USU MƐNƆ 10:11 - WE NU GALE 1995

¹¹ Nɛ wa tɔ̃ hã mi na: “Ma wia na, mɔ gba 'bɔ do nu Gale, nɛ mɔ tɔ̃ wenɔ ngɔ odɛlɛ nu fɛlɛ kulanɔ, do nu kpalanɔ, do lɛnggɛnɔ, do onwanɔ hã winɔ.”

USU MƐNƆ 10:11 Iomraidhean Croise

Yeremi 25:13

Mi tombo sɛ ngamɛnɔ vɛ̃ kɛ mi tɔ̃a zi we nɛ, nɛ wa kɔma kɔ 'buki gɛ ni dɛ ngɔ nùi ni. Mi dɛ sɛ ɔ nɛ kɛ mi tumba zi do Yeremi ni.

EZEKIƐLƐ 37:4

Nɛ NWA tɔ̃ 'bɔ na: “Mɔ wélé we do zu li mi hã kula gbãlãnɔ gɛ na, wa zele we mi NWA, mi tɔ̃ hã wa gɛ.

EZEKIƐLƐ 37:9

Nɛ NWA tɔ̃ hã mi na: “Mɔ, be 'da wele, mɔ wélé we do zu li mi hã bũ kpasi, nɛ mɔ tɔ̃ hã ma na: Mɔ bũ kpasi, NWA ba nu a hã mɔ na, mɔ yolo tɛ nyanga nzanɔ vɛ̃, nɛ mɔ tɛ, nɛ mɔ pɛpɛ dɛ ngɔ wɔlɔnɔ gɛ, takɔ wa ɔ do kpasi mbé nɛ.”

USU MƐNƆ 10:10

Nɛ mi ba be 'buki kɔ̃ a, nɛ mi fi nu mi, nɛ mi nyɔngɔ, nɛ ma ɛ̃ ɛ̃fɛ̃ nu mi wena. Nɛ mi gulu ma, nɛ ma fanga kɔ zã mi kɛrr.

USU MƐNƆ 11:1

'Do ki ni, nɛ wa hã ka gole hã mi, ma ɔ nɛ te we do 'da du mɔ ni. Nɛ wa tɔ̃ hã mi na: “Mɔ kúlú ngɔ, kɔ mɔ wé 'da du Tɛmpɛloe, do 'da du gbagala kɛ wa hã do dɔnggamɛnɔ hã Gale ni. Nɛ mɔ tɔ́lɔ́ winɔ kɛ wa dɔnggɔ Gale kɔ tɔa ni.

USU MƐNƆ 11:9

Nɛ owele wa yolo sɛ kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ, nɛ wa tɛ we zɔ wɔlɔ wa kɛ ma ɔ dɛ nza ni, gbaa 'do tũ talɛ do dɔ nɛ. Wa bɛ̃ sɛ na, Owele wa tɛ mì wɔlɔ wa gɔ.

USU MƐNƆ 14:6

'Do ki ni, nɛ mi zɔa mbé gele anzɛ tɛ bũlũ ndũu do ngɔ i. Nɛ a tɛa do Dia Sakoe kɛ ma 'bana sɛ fai ni, takɔ a be ma hã owinɔ ngɔ nù gɛ. A be ma hã nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ̃.

USU MƐNƆ 17:10

Ombe mɔlɔ sanga wa ni, wa tia ia, nɛ mbe kpo tɛ dɛ to nwa 'da ɛ ngangga ni, nɛ tala mbe kpo tɛ hɔ̀ gɔ. Kɔ 'da fala kɛ a hɔ, nɛ a ɔ́ sɛ tũ dɛlɛ gɔ.

USU MƐNƆ 17:12

“Nɛ zamba zu a 'bu kɛ mɔ zɔa sɔ ni, mɛ a onwa 'bu, kɛ wa tɛ ndò dɛa to nwa 'da wa gɔ. Nɛ nde wa dɛ sɛ to nwa fala nɛ kpo do sa'de ni we sa kpo.

USU MƐNƆ 17:15

Nɛ anzɛ tɔ̃ 'bɔ hã mi na: “Lìnɔ mɔ zɔa, kɛ wuko ndumba ɔ nu nɛ ni, mɛ a ogili nu fɛlɛ kulanɔ, do lɛnggɛnɔ, do nu kpalanɔ, do lenɔ vɛ.

USU MƐNƆ 5:9

Nɛ wa vɛ̃ wa ga mbé zuma na: “Mɔ wia do ba kasa 'buki, nɛ mɔ ɛ̃lɛ̃ ndaka wa nãlã do nu nɛ ni. We kɛ wa gbɛa zi mɔ, nɛ mɔ gɔnɔ zu ogba gili wele do tɔkɔ tɛ mɔ, nɛ mɔ hã wa hã Gale. Winɔ mɔ gɔna zu wa ni, wa a wi kɔ nu fɛlɛ kulanɔ, do lɛnggɛnɔ, do nu kpalanɔ, do kɔ lenɔ vɛ.