USU MƐNƆ 12:12 - WE NU GALE 1995

¹² Kɔ we duzu ki ni, ma wia na li nza, do nɛ owinɔ kɔ nɛ vɛ́, nɛ dɛ yangga! Nɛ nde 'bako do nùi do gba lì! Mba gɔ, Satana zĩlĩ dɛ i mɔ, nɛ sila a dunu do mãlã, we kɛ a ĩ na, ngba soe 'da ɛ 'bànà gã gɔ.”

USU MƐNƆ 12:12 Iomraidhean Croise

Ezai 44:23

Aa mɔ, li nza ngɔ i, mɔ dɛ́ yangga! Aa nɛ, gba 'du kɔ̃nɔ ngɔ nù gɛ, nɛ zɛ́ kɔ̃ nɛ do yangga! Aa nɛ, okalanɔ do otenɔ zamɔ gɛ, nɛ dɛ́ yangga, nɛ nɛ zɛ́ kaliã! Mba gɔ, NWA Gale kpasa owinɔ 'da a, obe Israɛlɛ, nɛ ma bia dɔ̃lɔ̃ li 'da a.

Ezai 49:13

Aa nɛ, li nza do nù, nɛ dɛ́ yangga! Aa nɛ, okalanɔ, nɛ gá zuma, nɛ nɛ zɛ́ kɔ̃ nɛ do yangga! Mba gɔ, NWA ĩ 'bako hã owinɔ 'da a kɛ wa zi kɔ ngamɔ, nɛ wa kpa zi sape ni, nɛ a nganda sila wa.

LUKA 15:10

Nɛ Yezu tɔ̃ na: “Mi tɔ̃ hã nɛ na, ma sɛ 'bɔ na mɛ ni tɛ li nza i. Oanzɛnɔ 'da Gale wa dɛ sɛ yangga wena we duzu mbe wi dɛ 'dã mɔ kpo, kɛ a kifi sila a ni.”

LUKA 2:14

“Dɔngga wi hã Gale tɛ li nza i, nɛ dungu fio ɔ do winɔ kɛ a kɔ̃a gɛnɛ wa ngɔ nù gɛ ni!”

OHEBRE 10:37

Ma ɔ nɛ kɛ wa kɔma kɔ 'Buki 'da Gale na: “Ma 'bànà gã gɔ, ma 'bana sĩ iko, nɛ wi kɛ ma wia na a tɛ ni, a tɛ sɛ. A zĩ́ sɛ tɛ a gɔ.

2 PETRO 3:8

Nɛ nde nɛ, oyali ngba mi, mɛ kɛ ma wè na ta zu nɛ ele ngɔ ma gɔ ni, ma kɛ: Nwa zɔ tũ kpo ɔ nɛ sabɛlɛ koto kpo ni, nɛ a zɔ sabɛlɛ koto kpo ɔ nɛ tũ kpo ni.

USU MƐNƆ 10:6

nɛ a kana tɛ̃ a do zu li Gale kɛ a fai boe, nɛ a dɛa li nza, do nùi, do gba lìnɔ, do mɛnɔ falanɔ vɛ̃ ni. Nɛ anzɛ ni tɔ̃ na: “Ngba soe wia ia, mbé mɔ 'bɔ 'bɔa bina!

USU MƐNƆ 11:10

Nɛ fie 'da winɔ bɔa ni, ma de sɛ tɛ winɔ ngɔ nù gɛ wena. Wa dɛ sɛ yangga, nɛ wa hã odia mɔ hã ngba wa, we duzu kɛ owinɔ bɔa kɛ wa gba zi olo nu Gale, nɛ wa hã zi ngamɔ hã winɔ ngɔ nù gɛ wena ni, wa fia ia.

USU MƐNƆ 11:14

Bɔa ngamɛ la ia, nɛ nde talɛ ngamɛ ma hɔ sɛ ngangga ni.

USU MƐNƆ 12:9

Nɛ wa da wa dɛ nù nga. Gba sɔ̃ sa'de ni a ã gɔ̃ɛ zɛ́ belee, kɛ wa sa li a na Zabulu tabi Satana, nɛ a yɛnggɛ tɛ ɔlɔ winɔ ngɔ nù gɛ ni.

USU MƐNƆ 13:6

Nɛ a ma ngɔ dã Gale, do dã zu li le santoe kɛ Gale ɔ nɛ ni, do zu li winɔ vɛ̃ kɛ wa tɛ li nza i ni.

USU MƐNƆ 18:20

Aa nɛ, winɔ li nza i, nɛ dɛ́ yangga, we kɛ le Babilɔnɛ tia. Aa nɛ, winɔ 'da Gale, do Owi nɛ tonɔ 'da a, do owi gba do nu a, nɛ dɛ́ yangga! We kɛ Gale 'bili 'dã gulu we hã a, we 'dã mɛnɔ a dɛa zi do nɛ ni.

USU MƐNƆ 8:13

Nɛ mi nɛ ka 'bɔ mɔ, nɛ mi zɔ ziki tɛ bũlũ do ngɔ i nyɛlɛ wena, nɛ a tɛ he mɔ nganda wena na: “'Bako! 'Bako! 'Bako nɛ kpa owinɔ ngɔ nù gɛ, 'da fala tala oanzɛnɔ talɛ wa nɛ dama.”

USU MƐNƆ 9:12

Kuti ngamɛ la ia, nɛ nde mbé gele ngamɔ bɔa ma hɔ sɛ 'bɔ.