USU MƐNƆ 11:5 - WE NU GALE 1995

⁵ Kɔ fala kɛ mbe wele fa we dɛ 'dã mɔ do wa nde, nɛ nyɛa we ma hɔ sɛ kɔ nu wa, nɛ ma bɛlɛ Owi sɛnɛ wa. Gbãlã we, wi kɛ a fa we dɛ 'dã mɔ do wa, nɛ wa gbɛ sɛ a na mɛ ni.

USU MƐNƆ 11:5 Iomraidhean Croise

Zumanɔ 18:8

Nùi ma tana, nɛ nyanga li nza ma yaka, nɛ nùi do li nza ma zĩ gilamboo, we kɛ dã ba NWA Gale wena.

Ezai 11:4

A gbɛ sɛ gbãlã we hã owi 'bako, a tɔ̃ sɛ gulu we 'da owi sãnɔ do bɔlɔ nɛ. We kɔ nu a zɛlɛ tɛ winɔ ɔ nɛ zufa ni. A gɔnɔ we, nɛ ma gbɛ o'dã winɔ.

Yeremi 1:10

Mɔ zɔ́, mi saka mɔ sɔɛ gɛ, nɛ mi hã to hã mɔ na, mɔ nɛ 'da onu kɔnggɔ winɔ ngɔ nù gɛ. Nɛ winɔ ni wa ɔ sɛ li mɔ nɛ te, tabi tɔa ni. Mɔ zu'du sɛ te ni, nɛ mɔ gbini gbakɔ̃ nɛ. Mɔ zɛ sɛ tɔa dɛ nù, nɛ mɔ 'danga ma. Nɛ nde mɔ 'dafa sɛ 'bɔ tɔa ni, nɛ mɔ mi te dɛ olo nɛ.”

Yeremi 5:14

Gale, NWA ngɔ mɔ nyanga nza vɛ̃ sa mɔ hã mi Yeremi, nɛ a na: “Ɔ nɛ kɛ wa tɔ̃ ní ni, mi nɛ tombo toe gɛ hã wa, nɛ ma hɔ sɛ kɔ nu mɔ nɛ́ we ni, ma bɛlɛ sɛ winɔ vɛ̃ ɔ nɛ kɛ we bɛlɛ do kula te ni.”

EZEKIƐLƐ 43:3

Mɛ mi zɔa li yalɛ ni, ma wia kɔ̃ do kɛ mi zɔa zi do 'da fala Gale tɛa zi we 'danga le Yeruzalɛmɛ ni. Nɛ ma wia 'bɔ kɔ̃ do kɛ mi zɔa zi tɛ nu lì Kebarɛ i ni. Mi zɔa ní, nɛ mi te, nɛ mi gu li mi nù.

OZE 6:5

Ma kɛ mi tumba Owi gba olo nu mi we tɔ̃ ngbangga dɛ ngɔ nɛ, nɛ olo nu mi ma gbɛ sɛ nɛ. Nɛ 'bili we 'da mi ma sala sɛ nɛ́ tua wese ni.

ZAKARIA 1:6

Nɛ nde mbulanɔ 'da mi ni ma 'bana fai. Oyaa nɛ wa bɛ̃a mbulanɔ do mbisa wenɔ 'da mi kɛ mi hã zi ma hã wa do wala 'da owi gba olo nu mi kɛ wa dɛ zi to 'da mi ni. Nɛ do Sɔkpɔ nɛ, nɛ oyaa nɛ wa kpa si olo nɛ, nɛ wa kpula dɛa mɔ tɛ wa. Nɛ wa ĩ zi na mi NWA, mi hã etumbu hã wa do 'da dɛa mɔ tɛ wa, ɔ nɛ kɛ mi 'bili zi ni.”

ZAKARIA 2:8

Nɛ anzɛ wele kɛ dati ni tɔ̃ hã wele ki ni na: “Mɔ yú 'do be zagbãlã a 'bia fɛlɛ dɛ kɔ̃ a ni, nɛ mɔ tɔ̃ hã a na, wa dɛ́ sɛ gba ngbo zĩ 'do le Yeruzalɛmɛ gɔ, we kɛ owinɔ do onadalamɛnɔ di ni wa dɔ wena.

USU MƐNƆ 13:13

Bɔa sa'de ni dɛ ogba sɔ̃ mɔ gã wena. A dɛ, nɛ gba nyɛa we yolo li nza i, nɛ ma te dɛ li winɔ vɛ.

USU MƐNƆ 9:17

Mi zɔa ombalatanɔ do owi kũ ngɔ wa ni do li yalɛ, nɛ nde wa hi'da tulu mɔ bolo dɛ ngu'du wa. Tuli ni fila nɛ́ we ni, nɛ tɛ nɛ ɔ 'bɔ nɛ tũ li nza ni, nɛ ma ɔ 'bɔ yee nɛ tɛ fila bɔ̃ ni. Nɛ zu mbalatanɔ ɔ nɛ zu ogbɔgbɔ ni, nɛ nde kɔ nu wa ma hɔ do gba nyɛa we, do zɛ̃ we, do kalĩ we.