USU MƐNƆ 10:1 - WE NU GALE 1995

¹ 'Do nɛ, nɛ mi nɛ ka mɔ, nɛ mi zɔ 'bɔ mbé gele anzɛ kpo, a nganda wena. A yula li nza i, nɛ a zĩlĩ dɛ nù nga. Gba kutu lɔmbɔ a vɛ, nɛ ndumbe linggi zu a takpa. Nɛ bula li a to nɛ́ wese ni, nɛ nyanga a ɔ nɛ bɛlɛduma kɛ ma nyɛ do we ni.

USU MƐNƆ 10:1 Iomraidhean Croise

Zumanɔ 104:3

nɛ mɔ dɛa tɔa 'da mɔ do ngɔ lìnɔ ngɔ i. Okutinɔ a ngilingili 'da mɔ, nɛ bũi ba mɔ, nɛ ma e mɔ fala mɔ kɔ̃a ni.

Zumanɔ 97:2

Gba kutu kpia kɛ zã a kpã kpã Dɛa to nwa 'da a ma nganda we gbãlã we do de dɛa mɛ 'da a.

Kulu Tɔa 16:10

'Da fala Aroni tɛ tɔ̃ we hã obe Israɛlɛ ni, nɛ wa siki li wa si 'biti li gba zɔ̃ɛ, nɛ wa zɔ lɔnggɔ zɛ̃ we kɛ ma be dɔlɔ li 'da NWA ni.

SƆKPƆ DIA ZUMANƆ 5:15

Nyanga a ba nù nɛ́ bɛlɛduma tɔa, kɛ wa dɛa ma do fɛ̃a ta marbrɛ, nɛ wa zĩ ma nɔ wena dɛ kɔ mɔ mbali ni. A ngala nɛ́ kala Libanɛ, nɛ a gã de wena nɛ́ te sɛdrɛ ni.

Ezai 19:1

Nɛ zélé toe gɛ, NWA Gale tumba ma hã Oezipeto. Nɛ zɔ́ NWA Gale, a kũ dɛ ngɔ gba kutunɔ, nɛ ma tɛ yu do a nganda wena we e a ngɔ nù Ezipeto. A nɛa we hɔ 'di mɔ, nɛ ogalenɔ ngɔ nù Ezipeto wa tana kili, nɛ Oezipeto wa 'bɔa hɛɔɔ, fo 'bɔ ngawi do wa bina.

Ezai 54:9

NWA tɔ̃a 'bɔ na: “Zi dati, nɛ mi kpua zi mbulu hã Nowe na, mi bíndí sɛ 'bɔ nùi ti lì gɔ. Nɛ sɔɛ gɛ, mi kpo mbulu hã nɛ na, zã mi nɔ̃́lɔ̃́ sɛ 'bɔ dɛ tɛ nɛ gɔ, nɛ mi ha sɛ 'bɔ ngamɔ tabi etumbu hã nɛ gɔ.

ALA NU 3:44

Mɔ lia kɔ gba kutu, nɛ mɔ usu tɛ mɔ na, dɔ mɔ zélé sambala 'da lɛ gɔ.

EZEKIƐLƐ 1:28

Nɛ kɛ zã a vɛ̃ yele ɔ nɛ ndumbe zã kutu ni. Ĩ na, wi mi zɔa a ni, wi a NWA. A bia tɛ̃ a dɛ kɔ yele ngbala 'da a vɛ̃. Mi zɔa a, nɛ mi te, nɛ mi gu li mi nù. Nɛ mi zele gɛlɛ a tɛ wele we hã mi.

DANIƐLƐ 10:6

Tɛ̃ a de wena ɔ nɛ dia ta olo gã gole ni. Bula li a yele ɔ nɛ nyɛa kolo, nɛ gbali a sala ɔ nɛ nyɛa we ni. O'baka a do onyanga a ndele kpala kpala ɔ nɛ tũ mɔ bolo, kɛ wa lɔa tɛ nɛ lɔa ni. A wele we, nɛ ma wele ɔ nɛ gɛlɛ ogba gili wele ni.

DANIƐLƐ 7:13

“Mi 'bana tɛ zɔ omɛnɔ ma hɔ li mi kɔ yalɛ do tũi ni, nɛ mi zɔ mɔ ɔ nɛ wele ni tɛ sanga kutunɔ li nza i. Wi ni nɛa, nɛ wa kã a dɛ ti kpasa wi wili a dungu ngɔ kpongbo nwa ni.

Levitɛnɔ 16:2

“Mɔ tɔ̃ hã nya mɔ Aroni na, a tɛ lè 'do ku'bi i, tɛ Fala kɛ ma santo wena ni yala yala iko gɔ. We kɛ mɛ a fala mi be do tɛ mi kɔ lɔnggɔ zɛ̃ we de ngɔ mɔ nu Sanduku Gba Tɔkɛ ni. Ko fala kɛ a le iko, nɛ a fe sɛ.

MATIE 17:2

Wa hɔa i mɔ, nɛ tɛ Yezu kifi dɛ li wa. Nɛ bula li a ma ngɔ to ɔ nɛ wese ni, nɛ tulu tɛ̃ a ndele kpala kpala kpala.

LUKA 21:27

Nɛ 'do nɛ, nɛ wa zɔ sɛ mi Be 'da Wele, nɛ nde mi hɔa do ngawi, do dɔ̃lɔ̃ li vɛ̃ dɛ sanga kutunɔ.

Owi Nɛ Tonɔ 26:13

Aa nwa, mi nɛa, nɛ mi 'bana dɛ li wala, nɛ nde wese hɔa gbogbo zu wi, nɛ mi zɔ yele ngbala ma yula li nza i, nɛ ma yele nganda nɛ ngɔ tua wese. Nɛ ma yila zĩ lɛ, do ongba mi kɛ lɛ do wa ni takpa.

USU MƐNƆ 1:7

Nɛ ĩ́ na, a a sanga kutunɔ tɛ tɛ nɛ, nɛ winɔ vɛ wa zɔ sɛ a. Gɛnɛ kɔ wanɔ kɛ wa dumu zi gbãlã ngu'du a ni, wa zɔ sɛ 'bɔ a. Nɛ owinɔ ngɔ nù gɛ vɛ, wa he sɛ kɔ̃a we a. Ma ɔ sɛ na mɛ ni! Amɛ.

USU MƐNƆ 18:1

Nɛ 'do ki ni, nɛ mi zɔ 'bɔ mbe gele anzɛ li nza i tɛ zĩlĩ dɛ nù nga. A a nwa ngboo, nɛ yele ngbala dɔ̃lɔ̃ li 'da a yila ngɔ nùi vɛ.

USU MƐNƆ 18:21

'Do nɛ, nɛ mbé anzɛ kpo kɛ a nganda wena ni, a ba gba gbɛlɛ ta, ma gã nɛ́ ta hɔnɔ do ble ni, nɛ a da ma 'dɔ gba lì duvwu, nɛ a tɔ̃ na: “Nɛ zɔ́, gã le Babilɔnɛ ma te sɛ na mɛ ni, nɛ wa zɔ́ sɛ 'bɔ mbé tɛ nɛ fala kpo gɔ!

USU MƐNƆ 20:1

Nɛ 'do ki ni, nɛ mi zɔ anzɛ li nza i tɛ zĩlĩ dɛ nù nga. A 'bia fungula nu gba 'du kɔ̃ɛ, do gba gbɛlɛ dɔkpɔ dɛ kɔ̃ a.

USU MƐNƆ 4:3

Nɛ wi ni nyɛ ɔ nɛ odia tanɔ li nɛ a yaspɛ do sardɔanɛ ni. Nɛ ndumbe zĩ kpongbo nwa takpa. Ndumbe ni ndele ɔ nɛ dia ta li nɛ a emɛrɔdɛ ni.

USU MƐNƆ 5:2

Nɛ mi zɔ anzɛ kpo, kɛ a nganda wena ni tɛ he mɔ dɛ ngɔ na: “Wi wia we ɛ̃lɛ̃ ndaka nu 'buki gɛ, nɛ a hũi ma, wi a wio nde?”

USU MƐNƆ 8:13

Nɛ mi nɛ ka 'bɔ mɔ, nɛ mi zɔ ziki tɛ bũlũ do ngɔ i nyɛlɛ wena, nɛ a tɛ he mɔ nganda wena na: “'Bako! 'Bako! 'Bako nɛ kpa owinɔ ngɔ nù gɛ, 'da fala tala oanzɛnɔ talɛ wa nɛ dama.”