USU MƐNƆ 12:1 - WE NU GALE 1995

¹ Nɛ gba sɔ̃ mɔ bia tɛ ɛ li nza i. Mɛ a wuko, a hi'da wese dɛ tɛ̃ a ɔ nɛ tulu ni, nɛ zɛkɛ dɛ ti nyanga a, nɛ wa gu ndasa nwa, ma do osɔla tɛ nɛ 'bu ngɔ nɛ bɔa zu a.

USU MƐNƆ 12:1 Iomraidhean Croise

2 Sakonɔ 32:31

Nɛ nde 'da fala kɛ ogã wi ngɔ nù Babilonia wa tumba zi Owi nɛ to we aka a ngɔ gba ɔngbamɛ ma hɔa ngɔ nùi 'da a ni, nɛ Gale ia a na, a dɛ mɛ kɛ zã a kɔ̃a ni, takɔ a yamba sila a we zɔ dɛa mɔ tɛ̃ a.

Zumanɔ 104:2

Yele ngbala kpa kɛ zã mɔ vɛ̃. Mɔ yala gbau li nza ɔ nɛ gbau tande ni,

Zumanɔ 84:11

Mi zɔa na, ɔ kɔ Tɛmpɛloe 'da mɔ tũ kpo, ma dia nɛa ngɔ ɔ gele fala tũ koto kpo. Ɔ dɛ 'do gbangga nu tɔa 'da mɔ Gale 'da mi, ma dia nɛa ngɔ ɔ kɔ tɔa 'da o'dã winɔ.

SƆKPƆ DIA ZUMANƆ 6:10

“Wuko wele kɛ a yele ngbaa gɛ a wio nde? A dia zɔnga nɛ́ zɛkɛ, nɛ a ndele nɛ́ wese ni. Mɔ zɔ dia zɔnga 'da a, nɛ zu mɔ 'danga, nɛ hi mɔ la ndee.”

Ezai 61:10

Owi Yeruzalɛmɛ wa tɔ̃a na: Lɛ dɛ yangga we mɛnɔ kɛ NWA dɛa ma gɛ. A tɛa we gbaka lɛ, nɛ a kpasa lɛ kɔ ngamɔ. Nɛ yangga 'da lɛ gã wena ɔ nɛ kɛ 'da winɔ kɛ wa hi'da dia tulu do 'da fala mɔ dɔ ba ngba wi ni.

Ezai 62:3

Le Yeruzalɛmɛ ma ɔ sɛ nɛ dia ndasa nwa, kɛ Gale dɛa ma ni.

ZAKARIA 9:16

Do ngba soe ni, NWA Gale a kpasa sɛ owinɔ 'da a, ɔ nɛ kɛ wi fɔmɔ bata kpasa sa'denɔ 'da a kɔ ngamɔ ni. Nɛ tɛ wa ma ndele sɛ ngɔ nùi 'da a gɔ̃lĩ gɔ̃lĩ, ɔ nɛ odia ta olo gã gole, kɛ wa nãlã tɛ ndasa nwa ni.

MATIE 12:38

Nɛ ombe wi be mbulanɔ, do ombe Fariziɛnɔ wa aka Yezu na: “Wi be mɔ, lɛ kɔ̃a na mɔ dɛ mbe gba sɔ̃ mɔ kpo hã lɛ, kɔ lɛ zɔ!”

MATIE 24:30

Nɛ mɛ kɛ ma be sɛ na, mi Be 'da Wele, mi tɛ tɛ nɛ ni, ma hɔ sɛ li nza i. Nɛ nu kpala winɔ ngɔ nù gɛ vɛ̃, wa he sɛ kɔ̃a, nɛ wa zɔ sɛ mi Be 'da Wele, nɛ nde mi hɔa do ngawi, do dɔ̃lɔ̃ li vɛ̃ dɛ sanga kutunɔ.

MARKO 13:25

Nɛ sɔlanɔ wa ala sɛ dɛ nù nga, nɛ ngawi 'da mɛnɔ li ngɔ gɛ, ma vĩ sɛ zu ngbɛ ɛ.

LUKA 21:11

Nɛ nùi ma tana sɛ nganda wena, nɛ gba wɔ do o'dã zɛlɛ ma sɛ tɛ falanɔ kpi do kpi. Nɛ omɔ hã kili hã wele ma dɛ sɛ tɛ̃ ɛ, nɛ yolo do li nza i, omɔ ma be sɛ tɛ̃ ɛ li winɔ.

LUKA 21:25

“Nɛ omɔ ma dɛ sɛ li wese, do zɛkɛ, do osɔlanɔ. Nɛ ngɔ nù nga, sila owinɔ ma ɔ sɛ ngɔ ngbũu, nɛ wa zele sɛ giti ngele gba lì kɛ ma sulu ni, nɛ wa tana kili.

YOANƐ 3:29

Ma ɔ nɛ kɛ 'da fala ba ngba wi, nɛ wi wili dungu fala nɛ kpo do kɛnɛ a, nɛ yali ngba wi wili dungu dɛ kɛ zã a, tɛ zele gɛlɛ ngba a, te dɛ yangga nɛ ni. Kɔ mi ɔ nɛ yali ngba wi wili ni, mi do yangga la li ngele.

Owi Nɛ Tonɔ 2:19

Nɛ mi dɛ sɛ ɔngba mɔ li nza i, do ogba sɔ mɔ ngɔ nù nga. Tɔkɔ ma a sɛ nù, lenɔ ma bɛlɛ sɛ, nɛ li nza ma kpe sɛ do zɛ̃ we kpã kpã.

ROMA 13:14

Nɛ bá wala hã Nwa 'da lɛ Yezu Kristo na, a bi zu nɛ, nɛ nɛ tɛ fà we dɛ mɔ kɛ wɔ kɔ kili tɛ nɛ kɔ̃a ni gɔ.

ROMA 3:22

Li wala kɛ Gale dɛ na, wele hɔ wi bɔlɔ zu li a ni, mɛ a kɔ̃a we wi ni kɔ̃ do zu li Yezu Kristo ni. Nɛ Gale hũi li wala hã winɔ vɛ kɛ wa kɔ̃a zu li Yezu Kristo ni. Mba gɔ, winɔ vɛ wa wia kɔ̃,

2 KORINTƐ 11:2

Mi dɛ bɔnɛ 'do nɛ, nɛ mɛ a bɔnɛ kɛ ma yula 'da Gale. Mba gɔ, nɛ ɔ nɛ 'bundu be zɔnga kɛ mi kɔ̃a we hã a hã wi wili kpo na, a ba a ni. Nɛ wi wili ni, wi a Kristo.

GALATI 3:27

Gbãlã we, nɛ vɛ kɛ nɛ kpa batisimɔ ni, nɛ mba kpo do Kristo, nɛ ngangga ni, nɛ ba tɛlɛ tɛ Kristo ngboo.

GALATI 4:26

Nɛ nde le Yeruzalɛmɛ kɛ li nza i ni, ma ti mbula bina, nɛ le ni a naa lɛ.

GALATI 6:14

Kɛ 'da mi, mi kɔ̃a we dɔnggɔ tɛ mi tati a do fie 'da Nwa 'da lɛ Yezu Kristo ngɔ finda te. We duzu fie 'da a ngɔ finda te, ma a mɛnɔ ngɔ nù gɛ vɛ ɔ li mi nɛ kɛ ma fi fia ni, nɛ mi ɔ tɛ mɛ 'bɔ li mɛnɔ ngɔ nù gɛ nɛ kɛ mi fi fia ni.

EFƐZƐ 5:32

Gã we usu tɛ ɛ kɔ wenɔ gɛ. Mi tɔ̃ ni we lengge do dungi 'da Kristo do Eklezia.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”

USU MƐNƆ 11:19

Wa wila we ni do'do, nɛ nu tɔa Tɛmpɛloe 'da Gale kɔ li nza i ni hũi, nɛ mi ka mɔ kɔ tɔa i, nɛ mi zɔ sanduki kɛ ma be gba tɔkɛ Gale gba do winɔ 'da a ni. Nɛ kolo ma ngɔ nyɛ li ɛ do o dã nganda wena, nɛ nùi tana gbirr, nɛ kolo gbãlã mũlũ ma ngɔ tɛ nganda wena.

USU MƐNƆ 12:3

Nɛ mbe gele gba sɔ̃ mɔ hɔa 'bɔ li nza i. Mɛ a gba sɔ̃ sa'de, a gã wena, tɛ̃ a fila kpangbangba, nɛ zu a sambo, nɛ zamba zu a 'bu. Nɛ a gu ndasa nwa zu a sambo ni kpo kpo vɛ.

USU MƐNƆ 15:1

'Do ki ni, nɛ mi zɔ mbé gele gã bia mɔ kpo tɛ li nza i, kɛ mɛ a gba mɔ ɔ ɔngba. Oanzɛ sambo wa tɛa do ngamɔ sambo. Nɛ mɛ a tala ngɔ go'do ngamɛnɔ vã, we duzu kɛ wa tɛa we be tala nɔ̃lɔ̃ zã 'da Gale.

USU MƐNƆ 21:14

Wa dɛa nyanga ngbo nu le ni dɛ ngɔ ta 'bu ngɔ nɛ bɔa, nɛ wa kɔma li Owi nɛ tonɔ 'da Be Bata 'bu ngɔ wa bɔa ni dɛ ngɔ tanɔ ni.

USU MƐNƆ 21:23

Wese do zɛkɛ to kɔ le ni gɔ, we duzu kɛ yele ngbala 'da Gale do kɛ 'da Be Bata yele kɔ nɛ.