USU MƐNƆ 1:11 - WE NU GALE 1995

¹¹ tɛ tɔ̃ hã mi na: “Mɔ kɔ́mɔ́ mɛnɔ mɔ zɔ gɛ do mbɛti, nɛ mɔ tómbó ma hã oeklezianɔ kɔ lenɔ sambo gɛ: Efɛzɛ, Smirnɛ, Pɛrgamɛ, Tiatirɛ, Sardɛ, Filadɛlfi do Laodise.”

USU MƐNƆ 1:11 Iomraidhean Croise

Ezai 30:8

Nɛ NWA tɔ̃a hã mi na, mi kɔmɔ 'dã mɛnɔ kɛ obe Israɛlɛ wa kɔ̃a gɛnɛ dɛ ma ni dɛ kɔ 'buku, nɛ 'buki ni ma 'bana sɛ fai. Kɔ do 'do nza, nɛ ma be sɛ gulu we hã wa na, wa a wi dɛ 'dã mɔ.

Yeremi 30:2

“Mɔ kɔ̀mɔ̀ wenɔ vɛ̃ kɛ mi tɔ̃a hã mɔ ni kɔ 'buku,

HABAKUKƐ 2:2

NWA gisa hã mi na: “Mɔ kɔ́mɔ́ wenɔ mi nɛ tɔ̃ hã mɔ gɛ dɛ ngɔ ta, nɛ mɔ gɛzɛ ma gã wena, sɛ a owinɔ wa tɔlɔ do dia nɛ de.

Owi Nɛ Tonɔ 16:14

Nɛ mbe kpo sanga wa ni, li a a Lidia, a yula Tiatirɛ, nɛ a zi a wi be gole fila tulu. A zi a wi dɔnggɔ Gale, nɛ Nwa Gale hũi linggamɛ 'da a, takɔ a zele bia we 'da Polo, nɛ a kɔ̃ gɛnɛ nɛ.

Owi Nɛ Tonɔ 18:24

Do 'da fala ni, nɛ mbe be Yuda kpo, li a a Apolosi, a hɔa tɛ Efɛzɛ. Wa kua zi a tɛ Alɛkzandri, nɛ a ĩ zi ti wele we do gulu nɛ, nɛ a ĩ 'bɔ ti 'Buki 'da Gale de wena.

Owi Nɛ Tonɔ 20:17

Polo hɔa tɛ Milɛ, nɛ a tombo wele Efɛzɛ, takɔ a sa mɔ hã Owi zɔ mɔ tɛ eklezia na, wa tɛ.

1 KORINTƐ 15:32

Tɛ Efɛzɛ nga, mi tɛ bi bolo ɔ nɛ kɛ mi bi do osa'de zamɔ ni. Kɔ fala kɛ mi bi sɔ bole ni we lengge do mɛnɔ nù gɛ iko, nɛ mɛ mi nɛ kpa sɔ oto nɛ ni a ge nde? Fala kɛ ofionɔ wa túnú gɔ gbãlã we, nɛ ma wia na, lɛ dɛ mɔ tɛ lɛ ɔ nɛ kɛ winɔ wa tɔ̃ na: “Lɛ nyɔ́ngɔ́ mɔ, nɛ lɛ nɔ́ dɔ̃, we kɛ bindɛ nɛ lɛ fe sɛ” ni.

1 KORINTƐ 16:8

Kɔ ngangga ni, mi kɔ̃a we 'bana dɛ Efɛzɛ gɛ, gbaa we hɔ tɛ ngba soe ɛngga Pantɛkotɛ.

EFƐZƐ 1:1

Wi a mi Polo, kɛ Gale saka mi do kɔ̃a zã 'da a, nɛ a ia mi do wi nɛ toe 'da Yezu Kristo ni. Mi kɔma mbɛti gɛ hã nɛ, owinɔ 'da Gale tɛ kɔ le Efɛzɛ, kɛ nɛ mba kpo do Yezu Kristo, nɛ nɛ 'bana tɛ kɔ̃ gɛnɛ a do sila nɛ kpo ni.

Mbulanɔ 31:19

“Ngangga ni, mɔ kɔmɔ sɛ zuma kɛ mi nɛ be ma hã mɔ ni. Nɛ mɔ be hã obe Israɛlɛ na wa ĩ ti ma, takɔ ma ɔ nɛ temɔɛ 'da mi, we tɔ̃ ngbangga dɛ zu wa.

KƆLƆSƐ 2:1

Ma hã mi kɔ̃a na, nɛ ĩ tɛlɛ tɛ kɛ mi gbɛ tɛ mi kɔ dɛa toe we duzu nɛ Owi Kɔlɔsɛ, do Laodise, do ogele winɔ vɛ̃ kɛ wa tɛ zɔ̀ kuti mi gɔ ni.

1 TIMOTE 1:3

Ma wia na, mɔ dɛ ɔ nɛ kɛ mi tɔ̃a zi hã mɔ 'da fala la zi mɔ́ mi dɛ Masedɔanɛ i ni. Mɔ 'báná dɛ kɔ le Efɛzɛ ni, takɔ mɔ kpe nu mbe winɔ, kɛ wa be we bɛlɛ di ni ni.

USU MƐNƆ 1:17

Kɔ mi nɛa we zɔ a, nɛ mi te dɛ ti a ɔ nɛ fio ni. Nɛ a e ngawili kɔ̃ a ngɔ mi, nɛ a tɔ̃ hã mi na: “Mɔ tɛ dɛ̀ kili gɔ! Mi a mi ndua mɛnɔ vɛ, nɛ mi a mi sɔkpɔ sɛ 'bɔ ma vɛ.

USU MƐNƆ 1:19

Kɔ mɔ kɔ́mɔ́ mɛnɔ mɔ zɔa ni, do kɛnɔ ma tɛ la nɛ ngangga ni, do kɛnɔ ma hɔ sɛ ni.

USU MƐNƆ 1:2

Ma kɛ mi tɔ̃ lɛnggɛ mɛnɔ vɛ̃ mi zɔa ma ni. Mɛnɔ ni a we nu Gale, nɛ Yezu Kristo tɔ̃a gulu nɛ hã lɛ.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”

USU MƐNƆ 1:4

Mi Yoanɛ, mi tombo balɛ hã nɛ oeklezianɔ tɛ kɔ de sambo ngɔ nù Azi. E kɔ Gale kɛ a zɛ́ boe, nɛ a sɔɛ gɛ boe, nɛ a tɛ sɛ ni, a be dia zã hã nɛ, nɛ a dɛ na, nɛ ɔ do gɛa sila. E kɔ ohi winɔ sambo, kɛ wa yolo dati kpongbo nwa 'da Gale ni, wa be 'bɔ dia zã, nɛ wa hã gɛ̃a dungu hã nɛ.

USU MƐNƆ 1:8

Nwa Gale kɛ a do nganda vɛ, kɛ a zɛ́ boe, nɛ a sɔɛ gɛ boe, nɛ a tɛ sɛ ni, a tɔ̃a na: “Mi a Alfa do Omega.” Gulu nɛ na: “Ndo nyanga mɛnɔ vɛ̃ wi a mi, nɛ sɔkpɔ mɛnɔ vɛ 'bɔ a mi.”

USU MƐNƆ 10:4

Wa gisa nu nɛ do'do, nɛ mi ma ngɔ kɔmɔ wenɔ kɛ ua dã kolenɔ wa tɔ̃a ni dɛ li mbɛti. Nɛ mi zele wala gɛlɛ wele do li nza i tɛ tɔ̃ hã mi na: “Mɔ tɛ kɔ̀mɔ̀ wenɔ kɛ ua dã kolenɔ sambo wa tɔ̃a ni gɔ, kɔ mɔ úsú dɛ kɔ sila mɔ, dɔ wele zélé gɔ.”

USU MƐNƆ 14:13

'Do ki ni, nɛ mi zele wala gɛlɛ wele li nza i tɛ tɔ̃ hã mi na: “Mɔ kɔ́mɔ́ na: Ngangga gɛ winɔ kɛ wa fia dɛ kɔ dɛa toe 'da Nwa ni, wa a owi yangga!” Nɛ Hi Wi Santo na: “Mɛ a ngbongbo we. Ngangga ni, wa wia tɛ ɔmɔ tɛ wa do nga dɛa toe wa dɛa zi ni, we duzu kɛ dia mɔ do dɛa toe 'da wa kpia dɛ 'dɔkɔlɔ wa.”

USU MƐNƆ 19:9

Nɛ anzɛ tɔ̃ hã mi na: “Mɔ kɔ́mɔ́ wenɔ gɛ do mbɛti! Winɔ kɛ wa sa mɔ hã wa we nyɔngɔ mɔ dɔ ba ngba wi 'da Be Bata ni, wa a wi yangga.” Nɛ a tɔ̃ 'bɔ na: “Wenɔ gɛ ma yula nu Gale ngboo.”

USU MƐNƆ 2:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Efɛzɛ ni na: “Wi kɛ a 'be sɔlanɔ sambo do ngawili kɔ̃ a, nɛ a yɛnggɛ do sanga omɔ a do mwindanɔ sambo, kɛ wa dɛa do mɔ mbali ni tɔ̃a na:

USU MƐNƆ 2:12

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Pɛrgamɛ ni na: “Wi kɛ du kɔya kɛ nu nɛ bɔa dɛ nu a ni tɔ̃a na:

USU MƐNƆ 2:18

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Tiatirɛ ni na: “Mi Be 'da Gale, kɛ gbali mi nyɛ nɛ́ we, nɛ nyanga mi ndele kpala kpala nɛ́ tũ mɔ bolo, kɛ wa lɔa tɛ nɛ lɔa ni, mi tɔ̃a na:

USU MƐNƆ 2:24

“Nɛ nde we nɛ, Owi Kristonɔ tɛ Tiatirɛ, kɛ nɛ kɔ̃̀ gɛnɛ 'dã bia we ni gɔ, nɛ nɛ ĩ̀ ti gulu mɛnɔ wa sa li nɛ na ‘'du gulu usu wenɔ 'da Satana’ gɔ ni, mi tɔ̃ hã nɛ na, mi é sɛ 'bɔ mbé tole dɛ ngɔ kɛ zu nɛ ni gɔ.

USU MƐNƆ 2:8

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Smirnɛ ni na: “Wi kɛ a ndua mɛnɔ vɛ̃, nɛ a sɔkpɔ sɛ 'bɔ ma vɛ, kɛ a fia zi, nɛ a tunu kɔ fio ni tɔ̃a na:

USU MƐNƆ 21:5

Nɛ wi dungu ngɔ kpongbo nwa ni tɔ̃ na: “Nɛ zɔ́, mi kpula mɛnɔ vɛ̃do mbé nɛ.” Nɛ a tɔ̃ 'bɔ hã mi na: “Mɔ kɔ́mɔ́ wenɔ gɛ do mbɛti, we kɛ mɛ a ngbongbo we, nɛ wele wia we e sila a ngɔ nɛ.”

USU MƐNƆ 22:10

Nɛ a tɔ̃ 'bɔ hã mi na: “Mɔ tɛ ùsù wenɔ kɛ Gale bia ma kɔ 'buki gɛ do winɔ gɔ. We duzu kɛ ngba soe omɛnɔ gɛ ma nɛ dɛ tɛ̃ ɛ ni, ma kɔla ia.

USU MƐNƆ 22:16

“Mi Yezu, mi tumba anzɛ 'da mi, we tɔ̃ wenɔ gɛ hã eklezianɔ. Mi a wi nu fɛlɛ nwa Davidi. Mi a gbandolo titole kɛ ma to wena ni.”

USU MƐNƆ 3:1

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Sardɛ ni na: “Wi kɛ a do Hi Wi 'da Gale sambo, do sɔlanɔ sambo ni tɔ̃a na: Mi ĩ ti dɛa mɔ tɛ nɛ vɔ́, nɛ mi ĩ na, owinɔ wa lengge na, nɛ do kpasi, nɛ nde nɛ fi fia.

USU MƐNƆ 3:14

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Laodise ni na: “Wi kɛ a dɛa toe 'da Gale ia vɛ, kɔ a tɔ̃ gulu we 'da Gale do gbãlã we ngboo, nɛ a 'bɔ a wi kɛ Gale dɛa zɛ́ mɛnɔ vɛ̃ do wala 'da a ni tɔ̃a na:

USU MƐNƆ 3:4

Nɛ nde ombe winɔ Sardɛ ni, wa tɛ 'dàngà tɛ tulunɔ 'da wa gɔ. Winɔ ni wa he'de sɛ fɛ̃a tulu, nɛ wa yɛnggɛ do mi, we kɛ ki ni wia do wa.

USU MƐNƆ 3:7

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Filadɛlfi ni na: “Wi kɛ a santo, nɛ a tɔ̃ gbãlã we fai, nɛ a do fungula kɛ nwa Davidi zɛ́ do ma ni dɛ kɔ̃ a, kɔ a hũi nu tɔa, nɛ nde wele kpo kpé ma gɔ, hã a kpe, nɛ nde wele kpo hṹi ma gɔ ni, a tɔ̃a na: