USU MƐNƆ 1:3 - WE NU GALE 1995

³ Wi kɛ a tɔlɔ wenɔ gɛ hã winɔ ni, a a wi yangga. Nɛ wanɔ kɛ wa zele ma, nɛ wa dɛ mbula nɛ ni, wa 'bɔ a wi yangga. Mba gɔ, ngba soe kɛ mɛnɔ ni ma nɛ hɔ nɛ ni kɔla ia.

USU MƐNƆ 1:3 Iomraidhean Croise

GBA WENƆ 8:34

Wele kɛ a tɛ 'da mi tũ kpo kpo, we 'bɔ we zele we nu mi ni, a a wi yangga.

Yeremi 51:61

“'Da fala kɛ mɔ hɔ tɛ Babilɔnɛ i, nɛ mɔ tɔ́lɔ́ wenɔ gɛ vɛ̃ hã owinɔ.

MATIE 24:15

“Nɛ zɔ sɛ sɔkpɔ tala mɔ sape kɛ Daniɛlɛ, wi gba olo nu Gale tɔ̃a zɛ́ we nɛ ni. Ma yolo tɛ fala kɛ ma santo ni. (Wi kɛ a tɔlɔ we gɛ, nɛ ma wia na, a fa gulu nɛ!)

LUKA 11:28

Nɛ Yezu gese tɛ mɛ 'bɔ na: “Owinɔ kɛ wa zele we nu Gale, nɛ wa dɛ ma ni, yangga 'da wa nɛa ngɔ mɛnɔ vɛ̃.”

ROMA 13:11

Nɛ́ kɛ nɛ ĩ ti ngba soe kɛ lɛ do ma gɛ ĩ ni, nɛ kúlú ngɔ li yala, we kɛ ngba soe Gale nɛ kpasa do lɛ ni, ma kɔla ia. Ma kɔla do lɛ dɔ̃ɔ nɛa ngɔ ngba soe kɛ lɛ ndua zi do kɔ̃ zu li a ni.

ROMA 13:12

'Dɔkɔlɔ tũi nyɛla, nɛ fala kɔlɔ tɛ sa nɛ ia. Kɔ lɛ lá fala dɛ 'dã mɛnɔ kɛ ma dɛ tɛ ɛ kɔ gba tũ ni, nɛ lɛ kálá mɔ bi bolo gba wese dɛ kɔ̃ lɛ.

1 PETRO 4:7

Mɛnɔ kɔlɔ fala sɔkpɔ nɛ vɛ̃ ia. We duzu ki ni, nɛ ɔ́ do gbisa zu, do sɔ̃a li, takɔ nɛ sambala Gale do dia nɛ.

2 PETRO 3:8

Nɛ nde nɛ, oyali ngba mi, mɛ kɛ ma wè na ta zu nɛ ele ngɔ ma gɔ ni, ma kɛ: Nwa zɔ tũ kpo ɔ nɛ sabɛlɛ koto kpo ni, nɛ a zɔ sabɛlɛ koto kpo ɔ nɛ tũ kpo ni.

USU MƐNƆ 22:10

Nɛ a tɔ̃ 'bɔ hã mi na: “Mɔ tɛ ùsù wenɔ kɛ Gale bia ma kɔ 'buki gɛ do winɔ gɔ. We duzu kɛ ngba soe omɛnɔ gɛ ma nɛ dɛ tɛ̃ ɛ ni, ma kɔla ia.

USU MƐNƆ 22:12

Nɛ Yezu tɔ̃ na: “Mɔ zélé! Mi kɔla hɔ nɛ ia! Nɛ mi tɛ sɛ we hã si olo dɛa toe kɛ wele do wele dɛa ma ni hã a.

USU MƐNƆ 22:20

Wi kɛ a bia ngbongbo wenɔ gɛ vɛ ni, a tɔ̃a na: “Gbãlã we, mi kɔla hɔ nɛ ia!” E kɔ ma ɔ na mɛ ni! Nwa Yezu, mɔ tɛ́!

USU MƐNƆ 3:11

Mi kɔlɔ fala tɛ nɛ ia. Kɔ sila nɛ nɔ́ dɛ tɛ wenɔ nɛ yambala ni, dɔ wele bá mɔ do kɔ̃a we 'da nɛ kɔ̃ nɛ gɔ.