USU MƐNƆ 11:3 - WE NU GALE 1995

³ Nɛ mi tombo sɛ temɔɛnɔ 'da mi bɔa, nɛ wa he'de sɛ saki, nɛ wa be we nu Gale gbaa 'do tũnɔ kote do kama bɔa do 'bu nɛ gazɛlɛ ni.”

USU MƐNƆ 11:3 Iomraidhean Croise

Ndo Nyanga Dɛ Mɔ 37:34

A nɛa we tɔ̃ ni do'do, nɛ a ɛ̃ tulu tɛ̃ a, nɛ a hi'da tulu gɛla, nɛ a hia kɔ̃a be 'da a 'do nɛ nyɛlɛ wena.

2 SAMUƐLƐ 3:31

Nwa Davidi tɔ̃a hã Yoabɛ do osodanɔ 'da a na, wa ɛ̃ tulu tɛ wa, nɛ wa he'de saki, kɔ wa dungu gɛla Abnɛrɛ. Nɛ Davidi do tɛ̃ a ngboo la do 'do wɔlɛ ni.

1 Onwanɔ 21:27

Nwa Akabɛ nɛa we zele olo nu NWA Gale, nɛ a ɛ̃ tulu tɛ̃ a, nɛ a he'de saki. Gɛnɛ kɔ 'da fala ɔ nù, nɛ a ɔ do saki ni dɛ tɛ̃ a. A bɛ̃a 'bɔ nyɔngɔmɔ, nɛ a fó 'bɔ tɛ̃ a gɔ.

2 Onwanɔ 19:1

Nwa Ezekiasi nɛa we zele toe wa tumba hã a ni, nɛ a ɛ̃ tulu tɛ̃ a do 'bako, nɛ a he'de tulu gɛla. 'Do nɛ, nɛ a kulu ngɔ, nɛ a nɛ kɔ Tɛmpɛloe 'da NWA Gale.

1 Sakonɔ 21:16

Davidi nɛa we ba li ɛ ngɔ, nɛ a zɔ anzɛ li nza ngɔ i tɛ yaka gba du kɔya 'da a dɛ si 'biti Yeruzalɛmɛ nga. Nɛ Davidi do kumunɔ kɛ wa hi'da tulu gɛlanɔ ni, wa gu li wa nù.

NEHEMIE 9:1

Ma hɔa kɔ̃ tũ 'bu nɛ bɔa ngɔ nɛ nalɛ, do kɔ kpo kpo zɛkɛ ni, nɛ obe Israɛlɛ, wa ngɛmɛ ngba wa, we kɛ mɛ zi a ngba soe bɛ̃ nyɔngɔmɔ we dɔnggɔ do Gale. Wa hi'da saki, nɛ wa a bũ zu wa.

YƆBƆ 16:15

Mi hi'da tulu gɛla, nɛ mi so bũ dɛ zu mi.

Zumanɔ 69:11

Mi ba tɛ mi dɛ nu, nɛ mi bɛ̃a nyɔngɔmɔ, nɛ owinɔ wa dã mi we mɛ mi dɛa ni.

Ezai 22:12

Do ngba soe ni, nɛ NWA Gale ngɔ mɔ nyanga nza vɛ̃ tɔ̃a hã nɛ na: “Nɛ bí tɛ nɛ, nɛ álá nu nɛ, nɛ kɛ́lɛ́ mili zu nɛ do'do, nɛ nɛ he'de tulu gɛla.”

Yeremi 1:10

Mɔ zɔ́, mi saka mɔ sɔɛ gɛ, nɛ mi hã to hã mɔ na, mɔ nɛ 'da onu kɔnggɔ winɔ ngɔ nù gɛ. Nɛ winɔ ni wa ɔ sɛ li mɔ nɛ te, tabi tɔa ni. Mɔ zu'du sɛ te ni, nɛ mɔ gbini gbakɔ̃ nɛ. Mɔ zɛ sɛ tɔa dɛ nù, nɛ mɔ 'danga ma. Nɛ nde mɔ 'dafa sɛ 'bɔ tɔa ni, nɛ mɔ mi te dɛ olo nɛ.”

ALA NU 2:10

Okumu Yeruzalɛmɛ wa fɛkɛ go'do wa do nù, nɛ fo 'bɔ mbé lɛnggɛ nu wa bina. Wa sua bũ dɛ zu wa, nɛ wa he'de tulu gɛla. Obe zɔnga Yeruzalɛmɛ wa bili zu wa nù.

EZEKIƐLƐ 4:6

Kɔ̃ tũnɔ ni ma e, nɛ mɔ síkí tɛ mɔ si ngɔ ngawili kɔ̃ mɔ. Nɛ dĩ tole 'dã mɛnɔ 'da obe Yuda, ma ɔ sɛ dɛ ngɔ mɔ 'do 'bu tũ nalɛ. Tũ kpo kɛ mi hã ma hã mɔ ni, ma wia kɔ̃ do sabɛlɛ kpo, kɛ Oyuda wa dɛa do 'dã mɔ ni.

DANIƐLƐ 12:7

Anzɛ ni nɛa we zele ni, nɛ a kala kɔ̃ a bɔa nɛ dɛ li nza i, nɛ mi zele gɛlɛ a tɛ tɔ̃ na: ‘Mi kana tɛ mi do zu li Gale, kɛ a ɔ fai ni na, ogba sɔ̃ mɛnɔ ni ma ɔ sɛ sabɛlɛ talɛ do dɔ nɛ. Ma Sɔkpɔ sɛ do 'da fala kɛ ngamɛ 'da owinɔ 'da Gale, ma e sɛ ni.’

DANIƐLƐ 7:25

A tɔ̃ sɛ 'dã we do zu li Gale kɛ a gã nɛa ngɔ mɔ vɛ̃ ni, nɛ a hã sɛ ngamɔ hã owinɔ 'da Gale. A fa sɛ we 'danga mbulanɔ do tũ ɛngganɔ 'da wa. Nɛ wa dungu sɛ ti mbula 'da a 'do sabɛlɛ talɛ do dɔ nɛ.

DANIƐLƐ 8:14

Nɛ mi zele gɛlɛ mbe kpo anzɛ tɛ gese na: ‘Ma dɛ sɛ ni gbaa 'do tũ koto kpo, do kama do 'bu nɛ mɔlɔ. Kɔ̃ tũnɔ ni vɛ̃, wa hã sɛ 'bɔ dɔnggamɛnɔ do titole do gɛ̃a wese gɔ. Nɛ 'do nɛ, nɛ wa 'dafa sɛ Tɛmpɛloe dɛ olo nɛ.’

YƆƐLƐ 1:13

Aa nɛ, onganganɔ, kɛ nɛ gbɛ sa'denɔ we dɔnggɔ do Gale ni, nɛ hé'dé tulu gɛla, nɛ nɛ hé kɔ̃a tɛ nɛ! Nɛ, kɛ nɛ a Owi tonɔ 'da Gale 'da lɛ ni, nɛ dɛ́ 'bako, nɛ yala tɛ gbò li nɛ gɔ, tua kɛ owinɔ wa tɛ́ 'bɔ kɔ tɔa Tɛmpɛlo nga do okpalɛ, do dɔ̃ we dɔnggɔ do Gale gɔ.

YONASI 3:5

Owi Ninivɛ wa zila we nu Gale, nɛ wa kɔ̃a. Nɛ wa 'bili na, wele kpo tɛ nyɔngɔ mɔ gɔ. Nɛ wele do wele hé'dé saki, yolo tɛ gã winɔ we hɔ ngɔ Owi 'da lenɔ, we be na wa kifi sila wa ngɔ 'dã mɛ 'da wa.

YONASI 3:8

Winɔ vɛ̃ wa hé'dé saki, nɛ wa he'de 'bɔ ma tɛ onadalamɛnɔ. Wele do wele sámbálá Gale do nga. Nɛ wele kpo do kpo lá fala 'dã dungu 'da a, do e bolo tɛ ngba a.

Tɔlɔ Mɔ 11:26

Ombe wele bɔa kɔ okumunɔ 'bu wa sambo ni, li wa a Ɛldadɛ do Medadɛ, wa 'bana dɛ fala ɔi ni, nɛ nde wa nɛ nu tɔa Tande i gɔ. Nɛ Hi Wi zĩlĩ tɛ mɛ 'bɔ dɛ ngɔ wa, nɛ wa ma ngɔ gba olo nu Gale dɛ li winɔ tɛ fala ɔi ni.

MATIE 11:21

“'Bako do nɛ, owi kɔ le Korazinɛ do Bɛtsaida. Mba gɔ, ɔ do kɛ ɔngbamɛnɔ ma dɛa tɛ̃ ɛ kɔ le 'da nɛ gɛ, ma dɛ sɔ tɛ̃ ɛ kɔ le Tirɛ do Sidoni, nɛ owinɔ i mɔ ni, wa he'de sɔ saki, nɛ wa a bũ zu wa we be na, wa kifi sila wa belee ia.

MATIE 18:16

Kɔ fala kɛ a bɛ̃ we zele mɔ, nɛ mɔ si, nɛ mɔ fa mbé wele kpo, tabi bɔa we dungu kɛ zã nɛ. We kɛ wa kɔma kɔ 'Buki 'da Gale na: ‘Fala kɛ wele da ngbɛ ɛ, nɛ ma wia na, otemɔɛ bɔa tabi talɛ wa tɔ̃ gulu nɛ do'do, sɛ nɛ nɛ 'bili ma de.’

LUKA 10:13

“'Bako do nɛ, owi kɔ le Korazinɛ do Bɛtsaida. Mba gɔ, ɔ do kɛ ɔngbamɛnɔ ma dɛa tɛ̃ ɛ kɔ le 'da nɛ gɛ, ma dɛ sɔ tɛ̃ ɛ kɔ le Tirɛ do Sidoni, nɛ owinɔ i mɔ ni, wa he'de sɔ saki, nɛ wa dungu zã bũ we be na, wa kifi sila wa belee ia.

LUKA 24:48

Temɔɛ mɛnɔ ma dɛa tɛ̃ ni, wi a nɛ.

YOANƐ 15:27

Nɛ nɛ tɛ mɛ 'bɔ, nɛ tɔ̃ sɛ we ngɔ mi, we kɛ nɛ zi fala nɛ kpo do mi, ndo do nyanga kɛ lɛ ma zi ngɔ yɛnggɛ do nɛ ni.

YOANƐ 3:27

Nɛ Yoanɛ gese hã wa na: “Mɛnɔ vɛ̃ kɛ wele kpa ni, wi a Gale a hã ma hã a.

Owi Nɛ Tonɔ 1:8

Nɛ nde do 'da fala kɛ Hi Wi Santo a zĩlĩ sɛ dɛ ngɔ nɛ ni, nɛ a hã sɛ ngawi hã nɛ. Nɛ nɛ sɛ a otemɔɛnɔ 'da mi, nɛ nɛ tɔ̃ sɛ gulu mɛnɔ kɛ nɛ zɔa ni hã owinɔ tɛ Yeruzalɛmɛ, do ngɔ nù Yude, do Samaria, gbaa we hɔ gulu nù i vɛ̃.”

Owi Nɛ Tonɔ 13:31

Nɛ 'do kɛ Yezu za'da nza kɔ fie ni, nɛ a kpa ngba a do owinɔ kɛ a yɛnggɛ zi do wa ni fala dɛlɛ wena. Wi zi a winɔ kɛ wa zi do a, yolo do ndò nyanga toe 'da a tɛ Galile i, gbaa we hɔ tɛ Yeruzalɛmɛ ni. Nɛ ngangga gɛ, winɔ ni wa hɔa temɔɛnɔ 'da a dati winɔ.

Owi Nɛ Tonɔ 2:32

Wi ni, wi a Yezu kɛ Gale tunu a kɔ fie ni. Lɛ zɔa a, nɛ lɛ a otemɔɛ nɛ.

Owi Nɛ Tonɔ 3:15

Nɛ nɛ gbɛa zi Nwa wele kpasi, nɛ nde Gale tunu a kɔ fio, nɛ lɛ zɔa a, nɛ lɛ a otemɔɛ nɛ.

1 KORINTƐ 12:28

Gale kɛa tonɔ kpi do kpi hã owinɔ kɔ Eklezia. A a Owi nɛ tonɔ 'da Yezu Kristo dati, nɛ tɛ bɔa nɛ, wi a owi gba olo nu Gale, nɛ tɛ talɛ nɛ, wi a owi be mɛnɔ. Nɛ 'do nɛ, nɛ wi a owi dɛ gba sɔ̃ mɛnɔ, nɛ 'do wa, wi a owinɔ kɛ wa do ngawi we kpasa Owi zɛlɛ, do wanɔ wa gala Owele, do wanɔ wa dungu nwa ngɔ ngba wa, do wanɔ wa tɔ̃ gele nunɔ kpi do kpi ni.

2 KORINTƐ 13:1

Kɛ gɛ sɛ a talɛ gɛnɛ kɛ mi nɛ sɛ 'da nɛ i ni. Wa kɔma kɔ 'Buki 'da Gale na: “Fala kɛ wele da ngbɛ ɛ nde, nɛ ma wia na otemɔɛ bɔa, tabi talɛ wa tɔ̃ gulu we ni do'do, sɛ nɛ nɛ 'bili ma de.”

EFƐZƐ 4:11

Wi hã ngawi dɛ to kpi do kpi hã winɔ, wi a a. A ia ombe do Owi nɛ to, nɛ a e ombe owi gba olo nu Gale, nɛ ombe owi be Dia Sakoe, nɛ ombe owi zɔ mɔ tɛ eklezia, nɛ ombe owi be mɔ.

Mbulanɔ 17:6

Nɛ nde nɛ wia tɛ gbɛ wi ni, tati a do 'da fala kɛ otemɔɛ bɔa, tabi odɔa temɔɛ wa tɔ̃ na, a dɛa 'dã mɛ ni ni. Temɔɛ ɔ kpo iko, nɛ nɛ tɛ gbɛ a gɔ.

Mbulanɔ 19:15

“Fala kɛ temɔɛ kpo iko tɔ̃ na, wele dɛa 'dã mɔ, nɛ wi gɔnɔ we 'bílí sɛ 'dã we hã wi ni gɔ. Nɛ nde fala kɛ otemɔɛ bɔa tabi talɛ wa tɔ̃ na, wele dɛa 'dã mɔ, nɛ wa wia we 'bili 'dã gulu we hã a.

USU MƐNƆ 1:5

Nɛ e kɔ Yezu Kristo, kɛ a tɔ̃ gulu we 'da Gale do gbãlã we, nɛ a a wi dati we tunu kɔ fio, nɛ a a Nwa ngɔ onwanɔ nù gɛ vɛ̃ ni, a be 'bɔ dia zã, nɛ a hã gɛ̃a dungu hã nɛ. Yezu Kristo kɔ̃a gɛnɛ lɛ, nɛ a fia we duzu lɛ, nɛ tɔkɔ tɛ a fua ku'da 'dã mɛnɔ zu lɛ.

USU MƐNƆ 11:2

Nɛ mɔ tɛ wè 'da du li fanda kɛ 'do tɔa Gale nza nga ni gɔ. Mɔ la ma, we kɛ mi la zi ma hã ogele winɔ. Wa tɛ sɛ, nɛ wa ma le santoe gɛ do nyanga wa gbutu gbutu, gbaa 'do tũ koto do kama bɔa do 'bu nɛ gazɛlɛ.

USU MƐNƆ 11:6

Nɛ 'da fala kɛ wa gba sɛ olo nu Gale hã winɔ ni, wa sɛ do ngawi we ba nu wa hã li nza na, dɔ kolo tɛ́ gɔ gbaa na, wa gba olo nu Gale e do'do sɛ nɛ de. Nɛ wa sɛ 'bɔ do ngawi we kifi lìnɔ do tɔkɔ, do we tombo zɛlɛ tɛ kpi do kpi hã winɔ ngɔ nù gɛ, ɔ nɛ kɛ zã wa kɔ̃a ni.

USU MƐNƆ 12:6

Nɛ wuke yu dɛ tɛ fala Gale 'dafa zi hã a li gba zɔ̃ i ni, we ɔ do i mɔ, takɔ wa dala a gbaa 'do tũ koto do kama bɔa do 'bu nɛ gazɛlɛ.

USU MƐNƆ 13:5

Nɛ wa hã wala hã sa'de ni na, a wele we do wali vɛ, nɛ a dã zu li Gale. A kpa ngawi we dɛ na mɛ ni gbaa, 'do zɛkɛ 'bu nɛ nalɛ ngɔ nɛ bɔa.

USU MƐNƆ 19:10

Nɛ mi gu li mi nù dati anzɛ ni we dɔnggɔ a, nɛ a tɔ̃ hã mi na: “Mɔ tɛ dɛ̀ ni gɔ! Mi tɛ mɛ 'bɔ a wi dɛa toe 'da Gale ɔ nɛ mɔ, do onya mɔ vɛ̃ kɛ wa kɔ̃a gɛnɛ gbãlã wenɔ 'da Yezu ni. Kɔ mɔ dɔ́nggɔ́ Gale!” Mba gɔ, gbãlã wenɔ kɛ Yezu bia hã winɔ ni, mɛ a kɛnɔ Hi Wi 'da Gale ia zi ma dɛ nu owi gba olo nu a ni.

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.