FILIPƐ 3:8 - WE NU GALE 1995

⁸ Gbãlã we, mi zɔa na, gele mɛnɔ vɛ̃ kɛ mi zi do ma ni, ma 'bɔ do gulu nɛ we mi bina. We kɛ mi ĩ ti Nwa 'da mi Yezu Kristo ia, nɛ ki ni dia nɛa ngɔ mɔ vɛ̃. We duzu Kristo, ma kɛ mi bɛ̃a gɛnɛ ogele mɛnɔ vɛ̃, nɛ mi zɔ ma li mi nɛ́ wɔkɔsɔ ngɔ zubu ni, takɔ mi nɛ we kpa Yezu Kristo,

FILIPƐ 3:8 Iomraidhean Croise

1 Onwanɔ 14:10

Gulu nɛ hã mi nɛ yulu ngamɔ kɔ nu fɛlɛ kula 'da mɔ. Mi kumu sɛ owi wilinɔ kɔ nu fɛlɛ kula 'da mɔ vɛ̃, yolo ngɔ obe we hɔ ngɔ okpasa wi. Mi mili sɛ nu fɛlɛ kula 'da mɔ vɛ̃, ɔ nɛ kɛ wa mili do wɔkɔsɔ ni.

2 Onwanɔ 9:37

Nɛ wɔlɔ a ma pɛsɛ sɛ, nɛ ma kpa do ngɔ nùi ni ɔ nɛ mbulu wɔkɔsɔ kɛ wa a ma na, ma de kpalɛ ni. Nɛ fo wi tɔ̃ sɛ na, ngɔ zunu Yezabɛlɛ hã ɛ ni bina.”

YƆBƆ 20:7

nɛ nde a mbulu sɛ ɔ nɛ wɔkɔsɔ, nɛ owinɔ wa ĩ zi ti a ĩ ni, wa aka sɛ we a na, a 'bɔ a do nde?

Zumanɔ 126:6

Winɔ kɛ wa kala gbãlã kɔni, nɛ wa mi ma do mili kɔ̃a li wa ni, wa sɛmbɛ sɛ kɔninɔ ni do sanggi, nɛ wa si do ma do zuma yangga nu wa.

Zumanɔ 73:25

Wi kɛ a we sɛ we gbaka mi tɛ li nza i, wi tati a mɔ Gale. Kɔ nɛ́ kɛ mi sɛ do mɔ ni, wɔ tɛ mbé mɔ kpo ngɔ nù gɛ bá mi gɔ.

Ezai 53:11

Wi dɛa toe 'da mi a kpa sɛ yangga olo ngamɛ kɛ a kpa zi ma ni. A ĩ sɛ na, a kpà zi zɛlɛ tɛ yala iko gɔ. Wi dɛa toe 'da mi ĩ ti mi, a a wi bɔlɔ zu, nɛ a kifi gba dɔa winɔ na, wa hɔ wi bɔlɔ zu, we kɛ a ba ku'da 'dã mɛ 'da wa dɛ zu a.

MALAKI 2:3

Mi ia ngamɔ hã obe zã nɛ we duzu 'dã mɛnɔ 'da nɛ. Nɛ nde kɛ 'da nɛ, mi so sɛ 'dɔlɔ osa'denɔ kɛ nɛ gbɛ wa we dɔnggɔ do mi 'da fala ɛngganɔ 'da nɛ ni, nɛ mi a ma sanga li nɛ. Nɛ mi da sɛ nɛ ngɔ zubu, ɔ nɛ kɛ wa da do 'dɔlɔ sa'de ni.

Tɔlɔ Mɔ 14:30

Mi kpua zi mbulu hã nɛ na, mi ba sɛ nùi ni hã nɛ, nɛ nɛ ɔ sɛ ngɔ nɛ. Nɛ nde wele kpo ɔ́ sɛ ngɔ nɛ gɔ, fo tati a Kalɛbɛ do Yozue.

LUKA 1:43

Mi a wio nde do kɛ na, naa Nwa tɛ we zɔ mi ni?

LUKA 11:20

Gbãlã we, mi ndaka 'dã hi winɔ kɔ winɔ do ngawi 'da Gale. Ki ni ma be na, dɛa to nwa 'da Gale ma hɔa 'da nɛ nga ia.

YOANƐ 14:20

Kɔ 'da fala ni ma we, nɛ nɛ ĩ sɛ na, lɛ do Baa mi, lɛ a wele kpo, nɛ lɛ tɛ mɛ 'bɔ do nɛ a wele kpo.

YOANƐ 14:7

Fala kɛ nɛ ĩ sɔ ti mi, nɛ nɛ ĩ sɔ tɛ mɛ 'bɔ ti Baa mi. Kɔ yolo do sɔɛ gɛ, nɛ ĩ ti a ia, nɛ nɛ zɔa 'bɔ a ia.”

YOANƐ 16:3

Wa zɛlɛ sɛ tɛ nɛ na mɛ ni, we kɛ wa ĩ̀ ti Baa mi gɔ, nɛ wa ĩ̀ 'bɔ ti mi gɔ.

YOANƐ 17:3

Kpasi kɛ ma é sɛ gɔ ni, mɛ a kɛ na wele ĩ ti mɔ, kɛ mɔ a ngbongbo Gale, nɛ a ĩ 'bɔ ti mi Yezu Kristo, kɛ mɔ tumba mi ni.

YOANƐ 17:8

Mba gɔ, mi bia wenɔ kɛ mɔ tɔ̃a zi hã mi ni vɛ̃ hã wa, nɛ wa kɔ̃a gɛnɛ nɛ. Nɛ wa ĩ ngboo na, mi yula 'da mɔ, nɛ wa kɔ̃ na, wi a mɔ a mɔ tumba mi.

YOANƐ 20:13

Nɛ oanzɛnɔ ni wa aka Maria na: “Aa wuko, mɔ he kɔ̃a ge nde?” Nɛ a gese hã wa na: “Wa ba wɔlɔ nwa 'da mi do'do, nɛ mi ĩ̀ fala wa ia do a ni gɔ.”

YOANƐ 20:28

Nɛ Toma gese hã a na: “Mɔ a Nwa 'da mi, mɔ a Gale 'da mi!”

Owi Nɛ Tonɔ 20:24

Nɛ nde we duzu mi, mi lénggé do kpasi 'da mi gɔ. Mi kɔ̃a tati nɛ na, mi dɛ toe 'da mi gbaa, kɔ mi hɔ ndɔti nɛ. Mi kɔ̃a na, mi hɔ sɔkpɔ toe kɛ Nwa Yezu hã ma hã mi na, mi tɔ̃ sako dia zã 'da Gale hã winɔ ni.

ROMA 8:18

Mi zɔ na, dɔ̃lɔ̃ fi kɛ Gale nɛ hã sɛ ma hã lɛ do ngba soe 'do gɛ ni, ma nɛa ngɔ ngamɛnɔ kɛ lɛ tɛ zɔ ma ngangga gɛ ni wena.

ROMA 8:39

Gɛnɛ kɔ ngawi mɛnɔ fi nza ngɔ i, tabi kɛnɔ ti nù 'da fionɔ i, nɛ nde mɔ kpo wé sɛ we gɔnɔ sanga tɛ ngba lɛ do kɔ̃a zã 'da Gale kɛ ma bia tɛ ɛ do wala 'da Nwa 'da lɛ Yezu Kristo ni gɔ.

1 KORINTƐ 2:2

Mba gɔ, mi kɔ̃a zi na, 'da fala mi nɛ ɔ sɛ sanga nɛ ni, nɛ mi tɛ lènggè gele mɔ gɔ, mi lengge tati a Kristo iko. Nɛ mi be we kɛ a fia ngɔ finda te ni hã nɛ.

1 KORINTƐ 9:10

A tɔ̃̀ ma we lɛ winɔ gɔ nde? A tɔ̃a ma we lɛ gbãlã we. Mba gɔ, ma wia na, wi wa fɔ, do wi 'bɛ̃lɛ̃ kpalɛ, wa dɛ toe 'da wa do linggamɔ na, wa kpa mbe nyɔngɔmɔ li fɔɛ ni.

2 KORINTƐ 4:4

Owinɔ ni wa kɔ̃̀ zu li Gale gɔ, we kɛ 'dã gale ngɔ nùi gɛ, a bi gbãlã zã wa do'do. A dɛa na, dɔ wa zɔ́ tɛlɛ tɛ kɛ Dia Sakoe yele ngɔ nùi gɛ, nɛ ma be dɔ̃lɔ̃ li 'da Kristo, kɛ a ba tɛlɛ tɛ Gale ngboo ni gɔ.

2 KORINTƐ 4:6

Gale kɛ a tɔ̃a zɛ́ na: “E kɔ sa fala yele kɔ tũ fala” ni, a 'bɔ a dɛa na, ma yele kɔ sila lɛ, nɛ ma fĩ li lɛ we ĩ ti yele ngbala dɔ̃lɔ̃ li 'da a, kɛ ma ndele bula li Kristo ni.

GALATI 1:16

A bia zi Be 'da a hã mi, takɔ mi be Dia Sakoe 'da a hã owinɔ kɛ wa a Oyuda gɔ ni. Nɛ 'do nɛ, mi àkà 'bɔ wele na, a be wala hã mi gɔ.

EFƐZƐ 4:13

Na mɛ ni, nɛ lɛ mba sɛ vɛ́ kpo dɛ kɔ kɔ̃a we 'da lɛ, nɛ lɛ ĩ ti Be 'da Gale ngboo. Nɛ kɔ̃a we 'da lɛ gã dɛ dati gbaa na, ma we ngboo, nɛ lɛ ɔ nɛ Kristo ni.

FILIPƐ 1:1

Wi a mi Polo, lɛ do Timote, Owi dɛa tonɔ 'da Yezu Kristo, lɛ kɔma mbɛti gɛ hã nɛ owinɔ 'da Gale tɛ kɔ le Filipɛ, kɛ nɛ mba kpo do Yezu Kristo ni. Lɛ kɔma 'bɔ hã nɛ, Owi zɔ mɔ tɛ eklezianɔ, do owi 'dafa to kɔ eklezianɔ.

FILIPƐ 3:10

Mi kɔ̃a kpo na, mi ĩ ti Kristo, nɛ mi ĩ ti ngawi kɛ a tunu zi nɛ kɔ fie ni. Mi kɔ̃a na, mi mba do a kɔ zɛlɛ tɛ kɛ a kpa zi ni, nɛ mi fe ɔ nɛ kɛ a fia nɛ ni.

FILIPƐ 3:12

Mi ĩ na, mi tɛ hɔ̀ ndɔti yui 'da mi gɔ, nɛ dungi 'da mi tɛ wè 'bɔ vɛ̃ gɔ. Nɛ nde mi 'bana tɛ yu dɛ dati, takɔ mi kpa mɔ olo yui ni, we kɛ Yezu Kristo ba mi do wi mɔ́ a ia.

FILIPƐ 3:7

Nɛ nde ngangga ni, mi kɔ̃a zu li Yezu Kristo, nɛ mɛnɔ mi zɔ zi nɛ́ dia mɛ ni, ma ɔ li mi vɛ̃ yala iko.

2 TIMOTE 4:6

Kɔ we mi, ngba soe kɛ na mi hã tɛ mi nɛ́ dɔnggamɔ hã Gale ni ma wia ia. Tũ fio 'da mi ma kɔla ia.

OHEBRE 3:14

Mba gɔ, fala kɛ lɛ 'bana tɛ gbini zã lɛ do Gale ɔ nɛ kɛ zi dati ni, gbaa we hɔ ndɔti nɛ, nɛ nde lɛ a winɔ 'da Kristo ngboo.

1 PETRO 2:7

We duzu nɛ winɔ kɛ nɛ kɔ̃a zu li a ni, ta ni a dia ta ngboo. Nɛ nde we wanɔ kɛ wa kɔ̃̀ zu li a gɔ ni, ma a ní gɔ. Wa kɔma zɛ́ kɔ 'Buki na: “Ta kɛ Owi dɛ tɔanɔ wa da zi ma nù ni, ma hɔa ta bɛlɛduma tɔa, nɛ tɔa yolo we duzu ma.”

2 PETRO 1:2

E kɔ Gale be dia zã 'da a hã nɛ, nɛ a dɛ na, nɛ ɔ do gɛ̃a sila fai, we duzu kɛ nɛ ĩ ti a, nɛ nɛ ĩ 'bɔ ti Nwa 'da lɛ Yezu ni.

2 PETRO 1:3

Wi a Yezu Kristo hã a hũi zi li lɛ we ĩ ti Gale, kɛ a sa zi mɔ hã lɛ na, lɛ le kɔ dɔ̃lɔ̃ li do dia zã 'da a ni. Nɛ ngawi 'da Kristo hã zi dia mɛnɔ kɛ ma gala lɛ we ɔ do kpasi, nɛ ma 'dafa dungi 'da lɛ na, ma de li Gale ni hã lɛ.

2 PETRO 1:8

Nɛ zɔ́, dia dɛa mɛnɔ kɛ ma wia na, nɛ dɛ gɛ a ni. Kɔ fala kɛ nɛ dɛ ni fai, nɛ tonɔ 'da nɛ ma de sɛ dɛ dati, nɛ ma ko sɛ de mɔ, nɛ ma gbaka sɛ nɛ we ĩ ti Nwa 'da lɛ Yezu Kristo do ngbongbo nɛ.

2 PETRO 3:18

Nɛ nde nɛ yɛ́nggɛ́ do li wala 'da Nwa 'da lɛ Yezu Kristo kɛ a a Wi kpasa lɛ ni fai, takɔ a be dia zã hã nɛ, nɛ nɛ ĩ ti a dɛ dati. E kɔ a kpa dɔ̃lɔ̃ li sɔɛ gɛ, do kɔ sabɛlɛ do sabɛlɛ! Amɛ.

1 YOANƐ 1:3

Lɛ zɔa do gbali lɛ, nɛ lɛ zele do zala lɛ, nɛ lɛ tɔ̃ 'bɔ we nɛ hã nɛ, takɔ nɛ mba do lɛ kpo, ɔ nɛ kɛ lɛ mba do Baa lɛ, do Be 'da a Yezu Kristo kpo ni.

1 YOANƐ 2:19

Owinɔ ni wa zi dɛ sanga lɛ gɛ, nɛ nde wa zi a winɔ 'da lɛ ngboo gɔ, ma kɛ wa hɔa nza sanga lɛ ni. Mba gɔ, wa ɔ zi do winɔ 'da lɛ ngboo, nɛ wa 'bana sɔ do lɛ. Kɔ wa hɔa nza we be na, wa a winɔ 'da lɛ gɔ.

1 YOANƐ 5:20

Lɛ ĩ 'bɔ na, Yezu Be 'da Gale tɛa zi ngɔ nù gɛ, nɛ a hã hã zã hã lɛ na, lɛ ĩ ti ngbongbo Gale. Nɛ lɛ 'bana dɛ kɔ Gale do wala 'da Be 'da a Yezu Kristo. A a ngbongbo Gale, nɛ a hã kpasi kɛ ma é sɛ gɔ ni hã lɛ.