USU MƐNƆ 1:2 - WE NU GALE 1995

² Ma kɛ mi tɔ̃ lɛnggɛ mɛnɔ vɛ̃ mi zɔa ma ni. Mɛnɔ ni a we nu Gale, nɛ Yezu Kristo tɔ̃a gulu nɛ hã lɛ.

USU MƐNƆ 1:2 Iomraidhean Croise

YOANƐ 1:32

Nɛ Yoanɛ tɔ̃ 'bɔ na: “Mi zɔa Hi Wi Santo, nɛ nde a yula li nza i, nɛ a zĩlĩ dɛ ngɔ a ɔ nɛ gbakulĩ ni, nɛ a 'bana dɛ ngɔ a ni.

YOANƐ 12:17

'Da fala kɛ Yezu sa zi mɔ hã Lazarɛ kɔ zuni dɛ nza, nɛ a tunu a kɔ fio ni, Owele wa zi wena. Nɛ winɔ ni wa tɔ̃a we mɛnɔ kɛ wa zɔa ni hã ongba wa vɛ̃.

YOANƐ 19:35

Wi kɔma mbɛti gɛ, a zɔa zi mɛnɔ ni do li a. Nɛ lɛnggɛ a kɔma gɛ, mɛ a gbãlã we ngboo. A ĩ na, ɛ tɔ̃ a gbãlã we, nɛ a kɔma lɛnggɛ nɛ, takɔ nɛ tɛ mɛ 'bɔ, nɛ kɔ̃ zu li Yezu.

YOANƐ 21:24

Wi a kpo wi yambala mɛ ni hã a tɔ̃ we mɛnɔ gɛ, nɛ a kɔma ma vɛ̃, kɔ nɛ ĩ na, wenɔ a tɔ̃ gɛ a gbãlã we.

YOANƐ 3:11

Mi tɔ̃ hã mɔ do gbãlã we na, lɛ tɔ̃ wenɔ kɛ lɛ ĩ ti nɛ ni, nɛ lɛ tɔ̃ 'bɔ lɛnggɛ mɛnɔ kɛ lɛ zɔa ni, nɛ nde nɛ kɔ̃̀ gɛnɛ kɛ lɛ tɔ̃ ni gɔ.

Owi Nɛ Tonɔ 22:15

We kɛ mɔ sɛ a temɔɛ 'da a, mɔ tɔ̃ sɛ we mɛnɔ kɛ mɔ zila, nɛ mɔ zɔa ni hã winɔ vɛ̃.

Owi Nɛ Tonɔ 26:16

Kɔ mɔ kúlú ngɔ, hã mɔ yolo do nyanga mɔ. Mi bia tɛ mi hã mɔ, takɔ mi e mɔ do wi toe 'da mi. Mɔ sɛ a temɔɛ 'da mi sanga Owele we tɔ̃ tɛlɛ tɛ kɛ mɔ zɔa do mi sɔɛ gɛ ni hã wa. Nɛ mɔ tɔ̃ sɛ 'bɔ gulu mɛnɔ mi nɛ be sɛ hã mɔ do 'do ni hã wa.

Owi Nɛ Tonɔ 4:20

We duzu lɛ, lɛ wè tɛ kpe nu lɛ dɛ ngɔ mɛ kɛ lɛ zɔa, nɛ lɛ zila do zala lɛ ni gɔ.”

1 KORINTƐ 1:6

Nɛ we 'da Yezu kɛ wa bia hã nɛ ni, ma lia nɛ de wena,

1 KORINTƐ 2:1

Onyae, 'da fala mi nɛa zi 'da nɛ i, we be usu we 'da Gale hã nɛ ni, nɛ nde mi bè zi tɛ mi na, mi ĩ ti wele we wena, nɛ mi do hã zã wena ni gɔ.

1 YOANƐ 1:1

Lɛ kɔma mbɛti gɛ hã nɛ ngɔ We nu Gale kɛ ma hã kpasi ni. Do kuti kɛ kurr na, Gale dɛ mɛnɔ ngɔ nù gɛ vɛ ni, nɛ nde We nu Gale zɛ́ boe. Nɛ We nu Gale bia tɛ ɛ, nɛ lɛ zila wala gɛlɛ a do zala lɛ, nɛ lɛ zɔ a do gbali lɛ. Lɛ soko zi a ngboo, nɛ lɛ 'be tɛ̃ a do kɔ̃ lɛ.

1 YOANƐ 4:14

Lɛ zɔa zi do gbali lɛ na, Gale Baa lɛ tumba Be 'da a, takɔ a kpasa winɔ ngɔ nù gɛ, nɛ lɛ a Owi tɔ̃ gulu nɛ hã winɔ.

3 YOANƐ 1:12

Nɛ nde kɛ 'da Demetriusi, owinɔ vɛ wa tɔ̃ dia we tɛ̃ a tɔ̃a. Gbãlã we kɔ dɛa mɔ tɛ̃ a boe, nɛ ma be 'bɔ na, a a dia wi. Nɛ lɛ tɔ̃a 'bɔ ní na, a dɛ de wena. Nɛ mɔ ĩ na, kɛ lɛ tɔ̃ ni, mɛ a ngbongbo we.

USU MƐNƆ 1:11

tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:19

Kɔ mɔ kɔ́mɔ́ mɛnɔ mɔ zɔa ni, do kɛnɔ ma tɛ la nɛ ngangga ni, do kɛnɔ ma hɔ sɛ ni.

USU MƐNƆ 1:9

Wi a mi nya nɛ Yoanɛ, kɛ lɛ mba do nɛ kpo dɛ kɔ Yezu ni. Lɛ tɛ kpa zɛlɛ tɛ do nɛ, nɛ lɛ tɛ kunu sila lɛ, nɛ lɛ do nɛ a wele le nwa 'da Gale. Wa ba zi mi do bɔlɔkɔ, nɛ wa tumba mi dɛ kɔ ngolo lì Patmosi, we kɛ mi bia we nu Gale, kɛ Yezu Kristo tɔ̃a gulu nɛ hã lɛ ni.

USU MƐNƆ 12:11

Onya lɛ wa nɛa ngɔ a, we duzu tɔkɔ tɛ Be Bata, do we nu Gale kɛ wa bia zi hã winɔ ni. Wa lènggè zi do kpasi 'da wa ngɔ nù gɛ gɔ, nɛ nde wa hã zi tɛ wa li fio we duzu we nu Gale.

USU MƐNƆ 12:17

Gba sɔ̃ sa'de nɛa we zɔ ni, nɛ zã a nɔ̃lɔ̃ dɛ tɛ wuke wena. Nɛ a la, nɛ a nɛ we bi do tala obenɔ 'da wuke ni. Obenɔ ni, wi a owinɔ kɛ wa dɛ olo nu Gale, nɛ wa kɔ̃a gɛnɛ we 'da Gale, kɛ Yezu bia hã wa ni.

USU MƐNƆ 20:4

Nɛ 'do ki ni, nɛ mi zɔ okpongbo nwa, nɛ owinɔ ngɔ nɛ ni wa do ngawi we 'bili we. Nɛ mi zɔ 'bɔ hi winɔ kɛ wa 'bili zi gɛlɛ wa, we kɛ wa bia gulu we 'da Yezu, do we nu Gale hã Owele ni. Wi a wanɔ kɛ wa dɔ̀nggɔ̀ zi sa'de ni gɔ, nɛ wa dɔ̀nggɔ̀ 'bɔ hi a gɔ, nɛ wa gɔ̀nɔ̀ zi dã 'da a dati wa, do tɛ kɔ̃ wa gɔ ni. Kɔ Gale tunu wa kɔ fio, nɛ wa dungu nwa fala nɛ kpo do Kristo gbaa we sabɛlɛ koto kpo.

USU MƐNƆ 22:21

E kɔ dia zã 'da Nwa Yezu 'bana do owinɔ vɛ́!

USU MƐNƆ 6:9

Nɛ 'do ki ni, nɛ Be Bata ɛ̃lɛ̃ mɔlɔ ndaka nu 'buki ni, nɛ mi nɛ ka mɔ dɛ ti gbagala kɛ wa hã dɔnggamɛnɔ hã Gale ngɔ nɛ ni, nɛ mi zɔ ohi wele. Mɛ a hi owinɔ wa gbɛa zi wa, we kɛ wa kɔ̃a gɛnɛ we nu Gale, nɛ wa bia ma hã winɔ ni.