USU MƐNƆ 1:5 - WE NU GALE 1995

⁵ Nɛ e kɔ Yezu Kristo, kɛ a tɔ̃ gulu we 'da Gale do gbãlã we, nɛ a a wi dati we tunu kɔ fio, nɛ a a Nwa ngɔ onwanɔ nù gɛ vɛ̃ ni, a be 'bɔ dia zã, nɛ a hã gɛ̃a dungu hã nɛ. Yezu Kristo kɔ̃a gɛnɛ lɛ, nɛ a fia we duzu lɛ, nɛ tɔkɔ tɛ a fua ku'da 'dã mɛnɔ zu lɛ.

USU MƐNƆ 1:5 Iomraidhean Croise

Zumanɔ 51:2

'Do kɛ Davidi ɔa zi do Baseba, wuko 'da Uri ni, nɛ Natanɛ, wi gba olo nu Gale nɛa we dãlã dɛ tɛ̃ a, nɛ Davidi kɔ̃a gɛnɛ 'dã mɛ 'dɛ e. Ma hã a kɔma lɛnggɛ nɛ ko zuma ge.

Zumanɔ 72:11

Onu kɔnggɔ winɔ vɛ̃ wa dungu sɛ ti mbula 'da a, nɛ owinɔ vɛ̃ wa bili sɛ zu wa nù dati a.

Zumanɔ 89:27

A tɔ̃ sɛ hã mi na: ‘Mɔ a Baa mi, nɛ mɔ a Gale 'da mi, nɛ mɔ a wi kpasa mi.’

GBA WENƆ 14:5

Ngbongbo temɔɛ ngboo ni, a tɔ̃ bɛlɛ gɔ. Nɛ nde temɔɛ kɛ a dè gɔ ni, a tɔ̃ fai a bɛlɛ.

Ezai 55:4

Mi ia zi a do nwa ngɔ onu kɔnggɔ winɔ, nɛ a zi a wi kpe dati wa. Nɛ mi bia zi ngawi 'da mi hã owinɔ do wala 'da Davidi ni.

DANIƐLƐ 2:2

Nɛ a ba nu a na, wa sa mɔ hã Owi zɔ gulu mɛnɔ, Owi dɛ sɔ̃nɔ, do Owi tunu mɛnɔ, takɔ wa tɔ̃ gulu yalɛ ɛ yala ni. Wa tɛa, nɛ wa yolo dati a.

DANIƐLƐ 7:14

Wa hã ngawi do dɔ̃lɔ̃ li hã a, nɛ wa ia a do nwa, takɔ onu kɔnggɔnɔ vɛ̃, do nu fɛlɛ kulanɔ vɛ̃, do lɛnggɛnɔ vɛ̃, wa dɛ to hã a. To nwa 'da a, ma ɔ sɛ fai, ma sɛ do ndɔti nɛ bina. Nɛ le nwa 'da a, ma 'dángá sɛ gɔ.

Levitɛnɔ 13:58

Fala kɛ wa fɔlɔ mɛ kɛ ma ungga tɛ nɛ ni, kɔ fala ungga mɛ ni ma e, nɛ ma wia na, wa fɔlɔ 'bɔ ma fala bɔa, takɔ ma ɔ sa li Gale.”

ZAKARIA 13:1

NWA ngɔ mɔ nyanga nza vɛ̃ tɔ̃a na: “'Da fala ni ma we, nɛ fua lì ma go'do sɛ, nɛ mi fɔlɔ sɛ 'dã mɛnɔ 'da obe zã Davidi do tala winɔ kɔ le Yeruzalɛmɛ do lì ni.

MATIE 20:28

We duzu kɛ mi Be 'da Wele, mi tɛ̀ na Owele wa dɛ to hã mi gɔ, nɛ nde mi tɛa we dɛ to hã Owele, nɛ mi hã 'bɔ tɛ mi hã fio, takɔ mi gɔnɔ zu ogba gili wele.”

MATIE 28:18

Nɛ Yezu tili dɛ 'da wa, nɛ a tɔ̃ hã wa na: “Gale hã ngawi ngɔ mɛnɔ li nza i, do kɛnɔ nù gɛ vɛ̃ hã mi.

YOANƐ 13:1

Do dati ɛngga Hɔ Nza kɔ Ngbá, nɛ Yezu ĩ zi na, ngba soe ɛ nɛ la nùi gɛ, kɔ ɛ nɛ dɛ 'da Baa ɛ i ni, ma wia ia. A kɔ̃a zi gɛnɛ owinɔ 'da a kɛ wa ngɔ nù gɛ ni wena, nɛ a kɔ̃a gɛnɛ wa la li ngele gbaa nɛ a fe nɛ.

YOANƐ 13:34

Mi hã mbé mbula hã nɛ na, nɛ kɔ̃́ gɛnɛ ngba nɛ. Nɛ ma wia na, nɛ kɔ̃ gɛnɛ ngba nɛ, ɔ nɛ kɛ mi kɔ̃a do gɛnɛ nɛ ni.

YOANƐ 15:9

“Mi kɔ̃a gɛnɛ nɛ, ɔ nɛ kɛ Baa mi kɔ̃a do gɛnɛ mi ni. Nɛ dɛ̃ na, mi 'bana tɛ kɔ̃ gɛnɛ nɛ ni fai.

YOANƐ 18:37

Nɛ Pilatɛ aka 'bɔ a na: “Ní a mɔ a nwa nde?” Nɛ Yezu gese hã a na: “Mɔ a mɔ tɔ̃ na, mi a nwa. Wa kua mi dɛ ngɔ nù gɛ, takɔ mi be gulu gbãlã we hã winɔ. Kɔ winɔ vɛ̃ kɛ wa kɔ̃a gbãlã we ni, wa zele we mi tɔ̃ gɛ zila.”

YOANƐ 3:11

Mi tɔ̃ hã mɔ do gbãlã we na, lɛ tɔ̃ wenɔ kɛ lɛ ĩ ti nɛ ni, nɛ lɛ tɔ̃ 'bɔ lɛnggɛ mɛnɔ kɛ lɛ zɔa ni, nɛ nde nɛ kɔ̃̀ gɛnɛ kɛ lɛ tɔ̃ ni gɔ.

YOANƐ 3:16

Gale kɔ̃a gɛnɛ winɔ ngɔ nù gɛ la li ngele, ma kɛ a hã kpo Be 'da a na, wi kɛ a kɔ̃ zu li a, nɛ nde a fé sɛ fio gɔ, nɛ a sɛ do kpasi kɛ ma é sɛ gɔ ni.

YOANƐ 3:32

a tɔ̃ lɛnggɛ mɛ kɛ a zila do zala a, nɛ a zɔ do li a ni. Nɛ nde Owele wa kɔ̃̀ gɛnɛ lɛnggɛnɔ a tɔ̃ ni gɔ.

Owi Nɛ Tonɔ 20:28

Nɛ dĩ́lĩ́ fala tɛ nɛ, nɛ nɛ zɔ́ mɔ tɛ gili winɔ 'da Gale, kɛ Hi Wi Santo hã wa hã nɛ ni. Ma wia na, nɛ fɔmɔ ogili wi Kristonɔ, kɛ Gale kpa wa olo li fio Be 'da a ni.

Owi Nɛ Tonɔ 26:23

Wa tɔ̃a zi na, Mɛsiya a zɔ sɛ ngamɔ, nɛ a fe sɛ. Nɛ a sɛ a kuti wi kɛ Gale a tunu sɛ a kɔ fio, takɔ a tɔ̃ hã Oyudanɔ, do ogele winɔ na, sa fala sa kɔ tũ fala ia, kɔ Gale a kpasa wa.”

ROMA 3:25

Gale 'dɔlɔ zi Yezu, nɛ a fia, nɛ tɔkɔ tɛ a a nù we si olo ku'da 'dã mɛnɔ zu winɔ kɛ wa kɔ̃a zu li a ni. Gale dɛa na mɛ ni we be na, ɛ a wi bɔlɔ zu. A ila 'dã mɛnɔ owinɔ wa dɛa zi ni, nɛ a hã̀ etumbu olo nɛ hã wa gɔ.

ROMA 8:37

Nɛ nde kɔ mɛnɔ ni vɛ́, lɛ nɛ ngɔ ma nɛa fai, we ngawi 'da Kristo, kɛ a kɔ̃a gɛnɛ lɛ ni.

1 KORINTƐ 6:11

Nɛ ombe sanga nɛ ni, wa dɛ zi 'dã mɛnɔ ni dɛa. Nɛ nde Gale fua ku'da 'dã mɛnɔ 'da nɛ ia, nɛ a dɛa na, nɛ hɔ owinɔ 'da a, nɛ nɛ hɔ owi bɔlɔ zu li a. A dɛa ni do wala 'da Hi Wi 'da a, do zu li Nwa Yezu Kristo.

GALATI 2:20

Wi do kpasi, wi a mi gɔ, nɛ nde Kristo a kpasa kɔ mi. Kpasi kɛ mi do ma ngangga gɛ, mi do ma we kɔ̃a we kɛ mi kɔ̃a do zu li Be 'da Gale, kɛ a kɔ̃a zi gɛnɛ mi wena, nɛ a fia we mi ni.

EFƐZƐ 2:4

Nɛ nde Gale do 'bako li a we lɛ wena, we kɛ a kɔ̃a gɛnɛ lɛ la li ngele.

EFƐZƐ 5:2

Nɛ kɔ̃́ gɛnɛ ngba nɛ ɔ nɛ kɛ Kristo kɔ̃a zi do gɛnɛ lɛ, nɛ a hã zi tɛ́ a vɛ we duzu lɛ ni. A hã zi kili tɛ a hã Gale ɔ nɛ dɔnggamɔ kɛ ma unu de wena, nɛ ma hã yangga hã Gale ni.

Mbulanɔ 18:2

Wa kpá sɛ 'bili tɛ nù ɔ nɛ kɛ 'da ogele nu kpala obe Israɛlɛ ni gɔ. NWA sɛ a kpamɛ 'da wa, ɔ nɛ kɛ a kpua zi do mbulu nɛ ni.

Mbulanɔ 23:5

Mba gɔ, 'da fala nɛ hɔa zi nza ngɔ nù Ezipeto, nɛ nɛ zi a li wala gɛnɛ ni, nɛ owinɔ ni wa yɛlɛ zi ti nɛ do nyɔngɔmɔ do lì nɔ nɔa gɔ. Ĩ na, wa sa zi mɔ hã Balamɛ, wi zɔ gulu mɔ, kɛ a a be 'da Beɔrɛ tɛ kɔ le Pɛtɔrɛ, tɛ ngɔ kala Mezopotami ni na, a tɛ. Nɛ a tɛa, nɛ wa futa a na, a fɔmbɔ nɛ.

Mbulanɔ 7:8

Nɛ nde nwa kɔ̃a gɛnɛ nɛ, nɛ a dɛa olo mbuli kɛ a kpua zi hã oyaa nɛ ni. Ma kɛ a fua zi nɛ ngɔ nù Ezipeto do ngawi 'da a kɛ ma nɛa ngɔ mɛnɔ vɛ̃. Nɛ a kpasa nɛ ti kɔ̃ nwa ngɔ nùi ni.

KƆLƆSƐ 1:18

A a zu Eklezia, nɛ Eklezia a kili tɛ̃ a. Nɛ a a ndua nyanga kpasi 'da Eklezia. A a kuti be, nɛ a 'bɔ a kuti wi kɛ Gale tunu a sanga ofionɔ, takɔ a dungu nwa ngɔ owinɔ do mɛnɔ vɛ̃.

1 TIMOTE 6:13

Mi ba nu mi hã mɔ dɛ gbali Gale, kɛ a hã kpasi hã mɛnɔ vɛ̃, do gbali Yezu Kristo, kɛ a tɔ̃a zi gulu kɔ̃a we 'da a dati Pɔnsɛ Pilatɛ do sila a vɛ ni na,

1 TIMOTE 6:15

kɛ Gale a be sɛ a dɛ gbali owinɔ vɛ̃ do kɔ̃ tũ kɛ a wia ni. Gale kpo a Nwa, nɛ a a wele dia sila. A a Nwa ngɔ onwanɔ, nɛ to nwa 'da a nɛa ngɔ to nwanɔ vɛ.

OHEBRE 10:29

Kɔ ma ɔ na mɛ ni, nɛ nɛ lengge na ge nde? Wi kɛ a zɔ Be 'da Gale li a yala iko, nɛ a faka gba tɔkɛ kɛ Gale fua do ku'da 'dã mɛnɔ zu a ni na, fo gulu nɛ bina, nɛ a dã 'bɔ zu li Hi Wi Santo kɛ a be dia zã 'da Gale hã lɛ ni, a kpá sɛ zɛlɛ tɛ 'danga nɛ ngɔ wele kɛ sɔ ni gɔ nde?

OHEBRE 9:14

Ní a tɔkɔ tɛ Kristo nɛ̀ ngɔ ki ni do ngawi gɔ nde? Do wala 'da Hi Wi Santo kɛ a fai boe ni, Kristo hã zi kili tɛ̃ ɛ ngboo we dɔnggɔ do Gale, ɔ nɛ dɔnggamɔ kɛ fo ndi tɛ nɛ bina ni. Nɛ tɔkɔ tɛ̃ a ma fɔlɔ lɛ, nɛ ma fua sila lɛ ngɔ yia dɛa mɛnɔ lɛ dɛ zi ni, takɔ lɛ dɛ to hã Gale, wele kpasi.

1 PETRO 1:19

Nɛ nde a gɔna zu nɛ do tɔkɔ tɛ Kristo, kɛ ma dia nɛa ngɔ mɔ vɛ ni. Kristo ɔ nɛ be bata kɛ a do 'dã mɔ tabi ndi bi sĩ tɛ a bina, nɛ wa gbɛa a hã Gale ni.

1 YOANƐ 1:7

Kɔ fala kɛ lɛ yɛnggɛ kɔ sa fala, ɔ nɛ kɛ Gale a sa fala ni, nɛ nde lɛ mba vɛ̃ do ongba lɛ, nɛ lɛ hɔa wele kpo. Nɛ tɔkɔ tɛ Be 'da a Yezu, ma fɔlɔ 'dã mɛnɔ kɔ lɛ vɛ̃.

1 YOANƐ 4:10

Nɛ kɔ̃a zã ni, mɛ a kɛ na, lɛ a lɛ kɔ̃̀ zi gɛnɛ Gale dati gɔ, nɛ nde a kɔ̃a gɛnɛ lɛ dati, nɛ a tumba Be 'da a, takɔ a fe we si ku'da 'dã mɛnɔ zu lɛ.

USU MƐNƆ 11:15

'Do nɛ, nɛ sambo anzɛ dama mɔtũlĩ 'da a. Nɛ wala gɛlɛ Owele wila nganda wena tɛ li nza i na: “Dɛa to nwa ngɔ nù gɛ ma hɔa dɛ tambala kɔ̃ Gale Nwa 'da lɛ, do Kristo kɛ a tumba a ni. Gale a dungu sɛ nwa kɔ sabɛlɛ do sabɛlɛ.”

USU MƐNƆ 11:3

Nɛ mi tombo sɛ temɔɛnɔ 'da mi bɔa, nɛ wa he'de sɛ saki, nɛ wa be we nu Gale gbaa 'do tũnɔ kote do kama bɔa do 'bu nɛ gazɛlɛ ni.”

USU MƐNƆ 17:14

Wa bi sɛ bolo do Be Bata, nɛ Be Bata nɛ ngɔ wa, we kɛ a a Nwa ngɔ Onwanɔ, nɛ to nwa 'da a nɛa ngɔ to nwanɔ vɛ. Nɛ winɔ 'da a, kɛ a sa zɛ́ mɔ hã wa, nɛ a saka zɛ́ wa, nɛ wa kàfà a gɔ ni, wa nɛ sɛ ngɔ Onwanɔ ni fala nɛ kpo do a.”

USU MƐNƆ 19:11

'Do ki ni, nɛ nu li nza hũi, nɛ mi zɔ fɛ̃a mbalata. Nɛ wi kũ ngɔ mbalata ni, li a a: “Bɔlɔ zu, Wi tɔ̃ gbãlã we.” A 'bili we, nɛ a bi bolo do wala do nɛ.

USU MƐNƆ 19:16

Wa kɔma li a tɛ gba tuli 'da a do tɛ ku a na: “Nwa ngɔ Onwanɔ, kɛ to nwa 'da a nɛa ngɔ to nwanɔ vɛ ni.”

USU MƐNƆ 2:13

Mi ĩ ti fala ɔi 'da nɛ. Nɛ ɔ kɔ le kɛ Satana dungu nwa ngɔ nɛ. Nɛ nɛ 'bana do kɔ̃a we dɛ 'da mi fai, nɛ kàfà mi gɔ. Gɛnɛ kɔ 'da fala wa gbɛa zi temɔɛ 'da mi Antipasi, kɛ a dɛ do nu mi fai ni, nɛ nɛ kàfà zi mi gɔ. Wa gbɛa zi a kɔ le 'da nɛ kɛ Satana dungu nwa ngɔ nɛ ni.

USU MƐNƆ 3:14

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Laodise ni na: “Wi kɛ a dɛa toe 'da Gale ia vɛ, kɔ a tɔ̃ gulu we 'da Gale do gbãlã we ngboo, nɛ a 'bɔ a wi kɛ Gale dɛa zɛ́ mɛnɔ vɛ̃ do wala 'da a ni tɔ̃a na:

USU MƐNƆ 7:14

Nɛ mi gese hã a na: “Nwa 'daa, mɔ a mɔ ĩ ti wa!” Nɛ a tɔ̃ hã mi na: “Owinɔ kɛ wa kunu zɛlɛ tɛnɔ vɛ wa kpa zi ni, nɛ wa fɔlɔ tulunɔ 'da wa do tɔkɔ tɛ Be Bata, nɛ ma fɛnga gɛ, wa a ni.