Zumanɔ 127:3 - WE NU GALE 1995

³ Gã kpamɔ kɔ nu fɛlɛ kula mɛ a obe, nɛ wi hã obenɔ ni, wi a NWA.

Zumanɔ 127:3 Iomraidhean Croise

Ndo Nyanga Dɛ Mɔ 1:28

nɛ a wele nu a tɛ wa, nɛ a to na: “Nɛ kó, takɔ nɛ dɛlɛ, hã nɛ yɛ'bɛ ngɔ nùi, nɛ nùi ma ɔ do mɔ nɛ. Nɛ nɛ ɔ́ nwa ngɔ mɛnɔ vɛ, ngɔ okɔyɔnɔ 'dɔ lì i, do onɔɛnɔ li ngɔ i, do osa'denɔ ngɔ nù gɛ vɛ̃.”

Ndo Nyanga Dɛ Mɔ 24:60

Dati la mɔ́ wa, nɛ onya Rebɛka wa wila nu wa tɛ̃ a na: “Aa Rebɛka boko nya lɛ, mɔ sɛ a naa Owele koto do koto. Nɛ obe zã mɔ wa kala sɛ lenɔ 'da Owi sɛnɛ wa.”

Ndo Nyanga Dɛ Mɔ 33:5

'Da fala kɛ Ezau zɔa wukonɔ do obenɔ, nɛ a aka na: “Winɔ wa kã mɔ gɛ a wio nde?” Nɛ Yakɔbɔ gese na: “Mɛ a obenɔ kɛ Gale hã wa hã mi gɛ a ni.”

Ndo Nyanga Dɛ Mɔ 4:1

Adamu mba ngɔ te do wuke 'da a Eva, nɛ a ba zã. Nɛ a ko bulu be, nɛ a e li a na Kaina, nɛ a na: “NWA gala mi, nɛ mi kua bulu be.”

Ndo Nyanga Dɛ Mɔ 48:4

nɛ a tɔ̃ hã mi na, ɛ hã sɛ obe hã mi dɛlɛ wena, takɔ mi hɔ yaa gba gili nu kɔnggɔ Owele. Nɛ ɛ hã sɛ nùi ni hã obe zã mi do mɔ wa fai!”

2 SAMUƐLƐ 3:5

Be kɛ gazɛlɛ a Itreamɛ, a kua a do Egla. Obulu benɔ Davidi kua zi wa tɛ Hebroni i gɛ wa a ni.

1 Sakonɔ 28:5

Nɛ dɛ sanga gba gili obenɔ kɛ NWA hã wa hã mi ni, a saka Salɔmɔ na, a dungu nwa ngɔ obe Israɛlɛ, owinɔ 'da a olo mi.

1 Sakonɔ 8:40

Obenɔ 'da Ulamɛ zi a onga wi bi bolo, nɛ wa zi 'bɔ odia wi 'da nzabele. Obenɔ 'da wa do obe yaa wa, wa dɛlɛ zi wena. Wa zi vɛ̃ a Owele kama do 'bu wa mɔlɔ. Owinɔ ni vɛ̃ wa a obe zã Bɛnzamɛ.

YƆBƆ 1:2

A kua zi obulu be sambo, nɛ oboko be talɛ.

Ezai 13:18

Wa ndɔlɔ sɛ ozagbãlãnɔ do kpili, nɛ wa gbɛ wa. Wa ĩ́ sɛ 'bako hã obi benɔ do onzɔ benɔ gɔ, nɛ wa lá sɛ wa do tunu li wa gɔ.”

Ezai 8:18

Nɛ zɔ́ mi, do obenɔ kɛ NWA Gale hã wa hã mi gɛ, lɛ kɛ. NWA ngɔ mɔ nyanga nza vɛ̃, kɛ a ɔ tɛ ngɔ kala Sioni i ni, a ia lɛ ɔ nɛ bia mɔ we mbese obe Israɛlɛ na, wa kpa hã.

Mbulanɔ 28:11

NWA Gale a hã sɛ odɔa be, do ogba gili be sa'de, do gba gili kpalɛ hã nɛ. Nɛ kpa sɛ mɛnɔ ni tɛ ngɔ nùi kɛ a kpua zi mbulu nɛ hã oyaa nɛ na, a hã sɛ ma hã nɛ ni.

Mbulanɔ 28:4

“NWA a wele sɛ nu a tɛ nɛ, nɛ nɛ ko sɛ obe dɛlɛ wena. Nɛ nɛ kpa sɛ okpalɛ dɛlɛ wena. Nɛ ongɔmbɔnɔ do obatanɔ do oduanɔ 'da nɛ, wa ko sɛ 'bɔ dɛlɛ wena.

Owi kpe dati 12:9

Ibsanɛ kua zi obulu be 'bu wa talɛ, nɛ oboko be 'bɔ 'bu wa talɛ. Obe zɔnga benɔ 'da a vɛ̃, wa kala zi owili kɔ gele nu kpala Owele.

1 SAMUƐLƐ 1:27

Mɔ zɔ́ be kɛ mi gɔa zi a kɔ Gale kɔ sambala 'da mi ni, a kɛ. NWA hã a hã mi.