USU MƐNƆ 11:8 - WE NU GALE 1995

⁸ Nɛ wɔlɔ wa, ma ɔ sɛ dɛ li fanda tɛ kɔ gã le kɛ wa bɛ̃lɛ̃ zi do Nwa 'da wa ngɔ finda te ni. Wa sa li gã le ni do gba we na Sodɔmɛ, tabi Ezipeto.

USU MƐNƆ 11:8 Iomraidhean Croise

Ndo Nyanga Dɛ Mɔ 13:13

Nɛ nde i mɔ ni, dɛa mɔ tɛ winɔ kɔ le Sodɔmɛ ma dè zi gɔ. Wa dɛ zi 'dã mɔ dɛ 'da NWA wena.

Ndo Nyanga Dɛ Mɔ 19:24

Nɛ NWA tumba gba nyɛa we, nɛ ma ala dɛ ngɔ le Sodɔmɛ do Gomɔrɛ ɔ nɛ tɛa kolo ni.

Kulu Tɔa 20:2

“Mi a NWA Gale 'da mɔ, mi a mi fua mɔ kɔ ngbá ngɔ nù Ezipeto.

Kulu Tɔa 3:7

Nɛ NWA tɔ̃ 'bɔ hã a na: “Mi zɔa tɛlɛ tɛ kɛ Oezipeto wa hã do ngamɛnɔ hã owinɔ 'da mi ni. Nɛ mi zila kɛ owinɔ 'da mi, obe Israɛlɛ wa he kɔ̃a tɛ wa ti kɔ̃ owinɔ kɛ wa kala wa do ngbá ni. Mi ĩ ti ngamɛ 'da wa vɛ̃.

Ezai 3:9

Bula li wa ma be na, wa a wi dɛ 'dã mɔ. Wa dɛ 'dã mɔ dɛ gbali owinɔ, ɔ nɛ kɛ owi Sodɔmɛ wa dɛ zi ni, nɛ wa úsú ma gɔ. 'Bako do wa, wa fa ngamɛ 'da wa do tɛ wa.

Yeremi 23:14

Nɛ nde 'dã mɛ kɛ mi zɔ 'da owi gba olo nu mi, wanɔ wa kɔ le Yeruzalɛmɛ ni, ma 'danga 'bɔ la li ngele. Wa yɛnggɛ 'dɔkɔlɔ ogele galenɔ ɔ nɛ owuko ndumba ni, nɛ wa tɔ̃ tati a lɛnggɛ bɛlɛ iko. Wa gala Owi dɛ 'dã mɛnɔ, do tɛlɛ tɛ kɛ na, wele kpo wè tɛ kɔ̃ we la fala dɛ 'dã mɔ gɔ. Wa vɛ̃ a o'dã wi ɔ nɛ Owi Sodɔmɛ do Gomɔrɛ ni.”

Yeremi 26:23

Wa nɛa, nɛ wa ba Uria, nɛ wa si do a hã nwa Yoakimɛ. Nɛ nwa ba nu a, nɛ wa gbɛ Uria, nɛ wa da wɔlɔ a kɔ 'du kɔ̃ɛ kɛ wa da gba gili owɔlɔnɔ dɛ kɔ nɛ ni.

EZEKIƐLƐ 16:46

“Kpasa boko nya mɔ a le Samaria kɛ ma si gbãlã ngɔ. A i mɔ do oboko benɔ 'da a, kɛ mɛ a be lenɔ kɛ zã a ni. Nɛ wele kɛ hɔa dɛ 'do mɔ a le Sodɔmɛ kɛ ma si ba gɔtɔ. A i mɔ do oboko benɔ 'da a, kɛ mɛ a be lenɔ kɛ zã a ni.

EZEKIƐLƐ 16:49

Mɔ zɔ́ mɛnɔ kɛ wa dɛa gɛ: Wa zi do nyɔngɔmɔ wena, nɛ wa lénggé zi 'bɔ mɔ gɔ, nɛ wa dɛa wali. Nɛ wa kɔ̃̀ we gala wi sãnɔ do wi 'bakonɔ gɔ.

EZEKIƐLƐ 23:19

Gɛnɛ kɔ na mɛ ni, nɛ nde a ɔmɔ tɛ dɛ ndumba gɔ, a 'danga dɛ dati 'danga fai, ɔ nɛ 'da fala a zi ngɔ be zɔnga tɛ̃ a tɛ ngɔ nù Ezipeto i ni.

EZEKIƐLƐ 23:27

Mi dɛ sɛ na, 'dã dɛa ndumba kɛ mɔ ndua zi ma tɛ Ezipeto i ni ma Sɔkpɔ. Mɔ dɛ́ sɛ 'bɔ wɔ tɛ wi wili gɔ. Mɔ lénggé sɛ 'bɔ do Oezipeto gɔ.

EZEKIƐLƐ 23:3

Wa 'bana zi be zɔnga iko, nɛ wa ndua dɛ ndumba tɛ ngɔ nù Ezipeto i. Nɛ owi wili wa ndua fa wa, nɛ wa 'be bele wa, nɛ wa ɔ do wa dɛ di ni.

EZEKIƐLƐ 23:8

Nɛ a yɛnggɛ makango dɛ dati, ɔ nɛ kɛ a ndua zi dɛ ma tɛ ngɔ nu Ezipeto i ni. Yolo ngɔ be zɔnga tɛ̃ a, a dɛa zi ndumba tɛ ngɔ nù Ezipeto. Nɛ owi wili wa ndua fa a, nɛ wa 'be bele a, nɛ wa ɔ do a dɛ di ni.

EZEKIƐLƐ 37:11

Nɛ NWA tɔ̃ 'bɔ hã mi na: “Be 'da wele, mɔ zélé! Obe Israɛlɛ wa ɔ nɛ gbãlãnɔ gɛ. Mba gɔ, wa tɔ̃ na, lo ɔ nɛ kula gbãlã ni. Fo 'bɔ wala kpasi we lo bina, ma ia do lo ia.

AMƆSI 4:11

“Mi 'danga ombe kɔ lenɔ 'da nɛ, ɔ nɛ kɛ mi 'danga zi do le Sodɔmɛ do Gomɔrɛ ni. Nɛ nɛ, owinɔ nɛ kpasa kɔ nɛ ni, nɛ ɔ nɛ gbulu gua kɛ wa tili ma nu we dɛ 'do ni. Gɛnɛ kɔ na mɛ ni, nɛ nɛ kpòlò tɛ nɛ 'da mi gɔ. Mi NWA, mi tɔ̃a ni.

MATIE 10:15

Mi tɔ̃ hã nɛ do gbãlã we na, do ngba soe Gale nɛ 'bili sɛ do ngbangga 'da winɔ ngɔ nù gɛ ni, nɛ owinɔ kɔ le ni wa kpa sɛ zɛlɛ tɛ nɛ ngɔ kɛ 'da Owi Sodɔmɛ do Gomɔrɛ.

Owi Nɛ Tonɔ 9:4

Nɛ a zɔlɔ, nɛ a te. Nɛ a zele gɛlɛ wele tɛ sa mɔ hã a na: “Saulo! Saulo! Gulu kɛ mɔ zɛlɛ tɛ mi we ge nde?”

OHEBRE 13:12

Gulu nɛ a Yezu fia zi tɛ mɛ 'bɔ do 'do ngba, takɔ tɔkɔ tɛ̃ a fo ku'da 'dã mɛ zu winɔ.

OHEBRE 6:6

Gɛnɛ kɔ na mɛ ni, nɛ nde wa tia 'bɔ kɔ 'dã mɔ. Kɔ ma wé sɛ na, wele be we hã wa, nɛ wa kifi sila wa gɔ, we duzu kɛ wa tɛ bɛ̃lɛ̃ 'bɔ Be 'da Gale ngɔ finda te mbé nɛ, nɛ wa e a na, winɔ wa dã a.

2 PETRO 2:6

Nɛ a 'bili zi 'bɔ 'dã we dɛ ngɔ Owi kɔ le Sodɔmɛ do Gomɔrɛ, nɛ a dɔa lenɔ 'da wa, nɛ ma ngutu vɛ́. A dɛa ní we be do mɔ hã winɔ kɛ wa bɛa gɛnɛ a ni na, a dɛ sɛ 'bɔ do wa kpasaa na mɛ ni.

YUDA 1:7

Nɛ nɛ lénggé 'bɔ le Sodɔmɛ do Gomɔrɛ, do ombe gele lenɔ kɛ zã nɛ ni. Owi kɔ lenɔ ni wa hã zi 'bɔ tɛ wa we dɛ mɔ sape kpasaa ɔ nɛ anzɛnɔ ni, nɛ wa dɛa 'dã mɛnɔ kɛ wele wè tɛ dɛ ma gɔ ni. Kɔ wa tɛ kpa etumbu tɛ li gba nyɛa we kɛ ma bí sɛ fala kpo gɔ ni. Ki ni a mbisa we we owinɔ vɛ.

USU MƐNƆ 11:13

Nɛ do 'da fala nɛ ni, nɛ nùi tana nganda wena, nɛ kpo mbee 'bu gã le ni gbini, nɛ ma gbɛa Owele koto sambo do ti. Nɛ kili ba owanɔ kɛ wa 'bana ni, nɛ wa dɔngga Gale, kɛ a li nza i ni.

USU MƐNƆ 11:9

Nɛ owele wa yolo sɛ kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ, nɛ wa tɛ we zɔ wɔlɔ wa kɛ ma ɔ dɛ nza ni, gbaa 'do tũ talɛ do dɔ nɛ. Wa bɛ̃ sɛ na, Owele wa tɛ mì wɔlɔ wa gɔ.

USU MƐNƆ 14:20

Nɛ wa ma ngɔ mbɔtɔ wala vinɔnɔ ni dɛ kɔ mɔ kpĩlĩ do ma tɛ 'do ngba le i. Nɛ tɔkɔ hɔa kɔ nɛ, nɛ ma fo ɔ nɛ gba fua lì ni. Nɛ ma hɛ̃a gbaa, nɛ ma pɛsɛ nyɛlɛ wena we kilomɛtrɛ kama talɛ, nɛ 'da 'du nɛ mɛtrɛ kpo do dɔ nɛ.

USU MƐNƆ 14:8

Nɛ mbé anzɛ hɔa 'dɔkɔlɔ wele kɛ sɔ ni, nɛ a na: “Gã le Babilɔnɛ tia! Ma tia wuku! Mɛ a le kɛ ma ia zi dɔ̃ yɛnggɛ vĩ zu yɛli nu ogele winɔ vɛ, nɛ wa nɔa.”

USU MƐNƆ 16:19

Nɛ gã le Babilɔnɛ gbini sanga tɛ ngbɛ ɛ talɛ, nɛ lenɔ ngɔ gele nùnɔ ma 'danga vɛ̃. Nɛ ta zu Gale gba ngɔ Babilɔnɛ, nɛ a ba bila kɛ dɔ̃ nɔ̃lɔ̃ zã 'da a kɔ nɛ ni, nɛ a isi dɛ nu owinɔ kɔ le ni.

USU MƐNƆ 17:1

'Do ki ni, nɛ mbe kpo sanga anzɛnɔ sambo kɛ wa 'bia zi bilanɔ sambo dɛ kɔ̃ wa ni tɛa, nɛ a tɔ̃ hã mi na: “Mɔ tɛ́, kɔ mi be etumbui kɛ Gale a hã sɛ hã wuko ndumba olo 'dã mɛnɔ 'da a ni hã mɔ. Wuke ni a gã le kɛ wa dɛa ma dɛ nu gba lìnɔ ni.

USU MƐNƆ 17:18

“Nɛ wuke kɛ mɔ zɔa a ni, mɛ a gã le kɛ ma ia mbula ngɔ Onwanɔ nù gɛ vɛ́ ni.”

USU MƐNƆ 17:5

Nɛ wa kɔma li kpo dati a, nɛ gulu li ni usu tɛ̃ ɛ usu. Li ni a: “Gã le Babilɔnɛ, naa vĩ zu yɛli do sɔkpɔ mɔ sapenɔ ngɔ nù gɛ vɛ.”

USU MƐNƆ 18:10

Nɛ wa yolo sɛ ndũu we dɛ kili ngamɛnɔ ma kpa a ni, nɛ wa he sɛ na: “'Bako! Kɛ gɛ a 'bako ge nde! Aa Babilɔnɛ, gã le Babilɔnɛ, mɔ nganda zi wena, nɛ 'do sa kpo iko, nɛ nde we 'da mɔ sɔkpɔ vɛ ia nde!”

USU MƐNƆ 18:18

tɛ ka mɔ tɛ zɛ̃ we bɛlɛ tɔanɔ kɔ gã le ni. Nɛ wa he sɛ mɔ na: “Fo mbe gã le ɔ nɛ gã le gɛ ngɔ nù gɛ bina!”

USU MƐNƆ 18:2

Nɛ a hia mɔ nganda wena na: “Gã le Babilɔnɛ tia! Ma tia ia! Di ngangga ni, ma hɔa le 'da ozabulunɔ. Mɛ a fala na 'dã hi winɔ kpi do kpi wa usu do tɛ wa. Onɔɛ ndi kpi do kpi, kɛ owinɔ wa kɔ̃̀ wa gɔ ni wa ɔ dɛ di ni.

USU MƐNƆ 18:21

'Do nɛ, nɛ mbé anzɛ kpo kɛ a nganda wena ni, a ba gba gbɛlɛ ta, ma gã nɛ́ ta hɔnɔ do ble ni, nɛ a da ma 'dɔ gba lì duvwu, nɛ a tɔ̃ na: “Nɛ zɔ́, gã le Babilɔnɛ ma te sɛ na mɛ ni, nɛ wa zɔ́ sɛ 'bɔ mbé tɛ nɛ fala kpo gɔ!

USU MƐNƆ 18:24

Le Babilɔnɛ tia, we duzu tɔkɔ tɛ owi gba olo nu Gale, do owinɔ 'da Gale, kɛ wa gbɛa zi wa ni. Gbãlã we, wa kpa tɔkɔ tɛ winɔ vɛ kɛ wa gbɛa zi wa ngɔ nù gɛ ni dɛ di ni.