USU MƐNƆ 1:8 - WE NU GALE 1995

⁸ Nwa Gale kɛ a do nganda vɛ, kɛ a zɛ́ boe, nɛ a sɔɛ gɛ boe, nɛ a tɛ sɛ ni, a tɔ̃a na: “Mi a Alfa do Omega.” Gulu nɛ na: “Ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ 'bɔ a mi.”

USU MƐNƆ 1:8 Iomraidhean Croise

Ndo Nyanga Dɛ Mɔ 17:1

Abrama ɔa zi sabɛlɛ 'bu nɛ kusi ngɔ nɛ kusi, nɛ NWA be tɛ̃ ɛ hã a, nɛ a tɔ̃ hã a na: “Mi a Gale kɛ mi do nganda vɛ̃. Mɔ dɛ mbula 'da mi, nɛ mɔ ɔ wi bɔlɔ zu fai.

Ndo Nyanga Dɛ Mɔ 28:3

E kɔ Gale kɛ a do nganda vɛ, a wele nu a tɛ mɔ, nɛ a hã gba gili obe hã mɔ, takɔ mɔ hɔ yaa gili nu kɔnggɔ Owele.

Ndo Nyanga Dɛ Mɔ 35:11

Nɛ a tɔ̃ 'bɔ hã a na: “Mi a Gale kɛ mi do nganda vɛ̃. Mi hã sɛ gba gili obe hã mɔ. Mɔ ko sɛ odɔa be, nɛ mɔ hɔ yaa nu kɔnggɔ gba gili Owele, nɛ onwa wa yolo sɛ dɛ kɔ obe zã mɔ ni.

Ndo Nyanga Dɛ Mɔ 43:14

E kɔ Gale kɛ a do nganda vɛ̃ ni, dɛ na, wi ni a ĩ 'bako hã nɛ, nɛ a hã wala hã nɛ na, nɛ si do Bɛnzamɛ, do Simeoni kɛ a 'bana i mɔ ni fala nɛ kpo. Kɔ we duzu mi, fala kɛ ma we na obulu benɔ 'da mi wa yɔ nde, nɛ wa yɔ iko!”

Ndo Nyanga Dɛ Mɔ 48:3

Yozɛfu hɔa, nɛ Yakɔbɔ tɔ̃ hã a na: “Gale kɛ a do nganda vɛ̃, a bia zi tɛ̃ a hã mi tɛ kɔ le Luzɛ, tɛ ngɔ nù Kanana, nɛ a wila nu a tɛ mi,

Ndo Nyanga Dɛ Mɔ 49:25

“A a Gale 'da mi baa mɔ, nɛ a gbaka sɛ 'bɔ mɔ. A do ngawi nɛa ngɔ mɔ vɛ̃, nɛ a wele sɛ nu a tɛ mɔ. E kɔ kole ma tɛ li nza gɛ, do lìnɔ ma kũ ndũu ti nù i ni, ma dɛ dia mɔ hã mɔ. E kɔ Gale wele nu a tɛ wukonɔ do nadalamɛnɔ 'da mɔ, hã wa ko gba dɔa be hã mɔ.

Kulu Tɔa 3:14

Nɛ Gale gese hã Mɔizɛ na: “MI A WI KƐ MI BOE FAI. Mɔ hɔ 'di mɔ, nɛ mɔ tɔ̃ hã obe Israɛlɛ na, MI BOE FAI tumba mɔ hã wa.

Kulu Tɔa 6:3

Mi bia zi tɛ mi dati hã Abrahama, Izaka do Yakɔbɔ. Nɛ mi sa li mi hã wa na: ‘Gale kɛ a do nganda vɛ̃’, nɛ nde mi tɔ̃́ zi hã wa na, mbe li mi 'bɔ a NWA gɔ.

Ezai 41:4

Wi kɛ a dɛa na, mɛ ni ma dɛ tɛ̃ ɛ a wio nde? Wi a mi NWA. Mi a mi tɔ̃a we mɛnɔ kɛ ma dɛ sɛ tɛ̃ ɛ ni. Ndo nyanga mɛnɔ, wi a mi, nɛ fala kɛ mɛnɔ ma Sɔkpɔ sɛ ni, nɛ nde mi sɛ 'bɔ boe.

Ezai 43:10

“Nɛ, obe Israɛlɛ, nɛ a Otemɔɛnɔ 'da mi. Mi saka nɛ na, nɛ ɔ Owi dɛa tonɔ 'da mi. Nɛ nde mi kɔ̃a na, nɛ ĩ ti mi, nɛ nɛ kɔ̃ na, mi a Gale zu mi kpo. Fo zi gele gale dati mi bina, nɛ fo sɛ 'bɔ mbé gale 'do mi bina.

Ezai 44:6

NWA ngɔ mɔ nyanga nza vɛ̃, kɛ a kpasa nɛ, obe Israɛlɛ, nɛ a kpe dati nɛ ni, a tɔ̃a na: “Gale wi a mi zu mi kpo. Mi a Gale kɛ mi ndua zi mɛnɔ vɛ̃, nɛ mi a mi Sɔkpɔ sɛ ma vɛ̃. Fo gele gale olo mi bina.

Ezai 48:12

NWA Gale tɔ̃a na: “Aa nɛ, obe Israɛlɛ, nɛ a owi kɛ mi sa mɔ hã nɛ, nɛ zélé mi sɛ! Mi a Gale, mi ndua zi mɛnɔ vɛ̃, nɛ mɛnɔ vɛ̃ ma Sɔkpɔ sɛ 'bɔ dɛ kɔ̃ mi. Fo gele gale olo mi bina.

Ezai 9:6

Gale tombo a na, a e dungu fio ngɔ nù nga fai, nɛ dɛa to nwa 'da a ma gã dɛ dati. A dungu sɛ ngɔ kpongbo nwa 'da Davidi, nɛ a dɛ to nwa ngɔ nùi 'da a, takɔ ma nganda, nɛ ma ɔ fai. Ngangga gɛ, a dɛ sɛ toe 'da a do bɔlɔ zu, do wala olo nɛ ngboo, nɛ ma 'bana sɛ fai. Nɛ zɔ́, mɛnɔ kɛ NWA ngɔ mɔ nyanga nza vɛ̃, a do hɛ̃lɛ̃ we dɛ ma gɛ a ni.

Tɔlɔ Mɔ 24:4

Gale kɛ a nɛa ngɔ mɛnɔ vɛ̃, a wele we, nɛ mi zele, a be mɔ dɛ li mi, nɛ mi zɔ. Mi sambala a, nɛ a be mɔ hã mi.

2 KORINTƐ 6:18

Mi sɛ a baa nɛ, nɛ nɛ sɛ a benɔ 'da mi. Mi Nwa Gale, kɛ mi do nganda vɛ̃ ni, mi tɔ̃a ni.”

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:17

Kɔ mi nɛa we zɔ a, nɛ mi te dɛ ti a ɔ nɛ fio ni. Nɛ a e ngawili kɔ̃ a ngɔ mi, nɛ a tɔ̃ hã mi na: “Mɔ tɛ dɛ̀ kili gɔ! Mi a mi ndua mɛnɔ vɛ, nɛ mi a mi sɔkpɔ sɛ 'bɔ ma vɛ.

USU MƐNƆ 1:4

Mi Yoanɛ, mi tombo balɛ hã nɛ oeklezianɔ tɛ kɔ de sambo ngɔ nù Azi. E kɔ Gale kɛ a zɛ́ boe, nɛ a sɔɛ gɛ boe, nɛ a tɛ sɛ ni, a be dia zã hã nɛ, nɛ a dɛ na, nɛ ɔ do gɛa sila. E kɔ ohi winɔ sambo, kɛ wa yolo dati kpongbo nwa 'da Gale ni, wa be 'bɔ dia zã, nɛ wa hã gɛ̃a dungu hã nɛ.

USU MƐNƆ 11:17

tɛ tɔ̃ na: “Aa Nwa Gale, mɔ do nganda vɛ̃, mɔ zɛ́ boe, nɛ mɔ sɔɛ gɛ boe. Lɛ hã iɔ̃nae hã mɔ, we kɛ mɔ bia ngawi 'da mɔ, nɛ mɔ dungu nwa ngɔ nùi gɛ.

USU MƐNƆ 15:3

kɔ wa tɛ zɛ zuma kɛ Mɔizɛ, wi dɛa to 'da Gale ga zɛ́ ma ni, do zuma 'da Be Bata na: “Nwa Gale, mɔ do nganda vɛ, mɔ dɛa ogba mɔ, nɛ Owele wa ɔngbɔ ma ɔngba. Mɔ a Nwa ngɔ winɔ vɛ̃. Walanɔ 'da mɔ ma bɔlɔ wena, nɛ wele wia we gbini zã ɛ do ma.

USU MƐNƆ 16:14

Wa a o'dã hi winɔ kɛ wa yula 'da Satana, nɛ wa do ngawi we dɛ ogba sɔ̃ mɔ. Nɛ wa nɛa 'da Onwanɔ ngɔ nù gɛ vɛ, takɔ wa mba li wa, we bi bolo do li gã ngba soe 'da Gale, kɛ a do nganda vɛ ni.

USU MƐNƆ 16:7

Nɛ 'do ki ni, nɛ mi zele wala gɛlɛ wele ma yula tɛ gbagala i tɛ tɔ̃ na: “Ma a ni, Nwa Gale do nganda vɛ̃! Mɔ 'bili we 'da owinɔ do wala do nɛ, do bɔlɔ nɛ ngboo!”

USU MƐNƆ 19:15

Du kɔya kɛ nu nɛ tɔ̃ wena ni hɔa kɔ nu a, we bi do ogele winɔ kɛ wa bɛa gɛnɛ a ni. A dungu sɛ nwa ngɔ wa do ngawi wena, nɛ a tɛ sɛ do gã nɔ̃lɔ̃ zã 'da Gale kɛ a do nganda vɛ ni, nɛ a ma wa ti nyanga a, ɔ nɛ kɛ wa ma do wala vinɔ we kpĩlĩ lì nɛ ni.

USU MƐNƆ 19:6

Nɛ 'do nɛ, nɛ mi zila 'bɔ giti mɔ ɔ nɛ giti gɛlɛ gba gili Owele ni, ma dɔ̃lɔ̃ ɔ nɛ sulu li, tabi nɛ́ kolo kɛ ma o dã nganda wena ni. Nɛ mi zele wa tɛ tɔ̃ na: “Lɛ dɔ́nggɔ́ Gale, we kɛ Nwa Gale 'da lɛ, kɛ a do nganda vɛ̃ ni, a ndua nyanga dɛ to nwa 'da a ia.

USU MƐNƆ 2:8

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Smirnɛ ni na: “Wi kɛ a ndua mɛnɔ vɛ̃, nɛ a sɔkpɔ sɛ 'bɔ ma vɛ, kɛ a fia zi, nɛ a tunu kɔ fio ni tɔ̃a na:

USU MƐNƆ 21:22

Nɛ mi zɔ̀ Tɛmpɛloe kɔ gã le ni gɔ, we kɛ Tɛmpɛloe kɔ le ni, wi a Nwa Gale, kɛ a do nganda vɛ ni, wa do Be Bata.

USU MƐNƆ 21:6

Nɛ a tɔ̃ 'bɔ hã mi na: “Ma wia ia! Mi a Alfa do Omega, ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ̃ wi 'bɔ a mi. Wi kɛ wɔ lì ba a, nɛ mi so sɛ 'de kɛ ma hã kpasi ni hã a do dia sila iko.

USU MƐNƆ 22:13

Mi a Alfa do Omega, ndo nyanga mɛnɔ vɛ wi a mi, nɛ sɔkpɔ mɛnɔ vɛ̃ wi 'bɔ a mi. Mi a wi kɛ dati, nɛ mi 'bɔ a wi kɛ ndɔti nɛ.”

USU MƐNƆ 4:8

Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”