USU MƐNƆ 11:9 - WE NU GALE 1995

⁹ Nɛ owele wa yolo sɛ kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ, nɛ wa tɛ we zɔ wɔlɔ wa kɛ ma ɔ dɛ nza ni, gbaa 'do tũ talɛ do dɔ nɛ. Wa bɛ̃ sɛ na, Owele wa tɛ mì wɔlɔ wa gɔ.

USU MƐNƆ 11:9 Iomraidhean Croise

1 Onwanɔ 13:22

We kɛ mɔ kpula tɛ mɔ, nɛ mɔ nyɔngɔ mɔ tɛ dɛ. Ĩ na ɛ nwa, ɛ ba zi nu ɛ hã mɔ na, mɔ tɛ nyɔ̀ngò mɔ, nɛ mɔ nɔ́ lì dɛ gɔ. Gulu nɛ hã mɔ fe sɛ, nɛ nde wa mí sɛ mɔ kɔ zuni 'da Owele mɔ gɔ.”

WI LENGGE WE 6:3

Mbe wele wia we ɔ ngɔ nù gɛ sabɛlɛ dɛlɛ wena, nɛ a ko obe kama. Kɔ fala kɛ a kpà yangga kɔ gba dɔa kɔ̃ tũ dungu nza 'da a gɔ, kɔ wa mì a do dia nɛ gɔ, nɛ nde we mi, mi zɔ na kpɔ̃lã be do yangga nɛa ngɔ a.

Ezai 33:1

Aa nɛ, owi sɛnɛ lɛ, nɛ kpa sɛ 'bako. Nɛ 'danga mɛnɔ 'da owinɔ 'da lɛ vɛ̃, nɛ nde wele 'dàngà mbe mɔ mɔ nɛ ɔ ni fala kpo gɔ. Nɛ vũ to tɛ wa, nɛ nde wele vũ̀ mbe kuti to tɛ nɛ gɔ. Kɔ nɛ ĩ́ na, fala kɛ nɛ 'danga mɛnɔ vɛ̃ do'do, nɛ Owele wa 'danga sɛ tɛ mɛ 'bɔ mɛnɔ 'da nɛ. Nɛ vũ sɛ to tɛ wa gbaa, nɛ do ndɔti nɛ, Owele wa vũ sɛ tɛ mɛ 'bɔ to tɛ nɛ.

Yeremi 7:33

Nɛ owɔlɔ winɔ ni ma dɛ sɛ nyɔngɔmɔ nu onɔɛ do osa'de zamɔ. Nɛ fo sɛ wi ndaka wa tɛ nɛ bina.

MATIE 7:2

We kɛ Gale a 'bili sɛ we 'da nɛ kpasaa ɔ nɛ kɛ nɛ 'bili do wenɔ 'da ngba nɛ ni. Mɛ nɛ we do mɔ hã ngba nɛ ni, Gale a we sɛ tɛ mɛ 'bɔ do mɔ hã nɛ.

USU MƐNƆ 10:11

Nɛ wa tɔ̃ hã mi na: “Ma wia na, mɔ gba 'bɔ do nu Gale, nɛ mɔ tɔ̃ wenɔ ngɔ odɛlɛ nu fɛlɛ kulanɔ, do nu kpalanɔ, do lɛnggɛnɔ, do onwanɔ hã winɔ.”

USU MƐNƆ 11:11

Nɛ 'do tũi talɛ do dɔ nɛ ni, nɛ Gale ufu bũ kpasi dɛ kɔ wɔlɔ wa, nɛ wa kulu ngɔ. Nɛ kili ba zi winɔ vɛ kɛ wa zɔa wa ni wena.

USU MƐNƆ 13:7

Nɛ wa hã 'bɔ wala hã a na, a bi bolo do owinɔ 'da Gale, nɛ a nɛ ngɔ wa. Nɛ wa hã ngawi hã a we dungu nwa ngɔ nu fɛlɛ kulanɔ, do lɛnggɛnɔ, do nu kpalanɔ, do lenɔ vɛ.

USU MƐNƆ 17:15

Nɛ anzɛ tɔ̃ 'bɔ hã mi na: “Lìnɔ mɔ zɔa, kɛ wuko ndumba ɔ nu nɛ ni, mɛ a ogili nu fɛlɛ kulanɔ, do lɛnggɛnɔ, do nu kpalanɔ, do lenɔ vɛ.

USU MƐNƆ 5:8

Kɔ a nɛa we ba 'buki ni, nɛ otunu li mɛnɔ nalɛ, do kpasa winɔ 'bu wa bɔa ngɔ wa nalɛ ni, wa gu gba zugolo dati a. Nɛ wele do wele do kundu, do bila mɔ mbali kɛ ma dunu do fũ yɔmbɔ ni dɛ kɔ̃ ɛ. Fũ yɔmbɛ ni, mɛ a sambala kɛ winɔ 'da Gale wa sambala do a ni.

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.