USU MƐNƆ 11:12 - WE NU GALE 1995

¹² Nɛ Owi gba olo nu Gale bɔa ni, wa zila wala gɛlɛ wele, ma wele hã wa do li nza i nganda wena na: “Nɛ kũ dɛ i nga!” Nɛ wa kũ dɛ li nza i do sanga kutunɔ dɛ li Owi sɛnɛ wa ni vɛ.

USU MƐNƆ 11:12 Iomraidhean Croise

2 Onwanɔ 2:1

'Da fala wia zi, nɛ NWA fi ogba bũ zikili, nɛ ma ba Elia kũ do a dɛ li nza i. Nɛ zélé tɛlɛ tɛ kɛ ma la zi ni! Elia do Elize wa kulu ngɔ te Gilgalɛ, nɛ wa la fala nɛ kpo,

2 Onwanɔ 2:11

'Da fala wa tɛ wele we tɛ la nɛ ni, nɛ ombalata bɔa kɛ wa nyɛ ɔ nɛ we ni, wa hɔ do ngilingili kɛ ma nyɛ 'bɔ nɛ we ni, nɛ ma gɔnɔ sanga tɛ ngba wa. Nɛ Gale fi gba bũ zikili, nɛ ma ba Elia kũ do a dɛ li nza i.

2 Onwanɔ 2:5

Kɔ wa hɔa i mɔ, nɛ owi gba olo nu Gale, kɛ wa ɔ di ni ni, wa tɛ, nɛ wa aka Elize na: “Mɔ ĩ̀ na, NWA nɛ ba wele mɔ dɛ li nza i sɔɛ gɛ gɔ nde?” Nɛ Elize gese na: “Mi ĩ ĩ. Kɔ nɛ lá fala tɔ̃ we nɛ hã mi do'do!”

2 Onwanɔ 2:7

Nɛ owi gba olo nu Gale 'bu wa mɔlɔ, wa nɛa 'dɔkɔlɔ Elia do Elize tɛ nu lì i. Owinɔ ni wa kpa wa, nɛ nde wa yula nù dɛ nu lì ni. Nɛ wa yolo nyɛlɛ do Elia do Elize be sĩ.

Zumanɔ 112:10

kɔ 'dã wi zɔ a, nɛ zã a nɔ̃lɔ̃, nɛ gbãlã zã a bi, nɛ li a fele, nɛ linggamɛnɔ a 'dafa ni, ma 'danga vɛ̃.

Zumanɔ 15:1

Zuma 'da Davidi Aa NWA, wi wia tɛ le kɔ tɔa Tɛmpɛlo 'da mɔ, wi a wio nde? Wi wia we dɔnggɔ mɔ tɛ ngɔ kala 'da mɔ kɛ ma santo, wi a wio nde?

Zumanɔ 24:3

Winɔ kɛ nwa a kɔ sɛ na, wa kũ ngɔ kala 'da a, nɛ wa le kɔ Tɛmpɛlo santo 'da a ni, wi a wio nde?

Zumanɔ 86:17

Aa NWA, mɔ bé dia zã 'da mɔ hã mi, mɔ gálá mi, nɛ mɔ kpasa mi, hã owi sɛnɛ mi wa zɔ ní, nɛ sape ma ba sɛ li wa.

Kulu Tɔa 14:25

A dɛa na, kolo nyanga ngilingilinɔ 'da wa le nù, nɛ ma la zãa. Oezipeto wa nɛa we zɔ ní, nɛ wa zɛ nu wa na: “Lɛ yú, hã lɛ nyɛlɛ do obe Israɛlɛ, we kɛ NWA Gale tɛ bi bolo do lɛ zu wa.”

Ezai 14:13

Mɔ dɔnggɔ zi tɛ mɔ na: ‘Mi kũ sɛ gbaa li nza 'di, nɛ mi e sɛ kpongbo nwa 'da mi ndũu do 'do sɔlanɔ 'da Gale i.’ Mɔ lengge zi na: Mɔ dungu sɛ nwa ngɔ kala, kɛ ogalenɔ wa mba li ngba wa ngɔ nɛ tɛ si gbãlã ngɔ 'di ni.

Ezai 40:31

Nɛ nde NWA zɔ owinɔ kɛ wa a sila wa ngɔ a ni, nɛ a hã mbé ngawi hã wa, nɛ wa nganda ɔ nɛ oziki, kɛ wa bũlũ dɛ ngɔ i nyɛlɛ wena ni. Wa yu gbaa, nɛ nde wa mbɔ́kɔ́ gɔ, Wa yɛnggɛ gbaa, nɛ nde wa yóló nù gɔ.

Ezai 60:8

Ogba dɔa masuanɔ kɛ ma fɛngɛ ngɔ lì bututu gɛ, ma yula do nde? Ma dɔa ɔ nɛ ogbakulĩ kɛ wa bũlũ we si dɛ nu tɔa 'da wa ni.

MALAKI 3:18

Do ngba soe ni, nɛ nɛ zɔ sɛ na, ode winɔ do o'dã winɔ wa wè kɔ̃ gɔ. Nɛ nɛ zɔ sɛ 'bɔ na, winɔ kɛ wa dɛ mbula 'da mi Gale, do wanɔ kɛ wa dɛ́ mbulanɔ 'da mi gɔ ni, wa wè kɔ̃ gɔ.

LUKA 16:23

Nɛ wi kpamɛ ni ma ngɔ kpa zɛlɛ tɛ kɔ le 'da ofionɔ i wena. Kɔ a nɛa we ba li a ngɔ, nɛ a zɔ Abrahama ndũu, nɛ nde Lazarɛ dɛ kɛ zã a ni.

Owi Nɛ Tonɔ 1:9

'Do kɛ Yezu tɔ̃a we ni, nɛ a ma ngɔ kũ dɛ li nza i, nɛ wa tɛ ka mɔ 'do a gbaa, nɛ a bi tũ dɛ zã kuti dɛ li wa ni.

1 TƐSALONIKƐ 4:17

Dɛ 'do nɛ, nɛ lɛ, kɛ lɛ 'bana do tunu li lɛ 'da fala nɛ ni, Gale a kala sɛ lɛ do wa fala nɛ kpo dɛ sanga kutunɔ, we gɔnɔ dati Nwa dɛ li ngɔ i. Na mɛ ni, nɛ lɛ sɛ do Nwa fala nɛ kpo fai.

USU MƐNƆ 12:5

Nɛ wuke ni kua bulu be, kɛ a dungu sɛ nwa ngɔ winɔ vɛ do dɔndɔlɔ mɔ bolo kɔ̃ a ni. Kɔ be nɛa we hɔ nza, nɛ wa ba a la do a dɛ kɛ zã kpongbo nwa 'da Gale ngɔ i.

USU MƐNƆ 3:21

Wi kɛ a kunu sila a kɔ ngamɛnɔ gbaa we hɔ ndɔti nɛ, nɛ mi hã sɛ wala hã a we dungu do mi ngɔ kpongbo nwa 'da mi, ɔ nɛ kɛ mi kunu zi tɛ mɛ 'bɔ sila mi gbaa we hɔ ndɔti nɛ, nɛ mi dungu do Baa mi ngɔ kpongbo nwa 'da a ni.

USU MƐNƆ 4:1

Nɛ 'do ki ni, nɛ mbé mɔ hɔa li mi do li yalɛ. Mi ka mɔ li nza i, nɛ mi zɔ nu tɔa kpo, nɛ nde ma hũi. Nɛ mi zele 'bɔ wala gɛlɛ wi kɛ mi zila sɔ dati ni, ma wele nɛ́ mɔtũlũ ni. Nɛ ma tɔ̃ hã mi na: “Mɔ ku dɛ 'da mi nga, kɔ mi be mɛnɔ kɛ ma hɔ sɛ do 'do ni hã mɔ.”