USU MƐNƆ 12:3 - WE NU GALE 1995

³ Nɛ mbe gele gba sɔ̃ mɔ hɔa 'bɔ li nza i. Mɛ a gba sɔ̃ sa'de, a gã wena, tɛ̃ a fila kpangbangba, nɛ zu a sambo, nɛ zamba zu a 'bu. Nɛ a gu ndasa nwa zu a sambo ni kpo kpo vɛ.

USU MƐNƆ 12:3 Iomraidhean Croise

Ezai 27:1

Do ngba soe ni, NWA Gale a ba sɛ du kɔya 'da a, kɛ ma nganda wena, nɛ nu nɛ tɔ̃a wena ni. Nɛ a gbɛ sɛ gba sɔ̃ sa'de li a Leviatanɛ, do gba sɔ̃ gɔ̃ɛ kɛ a gu wena, do gba sɔ̃ sa'de kɛ a ɔ 'dɔ lì 'di ni.

Ezai 51:9

Aa NWA, mɔ kúlú ngɔ dɔ̃, hã mɔ gbaka lɛ. Mɔ bé ngawi 'da mɔ, nɛ mɔ kpasa lɛ, ɔ nɛ kɛ mɔ kpasa zi 'bɔ lɛ dati ni. Mɔ zi a mɔ 'bili sanga Rahabɛ, gba sɔ̃ sa'de kɛ a ɔ 'dɔ lì ni.

Ezai 9:15

Owi zɔ mɔ tɛ obe Israɛlɛ, wa ba 'dã wala, nɛ wa yɔa wala do wa do'do.

DANIƐLƐ 2:41

“Mɔ zɔa 'bɔ na, wa dɛa tambala nyanga kpikima, do zu nyanga nɛ do nù, mba do mɔ bolo. Gulu nɛ na, nùi ma kɛ̃ sɛ sanga tɛ ngbɛ ɛ. Kɛ nùi ma mba do mɔ bole ni, ma be na, nùi ni ma 'bana sɛ do be ngawi sĩ.

DANIƐLƐ 2:42

Nɛ nde zu nyanga nɛ, kɛ wa dɛa ma do mɔ bole do nùi ni, ma be na, mbee nùi ni ma nganda sɛ wena, nɛ mbee nɛ ma sulu sɛ wena.

DANIƐLƐ 7:20

Nɛ mi kɔ̃a 'bɔ we ĩ ti gulu zamba zu a 'bu ni, do gulu be zamba zu a kɛ ma kunu do 'do, nɛ ma fua ã za zu a talɛ do'do ni. Be za ni do gbali ɛ boe, nɛ ma do nu ɛ, nɛ ma tɔ̃ lɛnggɛ gã zu. Nɛ ma hã zi 'bɔ kili nɛa ngɔ ogele zanɔ vɛ̃.

DANIƐLƐ 7:24

Oza sa'denɔ 'bu ni, ma be Onwanɔ 'bu kɛ wa dungu sɛ ngɔ le nwa ni. Wa dɛ sɛ to nwa dɛ 'do ngba wa. Nɛ 'do nɛ, nɛ nwa wele kɛ 'bu ngɔ nɛ kpo a hɔ sɛ, nɛ a si sɛ tɛ̃ ɛ do wanɔ dati ni. A fo sɛ ogele nwa talɛ, sɛ nɛ a ba to nwa 'da a de.

USU MƐNƆ 12:1

Nɛ gba sɔ̃ mɔ bia tɛ ɛ li nza i. Mɛ a wuko, a hi'da wese dɛ tɛ̃ a ɔ nɛ tulu ni, nɛ zɛkɛ dɛ ti nyanga a, nɛ wa gu ndasa nwa, ma do osɔla tɛ nɛ 'bu ngɔ nɛ bɔa zu a.

USU MƐNƆ 12:13

Kɔ 'da fala gba sɔ̃ sa'de nɛa we zɔ na, wa da ɛ dɛ nù nga ia ni, nɛ a ma ngɔ ndaka wuke kɛ a kua be ni.

USU MƐNƆ 12:17

Gba sɔ̃ sa'de nɛa we zɔ ni, nɛ zã a nɔ̃lɔ̃ dɛ tɛ wuke wena. Nɛ a la, nɛ a nɛ we bi do tala obenɔ 'da wuke ni. Obenɔ ni, wi a owinɔ kɛ wa dɛ olo nu Gale, nɛ wa kɔ̃a gɛnɛ we 'da Gale, kɛ Yezu bia hã wa ni.

USU MƐNƆ 12:4

Do sa'de ni fua kpo mbee talɛ osɔlanɔ tɛ li nza i, nɛ ma ala dɛ nù nga. Nɛ a yolo dɛ dati wuke kɛ a bi zɛlɛ kula ni, takɔ a ko, nɛ a yɔ'dɔ be do ti.

USU MƐNƆ 12:7

Nɛ bolo tia li nza i. Wi a anzɛ Mikaɛlɛ do oanzɛnɔ 'da a hã wa bi ngba wa do gba sɔ̃ sa'de ni do oanzɛnɔ 'da a.

USU MƐNƆ 12:9

Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.

USU MƐNƆ 13:1

'Do ki ni, kɔ mi nɛ ka mɔ, nɛ mi zɔ sa'de kpo, a yula 'dɔ gba lì, kɔ a tɛ hɔ nza. Zu a sambo, nɛ zamba zu a 'bu, nɛ wa gu ndasa nwa ngɔ zamba zu a ni kpo kpo vɛ, nɛ wa kɔma 'dã li tɛ ozu a ni kpo kpo vɛ, we dã zu li Gale.

USU MƐNƆ 13:2

Sa'de ni wia kɔ̃ do gɔ̃̀, nɛ nyanga a ɔ nɛ nyanga ursi, nɛ nu a ɔ nɛ nu gbɔgbɔ ni. Nɛ gba sɔ̃ sa'de sɔ dati ni hã ngawi 'da a, do dɛa to nwa 'da a hã mbé sa'de ni.

USU MƐNƆ 13:4

Nɛ wa dɔnggɔ gba sɔ̃ sa'de sɔ dati ni, we kɛ a hã ngawi 'da a hã mbé wele ki ni ni. Nɛ wa dɔnggɔ 'bɔ mbé sa'de ni tɛ tɔ̃ na: “Wi wia kɔ̃ do sa'de gɛ a wio nde? Wi wia we bi bolo do a a wio nde?”

USU MƐNƆ 15:1

'Do ki ni, nɛ mi zɔ mbé gele gã bia mɔ kpo tɛ li nza i, kɛ mɛ a gba mɔ ɔ ɔngba. Oanzɛ sambo wa tɛa do ngamɔ sambo. Nɛ mɛ a tala ngɔ go'do ngamɛnɔ vã, we duzu kɛ wa tɛa we be tala nɔ̃lɔ̃ zã 'da Gale.

USU MƐNƆ 16:13

Nɛ 'do nɛ, nɛ mi zɔ o'dã hi wi talɛ, wa ɔ nɛ odalɛ ni, wa hɔa nza kɔ nu gba sɔ̃ sa'de, do kɔ nu sa'de sɔ dati ni, do kɔ nu wi gba do nu Gale do bɛlɛ.

USU MƐNƆ 17:12

“Nɛ zamba zu a 'bu kɛ mɔ zɔa sɔ ni, mɛ a onwa 'bu, kɛ wa tɛ ndò dɛa to nwa 'da wa gɔ. Nɛ nde wa dɛ sɛ to nwa fala nɛ kpo do sa'de ni we sa kpo.

USU MƐNƆ 17:16

Nɛ zamba zu sa'de 'bu, do sa'de kɛ mɔ zɔa ni, wa sɛnɛ sɛ wuko ndumba, nɛ wa kala mɛnɔ kɔ̃ a vɛ, nɛ wa la a do kũlĩ tɛ a iko. Nɛ wa nyɔngɔ sɛ mulu tɛ a, nɛ wa dɔ a do we.

USU MƐNƆ 17:7

Nɛ anzɛ aka mi na: “Mɔ dɛ kili ge nde? Mi tɔ̃ sɛ gulu usu wenɔ 'da wuke gɛ, do kɛ 'da sa'de a dungu ngɔ a, kɛ zu a sambo, nɛ zamba zu a 'bu ni hã mɔ.

USU MƐNƆ 19:12

Gbali a sala ɔ nɛ nyɛa we ni, nɛ a gu ogili ndasa nwa zu a. Nɛ wa kɔma li wele tɛ a, nɛ wele kpo ĩ̀ ti gulu nɛ gɔ, tati a a zu a kpo iko.

USU MƐNƆ 20:2

Nɛ a ba gba sɔ̃ sa'de, ã gɔ̃ɛ zɛ́ belee kɛ li a a Zabulu tabi Satana ni, nɛ a ɛnzɛ a do dɔkpɛ, takɔ a ɔ do ma we sabɛlɛ koto kpo.