USU MƐNƆ 1:9 - WE NU GALE 1995

⁹ Wi a mi nya nɛ Yoanɛ, kɛ lɛ mba do nɛ kpo dɛ kɔ Yezu ni. Lɛ tɛ kpa zɛlɛ tɛ do nɛ, nɛ lɛ tɛ kunu sila lɛ, nɛ lɛ do nɛ a wele le nwa 'da Gale. Wa ba zi mi do bɔlɔkɔ, nɛ wa tumba mi dɛ kɔ ngolo lì Patmosi, we kɛ mi bia we nu Gale, kɛ Yezu Kristo tɔ̃a gulu nɛ hã lɛ ni.

USU MƐNƆ 1:9 Iomraidhean Croise

MATIE 20:23

Nɛ Yezu tɔ̃ hã wa na: “Do gbãlã we, nɛ zɔ sɛ ngamɛ kɛ mi nɛ zɔ nɛ gɛ. Nɛ nde we saka wi kɛ a dungu sɛ ngɔ ngawili kɔ̃ mi, tabi ngɔ gale kɔ̃ mi ni, mɛ a we 'da mi gɔ. We duzu kɛ falanɔ ni, mɛ a fala 'da winɔ kɛ Baa mi 'dafa ma we wa ni.”

MARKO 10:39

Nɛ wa gese na: “Lɛ we sɛ do ma.” Nɛ Yezu tɔ̃ hã wa na: “Do gbãlã we, nɛ zɔ sɛ ngamɛ kɛ mi nɛ zɔ nɛ gɛ, nɛ nɛ kpa sɛ zɛlɛ tɛ mi kpa sɛ ni.

YOANƐ 16:33

Mi tɔ̃a zi wenɔ ni hã nɛ, takɔ nɛ mba do mi kpo, hã sila nɛ gɛ̃. Nɛ kpa sɛ zɛlɛ tɛ ngɔ nù gɛ, nɛ nde nɛ ɔ́ do kpã sila! Mba gɔ, ngawi 'da mi nɛa ngɔ mɛnɔ nù gɛ vɛ̃ ia.”

Owi Nɛ Tonɔ 1:15

Nɛ do zã kɔ̃ tũnɔ ni, nɛ nde owi kɔ̃ zu li Yezu wa mba zi li ngba wa, ɔ nɛ Owele kama do 'bu wa bɔa ni, tɛ dɔnggɔ Gale. Nɛ Petro kulu ngɔ dɛ sanga wa ni, nɛ a tɔ̃ hã wa na:

Owi Nɛ Tonɔ 14:22

Nɛ wa nganda sila Owi Kristonɔ di ni ni na, wa 'bana tɛ kɔ̃ zu li Yezu do sila wa kpo. Nɛ wa tɔ̃ hã wa na: “Ma wia na, lɛ winɔ kɛ lɛ kɔ̃a zu li Yezu ni, lɛ kpa ngamɔ ngɔ nùi gɛ gbaa, ndɔti nɛ a kɛ lɛ le sɛ nɛ kɔ le 'da Gale i ni.”

ROMA 8:17

Hã fala kɛ lɛ a benɔ 'da Gale, nɛ lɛ kpa sɛ 'bɔ dia mɛnɔ kɛ a usu ma hã obenɔ 'da a ni. Lɛ kpa sɛ ma fala nɛ kpo do Kristo. Mba gɔ, fala kɛ lɛ kpa zɛlɛ tɛ fala nɛ kpo do Kristo, nɛ lɛ sɛ tɛ mɛ 'bɔ do a kpo kɔ dɔ̃lɔ̃ fi 'da a.

ROMA 8:25

Nɛ nde lɛ, lɛ gbini zã lɛ do mɔ kɛ lɛ tɛ zɔ̀ ma gɔ ni, nɛ lɛ 'bɔ 'da ma do kpã sila ngboo.

2 KORINTƐ 1:7

Na mɛ ni, lɛ wia we gbini zã lɛ do nɛ gbãlã we. Mba gɔ, lɛ ĩ na, ɔ nɛ kɛ nɛ nyɔngɔ 'bako fala nɛ kpo do lɛ ni, nɛ nde nɛ kpa 'bɔ kpo kpo ngawi kɛ Gale hã ma hã lɛ ni.

FILIPƐ 1:7

Kɔ ma dia fɛ̃ na, mi lengge do nɛ na mɛ ni, we kɛ nɛ ngɔ sila mi. Mba gɔ, 'da fala kɛ mi zi tɛ bi ngɔ Dia Sakoe, do dɛ na ma nganda kɔ sila winɔ ni, nɛ nɛ mba zi do mi kɔ dɛa toe ni, kɛ Gale hã ma hã mi do dia zã 'da a ni. Nɛ sɔɛ gɛ, nɛ́ kɛ mi a kɔ bɔlɔkɛ gɛ, nɛ 'bana tɛ dɛ toe ni do mi.

FILIPƐ 4:14

Kɔ nɛ dɛ de wena, we kɛ nɛ gala mi kɔ ngamɛnɔ 'da mi ni.

2 TƐSALONIKƐ 3:5

E kɔ Nwa 'dafa sila nɛ na, nɛ kpa kɔ̃a zã 'da Gale, nɛ sila nɛ nganda ɔ nɛ kɛ 'da Kristo ni.

2 TIMOTE 1:8

We duzu ma, mɔ tɛ dɛ̀ sape we tɔ̃ we 'da Nwa 'da lɛ hã Owele gɔ. Nɛ sape tɛ bà 'bɔ li mɔ we mi kɛ mi lia bɔlɔkɔ we duzu a ni gɔ. Nɛ nde mɔ mbá do mi kɔ ngamɛ kɛ mi kpa we duzu be Dia Sakoe ni, nɛ mɔ gbini zã mɔ do ngawi kɛ Gale hã ma hã mɔ ni.

OHEBRE 10:36

Ma wia na, nɛ ɔ do du sila, takɔ nɛ we tɛ dɛ mɛ kɛ zã Gale kɔ̃a ni, nɛ nɛ kpa mɛ kɛ a kpua zɛ́ mbulu nɛ hã nɛ ni.

1 PETRO 5:1

Ngangga ni, mi tɛ wele we hã owinɔ sanga nɛ, kɛ wa a Owi zɔ mɔ tɛ eklezianɔ ni. Mi tɛ mɛ 'bɔ a wi zɔ mɔ tɛ eklezia ɔ nɛ wa ni. Mi zɔa tɛlɛ tɛ kɛ Kristo kpa zi do ngamɛ ni, nɛ mi mba sɛ do a kpo kɔ dɔ̃lɔ̃ li 'da a, kɛ ma be sɛ tɛ̃ ɛ ni. Kɔ mi aka nɛ, owi zɔ mɔ tɛ eklezianɔ na,

USU MƐNƆ 1:1

'Buki gɛ, ma tɔ̃ lɛnggɛ ngɔ usu mɛnɔ kɛ Yezu Kristo bia hã Owi dɛa tonɔ 'da a, takɔ wa ĩ ti mɛnɔ kɛ ma hɔ sɛ ngangga gɛ ni. Gale bia ma hã Kristo dati, nɛ Kristo tumba anzɛ 'da a we be ma hã mi Yoanɛ, wi dɛa toe 'da a.

USU MƐNƆ 1:2

Ma kɛ mi tɔ̃ lɛnggɛ mɛnɔ vɛ̃ mi zɔa ma ni. Mɛnɔ ni a we nu Gale, nɛ Yezu Kristo tɔ̃a gulu nɛ hã lɛ.

USU MƐNƆ 1:4

Mi Yoanɛ, mi tombo balɛ hã nɛ oeklezianɔ tɛ kɔ de sambo ngɔ nù Azi. E kɔ Gale kɛ a zɛ́ boe, nɛ a sɔɛ gɛ boe, nɛ a tɛ sɛ ni, a be dia zã hã nɛ, nɛ a dɛ na, nɛ ɔ do gɛa sila. E kɔ ohi winɔ sambo, kɛ wa yolo dati kpongbo nwa 'da Gale ni, wa be 'bɔ dia zã, nɛ wa hã gɛ̃a dungu hã nɛ.

USU MƐNƆ 1:6

Nɛ a ia lɛ do onganga kɔ le nwa 'da Baa a Gale, we dɛ to hã a. E kɔ Kristo ɔ do dɔ̃lɔ̃ li, do ngawi kɔ sabɛlɛ do sabɛlɛ! Amɛ.

USU MƐNƆ 11:7

Kɔ bia wenɔ 'da wa e do'do, nɛ gba sɔ̃ sa'de a yolo sɛ kɔ gba 'du kɔ̃ɛ, nɛ a hɔ nza we bi do wa. A nganda sɛ nɛ ngɔ wa, nɛ a gbɛ sɛ wa.

USU MƐNƆ 12:11

Onya lɛ wa nɛa ngɔ a, we duzu tɔkɔ tɛ Be Bata, do we nu Gale kɛ wa bia zi hã winɔ ni. Wa lènggè zi do kpasi 'da wa ngɔ nù gɛ gɔ, nɛ nde wa hã zi tɛ wa li fio we duzu we nu Gale.

USU MƐNƆ 12:17

Gba sɔ̃ sa'de nɛa we zɔ ni, nɛ zã a nɔ̃lɔ̃ dɛ tɛ wuke wena. Nɛ a la, nɛ a nɛ we bi do tala obenɔ 'da wuke ni. Obenɔ ni, wi a owinɔ kɛ wa dɛ olo nu Gale, nɛ wa kɔ̃a gɛnɛ we 'da Gale, kɛ Yezu bia hã wa ni.

USU MƐNƆ 13:10

Wi kɛ ma we na, a la kɔlɔ 'duli, nɛ a la sɛ. Nɛ wi kɛ ma we na, wa gbɛ a do du kɔya, nɛ wa gbɛ sɛ a do du kɔya. Kɔ we duzu ki ni, ma wia na, owinɔ 'da Gale wa kunu sila wa, nɛ wa 'bana do kɔ̃a we dɛ 'da Gale.”

USU MƐNƆ 14:12

We duzu ki ni, ma wia na, owinɔ 'da Gale kɛ wa dɛ mbulanɔ 'da a, nɛ wa do kɔ̃a we dɛ 'da Kristo ni, wa ɔ do du sila.

USU MƐNƆ 19:10

Nɛ mi gu li mi nù dati anzɛ ni we dɔnggɔ a, nɛ a tɔ̃ hã mi na: “Mɔ tɛ dɛ̀ ni gɔ! Mi tɛ mɛ 'bɔ a wi dɛa toe 'da Gale ɔ nɛ mɔ, do onya mɔ vɛ̃ kɛ wa kɔ̃a gɛnɛ gbãlã wenɔ 'da Yezu ni. Kɔ mɔ dɔ́nggɔ́ Gale!” Mba gɔ, gbãlã wenɔ kɛ Yezu bia hã winɔ ni, mɛ a kɛnɔ Hi Wi 'da Gale ia zi ma dɛ nu owi gba olo nu a ni.

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.

USU MƐNƆ 3:10

Kɔ we duzu kɛ nɛ dɛa olo nu mi, nɛ nɛ kunu sila nɛ ni, mi fɔmɔ sɛ tɛ mɛ 'bɔ nɛ 'da fala ngamɛnɔ ma kpa sɛ winɔ ngɔ nùi gɛ vɛ̃, we yamba sila wa ni.

USU MƐNƆ 6:9

Nɛ 'do ki ni, nɛ Be Bata ɛ̃lɛ̃ mɔlɔ ndaka nu 'buki ni, nɛ mi nɛ ka mɔ dɛ ti gbagala kɛ wa hã dɔnggamɛnɔ hã Gale ngɔ nɛ ni, nɛ mi zɔ ohi wele. Mɛ a hi owinɔ wa gbɛa zi wa, we kɛ wa kɔ̃a gɛnɛ we nu Gale, nɛ wa bia ma hã winɔ ni.

USU MƐNƆ 7:14

Nɛ mi gese hã a na: “Nwa 'daa, mɔ a mɔ ĩ ti wa!” Nɛ a tɔ̃ hã mi na: “Owinɔ kɛ wa kunu zɛlɛ tɛnɔ vɛ wa kpa zi ni, nɛ wa fɔlɔ tulunɔ 'da wa do tɔkɔ tɛ Be Bata, nɛ ma fɛnga gɛ, wa a ni.