USU MƐNƆ 1:16 - WE NU GALE 1995

¹⁶ Nɛ a 'bia osɔla sambo do ngawili kɔ̃ a, nɛ du kɔya kɛ nu nɛ bɔa ni dɛ nu a. Nɛ bula li a to ɔ nɛ wese kɛ ma hɔa gbogbo zu wi ni.

USU MƐNƆ 1:16 Iomraidhean Croise

YƆBƆ 38:7

Do 'da fala ni, osɔla titolenɔ wa ga zi zuma nzɛmbɔɔ, nɛ oanzɛnɔ li ngɔ i, wa he zi hiamɔ yangga.

Zumanɔ 45:3

Mɔ dia zagbãlã nɛa ngɔ owinɔ vɛ̃, nɛ mɔ ĩ ti wele dia lɛnggɛ do bɔlɔ nɛ. Gale wele nu ɛ tɛ mɔ kɔ sabɛlɛ do sabɛlɛ.

SƆKPƆ DIA ZUMANƆ 6:10

“Wuko wele kɛ a yele ngbaa gɛ a wio nde? A dia zɔnga nɛ́ zɛkɛ, nɛ a ndele nɛ́ wese ni. Mɔ zɔ dia zɔnga 'da a, nɛ zu mɔ 'danga, nɛ hi mɔ la ndee.”

Ezai 11:4

A gbɛ sɛ gbãlã we hã owi 'bako, a tɔ̃ sɛ gulu we 'da owi sãnɔ do bɔlɔ nɛ. We kɔ nu a zɛlɛ tɛ winɔ ɔ nɛ zufa ni. A gɔnɔ we, nɛ ma gbɛ o'dã winɔ.

Ezai 24:23

Sape ma ba sɛ li zɛkɛ do wese, nɛ ma tó sɛ 'bɔ gɔ. Mba gɔ, NWA Gale ngɔ mɔ nyanga nza vɛ̃, a dungu sɛ nwa kɔ le Yeruzalɛmɛ, tɛ ngɔ kala Sioni. Nɛ dɔ̃lɔ̃ li 'da a ma be sɛ tɛ̃ ɛ dati okumunɔ kɔ le ni.

Ezai 49:2

A dɛa na, wila we nu mi ma 'bili mɔ ɔ nɛ tɔ́a nu kɔya ni. A gu kɔ a zu mi, nɛ a fɔmɔ mi. Nɛ a dɛa 'bɔ na, wila we nu mi ba wele, ɔ nɛ kpili kɔ ndele ni.

DANIƐLƐ 12:3

Owi hã zãnɔ wa to sɛ ɔ nɛ wese li nza gɛ ni. Nɛ owinɔ kɛ wa bia hã ogili wele na, wa dɛ bɔlɔ zu dɛa mɔ ni, wa to sɛ ɔ nɛ osɔlanɔ ni fai.’

DANIƐLƐ 8:10

Be za ni bi 'bɔ do owinɔ tɛ li nza i. Nɛ ombe sanga owinɔ ni, mba do mbe osɔlanɔ, wa ala nù, nɛ be za ni ma wa ti nyanga a.

MATIE 17:2

Wa hɔa i mɔ, nɛ tɛ Yezu kifi dɛ li wa. Nɛ bula li a ma ngɔ to ɔ nɛ wese ni, nɛ tulu tɛ̃ a ndele kpala kpala kpala.

Owi Nɛ Tonɔ 26:13

Aa nwa, mi nɛa, nɛ mi 'bana dɛ li wala, nɛ nde wese hɔa gbogbo zu wi, nɛ mi zɔ yele ngbala ma yula li nza i, nɛ ma yele nganda nɛ ngɔ tua wese. Nɛ ma yila zĩ lɛ, do ongba mi kɛ lɛ do wa ni takpa.

EFƐZƐ 6:17

Nɛ ĩ na, Gale a kpasa nɛ ia, kɔ nɛ bá kpasi ni, nɛ ma ɔ nɛ ndasa bolo kɛ nɛ gu zu nɛ ni. Nɛ nɛ bá we nu Gale kɛ Hi Wi Santo hã ma hã nɛ ni dɛ kɔ̃ nɛ, nɛ ma ɔ nɛ du kɔya bolo ni.

OHEBRE 4:12

Nɛ ĩ na, we nu Gale ma do kpasi, nɛ ma do ngawi. Nu nɛ tɔ̃a nɛa ngɔ tɔ̃a nu kɔya kɛ nu ma bɔa ni. Ma dumu wele, nɛ ma le gbaa nɛ ma kɛ sanga sila wi do hi wi, nɛ ma nɛ, nɛ ma kpa gbãlã, do mbɔnggɔ zã nɛ. We nu Gale ma be linggamɔ kɔ sila wele, do mɛnɔ a do wɔ nɛ ni dɛ nza.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”

USU MƐNƆ 10:1

'Do nɛ, nɛ mi nɛ ka mɔ, nɛ mi zɔ 'bɔ mbé gele anzɛ kpo, a nganda wena. A yula li nza i, nɛ a zĩlĩ dɛ nù nga. Gba kutu lɔmbɔ a vɛ, nɛ ndumbe linggi zu a takpa. Nɛ bula li a to nɛ́ wese ni, nɛ nyanga a ɔ nɛ bɛlɛduma kɛ ma nyɛ do we ni.

USU MƐNƆ 12:1

Nɛ gba sɔ̃ mɔ bia tɛ ɛ li nza i. Mɛ a wuko, a hi'da wese dɛ tɛ̃ a ɔ nɛ tulu ni, nɛ zɛkɛ dɛ ti nyanga a, nɛ wa gu ndasa nwa, ma do osɔla tɛ nɛ 'bu ngɔ nɛ bɔa zu a.

USU MƐNƆ 19:15

Du kɔya kɛ nu nɛ tɔ̃ wena ni hɔa kɔ nu a, we bi do ogele winɔ kɛ wa bɛa gɛnɛ a ni. A dungu sɛ nwa ngɔ wa do ngawi wena, nɛ a tɛ sɛ do gã nɔ̃lɔ̃ zã 'da Gale kɛ a do nganda vɛ ni, nɛ a ma wa ti nyanga a, ɔ nɛ kɛ wa ma do wala vinɔ we kpĩlĩ lì nɛ ni.

USU MƐNƆ 19:21

Nɛ wi kɛ a kũ ngɔ fɛ̃a mbalata ni, a gbɛ tala winɔ ni vɛ̃ do kɔya kɛ ma hɔa kɔ nu a ni. Nɛ nɔɛnɔ vɛ̃ wa nyɔngɔ mulu wa gbaa, nɛ zã wa hɛ̃.

USU MƐNƆ 2:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Efɛzɛ ni na: “Wi kɛ a 'be sɔlanɔ sambo do ngawili kɔ̃ a, nɛ a yɛnggɛ do sanga omɔ a do mwindanɔ sambo, kɛ wa dɛa do mɔ mbali ni tɔ̃a na:

USU MƐNƆ 2:12

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Pɛrgamɛ ni na: “Wi kɛ du kɔya kɛ nu nɛ bɔa dɛ nu a ni tɔ̃a na:

USU MƐNƆ 2:16

Kɔ nɛ kífí sila nɛ, ní gɔ, nɛ mi nɛ sɛ i mɔ ngangga gɛ, we bi winɔ ni do kɔya nu mi ni.

USU MƐNƆ 3:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Sardɛ ni na: “Wi kɛ a do Hi Wi 'da Gale sambo, do sɔlanɔ sambo ni tɔ̃a na: Mi ĩ ti dɛa mɔ tɛ nɛ vɔ́, nɛ mi ĩ na, owinɔ wa lengge na, nɛ do kpasi, nɛ nde nɛ fi fia.

Owi kpe dati 3:16

Ehudɛ dolo zi gba du kɔya kɛ nu ma tɔa do i mbee nɛ bɔa nɛ. Du kɔya ni zi dɔ̃ɔ do sãtimɛtrɛ 'bu nɛ mɔlɔ. A yulu zi ma ti tulu tɛ̃ a, nɛ a bɔlɔ ma dɛ kɛ zã ku a kɛ ngɔ ngawili kɔ̃.

Owi kpe dati 5:31

Aa NWA, e kɔ Owi sɛnɛ mɔ vɛ̃ wa fe ɔ nɛ kɛ Sisra fia ni, nɛ oyali ngba mɔ wa ɔ do ngawi ɔ nɛ tua wese ni. Nɛ mbé bolo té zi 'bɔ ngɔ nù Israɛlɛ gɔ, gbaa 'do 'bu sabɛlɛ nalɛ.