USU MƐNƆ 11:2 - WE NU GALE 1995

² Nɛ mɔ tɛ wè 'da du li fanda kɛ 'do tɔa Gale nza nga ni gɔ. Mɔ la ma, we kɛ mi la zi ma hã ogele winɔ. Wa tɛ sɛ, nɛ wa ma le santoe gɛ do nyanga wa gbutu gbutu, gbaa 'do tũ koto do kama bɔa do 'bu nɛ gazɛlɛ.

USU MƐNƆ 11:2 Iomraidhean Croise

Zumanɔ 79:1

Zuma 'da Asafɛ Aa Gale, ogele wele wa tɛa, nɛ wa bi nùi 'da mɔ. Wa faka Tɛmpɛloe 'da mɔ kɛ ma santo, nɛ wa 'danga le Yeruzalɛmɛ vɛ̃ do'do.

Ezai 48:2

Nɛ nɛ tɔ̃ na, lo a wi kɔ le santo, nɛ ma ɛ̃fɛ̃ tɛ nɛ wena. Nɛ nɛ tɔ̃ 'bɔ na, nɛ kpasa we duzu Gale 'da nɛ obe Israɛlɛ kɛ wa sa li a na, NWA ngɔ mɔ nyanga nza vɛ̃ ni. Nɛ nde nɛ zélé we gɛ:

Ezai 5:5

Kɔ ngangga ni, nɛ zélé mɛ kɛ mi dɛ sɛ do fɔ vinɔ 'da mi ni. Mi gbini sɛ ngboe 'do nɛ do'do, nɛ osa'de wa nyɔngɔ sɛ vinɔɛ. Ngboe nu fɔɛ kɛ wa dɛa do ta ni, mi ili sɛ ma, nɛ ma te nù, nɛ owinɔ wa ma sɛ ma.

Ezai 52:1

Aa nɛ, owi Yeruzalɛmɛ, nɛ ngó tɛ nɛ, nɛ nɛ yóló nganda. Nɛ 'dáfá le 'da nɛ Yeruzalɛmɛ, hã ma kpa dɔ̃lɔ̃ li, ɔ nɛ wi kɛ a hi'da dia tulu ni. Le ni a le santo 'da Gale. Mba gɔ, opaganɔ kɛ wa a owi ndi ni, wa lé sɛ 'bɔ le 'da nɛ gɔ.

ALA NU 1:10

Wa zɔa owi sɛnɛ wa tɛ zũ kpamɛnɔ 'da wa, do le kɔ Tɛmpɛloe 'da wa, kɛ nwa bɛ̃a zi na, gele wi tɛ lè kɔ nɛ gɔ ni.

EZEKIƐLƐ 4:6

Kɔ̃ tũnɔ ni ma e, nɛ mɔ síkí tɛ mɔ si ngɔ ngawili kɔ̃ mɔ. Nɛ dĩ tole 'dã mɛnɔ 'da obe Yuda, ma ɔ sɛ dɛ ngɔ mɔ 'do 'bu tũ nalɛ. Tũ kpo kɛ mi hã ma hã mɔ ni, ma wia kɔ̃ do sabɛlɛ kpo, kɛ Oyuda wa dɛa do 'dã mɔ ni.

EZEKIƐLƐ 42:20

Ki ni a tɛlɛ tɛ kɛ wi ni wia do 'da du ngboe ma zĩ Tɛmpɛloe takpa si 'biti falanɔ nalɛ gɛ a ni. 'Da du dɛlɛ ngboe wia kɔ̃ vɛ̃ mɛtrɛ kama bɔa do 'bu nɛ mɔlɔ. Wa dɛa ma we gɔnɔ sanga fala kɛ wa ia ma hã Gale, do gele fala kɛ ma santo gɔ ni.

DANIƐLƐ 12:7

Anzɛ ni nɛa we zele ni, nɛ a kala kɔ̃ a bɔa nɛ dɛ li nza i, nɛ mi zele gɛlɛ a tɛ tɔ̃ na: ‘Mi kana tɛ mi do zu li Gale, kɛ a ɔ fai ni na, ogba sɔ̃ mɛnɔ ni ma ɔ sɛ sabɛlɛ talɛ do dɔ nɛ. Ma Sɔkpɔ sɛ do 'da fala kɛ ngamɛ 'da owinɔ 'da Gale, ma e sɛ ni.’

DANIƐLƐ 7:19

“'Do nɛ, nɛ mi kɔ̃a we ĩ ti gulu sa'de wele kɛ nalɛ ni ngboo, we kɛ a si tɛ̃ ɛ do wanɔ talɛ dati ni. Mɔ zɔ a, nɛ kili ba mɔ iko. Gogo a a mɔ bolo, nɛ ɛ̃lɛ̃ kɔ̃ a a tũ mɔ bolo. A ɛ̃ sanga winɔ kɛ a kpa wa ni do gogo a, do ɛ̃lɛ̃ kɔ̃ a, nɛ a nyɔngɔ wa, nɛ a ma kɛnɔ a nyɔ̀ngɔ̀ gɔ ni ti nyanga a.

DANIƐLƐ 7:25

A tɔ̃ sɛ 'dã we do zu li Gale kɛ a gã nɛa ngɔ mɔ vɛ̃ ni, nɛ a hã sɛ ngamɔ hã owinɔ 'da Gale. A fa sɛ we 'danga mbulanɔ do tũ ɛngganɔ 'da wa. Nɛ wa dungu sɛ ti mbula 'da a 'do sabɛlɛ talɛ do dɔ nɛ.

DANIƐLƐ 8:10

Be za ni bi 'bɔ do owinɔ tɛ li nza i. Nɛ ombe sanga owinɔ ni, mba do mbe osɔlanɔ, wa ala nù, nɛ be za ni ma wa ti nyanga a.

DANIƐLƐ 8:13

“'Do nɛ, nɛ mi zele gɛlɛ anzɛ tɛ aka ngba a na: ‘Omɛnɔ ma bia tɛ̃ ɛ li wi gɛ, ma ɔ sɛ fai nde? Ma Sɔkpɔ sɛ soe ki nge nde? Wa bɛ̃ sɛ gɛnɛ hã dɔnggamɛnɔ, kɛ wa hã zi ma tũ kpo kpo ni gbaa soe ki nge nde? Wa faka sɛ Tɛmpɛloe, nɛ wa ma owinɔ li nza i ti nyanga wa, nɛ wa 'danga mɛnɔ yala iko fai nde?’

DANIƐLƐ 8:14

Nɛ mi zele gɛlɛ mbe kpo anzɛ tɛ gese na: ‘Ma dɛ sɛ ni gbaa 'do tũ koto kpo, do kama do 'bu nɛ mɔlɔ. Kɔ̃ tũnɔ ni vɛ̃, wa hã sɛ 'bɔ dɔnggamɛnɔ do titole do gɛ̃a wese gɔ. Nɛ 'do nɛ, nɛ wa 'dafa sɛ Tɛmpɛloe dɛ olo nɛ.’

Tɔlɔ Mɔ 14:34

Ɔ nɛ kɛ nɛ yɛnggɛ zi we zɔ nùi 'do 'bu tũ nalɛ ni, ma hã tɛ nɛ ma zɛlɛ sɛ tɛ mɛ 'bɔ olo 'dã mɛ 'da nɛ we 'bu sabɛlɛ nalɛ. Tũ kpo sɛ a sabɛlɛ kpo. Na mɛ ni, nɛ nɛ ĩ sɛ na, bɛ̃ we nu mi ma 'danga wena.

MATIE 27:53

nɛ wa hɔ nza kɔ zunu. Nɛ 'do kɛ Yezu za'da nza kɔ fie ni, nɛ wa lia dɛ Yeruzalɛmɛ, le santoe, nɛ Owele wena wa zɔa wa.

MATIE 4:5

Nɛ Satana ba a, nɛ a la do a dɛ kɔ le Yeruzalɛmɛ, nɛ a e a gbogbo zu tɔa Tɛmpɛlo i,

MATIE 5:13

“Sanga owinɔ ngɔ nù gɛ, nɛ ɔ nɛ tɔ̃ ni. Hã fala kɛ tɔ̃ zãlã, nɛ nde wa wè tɛ dɛ 'bɔ na, ma dãlã dɛ olo nɛ gɔ. Nɛ wa wè tɛ dɛ do to gɔ, nɛ wa a ma nù, nɛ winɔ wa ma iko.

LUKA 21:24

Owele wa gbɛ sɛ ombe sanga wa do du kɔya, nɛ ombe wa la sɛ kɔlɔ 'duli tɛ ngɔ gele nùnɔ vɛ̃. Nɛ ogele winɔ wa ma sɛ le Yeruzalɛmɛ ti nyanga wa, gbaa ndɔti nɛ a kɛ ngba soe 'da wa ma we.

OHEBRE 10:29

Kɔ ma ɔ na mɛ ni, nɛ nɛ lengge na ge nde? Wi kɛ a zɔ Be 'da Gale li a yala iko, nɛ a faka gba tɔkɛ kɛ Gale fua do ku'da 'dã mɛnɔ zu a ni na, fo gulu nɛ bina, nɛ a dã 'bɔ zu li Hi Wi Santo kɛ a be dia zã 'da Gale hã lɛ ni, a kpá sɛ zɛlɛ tɛ 'danga nɛ ngɔ wele kɛ sɔ ni gɔ nde?

USU MƐNƆ 11:11

Nɛ 'do tũi talɛ do dɔ nɛ ni, nɛ Gale ufu bũ kpasi dɛ kɔ wɔlɔ wa, nɛ wa kulu ngɔ. Nɛ kili ba zi winɔ vɛ kɛ wa zɔa wa ni wena.

USU MƐNƆ 11:3

Nɛ mi tombo sɛ temɔɛnɔ 'da mi bɔa, nɛ wa he'de sɛ saki, nɛ wa be we nu Gale gbaa 'do tũnɔ kote do kama bɔa do 'bu nɛ gazɛlɛ ni.”

USU MƐNƆ 12:6

Nɛ wuke yu dɛ tɛ fala Gale 'dafa zi hã a li gba zɔ̃ i ni, we ɔ do i mɔ, takɔ wa dala a gbaa 'do tũ koto do kama bɔa do 'bu nɛ gazɛlɛ.

USU MƐNƆ 21:10

Nɛ ngawi 'da Hi Wi Santo lia kɔ mi, nɛ anzɛ la do mi gbaa dɛ ngɔ ngala kala. Nɛ a be Yeruzalɛmɛ, gã le santoe hã mi. Ma yula 'da Gale li nza i, nɛ ma tɛ zĩlĩ dɛ nù nga.

USU MƐNƆ 21:2

Nɛ mi zɔa gã le santo, mbé le Yeruzalɛmɛ, ma yula 'da Gale li nza i, nɛ ma tɛ zĩlĩ dɛ nù nga. Wa 'dafa ma vɛ, ɔ nɛ kɛ wuko ba wili 'dafa tɛ̃ a we 'bɔ do 'da wili a ni.

USU MƐNƆ 22:19

Nɛ wi kɛ a fo tɛ wenɔ kɔ 'buki gɛ ni, nɛ Gale a bɛ̃ sɛ na, a tɛ nyɔ̀ngɔ̀ wala te kɛ ma hã kpasi ni gɔ, nɛ a tɛ lè kɔ le santoe kɛ wa tɔ̃ we nɛ kɔ 'buki gɛ ni gɔ.