USU MƐNƆ 11:4 - WE NU GALE 1995

⁴ Otemɔɛnɔ 'da Gale bɔa ni, mɛ a te olivɛ bɔa, do mwinda bɔa kɛ ma yolo dɛ dati Gale, Nwa ngɔ nùi gɛ ni.

USU MƐNƆ 11:4 Iomraidhean Croise

1 Onwanɔ 17:1

Mbe wele kpo zi kɔ le Tisbe, tɛ ngɔ nù Galadɛ, li a a Elia. A nɛa 'da nwa Akabɛ, nɛ a tɔ̃ hã a na: “Mi, wi toe 'da NWA wele kpasi, kɛ a a Gale 'da obe Israɛlɛ ni, mi tɔ̃ hã mɔ do zu li a na, kɔ sabɛlɛnɔ tɛ gɛ, mbɔɛ álá sɛ gɔ, nɛ kolo tɛ́ sɛ 'bɔ gɔ gbaa, hã mi aka a we nɛ sɛ nɛ de.”

Zumanɔ 52:8

Owi bɔlɔ zunɔ wa zɔ sɛ mɛ kɛ Gale dɛa ni, nɛ wa ɔngbɔ sɛ, nɛ wa mɔmɔ mɔ na:

Kulu Tɔa 8:22

Nɛ Mɔizɛ gese hã a na: “Gɔ, lɛ wè tɛ dɛ ni gɔ. We kɛ odɔnggamɛnɔ kɛ lɛ hã sɛ ma hã NWA Gale 'da lɛ ni, ma 'danga sɛ sila Oezipeto. Fala kɛ wa zɔ lɛ tɛ gbɛ sa'denɔ we dɔnggɔ do Gale, nɛ wa lo sɛ lɛ do ta.

Ezai 54:5

Mba gɔ, Gale kɛ a dɛa nɛ ni, a ɔ sɛ nɛ wili nɛ. A a Gale santo 'da nɛ, obe Israɛlɛ, nɛ li a a Nwa ngɔ mɔ nyanga nza vɛ̃. A kpasa sɛ nɛ kɔ ngamɔ. A a gã wi ngɔ nùi gɛ vɛ̃.

Yeremi 11:16

Mi ia zi li zu wa na: ‘Te olivɛ kɛ ma gã do dia nɛ, nɛ ma wala de wena.’ Nɛ nde mi tɛ sɛ ɔ nɛ ua dã kolo ni, nɛ mi fi we tɛ nwá te ni, nɛ ma bɛlɛ, nɛ gbakɔ̃ nɛ gbini dɛ nù.

Mike 4:13

NWA Gale tɔ̃a hã owi Yeruzalɛmɛ na: “Nɛ kúlú ngɔ dɛ tɛ Owi sɛnɛ nɛ, nɛ nɛ ha ngamɔ hã wa. Mi dɛ sɛ na, nɛ nganda ɔ nɛ wili ngɔmbɔ, kɛ zamba zu a do tambala nyanga a nganda nɛ́ mɔ bolo ni. Nɛ nɛ gbɛ sɛ ogele winɔ wena. Nɛ kala sɛ odia mɛnɔ, kɛ wa zũ zi kɔ̃ Owele ni, nɛ nɛ dɔnggɔ sɛ do mi Gale, kɛ mi a NWA ngɔ omɛnɔ nù gɛ vɛ̃ ni.”

LUKA 11:33

“Wele tũ mwinda, nɛ nde a úsú ma, tabi a gú kpana zu nɛ gɔ. Nɛ nde a e ma ngɔ mɔ e do mwinda, takɔ owinɔ kɛ wa le tɔa nga ni, wa zɔ mɔ do dia nɛ.

LUKA 21:36

Nɛ tɛ ɔ̃ yala gɔ. Nɛ sámbálá Gale 'da falanɔ vɛ̃ na, a hã ngawi hã nɛ, takɔ nɛ we tɛ kpasa kɔ mɛnɔ vɛ̃ kɛ ma hɔ sɛ ni, nɛ nɛ we tɛ yolo dati mi Be 'da Wele.”

ROMA 11:17

Nu kɔnggɔ Oyuda wa ɔ nɛ te olivɛ kɛ wa mi ma mi ni. Nɛ Gale 'bili mbe gbakɔ̃ te ni do'do, nɛ a kala ogbakɔ̃ te olivɛ zamɔ, nɛ a kpɔ ma dɛ olo kɛnɔ a 'bili ni. Ogbakɔ̃ te olivɛ zamɛ ni, wi a nɛ, ogele winɔ kɛ nɛ ba fala olo Oyudanɔ, nɛ nɛ kpa ngawi kɛ ma yolo tɛ kɔ Hã te olivɛ ni.

Mbulanɔ 10:8

Do 'da fala ni, nɛ NWA hã zi to hã nu kpala Levi. Mɛ zi a to ba tole Sanduku Gba Tɔkɛ 'da NWA, do yolo dati NWA we dɛ to hã a, do wele nu wa tɛ winɔ do zu li a. Nɛ tonɔ ni, ma 'bana do mɔ́ wa fai tia do sɔɛ gɛ.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”