USU MƐNƆ 1:4 - WE NU GALE 1995

⁴ Mi Yoanɛ, mi tombo balɛ hã nɛ oeklezianɔ tɛ kɔ de sambo ngɔ nù Azi. E kɔ Gale kɛ a zɛ́ boe, nɛ a sɔɛ gɛ boe, nɛ a tɛ sɛ ni, a be dia zã hã nɛ, nɛ a dɛ na, nɛ ɔ do gɛa sila. E kɔ ohi winɔ sambo, kɛ wa yolo dati kpongbo nwa 'da Gale ni, wa be 'bɔ dia zã, nɛ wa hã gɛ̃a dungu hã nɛ.

USU MƐNƆ 1:4 Iomraidhean Croise

Zumanɔ 90:2

Dati kɛ na mɔ dɛ okalanɔ, do nùi, do nyanga nza vɛ̃ ni, nɛ nde mɔ zi fai a Gale, nɛ mɔ 'bana sɛ Gale 'da fala fai.

Kulu Tɔa 3:14

Nɛ Gale gese hã Mɔizɛ na: “MI A WI KƐ MI BOE FAI. Mɔ hɔ 'di mɔ, nɛ mɔ tɔ̃ hã obe Israɛlɛ na, MI BOE FAI tumba mɔ hã wa.

Ezai 11:2

Hi Wi 'da NWA a ɔ sɛ kɔ sila a fai, a siki sɛ gbãlã zã a, nɛ a nganda a na, a dɛ to nwa 'da a ɔ nɛ kɛ ma wia ni. Hi Wi ni a dɛ sɛ 'bɔ na, a ĩ ti Gale, nɛ a yu kili a.

Ezai 41:4

Wi kɛ a dɛa na, mɛ ni ma dɛ tɛ̃ ɛ a wio nde? Wi a mi NWA. Mi a mi tɔ̃a we mɛnɔ kɛ ma dɛ sɛ tɛ̃ ɛ ni. Ndo nyanga mɛnɔ, wi a mi, nɛ fala kɛ mɛnɔ ma Sɔkpɔ sɛ ni, nɛ nde mi sɛ 'bɔ boe.

Ezai 57:15

Mi a Gale santo, mi nɛa ngɔ mɛnɔ vɛ̃, nɛ mi 'bana sɛ fai. Mi ɔ ndũu li ngɔ i, tɛ fala kɛ ma santo. Nɛ mi 'bɔ fala nɛ kpo do owinɔ kɛ wa kifi sila wa, nɛ wa ba tɛ wa dɛ nù ni na, mi nganda sila wa kɔ mɛnɔ kɛ wa dɛ ma ni.

Mike 5:2

NWA a la sɛ owinɔ 'da a dɛ kɔ owi sɛnɛ wa gbaa na, wuke kɛ a saka a ni, a ko be 'da a. Olo nɛ, nɛ tala obe Israɛlɛ kɛ wa 'bana nza tɛ kɔla 'duli 'di ni, wa si sɛ dɛ ngɔ nù Israɛlɛ, nɛ wa mba li ngba wa do onya wa.

ZAKARIA 3:9

Mi ba sɛ ta kpo, nɛ mi zĩ sɛ ma dati Yozue, nɛ ta ni sɛ do kpolo nɛ sambo, nɛ ma ndele sɛ gɔ̃lĩ gɔ̃lĩ. Mi do tɛ mi, mi kɔmɔ sɛ mɔ dɛ ngɔ nɛ. Nɛ mi fo sɛ 'dã mɛ kɛ ma 'danga nùi gɛ ni 'do tũ kpo iko. Mi NWA ngɔ mɔ nyanga nza vɛ̃, mi tɔ̃a ni.

ZAKARIA 6:5

Nɛ a gese hã mi na: “Mɛ a Ohi Wi nalɛ, kɛ wa yolo dɛ kɛ zã NWA ngɔ mɔ nyanga nza vɛ̃ ni. Kɔ ngangga ni, wa tɛ la ngɔ nùi.”

YOANƐ 1:1

Kuti kɛ kurr na, Gale dɛ mɛnɔ ngɔ nù gɛ vɛ̃ ni, nɛ nde We nu a zɛ́ boe fai. Nɛ We ni zɛ́ fala nɛ kpo do Gale, a zɛ́ a Gale.

Owi Nɛ Tonɔ 19:10

A dɛa na mɛ ni gbaa 'do sabɛlɛ bɔa. Nɛ owinɔ ngɔ nù Azi vɛ̃, Oyudanɔ do ogele winɔ wa zila we 'da Nwa Yezu.

Owi Nɛ Tonɔ 2:9

We kɛ lɛ dɛ gɛ, mbe wa yula ngɔ nù Partɛ, do Medi, Elamɛ, Mezopotami, Yude, Kapadɔsɛ, Pɔ̃, Azi,

ROMA 1:7

Ma kɛ mi kɔmɔ mbɛti gɛ hã nɛ, Owi Roma. Mba gɔ, Gale kɔ̃a gɛnɛ nɛ, nɛ a sa mɔ hã nɛ na, nɛ hɔ winɔ 'da ɛ. E kɔ Baa lɛ Gale, do Nwa Yezu Kristo wa be dia zã 'da wa hã nɛ, nɛ wa hã gɛa dungu hã nɛ.

1 KORINTƐ 1:3

E kɔ Baa lɛ Gale, do Nwa 'da lɛ Yezu Kristo, wa be dia zã 'da wa hã nɛ, nɛ wa dɛ na, nɛ ɔ do gɛa sila.

2 KORINTƐ 1:2

E kɔ Baa lɛ Gale, do Nwa 'da lɛ Yezu Kristo wa be dia zã 'da wa hã nɛ, nɛ wa dɛ na, nɛ ɔ do gɛ̃a sila.

OHEBRE 13:8

Yezu Kristo kífí gɔ, a zɛ́ boe, nɛ a sɔɛ gɛ boe, nɛ a sɛ boe fai nɛ́ ã do tɛ̃ a ni.

ZAKE 1:17

Dia mɛnɔ vɛ̃ ma yolo 'da Baa lɛ Gale tɛ ngɔ i, kɛ a dɛa wese, do zɛkɛ, do sɔlanɔ ni. Gale kpóló tɛlɛ tɛ̃ a gɔ. A ɔ̀ nɛ wese kɛ ma le nù, nɛ ma la lɛ dɛ kɔ gba tũ ni gɔ.

USU MƐNƆ 1:1

'Buki gɛ, ma tɔ̃ lɛnggɛ ngɔ usu mɛnɔ kɛ Yezu Kristo bia hã Owi dɛa tonɔ 'da a, takɔ wa ĩ ti mɛnɔ kɛ ma hɔ sɛ ngangga gɛ ni. Gale bia ma hã Kristo dati, nɛ Kristo tumba anzɛ 'da a we be ma hã mi Yoanɛ, wi dɛa toe 'da a.

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:17

Kɔ mi nɛa we zɔ a, nɛ mi te dɛ ti a ɔ nɛ fio ni. Nɛ a e ngawili kɔ̃ a ngɔ mi, nɛ a tɔ̃ hã mi na: “Mɔ tɛ dɛ̀ kili gɔ! Mi a mi ndua mɛnɔ vɛ, nɛ mi a mi sɔkpɔ sɛ 'bɔ ma vɛ.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”

USU MƐNƆ 1:8

Nwa Gale kɛ a do nganda vɛ, kɛ a zɛ́ boe, nɛ a sɔɛ gɛ boe, nɛ a tɛ sɛ ni, a tɔ̃a na: “Mi a Alfa do Omega.” Gulu nɛ na: “Ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ 'bɔ a mi.”

USU MƐNƆ 1:9

Wi a mi nya nɛ Yoanɛ, kɛ lɛ mba do nɛ kpo dɛ kɔ Yezu ni. Lɛ tɛ kpa zɛlɛ tɛ do nɛ, nɛ lɛ tɛ kunu sila lɛ, nɛ lɛ do nɛ a wele le nwa 'da Gale. Wa ba zi mi do bɔlɔkɔ, nɛ wa tumba mi dɛ kɔ ngolo lì Patmosi, we kɛ mi bia we nu Gale, kɛ Yezu Kristo tɔ̃a gulu nɛ hã lɛ ni.

USU MƐNƆ 16:5

Nɛ mi zele gɛlɛ anzɛ kɛ a zɔ mɔ tɛ lìnɔ ni tɛ tɔ̃ na: “Aa Gale, mɔ a santo! Mɔ zɛ́ boe, nɛ mɔ sɔɛ gɛ boe. Mɔ dɛ mɔ do wala olo nɛ, we kɛ mɔ 'bili we do bɔlɔ nɛ.

USU MƐNƆ 2:12

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Pɛrgamɛ ni na: “Wi kɛ du kɔya kɛ nu nɛ bɔa dɛ nu a ni tɔ̃a na:

USU MƐNƆ 2:18

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Tiatirɛ ni na: “Mi Be 'da Gale, kɛ gbali mi nyɛ nɛ́ we, nɛ nyanga mi ndele kpala kpala nɛ́ tũ mɔ bolo, kɛ wa lɔa tɛ nɛ lɔa ni, mi tɔ̃a na:

USU MƐNƆ 2:8

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Smirnɛ ni na: “Wi kɛ a ndua mɛnɔ vɛ̃, nɛ a sɔkpɔ sɛ 'bɔ ma vɛ, kɛ a fia zi, nɛ a tunu kɔ fio ni tɔ̃a na:

USU MƐNƆ 22:16

“Mi Yezu, mi tumba anzɛ 'da mi, we tɔ̃ wenɔ gɛ hã eklezianɔ. Mi a wi nu fɛlɛ nwa Davidi. Mi a gbandolo titole kɛ ma to wena ni.”

USU MƐNƆ 22:8

Mi Yoanɛ, mi zila zi wenɔ gɛ do zala mi, nɛ mi zɔa do gbali mi. Kɔ mi zila, nɛ mi zɔa ma ia do'do, nɛ mi gu li mi nù dati anzɛ, kɛ a bia mɛnɔ ni hã mi ni we dɔnggɔ a.

USU MƐNƆ 3:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Sardɛ ni na: “Wi kɛ a do Hi Wi 'da Gale sambo, do sɔlanɔ sambo ni tɔ̃a na: Mi ĩ ti dɛa mɔ tɛ nɛ vɔ́, nɛ mi ĩ na, owinɔ wa lengge na, nɛ do kpasi, nɛ nde nɛ fi fia.

USU MƐNƆ 3:14

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Laodise ni na: “Wi kɛ a dɛa toe 'da Gale ia vɛ, kɔ a tɔ̃ gulu we 'da Gale do gbãlã we ngboo, nɛ a 'bɔ a wi kɛ Gale dɛa zɛ́ mɛnɔ vɛ̃ do wala 'da a ni tɔ̃a na:

USU MƐNƆ 3:7

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Filadɛlfi ni na: “Wi kɛ a santo, nɛ a tɔ̃ gbãlã we fai, nɛ a do fungula kɛ nwa Davidi zɛ́ do ma ni dɛ kɔ̃ a, kɔ a hũi nu tɔa, nɛ nde wele kpo kpé ma gɔ, hã a kpe, nɛ nde wele kpo hṹi ma gɔ ni, a tɔ̃a na:

USU MƐNƆ 4:5

Nɛ nyɛa li kolo, do ua dã kolo, do giti omɔ wele tɛ kpongbo nwa kɛ gbogbo ni. Nɛ nyɛa we sambo nyɛ dɛ dati kpongbo nwa ni, ĩ na, mɛ a ohi wi 'da Gale sambo.

USU MƐNƆ 4:8

Otunu li mɛnɔ nalɛ ni, wa do 'baka wa gazɛlɛ gazɛlɛ ɔ nɛ 'baka nɔɛ ni. Nɛ gbali wa kpa do tɛ 'baka wa vɛ̃, ombe do ngɔ, nɛ ombe do ti nɛ. Nɛ wa tɛ ga zuma fai, tũ do gba wese na: “Mɔ a santo, mɔ a santo, mɔ a santo. Mɔ a Nwa Gale kɛ mɔ do nganda vɛ̃. Mɔ zɛ́ boe, nɛ mɔ sɔɛ gɛ boe, nɛ mɔ tɛ sɛ.”

USU MƐNƆ 5:6

Nɛ mi zɔ Be Bata kpo, a yula dɛ dati kpongbo nwa ni. Nɛ Otunu li mɛnɔ nalɛ, do okpasa winɔ ni wa linggi a takpa. Be Bata ni ɔ nɛ wa gbɛa a gbɛa ni. Zamba zu a sambo, nɛ gbali a sambo. Gbali a sambo ni, mɛ a hi winɔ sambo kɛ Gale tumba wa nyanga nza gɛ vɛ̃ ni.

USU MƐNƆ 8:2

Nɛ 'do nɛ, nɛ mi zɔa oanzɛnɔ sambo kɛ wa yolo dɛ dati Gale ni, nɛ wele nɛa, nɛ a hã mɔtũlũ kpo kpo hã wa sambo nɛ.