USU MƐNƆ 12:2 - WE NU GALE 1995

² Nɛ a do zã, nɛ a tɛ bi zɛlɛ kula.

USU MƐNƆ 12:2 Iomraidhean Croise

Ezai 26:17

Lɛ zɛa nu lɛ dati mɔ NWA, ɔ nɛ wuko kɛ a do zɛlɛ kula ni.

Ezai 53:11

Wi dɛa toe 'da mi a kpa sɛ yangga olo ngamɛ kɛ a kpa zi ma ni. A ĩ sɛ na, a kpà zi zɛlɛ tɛ yala iko gɔ. Wi dɛa toe 'da mi ĩ ti mi, a a wi bɔlɔ zu, nɛ a kifi gba dɔa winɔ na, wa hɔ wi bɔlɔ zu, we kɛ a ba ku'da 'dã mɛ 'da wa dɛ zu a.

Ezai 54:1

Aa nɛ, owi Yeruzalɛmɛ, nɛ dɛ́ yangga, nɛ nɛ zɛ́ nu nɛ. Le 'da nɛ ɔ zi nɛ wuko ndɔlɔ, kɛ wili a bɛ̃a a do'do ni. Nɛ nde ngangga ni, owi kɔ le 'da nɛ wa dɔa nɛa ngɔ obe zã wuko, kɛ wili a kɔ̃a gɛnɛ a kɔ̃a ni.

Ezai 66:6

Nɛ zélé hiamɛ kɛ ma wele kɔ le i ni, nɛ nɛ zélé 'bɔ hiamɛ kɛ ma wele kɔ Tɛmpɛlo i ni. Wi a mi NWA, mi tɛ hã etumbu hã Owi sɛnɛ mi.

Mike 4:9

Aa nɛ, Owi Yeruzalɛmɛ, nɛ he kɔ̃a pii we ge nde? Nɛ nɛ bí tɛ nɛ ɔ nɛ wuko kɛ zɛlɛ kula tɛ̃ a ni we ge nde? Nwa ngɔ nɛ bina nde? Nɛ Owi tɔ̃ mbula hã nɛ, wa fi fia nde?

Mike 5:3

Nɛ nwa kɛ wa ko sɛ a ni, a kã sɛ owinɔ do ngawi 'da NWA Gale, nɛ a be sɛ 'bɔ dɔ́lɔ́ li 'da Gale 'da a dɛ nza. Nwa ni a hã sɛ dungu fio hã owinɔ 'da a, we kɛ ngawi 'da a ma be sɛ tɛ̃ ɛ ngɔ nùnɔ vɛ̃. Fala kɛ Oasiri wa tɛ we ba nùi 'da lɛ, kɔ wa le kɔ ngbo lenɔ 'da lɛ, nɛ lɛ tombo sɛ onwa bolonɔ 'da lɛ, we bi do wa.

MATIE 24:8

Nɛ nde mɛnɔ ni vɛ̃ sɛ a ndo nyanga ngamɛnɔ iko.

YOANƐ 16:21

Ma ɔ nɛ fala kɛ wuko kɔlɔ fala ko nɛ, nɛ nde a do 'bako, we duzu kɛ ngba soe zɛlɛ kula 'da a kɔla ni. Kɔ fala kɛ be hɔ do'do, nɛ ta zu a ele ngɔ zɛlɛ kula, we kɛ a do yangga mbé be a kua a ni.

GALATI 4:19

Aa benɔ 'daa, tɛ mi zɛlɛ we nɛ ɔ nɛ wuko kɛ a do zɛlɛ kula ni. Nɛ tɛ mi ma zɛlɛ sɛ we nɛ ni fai gbaa na, nɛ ba tɛlɛ tɛ Kristo vɛ sɛ nɛ de.

GALATI 4:27

Ma ɔ nɛ kɛ wa kɔma kɔ 'Buki 'da Gale na: “Aa mɔ, wuko ndɔlɛ kɛ mɔ kó zi gɔ ni, mɔ dɛ́ yangga! Mɔ, wuke kɛ kula to mɔ gɔ ni, mɔ zɛ́ kaliã! Mba gɔ, wuko ndɔlɛ kɛ wili a bɛa a ni, a ko sɛ gba gili obe, nɛ wa dɛlɛ sɛ nɛ ngɔ obenɔ 'da wuke kɛ a 'bana do wili a ni.”

USU MƐNƆ 12:4

Do sa'de ni fua kpo mbee talɛ osɔlanɔ tɛ li nza i, nɛ ma ala dɛ nù nga. Nɛ a yolo dɛ dati wuke kɛ a bi zɛlɛ kula ni, takɔ a ko, nɛ a yɔ'dɔ be do ti.