FILIPƐ 3:10 - WE NU GALE 1995

¹⁰ Mi kɔ̃a kpo na, mi ĩ ti Kristo, nɛ mi ĩ ti ngawi kɛ a tunu zi nɛ kɔ fie ni. Mi kɔ̃a na, mi mba do a kɔ zɛlɛ tɛ kɛ a kpa zi ni, nɛ mi fe ɔ nɛ kɛ a fia nɛ ni.

FILIPƐ 3:10 Iomraidhean Croise

Yeremi 9:23

Fala kɛ wele kɔ̃ we dɔnggɔ tɛ̃ ɛ, nɛ a dɔnggɔ tɛ̃ a na, ɛ ĩ ti mi NWA, nɛ ɛ ĩ na, kɔ̃a zã 'da mi dɛ 'da winɔ ma yɛ́kɛ́ tɛ̃ ɛ gɔ, nɛ mi kɔ̃a gbãlã we, do bɔlɔ zu dɛa mɔ. Ki ni a mɛnɔ kɛ ma de li mi NWA ni.”

MATIE 20:23

Nɛ Yezu tɔ̃ hã wa na: “Do gbãlã we, nɛ zɔ sɛ ngamɛ kɛ mi nɛ zɔ nɛ gɛ. Nɛ nde we saka wi kɛ a dungu sɛ ngɔ ngawili kɔ̃ mi, tabi ngɔ gale kɔ̃ mi ni, mɛ a we 'da mi gɔ. We duzu kɛ falanɔ ni, mɛ a fala 'da winɔ kɛ Baa mi 'dafa ma we wa ni.”

YOANƐ 10:18

Wele wé sɛ we gbɛ mi gɔ, nɛ nde mi wele nɛ mi 'dɔlɔ sɛ kili tɛ mi. Mi do ngawi we 'dɔlɔ ma, nɛ mi 'bɔ do ngawi we kpa ma mbé nɛ. We duzu kɛ Baa mi ba nu a hã mi na, mi dɛ ɔ na mɛ ni.”

YOANƐ 17:3

Kpasi kɛ ma é sɛ gɔ ni, mɛ a kɛ na wele ĩ ti mɔ, kɛ mɔ a ngbongbo Gale, nɛ a ĩ 'bɔ ti mi Yezu Kristo, kɛ mɔ tumba mi ni.

ROMA 8:17

Hã fala kɛ lɛ a benɔ 'da Gale, nɛ lɛ kpa sɛ 'bɔ dia mɛnɔ kɛ a usu ma hã obenɔ 'da a ni. Lɛ kpa sɛ ma fala nɛ kpo do Kristo. Mba gɔ, fala kɛ lɛ kpa zɛlɛ tɛ fala nɛ kpo do Kristo, nɛ lɛ sɛ tɛ mɛ 'bɔ do a kpo kɔ dɔ̃lɔ̃ fi 'da a.

ROMA 8:29

Mba gɔ, a ĩ ti wa zɛ́ belee, nɛ a saka zɛ́ wa na, wa we kɔ̃ do Be 'da a Kristo, nɛ Be 'da a ni, a ɔ kuti be sanga ogba dɛlɛ nya a.

ROMA 8:36

Ma ɔ nɛ kɛ wa kɔma kɔ 'Buki 'da Gale na: “Nɛ nde we duzu mɔ Gale, ma hã owele wa a lɛ, we gbɛ lɛ tũ kpo kpo, nɛ wa dɛ do lɛ ɔ nɛ kɛ wa dɛ do obatanɔ, fala kɛ wa nɛ we gbɛ wa ni.”

2 KORINTƐ 1:10

Wi a Gale a kpasa zi lɛ kɔ ngamɔ fie ni, nɛ a kpasa sɛ 'bɔ lɛ mbé nɛ. Gbãlã we, lɛ gbini zã lɛ do a na, a kpasa sɛ 'bɔ lɛ mbé nɛ.

2 KORINTƐ 1:5

Mba gɔ, ɔ nɛ kɛ lɛ mba kpo do Kristo kɔ gba gili 'bakonɔ 'da a ni, Gale a nganda 'bɔ sila lɛ wena do wala 'da kpo Kristo ni.

2 KORINTƐ 13:4

Gbãlã we, wa bɛlɛ zi a ngɔ finda te, we kɛ a a wele, a mbɔ mbɔka. Kɔ ngangga ni, a do kpasi we duzu ngawi 'da Gale. Nɛ lɛ mbɔkɔ tɛ 'bɔ mbɔka, we kɛ lɛ a wele ɔ nɛ a ni. Nɛ nde lɛ be sɛ hã nɛ na, lɛ do kpasi fala nɛ kpo do a, we duzu ngawi 'da Gale.

GALATI 2:20

Wi do kpasi, wi a mi gɔ, nɛ nde Kristo a kpasa kɔ mi. Kpasi kɛ mi do ma ngangga gɛ, mi do ma we kɔ̃a we kɛ mi kɔ̃a do zu li Be 'da Gale, kɛ a kɔ̃a zi gɛnɛ mi wena, nɛ a fia we mi ni.

GALATI 6:17

Tala lɛnggɛ 'da mi ma kɛ: Mi kɔ̃̀ na, wele tulu 'bɔ mi gɔ, we kɛ mi do dã 'da Yezu Kristo tɛ mi gɛ boe.

EFƐZƐ 4:13

Na mɛ ni, nɛ lɛ mba sɛ vɛ́ kpo dɛ kɔ kɔ̃a we 'da lɛ, nɛ lɛ ĩ ti Be 'da Gale ngboo. Nɛ kɔ̃a we 'da lɛ gã dɛ dati gbaa na, ma we ngboo, nɛ lɛ ɔ nɛ Kristo ni.

FILIPƐ 3:8

Gbãlã we, mi zɔa na, gele mɛnɔ vɛ̃ kɛ mi zi do ma ni, ma 'bɔ do gulu nɛ we mi bina. We kɛ mi ĩ ti Nwa 'da mi Yezu Kristo ia, nɛ ki ni dia nɛa ngɔ mɔ vɛ̃. We duzu Kristo, ma kɛ mi bɛ̃a gɛnɛ ogele mɛnɔ vɛ̃, nɛ mi zɔ ma li mi nɛ́ wɔkɔsɔ ngɔ zubu ni, takɔ mi nɛ we kpa Yezu Kristo,

KƆLƆSƐ 1:24

Nɛ ngangga gɛ, zɛlɛ tɛnɔ mi kpa we duzu nɛ ni, ma hã yangga hã mi. Mba gɔ, ngamɛnɔ mi zɔ kɔ kili tɛ mi ni, ma gbala nu kɛnɔ Yezu zɔa zi ma we Eklezia, kɛ mɛ a kili tɛ̃ a ni.

KƆLƆSƐ 2:13

Zi dati, nɛ ɔ zi nɛ fio, we duzu 'dã mɛnɔ 'da nɛ, do we duzu kɛ nɛ zi a opaganɔ. Nɛ nde ngangga gɛ, Gale tunu nɛ kɔ fio fala nɛ kpo do Kristo, nɛ a fua ku'da 'dã mɛnɔ zu nɛ vɛ̃.

KƆLƆSƐ 3:1

Nɛ́ kɛ Gale tunu nɛ kɔ fio do Kristo fala nɛ kpo ni, ma wia na, nɛ a sila nɛ ngɔ mɛnɔ li nza i, tɛ fala kɛ Kristo dungu nɛ si ngɔ ngawili kɔ̃ Gale ni.

1 PETRO 1:3

Lɛ dɔ́nggɔ́ Gale, Baa Nwa 'da lɛ Yezu Kristo, we kɛ a ĩ 'bako hã lɛ wena, nɛ a hã mbé kpasi hã lɛ do wala 'da Yezu Kristo, kɛ a tunu a kɔ fio ni. Ma kɛ lɛ e sila lɛ ngɔ kpasi kɛ lɛ kpa sɛ ma ni.

2 PETRO 1:13

Mba gɔ, mi zɔa na, nɛ́ kɛ mi 'bana nza gɛ, ma wia na, mi gba ta zu nɛ ngɔ mɛnɔ ni, dɔ ta zu nɛ élé ngɔ nɛ gɔ, kɔ nɛ lengge do ma fai.

1 YOANƐ 2:3

Fala kɛ lɛ dɛ mbulanɔ 'da Gale, nɛ ma be sɛ na, lɛ ĩ ti a.

1 YOANƐ 2:5

Nɛ wi kɛ a dɛ mbulanɔ 'da Gale dɛa ni, a kɔ̃a gɛnɛ Gale do sila a vɛ́. Nɛ ki ni ma be na, lɛ a owinɔ 'da Gale ngboo.

USU MƐNƆ 1:18

Mi do kpasi! Mi fia zi, kɔ ngangga ni, mi do kpasi kɔ sabɛlɛ do sabɛlɛ. Mi do ngawi ngɔ fio, do ngɔ le 'da ofionɔ.