USU MƐNƆ 10:4 - WE NU GALE 1995

⁴ Wa gisa nu nɛ do'do, nɛ mi ma ngɔ kɔmɔ wenɔ kɛ ua dã kolenɔ wa tɔ̃a ni dɛ li mbɛti. Nɛ mi zele wala gɛlɛ wele do li nza i tɛ tɔ̃ hã mi na: “Mɔ tɛ kɔ̀mɔ̀ wenɔ kɛ ua dã kolenɔ sambo wa tɔ̃a ni gɔ, kɔ mɔ úsú dɛ kɔ sila mɔ, dɔ wele zélé gɔ.”

USU MƐNƆ 10:4 Iomraidhean Croise

Ezai 29:11

Wenɔ kɛ owi gba olo nu Gale wa tɔ̃ hã nɛ ni, nɛ ĩ́ 'bɔ ti gulu ma gɔ. Ma usu tɛ̃ ɛ hã nɛ ɔ nɛ we kɔ mbɛti kɛ wa gu sanga nɛ, nɛ wa nãlã nu nɛ ni. Fala kɛ nɛ ba mbɛti ni hã wele na, a tɔlɔ ma hã nɛ, nɛ a tɔ̃ sɛ hã nɛ na: “Mi wè we tɔlɔ ma gɔ, we kɛ wa nãlã nu nɛ nãlã.”

Ezai 8:1

NWA ba nu a hã mi na, mi bá ta, nɛ mi kɔmɔ mbɛti ngɔ nɛ do gã gbãlã nɛ hã owinɔ. Mi dɛa olo nu a, nɛ mi kɔmɔ li wi gɛ ngɔ nɛ na: “Kala kɔ̃ wa dɔ̃, zũ kɔ̃ wa si nɛ.”

Ezai 8:16

Toe kɛ NWA tumba ni, mi usu ma kɔ koe tulu. Mi kasa mbɛti mbula 'da a, nɛ mi nãlã nu nɛ. Mi e sɛ ma dɛ kɔ Owi yambala mɛnɔ 'da mi na, wa zu wa kpo, wa zɔ mɔ tɛ nɛ.

DANIƐLƐ 12:4

“Nɛ anzɛ ni tɔ̃ 'bɔ hã mi na: ‘Mɔ Daniɛlɛ, mɔ úsú wenɔ kɔ 'buki gɛ. Da dɛ kɔ mɔ tɔ̃́ dɛ nza gɔ gbaa na, ma hɔ ndɔti 'da fala sɛ nɛ de. Nɛ gba gili Owele wa tɔlɔ sɛ 'buki ni, nɛ ma gã sɛ hã zã 'da wa.’

DANIƐLƐ 12:9

Nɛ a gisa hã mi na: ‘Daniɛlɛ, mɔ tɛ lènggè mɔ gɔ. We kɛ ma wia na, sakoe gɛ ma 'bana do usu nɛ gbaa we hɔ 'da fala ndɔti nùi.

DANIƐLƐ 8:26

Hã mɔ ĩ́ na, mɛ kɛ mɔ zɔa ma si ngɔ dɔnggamɛnɔ, kɛ wa hã ma do gɛ̃a wese do titole, nɛ wa tɔ̃a gulu nɛ hã mɔ ni, mɛ a gbãlã we. Kɔ mɔ usu ma dɛ kɔ zã mɔ, mɔ tɛ tɔ̃̀ ma gɔ. Mba gɔ, ngba soe ma dɛ sɛ tɛ̃ ɛ ni, ma 'bana nyɛlɛ wena.’

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:19

Kɔ mɔ kɔ́mɔ́ mɛnɔ mɔ zɔa ni, do kɛnɔ ma tɛ la nɛ ngangga ni, do kɛnɔ ma hɔ sɛ ni.

USU MƐNƆ 10:8

Nɛ 'do ki ni, nɛ mi zila 'bɔ wala gɛlɛ wi kɛ mi zila sɔ ma li nza i ni tɛ tɔ̃ hã mi na: “Mɔ nɛ́, kɔ mɔ bá be 'bulu kɛ li ma hũ hũi ni kɔ̃ anzɛ, kɛ a yolo ngɔ gba lì do ngɔ nga nùi ni.”

USU MƐNƆ 22:10

Nɛ a tɔ̃ 'bɔ hã mi na: “Mɔ tɛ ùsù wenɔ kɛ Gale bia ma kɔ 'buki gɛ do winɔ gɔ. We duzu kɛ ngba soe omɛnɔ gɛ ma nɛ dɛ tɛ̃ ɛ ni, ma kɔla ia.