USU MƐNƆ 1:18 - WE NU GALE 1995

¹⁸ Mi do kpasi! Mi fia zi, kɔ ngangga ni, mi do kpasi kɔ sabɛlɛ do sabɛlɛ. Mi do ngawi ngɔ fio, do ngɔ le 'da ofionɔ.

USU MƐNƆ 1:18 Iomraidhean Croise

YƆBƆ 19:25

Mi ĩ na, mi do wi tɔ̃ we ngɔ mi boe, a 'bana nza. Nɛ a gɔnɔ sɛ ngbangganɔ ngɔ nù ge.

YƆBƆ 38:17

Wa bia mbe nu ngbo 'da ofionɔ hã mɔ, nɛ mɔ zɔ ma nde?

Zumanɔ 18:46

Ngawi 'da wa ma ia, wa tana kili, nɛ wa yu kɔ gba ngboe 'da wa do'do.

Zumanɔ 68:20

E kɔ lɛ gese iɔ̃nae hã NWA Gale tũ kpo kpo. A a wi kpasa lɛ, nɛ a zɔ mɔ tɛ lɛ.

Ezai 22:22

Mi e sɛ a do gã wi dɛ ti nu nwa, kɛ a a be zã Davidi ni. Mi hã sɛ fungula nu tɔa 'da nwa hã a. Do fala kɛ a fì nu tɔa ni, nɛ nde wele kpo kpé sɛ ma gɔ, kɔ a kpe ma, nɛ fo sɛ wi fĩ ma bina.

MATIE 11:23

Nɛ nɛ, owi kɔ le Kafarnaumɛ, nɛ ba tɛ nɛ na, nɛ nɛ sɛ ngɔ winɔ vɛ̃, nɛ nɛ ba li nza nde? Wa isi sɛ zu nɛ gbaa dɛ kɔ le 'da ofionɔ i. Mba gɔ, ɔ do kɛ ɔngbamɛnɔ ma dɛa tɛ̃ ɛ kɔ le 'da nɛ gɛ, ma dɛ sɔ tɛ̃ ɛ kɔ le Sodɔmɛ, nɛ le ni, ma 'bana sɔ sɔɛ gɛ.

MATIE 16:19

Mi hã sɛ fungula nu le nwa 'da Gale hã mɔ. Kɔ fala kɛ mɔ bɛ̃ gɛnɛ mɔ ngɔ nù gɛ, nɛ Gale a bɛ̃ sɛ tɛ mɛ 'bɔ gɛnɛ mɛ ni tɛ li nza i. Kɔ fala kɛ mɔ kɔ̃ gɛnɛ mɔ ngɔ nù gɛ, nɛ Gale a kɔ̃ sɛ tɛ mɛ 'bɔ gɛnɛ mɛ ni tɛ li nza i.”

LUKA 24:5

Nɛ kili ba wukonɔ, nɛ wa gu li wa nù. Nɛ Owi wilinɔ ni wa aka wa na: “Gulu kɛ nɛ fa wi kɛ a do tunu li a ni sanga ofionɔ we ge nde?

YOANƐ 11:25

Nɛ Yezu gese hã a na: “Mi a wi kɛ mi tunu winɔ kɔ fio, nɛ mi hã kpasi hã wa. Kɔ fala kɛ wele kɔ̃ zu li mi, hã gɛnɛ kɔ a fe fia, nɛ a kpasa sɛ.

YOANƐ 14:19

Ma 'bànà nyɛlɛ gɔ, nɛ winɔ nù gɛ, wa zɔ́ sɛ 'bɔ mi gɔ. Nɛ nde nɛ, nɛ zɔ sɛ mi. Nɛ́ kɛ mi do kpasi ni, nɛ sɛ tɛ mɛ 'bɔ do kpasi.

ROMA 6:9

Mba gɔ, lɛ ĩ na, 'do kɛ Kristo tunu kɔ fio ni, a fé sɛ 'bɔ mbé nɛ gɔ, nɛ fio 'bɔ do ngawi ngɔ a bina.

2 KORINTƐ 13:4

Gbãlã we, wa bɛlɛ zi a ngɔ finda te, we kɛ a a wele, a mbɔ mbɔka. Kɔ ngangga ni, a do kpasi we duzu ngawi 'da Gale. Nɛ lɛ mbɔkɔ tɛ 'bɔ mbɔka, we kɛ lɛ a wele ɔ nɛ a ni. Nɛ nde lɛ be sɛ hã nɛ na, lɛ do kpasi fala nɛ kpo do a, we duzu ngawi 'da Gale.

GALATI 2:20

Wi do kpasi, wi a mi gɔ, nɛ nde Kristo a kpasa kɔ mi. Kpasi kɛ mi do ma ngangga gɛ, mi do ma we kɔ̃a we kɛ mi kɔ̃a do zu li Be 'da Gale, kɛ a kɔ̃a zi gɛnɛ mi wena, nɛ a fia we mi ni.

KƆLƆSƐ 3:3

we kɛ nɛ ɔ nɛ Go ni. Nɛ nde kpasi 'da nɛ fala nɛ kpo do Kristo, nɛ ma usu tɛ̃ ɛ tambala kɔ̃ Gale.

OHEBRE 1:3

A bia yele ngbala dɔ̃lɔ̃ li 'da Gale, nɛ tɛlɛ tɛ̃ a be tɛlɛ tɛ Gale ngboo. Ngawi 'da wila we nu a tɔndɔ mɛnɔ nyanga nza gɛ vɛ́, nɛ ma yolo. 'Do kɛ a fɔlɔ 'dã mɛnɔ 'da owinɔ do'do ni, nɛ a kũ li nza i, nɛ a dungu tɛ ngɔ ngawili kɔ̃ Gale, kɛ a do nganda nɛa ngɔ mɛnɔ vɛ ni.

OHEBRE 12:2

Nɛ lɛ ká mɔ kpo dɛ tɛ Yezu, kɛ kɔ̃a we 'da lɛ yolo kɔ a ni, nɛ a kã sɛ 'bɔ lɛ gbaa we hɔ ndɔti nɛ. 'Da fala wa nɛa zi we gbɛ a ngɔ finda te ni, nɛ a kunu sila a, nɛ a lènggè do fio sape ni gɔ, we duzu kɛ a zɔa yangga kɛ ma 'bɔ 'da a ni. Nɛ ngangga gɛ, a dungu kɛ zã kpongbo nwa 'da Gale, si ngɔ ngawili kɔ̃.

OHEBRE 7:16

A hɔ̀ zi nganga do wala 'da mbulanɔ kɛ Owele wa ia ni gɔ, nɛ nde a hɔa nganga do ngawi kpasi 'da a kɛ ma é sɛ gɔ ni.

OHEBRE 7:25

We duzu ma, owinɔ kɛ wa kɔlɔ do Gale do wala 'da Yezu ni, nɛ Yezu wia tɛ kpasa wa ngboo. We kɛ a do kpasi, nɛ a tɛ aka Gale we winɔ fai.

USU MƐNƆ 10:6

nɛ a kana tɛ̃ a do zu li Gale kɛ a fai boe, nɛ a dɛa li nza, do nùi, do gba lìnɔ, do mɛnɔ falanɔ vɛ̃ ni. Nɛ anzɛ ni tɔ̃ na: “Ngba soe wia ia, mbé mɔ 'bɔ 'bɔa bina!

USU MƐNƆ 15:7

Nɛ mbe kpo sanga Otunu li mɛnɔ nalɛ ni tɛa, nɛ a hã bila mɔ mbali sambo hã oanzɛnɔ sambo ni. Bilanɔ ni dunu do nɔ̃lɔ̃ zã 'da Gale, kɛ a do kpasi kɔ sabɛlɛ do sabɛlɛ ni.

USU MƐNƆ 2:8

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Smirnɛ ni na: “Wi kɛ a ndua mɛnɔ vɛ̃, nɛ a sɔkpɔ sɛ 'bɔ ma vɛ, kɛ a fia zi, nɛ a tunu kɔ fio ni tɔ̃a na:

USU MƐNƆ 20:13

Nɛ gba lì gisa owinɔ vɛ kɛ wa fia zɛ́ 'dɔ nɛ ni, nɛ fio do le 'da ofionɔ, wa gisa 'bɔ owinɔ wa fia zɛ́ ni. Nɛ Gale 'bili we 'da wa vɛ, wele do wele do 'da dɛa tonɔ a dɛa zi ni.

USU MƐNƆ 20:14

Nɛ 'do nɛ, nɛ wa ba fio do le 'da fionɔ, nɛ wa da wa li gba nyɛa we. Gba nyɛa we ni a bɔa fie hã ni.

USU MƐNƆ 3:7

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Filadɛlfi ni na: “Wi kɛ a santo, nɛ a tɔ̃ gbãlã we fai, nɛ a do fungula kɛ nwa Davidi zɛ́ do ma ni dɛ kɔ̃ a, kɔ a hũi nu tɔa, nɛ nde wele kpo kpé ma gɔ, hã a kpe, nɛ nde wele kpo hṹi ma gɔ ni, a tɔ̃a na:

USU MƐNƆ 4:9

Nɛ Otunu li mɛnɔ ni wa tɛ ga zuma hã wi kɛ a dungu ngɔ kpongbo nwa, nɛ a do kpasi kɔ sabɛlɛ do sabɛlɛ ni. Nɛ wa dɔnggɔ a, nɛ wa tɔ̃ de zu li a, nɛ wa hã iɔ̃nae hã a.

USU MƐNƆ 5:14

Nɛ otunu li mɛnɔ nalɛ ni wa gese na: “Amɛ!” Nɛ okpasa winɔ wa gu gba zugolo, nɛ wa dɔnggɔ wa.

USU MƐNƆ 6:8

Nɛ mi nɛ ka mɔ, nɛ mi zɔ mbalata, tɛ̃ a ɔ tuu nɛ zɛ̃ we ni. Nɛ wi kũ ngɔ a li a a Fio. Nɛ Le 'da ofionɔ tɛ tɛ 'dɔkɔlɔ a. Nɛ wa hã ngawi hã wa na, wa yɛnggɛ ngɔ kpo mbee nalɛ nùi gɛ, nɛ wa gbɛ winɔ do du kɔya, tabi do gba wɔ, tabi do zɛlɛ, tabi do wala 'da odã sa'de.

USU MƐNƆ 9:1

Nɛ 'do nɛ, nɛ mɔlɔ anzɛ dama mɔtũlĩ 'da a, nɛ mi zɔ sɔla kpo, ma yula ngɔ i, kɔ ma te dɛ nù nga, nɛ wa hã fungula nu gba 'du kɔ̃ hã a.

1 SAMUƐLƐ 2:6

Wi a nwa hã a dɛ na, wele fe, tabi wele kpasa. A dɛ na, wele le kɔ le 'da fionɔ, tabi a hɔ nza kɔ nɛ.