FILIPƐ 3:1 - WE NU GALE 1995

¹ Onyae, ngangga ni, mi aka nɛ na, nɛ dɛ́ yangga, we kɛ nɛ mba kpo do Nwa. Fala dala nu mi tɛ wenɔ hã nɛ, ma bá tɛ mi gɔ, nɛ ma gala kɔ̃a we 'da nɛ na, ma nganda dɛ dati.

FILIPƐ 3:1 Iomraidhean Croise

1 Sakonɔ 15:28

Nɛ obe Israɛlɛ vɛ̃ wa la do Sanduku Gba Tɔkɛ dɛ Yeruzalɛmɛ i. Wa nɛa do ma fala nɛ kpo tɛ dama mbala, do dama mɔtũlũ, do zɛ mbala mɔ bolo do ngba ɛ. Nɛ wa zɛ 'bɔ obe kundunɔ do ogã kundunɔ.

1 Sakonɔ 16:10

Nɛ, owinɔ 'da NWA, nɛ dɛ́ yangga, nɛ nɛ dɔ́nggɔ́ tɛ nɛ do a kɛ a santo.

1 Sakonɔ 29:22

Nɛ do ngba soe ni, nɛ wa nyɔngɔ mɔ, nɛ wa nɔ dɔ̃, nɛ wa dɛ yangga wena dati NWA Gale. Nɛ 'do ki ni, nɛ wa e 'bɔ Salɔmɔ, be 'da Davidi do nwa. Nɛ wa hã to nwa hã a na, a dɛ do zu li NWA Gale. Nɛ do kpo ngba soe ni, nɛ wa a nɔ zu Sadɔkɛ na, a hɔ gã nwa nganga.

NEHEMIE 8:10

Nɛ Ɛsdrasi tɔ̃ 'bɔ hã wa na: “Nɛ sí, nɛ nɛ nyɔ́ngɔ́ mɔ sɔkpã, nɛ nɛ nɔ́ ɛ̃fɛ̃ dɔ́. Nɛ nɛ kɛ̃́ mbe hã wanɔ wa zɔlɔ nyɔngɔmɔ ni, we kɛ tũi gɛ, mɛ a tũi 'da nwa. Nɛ tɛ dùngù do 'bako gɔ! We kɛ nwa hã yangga kɛ na, ma hã́ sɛ ngawi hã nɛ ni.”

YƆBƆ 22:26

Mɔ dɛ na mɛ ni, nɛ mɔ dɛ sɛ yangga, fala nɛ kpo do Gale kɛ a do nganda vɛ̃ ni, nɛ mɔ gbini sɛ zã mɔ do a.

Zumanɔ 149:2

Aa nɛ, obe Israɛlɛ, nɛ dɛ́ yangga, we kɛ wi dɛa nɛ, wi a NWA. Nɛ, owi kɔ le Sioni, nɛ té salangga, we kɛ nwa 'da nɛ, wi a a.

Zumanɔ 32:11

Aa nɛ, owi bɔlɔ zunɔ, kɛ nɛ dɛ mɔ do wala olo nɛ ni, nɛ zɛ́ kaliã, nɛ nɛ dɛ́ yangga, we duzu dia mɛnɔ kɛ NWA dɛa ma ni.

Zumanɔ 33:1

Aa nɛ, owinɔ 'da NWA, nɛ zɛ́ kɔ̃ nɛ hã a do yangga, we duzu dia mɛnɔ kɛ a dɛa ni. Nɛ, owi bɔlɔ zunɔ, nɛ dɔ́nggɔ́ a nɛ́ kɛ ma wia ni.

Zumanɔ 37:4

Mɔ fá we kpa yangga kɔ NWA, nɛ a hã sɛ mɛ mɔ kɔ̃a ni hã mɔ.

Zumanɔ 42:4

Mi he kɔ̃a do tũ, do gba wese, nɛ nyɔngɔmɔ nu mi a mili kɔ̃a, we kɛ owi sɛnɛ mi wa aka nu mi fai na: “Gale 'da mɔ dɛ́ mɔ gɔ we ge nde?”

Zumanɔ 5:11

Aa Gale, mɔ gɔ́nɔ́ 'dã we hã wa. E kɔ bili olo nu wa ma ba wa wele nɛ. Mɔ ndáká wa ngɔ li mɔ do'do, we kɛ wa dɛa nga zu, nɛ wa bɛ̃a dɛ olo nu mɔ.

Zumanɔ 97:1

NWA Gale a nwa, e kɔ owinɔ ngɔ nù gɛ wa zɛ kaliã, nɛ wanɔ vɛ̃ kɛ nùi 'da wa nyɛlɛ wena ni, wa dɛ yangga.

Ezai 41:16

Nɛ pɛsɛ sɛ ma, nɛ gba bũ kamba ma kala sɛ ma la do nɛ. 'Do nɛ, nɛ nɛ dɛ sɛ yangga, we kɛ mi a Gale 'da nɛ. Nɛ nɛ sambala sɛ mi, Gale santo 'da nɛ Oisraɛlɛ.”

Ezai 61:10

Owi Yeruzalɛmɛ wa tɔ̃a na: Lɛ dɛ yangga we mɛnɔ kɛ NWA dɛa ma gɛ. A tɛa we gbaka lɛ, nɛ a kpasa lɛ kɔ ngamɔ. Nɛ yangga 'da lɛ gã wena ɔ nɛ kɛ 'da winɔ kɛ wa hi'da dia tulu do 'da fala mɔ dɔ ba ngba wi ni.

Ezai 65:14

Wa sɛ do gɛ̃a sila, nɛ wa zɛ sɛ nu wa do yangga. Nɛ nɛ, nɛ mbɔkɔ sɛ, nɛ nɛ he sɛ hiamɔ zɛlɛ tɛ do ala nu.

YƆƐLƐ 2:23

Aa nɛ, Owi Sioni, nɛ dɛ́ yangga, nɛ nɛ te salangga we duzu NWA Gale 'da nɛ. Zɔlɔ li kolo hɔ, nɛ a tombo kole we kpasa nɛ. A fi kole hã nɛ do li zɔlɔ nɛ kpo do kpo, ɔ nɛ kɛ zi dati ni.

SOFONI 3:14

Nɛ, obe Israɛlɛ, nɛ dɛ́ yangga, nɛ nɛ zɛ́ kɔ̃ nɛ! Owi Yeruzalɛmɛ, nɛ dɛ́ yangga do sila nɛ vɛ̃!

SOFONI 3:17

NWA Gale 'da nɛ do nɛ boe. A bi sɛ bolo zu nɛ do ngawi 'da a. A hã sɛ mbé dia dungu hã nɛ do kɔ̃a zã 'da a. A dɛ sɛ yangga dɛ 'da nɛ, nɛ sape bá sɛ 'bɔ li a we duzu nɛ gɔ. A ga sɛ zuma yangga we nɛ,

ZAKARIA 10:7

Oisraɛlɛ wa ɔ sɛ nɛ onga osoda, nɛ wa dɛ sɛ yangga nɛ́ wi kɛ a nɔa dɔ̃ ni. Obe zã wa wa zɔ sɛ wa na mɛ ni, nɛ wa zɛ kaliã, nɛ wa dunu do yangga we mɛ mi NWA mi dɛa ni.

MATIE 5:12

Wa dɛ do nɛ ní, nɛ nɛ dɛ́ yangga, nɛ nɛ te salangga, we kɛ nɛ kpa sɛ si olo nɛ li nza i gã wena. Mba gɔ, owele wa hã zɛ́ 'bɔ kpo zɛlɛ tɛ ni hã owi gba olo nu Gale zɛ́ dati gɛ.

LUKA 1:47

nɛ sila mi dunu do yangga, we Gale wi kpasa mi.

ROMA 5:11

Nɛ tati a ki ni iko gɔ, nɛ nde lɛ dɛ 'bɔ yangga dɛ 'da Gale, do wala 'da Nwa 'da lɛ Yezu Kristo, kɛ a 'dafa sanga tɛ ngba lɛ do a ni.

2 KORINTƐ 13:11

Onyae, do ndɔti nɛ, mi tɔ̃ hã nɛ na, nɛ dúngú do dia nɛ! Nɛ 'dáfá dɛa mɔ tɛ nɛ na, ma we ngboo. Nɛ ngándá sila ngba nɛ, nɛ nu nɛ ɔ́ kpo, nɛ nɛ dɛ́ na do ngba nɛ. Nɛ Gale, kɛ a a wele kɔ̃a zã do wele gɛa sila ni, a sɛ do nɛ kpo.

EFƐZƐ 6:10

Tala lɛnggɛ 'da mi, mɛ a kɛ na, nɛ mbá kpo do Nwa, nɛ ngawi 'da a kɛ ma gã la mɔ vɛ ni, ma kpãlã sila nɛ.

Mbulanɔ 12:18

Nɛ, do obenɔ 'da nɛ, do owi tonɔ, do olevitɛnɔ wa ɔ kɔ lenɔ 'da nɛ ni, nɛ nyɔngɔ sɛ mɛnɔ ni tati nɛ dɛ dati NWA Gale 'da nɛ Nɛ nɛ nyɔngɔ sɛ ma tɛ fala kɛ a saka na, wa dɔnggɔ do ɛ ni. Nɛ nɛ dɛ sí yangga di ni we mɛnɔ vɛ̃ kɛ nɛ dɛa ni.

Mbulanɔ 16:11

Nɛ nɛ sɛ dɛ fala kɛ NWA a saka sɛ na, nɛ dɔnggɔ do ɛ ni, nɛ nɛ nyɔngɔ mɔ fala nɛ kpo. Nɛ nyɔngɔ sɛ mɛ ni, nɛ nɛ dɛ yangga fala nɛ kpo do obenɔ 'da nɛ, do owi tonɔ 'da nɛ, mba do olevitɛnɔ, ogɛnɛnɔ, obe gulanɔ, do owi fio wilinɔ kɛ wa ɔ kɔ nɛ ni.

FILIPƐ 3:3

Ĩ na, ngbongbo owi nɛ gaza, wi a lɛ gɛ. Lɛ dɔnggɔ Gale do ngawi 'da Hi Wi Santo, nɛ lɛ dɔnggɔ tɛ lɛ do zu li Yezu Kristo, nɛ nde lɛ á sila lɛ ngɔ mɔ kɛ wa dɛ tɛ kili tɛ wi ni gɔ.

FILIPƐ 4:4

Nɛ dɛ́ yangga fai, we kɛ nɛ mba kpo do Nwa ni. Mi dala 'bɔ nu mi hã nɛ na, nɛ dɛ́ yangga!

FILIPƐ 4:8

Onyae, tala lɛnggɛ 'da mi ma kɛ: Nɛ lénggé tati a do mɛnɔ kɛ ma a dia, nɛ ma do dĩ ni, mɛnɔ kɛ wa wia tɛ kɔ̃ gɛnɛ nɛ, nɛ ma a gbãlã we, nɛ ma a bɔlɔ, nɛ ma a sa, nɛ wele dɛ yangga do ma, nɛ wa dɔnggɔ ma ni.

1 TƐSALONIKƐ 4:1

Kɔ onyae, lɛ bia zi tɛlɛ tɛ kɛ nɛ wia tɛ dungu nɛ, we hã yangga hã Gale ni hã nɛ, nɛ lɛ ĩ na, nɛ ndua dɛ na mɛ ni ia. Nɛ nde ngangga ni, lɛ aka nɛ, nɛ lɛ dala nu lɛ hã nɛ do zu li Nwa Yezu na, nɛ 'dafa 'bɔ dɛa mɔ tɛ nɛ dɛ dati.

1 TƐSALONIKƐ 5:16

Nɛ dúngú fai do yangga.

ZAKE 1:2

Aa onyae, 'da fala kɛ nɛ kpa ngamɔ tɛ̃ ɛ do tɛ̃ ɛ, nɛ nɛ dɛ́ yangga.

1 PETRO 3:8

Tala lɛnggɛ mi nɛ tɔ̃ hã nɛ ma kɛ: Nɛ vɛ, nɛ ɔ́ do linggamɔ kpo, nɛ nɛ ĩ 'bako hã ngba nɛ. Nɛ nɛ kɔ̃́ gɛnɛ ngba nɛ ɔ nɛ onya wi ni. Nɛ ɔ́ do de sila dɛ 'da ongba nɛ, nɛ nɛ bá 'bɔ tɛ nɛ dɛ nù.

1 PETRO 4:13

Fala kɛ nɛ zɔ ngamɔ wala kpo do Kristo, nɛ nɛ dɛ́ yangga. Na mɛ ni, do ngba soe kɛ dɔ̃lɔ̃ li 'da a ma be sɛ tɛ̃ ɛ dɛ nza ni, nɛ nɛ sɛ do yangga wena.

2 PETRO 3:1

Aa nɛ, oyali ngba mi, kɛ gɛ mɛ a bɔa mbɛti kɛ mi kɔmɔ ma hã nɛ. Kɔ mbɛtinɔ bɔa ni, mi gba ta zu nɛ ngɔ wenɔ kɛ nɛ yambala zi ni, takɔ nɛ 'dafa linggamɛnɔ 'da nɛ, kɔ ma ɔ bɔlɔ.

1 SAMUƐLƐ 2:1

Nɛ Ana sambala na: “Kɔ sila mi dunu do yangga we duzu mɛ nwa dɛa hã mi ni. We duzu NWA, ma kɛ mi nɛa ngɔ owi sɛnɛ mi, nɛ mi wia we mɔmɔ wa. Mi dɛ yangga we kɛ Gale a gbaka mi.