛ mɔ ɔ nɛ kala ni, ma nyɛ do we gai gai, nɛ wa da ma 'dɔ gba lì. Nɛ kpo mbee talɛ gba lì kifi tɔkɔ.

USU MƐNƆ 8:9

Nɛ kpo mbee talɛ Otunu li mɛnɔ 'dɔ gba lì wa fia, nɛ kpo mbee talɛ masuanɔ 'danga vɛ.

USU MƐNƆ 9:10

Nɛ mbili wa dɛ tɛ do wa ɔ nɛ mbili sa'de to wele ni, nɛ wa do ngawi we zɛlɛ tɛ winɔ 'do zɛkɛ mɔlɔ.

USU MƐNƆ 9:19

Mba gɔ, ngawi 'da mbalatanɔ ma yolo kɔ nu wa, do kɔ do wa. Nɛ do wa ɔ nɛ ogɔ̃ ni. Ma do zu ɛ boe, nɛ wa gɔmɔ do winɔ.