USU MƐNƆ 11:10 - WE NU GALE 1995

¹⁰ Nɛ fie 'da winɔ bɔa ni, ma de sɛ tɛ winɔ ngɔ nù gɛ wena. Wa dɛ sɛ yangga, nɛ wa hã odia mɔ hã ngba wa, we duzu kɛ owinɔ bɔa kɛ wa gba zi olo nu Gale, nɛ wa hã zi ngamɔ hã winɔ ngɔ nù gɛ wena ni, wa fia ia.

USU MƐNƆ 11:10 Iomraidhean Croise

1 Onwanɔ 18:17

Kɔ a nɛa we zɔ a, nɛ a na: “Mɔ wi hã ngamɛ hã obe Israɛlɛ gɛ, mɔ hɔa kpaa nde?”

1 Onwanɔ 21:20

Nɛ Elia nɛa we tɔ̃ toe ni hã Akabɛ. Akabɛ nɛa we zɔ a, nɛ a tɔ̃ hã a na: “Mɔ, kɛ mɔ sɛnɛ mi nɛ gɛ nde gɛ, mɔ kpa 'bɔ mi kpaa nde!” Nɛ Elia gese hã a na: “Ĩi, mi kpa mɔ. Kɔ mɔ ĩ na, ɔ nɛ kɛ mɔ do yangga we dɛ mɔ kɛ ma dè tɛ nwa gɔ ni,

1 Onwanɔ 22:18

Nɛ Akabɛ tɔ̃ hã Yozafatɛ na: “Mi tɔ̃̀ sɔ hã mɔ gɔ nde? Mi tɔ̃a sɔ na, a gbá mbe olo nu Gale hã mi do dia nɛ fala kpo gɔ, a tɔ̃ hã mi tɛ mɛ fai a 'dã we iko.”

1 Onwanɔ 22:8

Nɛ nwa Akabɛ gese na: “Wele boe, wi a Mike, be 'da Imla. Nɛ nde mi kɔ̃̀ gɛnɛ a gɔ, we duzu kɛ a tɔ̃́ mbe dia we hã mi fala kpo gɔ. A tɔ̃ fai a 'dã we iko.” Nɛ Yozafatɛ gese na: “Ee, mɔ tɛ tɔ̃̀ ni gɔ!”

Zumanɔ 13:4

Aa NWA Gale 'da mi, mɔ síkí li mɔ dɛ 'da mi, nɛ mɔ gésé nu we hã mi. Mɔ dɛ́ na, tɛ mi nganda, dɔ mi fé gɔ.

Zumanɔ 35:19

Mɔ tɛ là owinɔ kɛ wa bɛ̃a gɛnɛ mi ni na, wa nɛ ngɔ mi hã wa mɔmɔ mi gɔ. Mɔ tɛ là owinɔ kɛ wa sɛnɛ mi yala iko ni na, wa fi gbɛlɛgbɛsɛ ngɔ mi gɔ.

Zumanɔ 89:42

Owi la walanɔ vɛ̃ wa kala mɔ tɛ̃ a la nɛ, nɛ owinɔ kɛ zã nùi 'da a ni wa fi tɔɛ zu a.

GBA WENƆ 24:17

Mɔ tɛ dɛ̃ yangga, we kɛ wi sɛnɛ mɔ tia ni gɔ. Nɛ zã mɔ tɛ ɔ̀ nyɛɛ, we kɛ a kpa 'bako ni gɔ.

Yeremi 38:4

Ogã wi ti nu nwa Sedekiasi, wa nɛa we zele ní, nɛ wa nɛ, nɛ wa tɔ̃ hã a na: “Yeremi wia do fio. Mba gɔ, wenɔ a tɔ̃ gɛ, ma 'danga linggamɔ zu osodanɔ, do owinɔ kɔ le gɛ 'danga. A gálá winɔ gɔ, a fa gɛ we gã 'da zɛlɛ tɛ 'da wa iko.”

Yeremi 50:11

NWA tɔ̃a na: “Aa nɛ, Owi Babilonia, nɛ 'danga zi nùi 'da mi. Nɛ nɛ dɔnggɔ tɛ nɛ, nɛ nɛ dɛ yangga, nɛ nɛ bũlũ dɛ ngɔ, ɔ nɛ obe wili ngɔmbɔ tɛ li zɔ́, nɛ nɛ he mɔ ɔ nɛ owili punda ni!

ABDIASI 1:12

“Aa nɛ, Oedɔmɛ, ma wè zi na, nɛ dɛ yangga ngamɛ kɛ onya nɛ Oyuda wa kpa ni gɔ. Nɛ wè zi we dɛ yangga do ngba soe kɛ owi sɛnɛ Oyuda, wa ba le 'da wa, nɛ wa 'danga ma ni gɔ. Nɛ nɛ wè zi 'bɔ we dã wa do ngba soe 'bako 'da wa ni gɔ.

Mike 7:8

Aa nɛ, owi sɛnɛ lɛ, nɛ tɛ mɔ̀mɔ̀ ngamɛ lɛ kpa gɛ gɔ. Gɛnɛ kɔ lɛ tia nù, nɛ nde lɛ kulu sɛ ngɔ. Gɛnɛ kɔ lɛ a kɔ gba tũ, nɛ nde NWA Gale a fo sɛ lɛ dɛ sa fala.

MATIE 10:22

Nɛ winɔ vɛ̃ wa sɛnɛ sɛ nɛ we duzu mi. Kɔ wele kɛ sila a nɔ tɛ kɔ̃a we 'da a, gbaa we hɔ ndɔti nɛ, nɛ Gale a kpasa sɛ a.

YOANƐ 16:20

Mi tɔ̃ hã nɛ do gbãlã we na, nɛ dungu sɛ do mili kɔ̃a, do 'bako, nɛ nde winɔ nù gɛ wa sɛ do yangga wena. Nɛ sɛ do 'bako, nɛ nde 'bakoe 'da nɛ ma kifi sɛ yangga.

YOANƐ 7:7

Winɔ nù gɛ, wa wè tɛ sɛnɛ nɛ gɔ, nɛ nde wa tɛ sɛnɛ mi, we duzu kɛ mi be dɛ nza na, mɛnɔ wa dɛ ni, ma dè gɔ.

Owi Nɛ Tonɔ 5:33

Owi 'bili wenɔ wa nɛa we zele we ni, nɛ ma ngbɛnzɛ wa wena, nɛ wa handa we gbɛ Owi nɛ tonɔ.

1 KORINTƐ 13:6

Nɛ ma dɛ 'bɔ na, wele tɛ dɛ̀ yangga bɛlɛ dɛa mɔ gɔ, nɛ nde a dɛ yangga gbãlã we dɛa mɔ.

USU MƐNƆ 12:13

Kɔ 'da fala gba sɔ̃ sa'de nɛa we zɔ na, wa da ɛ dɛ nù nga ia ni, nɛ a ma ngɔ ndaka wuke kɛ a kua be ni.

USU MƐNƆ 13:14

Nɛ a ɔlɔ owinɔ ngɔ nù gɛ do gba sɔ̃ mɛnɔ, kɛ wa hã wala hã a we dɛ ma dɛ li kuti sa'de sɔ ni. Nɛ a ba nu a hã winɔ na, wa dɛ hi sa'de kɛ wa dumu zi a do du kɔya na a fe, nɛ a fè gɔɛ ni, hã wa dɔnggɔ ma.

USU MƐNƆ 13:8

Nɛ winɔ ngɔ nù gɛ, wa dɔnggɔ sɛ sa'de ni. Winɔ ni, wi a wanɔ kɛ Gale kɔ̀mɔ̀ zɛ́ li wa kɔ 'Buku Kpasi, dati kɛ a ndua zɛ́ nyanga dɛ mɛnɔ vɛ́ ni gɔ ni. 'Buku Kpasi ni, mɛ a kɛ 'da Be Bata kɛ wa gbɛa zi a ni.

USU MƐNƆ 16:10

Nɛ mɔlɔ anzɛ sulu ngamɛ kɔ bila kɔ̃ a ni dɛ ngɔ kpongbo nwa 'da sa'de, nɛ gba tũ tũ kɔ le nwa 'da sa'de ni. Nɛ owinɔ wa ma ngɔ nyɔngɔ li gogo wa we ngamɛ ma kpa wa ni.

USU MƐNƆ 3:10

Kɔ we duzu kɛ nɛ dɛa olo nu mi, nɛ nɛ kunu sila nɛ ni, mi fɔmɔ sɛ tɛ mɛ 'bɔ nɛ 'da fala ngamɛnɔ ma kpa sɛ winɔ ngɔ nùi gɛ vɛ̃, we yamba sila wa ni.