USU MƐNƆ 10:5 - WE NU GALE 1995

⁵ 'Do nɛ, nɛ anzɛ kɛ mi zɔa sɔ a tɛ yolo ngɔ gba lì do ngɔ nga nùi ni, a ɛfɛ ngawili kɔ̃ a dɛ li nza i,

USU MƐNƆ 10:5 Iomraidhean Croise

Ndo Nyanga Dɛ Mɔ 14:22

Nɛ Abrama gese hã a na: “Mi kala kɔ̃ mi dɛ ngɔ we zonggo tɛ mi dati NWA Gale, kɛ a nɛa ngɔ mɔ vɛ̃, nɛ a dɛa li nza do nù ni na,

NEHEMIE 9:6

“Mɔ zu mɔ kpo, mɔ a NWA. Mɔ dɛa li nza do osɔlanɔ. Mɔ dɛa nùi, do mɛnɔ ngɔ nɛ vɛ̃. Mɔ dɛa gba lìnɔ, do mɛnɔ 'dɔ nɛ vɛ̃, nɛ mɔ hã kpasi hã mɔ kpo kpo kɛ mɔ dɛa ni. Oanzɛnɔ wa gu gba zugolo, nɛ wa bili zu wa nù ti mɔ.

Zumanɔ 146:5

Wi kɛ Gale 'da Yakɔbɔ gala a ni, a a wi yangga. Wi kɛ a gbini zã a do NWA Gale 'da a ni, a a wi yangga.

Kulu Tɔa 20:11

We kɛ 'do tũ gazɛlɛ, mi dɛa zi li nza do nù, do gba lì, do omɛnɔ nyanga nza gɛ vɛ̃. Nɛ tũi kɛ sambo, mi ɔmɔ tɛ mi. Ma kɛ mi wila nu mi tɛ tũi ni na, wa e ma hã mi.

Kulu Tɔa 6:8

Mi kã sɛ nɛ, nɛ mi e sɛ nɛ ngɔ nùi kɛ mi kana zi tɛ mi na, mi hã sɛ ma hã Abrahama, Izaka do Yakɔbɔ ni. Nɛ mi hã sɛ nùi ni hã nɛ do mɔ nɛ. Mi NWA, mi tɔ̃a ni.”

EZEKIƐLƐ 20:15

Nɛ mi kana tɛ mi tɛ li gba zɔ̃ i na, wa lé sɛ ngɔ nùi mi saka zi hã wa ni gɔ. Mɛ a nù kɛ ma do nyɔngɔmɔ la li ngele, nɛ ma dia nɛa ngɔ nùnɔ vɛ̃.

EZEKIƐLƐ 20:23

Nɛ nde mi kana 'bɔ mbé tɛ mi tɛ li gba zɔ̃ i na, mi pɛsɛ sɛ wa dɛ sanga ogele winɔ.

EZEKIƐLƐ 20:28

Mba gɔ, mi kã zi wa dɛ ngɔ nù kɛ mi kana tɛ mi we hã ma hã wa ni. Kɔ wa nɛa zi we zɔ zu kala do zu tenɔ kɛ ma 'bɔ wena ni, nɛ wa ma zi ngɔ hã dɔnggamɛnɔ 'da wa hã ogale bɛlɛnɔ dɛ di ni. Nɛ mi nɛa zi we zɔ dɔnggamɛnɔ kɛ wa dɔ, nɛ dɔ̃ɛ wa dɔnggɔ do ogale bɛlɛnɔ ni, nɛ ma hã nɔ̃lɔ̃ zã hã mi wena.

EZEKIƐLƐ 20:42

Nɛ 'da fala mi gese sɛ nɛ dɛ ngɔ nù kɛ mi kana zi tɛ mi we hã ma hã oyaa nɛ ni, nɛ nɛ tɛ mɛ 'bɔ, nɛ ĩ sɛ na, mi a NWA.

EZEKIƐLƐ 20:5

Nɛ mɔ tɔ̃ toe 'da mi hã wa na: 'Da fala mi saka zi obe Israɛlɛ ni, nɛ mi kpua zi mbulu hã wa. Mi bia tɛ mi hã wa tɛ ngɔ nù Ezipeto i, nɛ mi tɔ̃ zi hã wa na, mi a NWA 'da wa.

EZEKIƐLƐ 36:7

Nɛ nde mi NWA Gale, mi 'bili na, mi hã sɛ 'bɔ sape hã ogele winɔ kɛ zã nɛ ni.

EZEKIƐLƐ 47:14

Mi kana zi tɛ mi hã oyaa nɛ na, mi hã sɛ nù Israɛlɛ hã wa do mɔ wa. Na mɛ ni, nɛ gba sɛ nùi dɛ kɔ̃ ngba nɛ we kɔ̃.

DANIƐLƐ 12:7

Anzɛ ni nɛa we zele ni, nɛ a kala kɔ̃ a bɔa nɛ dɛ li nza i, nɛ mi zele gɛlɛ a tɛ tɔ̃ na: ‘Mi kana tɛ mi do zu li Gale, kɛ a ɔ fai ni na, ogba sɔ̃ mɛnɔ ni ma ɔ sɛ sabɛlɛ talɛ do dɔ nɛ. Ma Sɔkpɔ sɛ do 'da fala kɛ ngamɛ 'da owinɔ 'da Gale, ma e sɛ ni.’

Owi Nɛ Tonɔ 14:15

“Onyae, gulu kɛ nɛ dɛ ni we ge nde? Lɛ a Owele ɔ nɛ nɛ gɛ iko. Lɛ tɛa we be Dia Sakoe 'da Yezu hã nɛ, takɔ nɛ lá fala dɔnggɔ osɛa tenɔ, kɛ ma do gulu nɛ bina ni, kɔ nɛ siki li nɛ dɛ 'da Gale wele kpasi, kɛ a dɛa li nza, do nùi, do gba lì, do mɛnɔ 'dɔ lìnɔ vɛ̃ ni.

Owi Nɛ Tonɔ 17:23

Mba gɔ, 'da fala mi yɛnggɛ zi kɔ le 'da nɛ gɛ, nɛ mi zɔa okpikimanɔ kɛ nɛ dɔnggɔ wa ni. Nɛ mi zɔa mbe gbagala, nɛ nde wa kɔma tɛ nɛ na: ‘Fala dɔnggɔ do gale, kɛ lɛ ĩ̀ ti a gɔ’ ni. Kɔ ɔ nɛ kɛ nɛ dɔnggɔ mɔ kɛ nɛ ĩ̀ ti ma gɔ ni,

ROMA 1:20

Mba gɔ, yolo do kɛ Gale dɛa do omɛnɔ nyanga nza vɛ, omɛnɔ a dɛa ni ma be ngawi 'da a kɛ ndɔti nɛ bina, do tɛlɛ tɛ a ngboo. Mɛnɔ ni ma usu tɛ ɛ usu, nɛ nde owinɔ wa wia we ĩ ti nɛ. Nɛ we duzu ma, Gale wè do mbɔkɔ 'dã mɛ 'da wa gɔ.

Mbulanɔ 32:40

Ɔ nɛ kɛ mɛ a gbãlã we na, mi a Gale wele kpasi ni, mi ba kɔ̃ mi dɛ ngɔ, nɛ mi zonggo tɛ mi na:

OHEBRE 6:13

'Da fala Gale nɛa we kpo mbuli hã Abrahama ni, nɛ a zungga tɛ̃ a do zu li a wele nɛ ngboo, we kɛ fo mbé wele ngɔ Gale, do kɛ Gale zonggo tɛ̃ a do zu li a ni bina.

USU MƐNƆ 1:18

Mi do kpasi! Mi fia zi, kɔ ngangga ni, mi do kpasi kɔ sabɛlɛ do sabɛlɛ. Mi do ngawi ngɔ fio, do ngɔ le 'da ofionɔ.

USU MƐNƆ 10:2

Nɛ a 'bia be 'buku dɛ kɔ̃ a, mɛ a hũi li nɛ. A zĩ ngawili nyanga a ngɔ gba lì, nɛ a zĩ gale nyanga a ngɔ nga nùi.

USU MƐNƆ 14:7

Nɛ a he mɔ dɛ ngɔ na: “Nɛ dɛ́ kili Gale, nɛ nɛ dɔnggɔ a! Mba gɔ, ngba soe a nɛ 'bili do we 'da owinɔ ni, ma hɔa ia. Nɛ dɔ́nggɔ́ wi kɛ a dɛa li nza do nùi, gba lì, do be lìnɔ ni!”

USU MƐNƆ 16:17

Nɛ sambo anzɛ sulu ngamɛ kɔ bila kɔ̃ a ni dɛ zã bũi. Nɛ wala gɛlɛ wele wila nganda wena tɛ kpongbo nwa kɔ tɔa Tɛmpɛloe i na: “Ma ia wá ia!”

USU MƐNƆ 4:11

“Aa Nwa, mɔ a Gale 'da lɛ. Mɔ wia do dɔ̃lɔ̃ li, do dɔngga wi, do nganda vɛ. Mba gɔ, mɔ a mɔ dɛa mɛnɔ vɛ. Mɔ kɔ̃a zi na mɛnɔ dɛ tɛ̃ ɛ, nɛ ma dɛa tɛ̃ ɛ.”

USU MƐNƆ 4:9

Nɛ Otunu li mɛnɔ ni wa tɛ ga zuma hã wi kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa tɔ̃ de zu li a, nɛ wa hã iɔ̃nae hã a.