USU MƐNƆ 1:7 - WE NU GALE 1995

⁷ Nɛ ĩ́ na, a a sanga kutunɔ tɛ tɛ nɛ, nɛ winɔ vɛ wa zɔ sɛ a. Gɛnɛ kɔ wanɔ kɛ wa dumu zi gbãlã ngu'du a ni, wa zɔ sɛ 'bɔ a. Nɛ owinɔ ngɔ nù gɛ vɛ, wa he sɛ kɔ̃a we a. Ma ɔ sɛ na mɛ ni! Amɛ.

USU MƐNƆ 1:7 Iomraidhean Croise

YƆBƆ 33:26

Kɔ 'da fala kɛ a sambala, nɛ Gale zele a, nɛ a ga zuma yangga hã Gale, we kɛ Gale hã dia dungu kɛ ma wia do a ni hã a.

Zumanɔ 22:16

Kɔ gɛlɛ mi kula kparr, nɛ lɛfɛ mi nãlã dɛ kɔ langgala mi. Mɔ la mi na, mi fe, hã mi le ti nù.

Zumanɔ 68:1

Zuma 'da Davidi

Zumanɔ 97:2

Gba kutu kpia kɛ zã a kpã kpã Dɛa to nwa 'da a ma nganda we gbãlã we do de dɛa mɛ 'da a.

Ezai 19:1

Nɛ zélé toe gɛ, NWA Gale tumba ma hã Oezipeto. Nɛ zɔ́ NWA Gale, a kũ dɛ ngɔ gba kutunɔ, nɛ ma tɛ yu do a nganda wena we e a ngɔ nù Ezipeto. A nɛa we hɔ 'di mɔ, nɛ ogalenɔ ngɔ nù Ezipeto wa tana kili, nɛ Oezipeto wa 'bɔa hɛɔɔ, fo 'bɔ ngawi do wa bina.

DANIƐLƐ 7:13

“Mi 'bana tɛ zɔ omɛnɔ ma hɔ li mi kɔ yalɛ do tũi ni, nɛ mi zɔ mɔ ɔ nɛ wele ni tɛ sanga kutunɔ li nza i. Wi ni nɛa, nɛ wa kã a dɛ ti kpasa wi wili a dungu ngɔ kpongbo nwa ni.

NAHUMƐ 1:3

Zã nwa nɔ̃́lɔ̃́ dɔ̃ gɔ. Nɛ nde ngawi 'da a la li ngele, nɛ a lá wi dɛ 'dã mɔ ní iko gɔ. NWA la wala, nɛ gba bũ kamba fi olo a, nɛ gba kutunɔ mɛ a butu kɛnzɛ olo nyanga a.

ZAKARIA 12:10

Mi dɛ sɛ na, obe zã Davidi do ogele winɔ kɔ le Yeruzalɛmɛ ni, wa hɔ wi dia zã, nɛ wa sambala mi. Nɛ wa lengge sɛ wi toe 'da mi kɛ wa dumu zi gbãlã ngu'du a, nɛ wa gbɛ a ni, nɛ wa he sɛ kɔ̃a a wena, ɔ nɛ kɛ wele he do kɔ̃a fio kpo bulu be tabi kuti be 'da a ni.

ZAKARIA 12:11

Do 'da fala ni, nɛ hia kɔ̃a ma wele sɛ kɔ Yeruzalɛmɛ gboo, nɛ ma we sɛ kɔ̃ do hia kɔ̃a kɛ wa hia zi we Hadadɛ-Rimoni tɛ kɔ gbangɔlɔ̃ Megido i ni.

Tɔlɔ Mɔ 24:17

“Mi ka mɔ, nɛ mi zɔ mɛ kɛ ma hɔ sɛ do 'do nza ni. Mi zɔa nwa sanga obe Israɛlɛ, a ɔ nɛ sɔla ni, a ba dɔndɔlɛ 'da a dɛ kɔ̃ a, nɛ a zɛ do gulu zala Omoabɛ, nɛ a ngbolo do zu obe zã Sɛtɛ.

MATIE 16:27

Mi Be 'da Wele, mi tɛ sɛ do dɔ̃lɔ̃ li 'da Baa mi, fala nɛ kpo do oanzɛnɔ. Nɛ mi futa sɛ wele do wele we do dɛa mɔ tɛ̃ a.

MATIE 16:28

Mi tɔ̃ hã nɛ do gbãlã we na, ombe winɔ sanga nɛ gɛ wa fé sɛ do ti gɔ, wa zɔ sɛ mi Be 'da Wele tɛ tɛ we dungu nwa ngɔ winɔ ni do'do sɛ nɛ de.”

MATIE 24:30

Nɛ mɛ kɛ ma be sɛ na, mi Be 'da Wele, mi tɛ tɛ nɛ ni, ma hɔ sɛ li nza i. Nɛ nu kpala winɔ ngɔ nù gɛ vɛ̃, wa he sɛ kɔ̃a, nɛ wa zɔ sɛ mi Be 'da Wele, nɛ nde mi hɔa do ngawi, do dɔ̃lɔ̃ li vɛ̃ dɛ sanga kutunɔ.

MATIE 25:31

Nɛ Yezu tɔ̃ na: “'Da fala kɛ mi Be 'da Wele, mi tɛ sɛ do dɔ̃lɔ̃ li nwa 'da mi, fala nɛ kpo do oanzɛnɔ vɛ̃ ni, nɛ mi dungu sɛ ngɔ kpongbo dɔ̃lɔ̃ li 'da mi.

MATIE 26:64

Nɛ Yezu gisa hã a na: “Ma hã mɔ tɔ̃a ni. Mi tɔ̃ hã mɔ na, ndo do sɔɛ gɛ, nɛ zɔ sɛ mi Be 'da Wele, nɛ nde mi dungu si ngɔ ngawili kɔ̃ Gale, kɛ a do nganda vɛ̃ ni. Nɛ nɛ zɔ sɛ mi tɛ sanga kutunɔ ngɔ gɛ.”

MARKO 13:26

Nɛ 'do nɛ vɛ̃, nɛ wa zɔ sɛ mi Be 'da Wele, nɛ nde mi hɔa do ngawi, do dɔ̃lɔ̃ li vɛ̃ dɛ sanga kutunɔ.

MARKO 14:62

Nɛ Yezu gese hã a na: “Ĩi, wi a mi! Nɛ nɛ zɔ sɛ mi Be 'da Wele, nɛ nde mi dungu si ngɔ ngawili kɔ̃ Gale, kɛ a do nganda vɛ̃ ni. Nɛ nɛ zɔ sɛ mi tɛ sanga kutunɔ ngɔ gɛ.”

LUKA 21:27

Nɛ 'do nɛ, nɛ wa zɔ sɛ mi Be 'da Wele, nɛ nde mi hɔa do ngawi, do dɔ̃lɔ̃ li vɛ̃ dɛ sanga kutunɔ.

YOANƐ 19:34

Nɛ mbe soda kpo tɛa, nɛ a dumu ngu'du Yezu do sɛlɛ, nɛ tɔkɔ mba do lì ma ngɔ hɔ nɛ do ti.

YOANƐ 19:37

Nɛ kɔ gele mbɛti, wa kɔma 'bɔ na: “Owinɔ wa ka sɛ mɔ tɛ wi wa dumu ngu'du a ni.”

1 TƐSALONIKƐ 1:10

Nɛ wa tɔ̃ 'bɔ tɛlɛ tɛ kɛ nɛ ia sila nɛ we 'bɔ 'da tɛa 'da Yezu Be 'da Gale, kɛ Gale tunu zi a sanga ofionɔ, nɛ a kpasa sɛ lɛ ti nɔ̃lɔ̃ zã 'da Gale 'da fala a nɛ 'bili do ngbangga 'da owinɔ ni.

1 TƐSALONIKƐ 4:17

Dɛ 'do nɛ, nɛ lɛ, kɛ lɛ 'bana do tunu li lɛ 'da fala nɛ ni, Gale a kala sɛ lɛ do wa fala nɛ kpo dɛ sanga kutunɔ, we gɔnɔ dati Nwa dɛ li ngɔ i. Na mɛ ni, nɛ lɛ sɛ do Nwa fala nɛ kpo fai.

OHEBRE 10:29

Kɔ ma ɔ na mɛ ni, nɛ nɛ lengge na ge nde? Wi kɛ a zɔ Be 'da Gale li a yala iko, nɛ a faka gba tɔkɛ kɛ Gale fua do ku'da 'dã mɛnɔ zu a ni na, fo gulu nɛ bina, nɛ a dã 'bɔ zu li Hi Wi Santo kɛ a be dia zã 'da Gale hã lɛ ni, a kpá sɛ zɛlɛ tɛ 'danga nɛ ngɔ wele kɛ sɔ ni gɔ nde?

OHEBRE 6:6

Gɛnɛ kɔ na mɛ ni, nɛ nde wa tia 'bɔ kɔ 'dã mɔ. Kɔ ma wé sɛ na, wele be we hã wa, nɛ wa kifi sila wa gɔ, we duzu kɛ wa tɛ bɛ̃lɛ̃ 'bɔ Be 'da Gale ngɔ finda te mbé nɛ, nɛ wa e a na, winɔ wa dã a.

1 YOANƐ 3:2

Aa nɛ, oyali ngba mi, ngangga gɛ lɛ hɔa obenɔ 'da Gale ia. Nɛ nde lɛ ĩ̀ ti tɛlɛ tɛ kɛ lɛ ɔ sɛ nɛ do 'do nza ni gɔ. Nɛ nde lɛ ĩ na, ngba soe kɛ Yezu a hɔ sɛ ni, nɛ lɛ ɔ sɛ nɛ a ni, we kɛ lɛ zɔ sɛ a nɛ́ kɛ a ɔ nɛ ni.

YUDA 1:14

Zɛ́ belee, nɛ Henɔkɛ, wi sambo nu fɛlɛ kula kɛ ma ndua do Adamu ni, a tɔ̃a zɛ́ we 'da owi be we bɛlɛnɔ na: “Nɛ ká mɔ, Nwa Gale tɛ tɛ ma fala nɛ kpo do gba gili anzɛnɔ 'da a.

USU MƐNƆ 22:20

Wi kɛ a bia ngbongbo wenɔ gɛ vɛ ni, a tɔ̃a na: “Gbãlã we, mi kɔla hɔ nɛ ia!” E kɔ ma ɔ na mɛ ni! Nwa Yezu, mɔ tɛ́!

USU MƐNƆ 22:4

Wa zɔ sɛ tɛ̃ a, nɛ wa kɔmɔ sɛ li a dati wa.

Owi kpe dati 5:31

Aa NWA, e kɔ Owi sɛnɛ mɔ vɛ̃ wa fe ɔ nɛ kɛ Sisra fia ni, nɛ oyali ngba mɔ wa ɔ do ngawi ɔ nɛ tua wese ni. Nɛ mbé bolo té zi 'bɔ ngɔ nù Israɛlɛ gɔ, gbaa 'do 'bu sabɛlɛ nalɛ.