USU MƐNƆ 10:7 - WE NU GALE 1995

⁷ 'Da fala kɛ sambo anzɛ a dama sɛ mɔtũlĩ ni, nɛ Gale a dɛ sɛ usu linggamɛ 'da a ɔ nɛ kɛ a mbisa zɛ́ do owi gba do nu a, wi dɛa tonɔ 'da a ni.”

USU MƐNƆ 10:7 Iomraidhean Croise

AMƆSI 3:7

Na mɛ ni, NWA Gale dɛ́ mɔ iko gɔ. A be linggamɛ 'da a hã Owi gba olo nu a dati sɛ nɛ de.

Owi Nɛ Tonɔ 3:21

Nɛ nde ngangga gɛ, ma wia na, Yezu 'bana dɛ ngɔ i, gbaa we hɔ 'da fala kɛ Gale a 'dafa sɛ 'bɔ mɛnɔ vɛ̃ do mbé nɛ, ɔ nɛ kɛ a tɔ̃a zɛ́ dati belee, do wala 'da Owi gba olo nu a kɛ a saka zɛ́ wa ni.

ROMA 11:25

Onyae, mi kɔ̃a na, nɛ ĩ́ ti usu we kɛ Gale bia ma hã mi gɛ, da dɛ kɔ nɛ dɔ́nggɔ́ tɛ nɛ na, lo a wi hã zã gɔ. Usu we ni ma kɛ: Nga zu kɛ ombe Israɛlɛ wa dɛ dɛ 'da Gale ni, ma 'báná sɛ fai gɔ. Ma ɔ sɛ na mɛ ni gbaa na, li winɔ kɛ Gale saka we kpasa wa sanga gele nu kɔnggɔnɔ ni, ma we do'do sɛ nɛ de.

ROMA 16:25

Lɛ dɔ́nggɔ́ Gale, we duzu kɛ a do ngawi we dɛ na, kɔ̃a we 'da nɛ nganda, ɔ nɛ kɛ Dia Sakoe 'da Yezu Kristo, kɛ mi bia zi ma hã nɛ tɔ̃a ni. Dia Sakoe ni, mɛ a wenɔ kɛ ma usu zɛ́ tɛ̃ ɛ dati belee ni.

USU MƐNƆ 14:6

'Do ki ni, nɛ mi zɔa mbé gele anzɛ tɛ bũlũ ndũu do ngɔ i. Nɛ a tɛa do Dia Sakoe kɛ ma 'bana sɛ fai ni, takɔ a be ma hã owinɔ ngɔ nù gɛ. A be ma hã nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ̃.

USU MƐNƆ 17:17

Mba gɔ, Gale ia dɛ kɔ sila wa na, wa dɛ mɛ kɛ zã ɛ kɔ̃a ni. Mɛ a kɛ na, wa mba linggamɛ 'da wa kpo, nɛ wa hã dɛa to nwanɔ 'da wa hã sa'de ni gbaa na, we nu Gale ma dɛ tɛ̃ ɛ vɛ̃ do'do sɛ nɛ de.