FILIPƐ 2:3 - WE NU GALE 1995

³ Nɛ tɛ fà we nɛ ngɔ ngba nɛ gɔ, nɛ nɛ tɛ dɔ̀nggɔ̀ tɛ nɛ gɔ. Nɛ bá tɛ nɛ dɛ nù, nɛ nɛ zɔ́ ongba nɛ na, wa nɛa ngɔ nɛ.

FILIPƐ 2:3 Iomraidhean Croise

GBA WENƆ 13:10

Wi dɛ ngatɛ fa tati a kpa we iko. Nɛ nde wi kɛ a zele mbula ni, a a wi hã zã.

LUKA 18:14

Nɛ Yezu tɔ̃ hã winɔ na: “Wi futa takoe ni si dɛ nu tɔa 'da a i, nɛ a hɔa wi bɔlɔ zu li Gale, nɛ nde Fariziɛ̃ ni gɔ. We kɛ wi kɛ a ba tɛ̃ a dɛ ngɔ, nɛ Gale a fí sɛ a nù. Nɛ wi kɛ a ba tɛ̃ a de nù, nɛ Gale a ba sɛ a dɛ ngɔ.”

ROMA 12:10

Nɛ kɔ̃́ gɛnɛ ngba nɛ ɔ nɛ onya wi ni, nɛ nɛ dĩ́lĩ́ fala tɛ ngba nɛ wena.

ROMA 13:13

Ma wia na, lɛ dɛ mɔ tɛ lɛ do wala olo nɛ, ɔ nɛ kɛ lɛ a Owi sa fala ni. Lɛ lá fala dɛ nga'ba, do te bá dɔ̃, do yɛnggɛ vĩ zu yali, do dɛ mɔ sape, do mɔ̃lɔ̃ do wele, do dɛ bɔnɛ.

ROMA 2:8

Nɛ nde wanɔ kɛ wa bɛ we nu Gale, nɛ wa bɛ gɛnɛ gbãlã we, nɛ wa yɛnggɛ tɛ dɛ 'dã mɔ iko ni, zã a ma nɔ̃lɔ̃ sɛ dɛ tɛ wa, nɛ a sɛ do mãlã dɛ ngɔ wa.

1 KORINTƐ 15:9

Gbãlã we, mi do ti Owi nɛ tonɔ vɛ. Ma wè sɔ na, wa sa li mi na wi nɛ to gɔ. Mba gɔ, mi hã zi ngamɔ hã Eklezia 'da Gale wena.

1 KORINTƐ 3:3

we duzu kɛ nɛ 'bana tɛ dɛ mɔ tɛ nɛ ɔ kɛ 'da owinɔ ngɔ nù gɛ ni. Mba gɔ, mɔ̃lã kɛ nɛ mɔ̃lɔ̃, do bɔnɛ nɛ dɛ hã ngba nɛ ni, ma be na, nɛ 'bana dɛ mɔ tɛ nɛ ɔ nɛ owinɔ ngɔ nù gɛ.

2 KORINTƐ 12:20

Mi do kili na, dɔ mi nɛ hɔ 'da nɛ i, nɛ nde dɛa mɔ tɛ nɛ si tɛ ɛ do kɛ zã mi kɔ̃a ni, nɛ nɛ bɛ̃ tɛ mɛ 'bɔ gɛnɛ kɛ 'da mi gɔ. Mi do kili na, da dɛ kɔ kpawe, do bɔnɛ, mãlã, ba kafi ngba wi, dɛla, o'dã we, gã zu, do yia dɛa mɔ lé sanga nɛ gɔ.

GALATI 5:15

Kɔ fala kɛ nɛ ma ngɔ zɛlɛ tɛ ngba nɛ, do e dani tɛ ngba nɛ ɔ nɛ osa'de zamɔ ni, nɛ li nɛ sɔ̃́, ní gɔ, nɛ nɛ kumu sɛ ongba nɛ vɛ.

GALATI 5:26

Lɛ tɛ dɛ̀ wali gɔ, lɛ tɛ tùlù ngba lɛ gɔ, nɛ lɛ tɛ dɛ̀ bɔnɛ hã ngba lɛ gɔ.

EFƐZƐ 4:2

Nɛ bá tɛ nɛ dɛ nù, nɛ nɛ ɔ́ do gɛa sila, do du sila. Nɛ nɛ kúnú sila nɛ ngɔ dɛa mɔ tɛ ngba nɛ we be kɔ̃a zã 'da nɛ hã wa.

EFƐZƐ 5:21

Nɛ, owinɔ kɛ nɛ dɛ kili Kristo dɛa ni, nɛ zélé nu ngba nɛ.

FILIPƐ 2:14

Nɛ dɛ́ mɛnɔ vɛ̃ kɛ nɛ wia tɛ dɛ nɛ ni, nɛ nɛ tɛ lùngù we gɔ, nɛ nɛ tɛ mɔ̃̀ mɔ̃lã gɔ.

KƆLƆSƐ 3:12

Nɛ a owinɔ 'da Gale. A kɔ̃a gɛnɛ nɛ, nɛ a saka nɛ do owinɔ 'da a ngboo. We duzu ma, nɛ ĩ́ 'bako hã ngba nɛ, nɛ nɛ ɔ́ do dia sila dɛ 'da wa, nɛ nɛ bá tɛ nɛ dɛ nù, nɛ nɛ ɔ́ do gɛ̃a sila, do du sila.

KƆLƆSƐ 3:8

Nɛ nde ngangga ni, nɛ bɛ̃ gɛnɛ mɛnɔ ni vɛ. Nɛ lá fala nɔ̃lɔ̃ zã, mãlã, dɛ 'dã hã, tɔ̃ tɛ ngba wi, do tɔ̃ lɛnggɛ sape.

1 TIMOTE 6:4

a a wi gã zu, nɛ a ĩ̀ ti mɔ kpo gɔ. A fa tati a kpawe do ba kafi ngɔ olɛnggɛ mba mba iko, nɛ ma dɛ a nɛ́ zɛlɛ ni. Nɛ ki ni ko sɛnɛmɔ, mɔ̃lã, dɛla, do e sila wi ngɔ ngba wi.

1 PETRO 3:8

Tala lɛnggɛ mi nɛ tɔ̃ hã nɛ ma kɛ: Nɛ vɛ, nɛ ɔ́ do linggamɔ kpo, nɛ nɛ ĩ 'bako hã ngba nɛ. Nɛ nɛ kɔ̃́ gɛnɛ ngba nɛ ɔ nɛ onya wi ni. Nɛ ɔ́ do de sila dɛ 'da ongba nɛ, nɛ nɛ bá 'bɔ tɛ nɛ dɛ nù.

1 PETRO 5:5

Nɛ nɛ, obe zagbãlãnɔ, mi tɔ̃ hã nɛ na, nɛ zélé nu okpasa winɔ 'da nɛ. Nɛ mi tɔ̃ 'bɔ hã nɛ vɛ na, nɛ bá tɛ nɛ dɛ nù dati ongba nɛ. Mba gɔ, 'Buki 'da Gale tɔ̃a na: “Gale bɛa gɛnɛ owi gã zu, nɛ a be dia zã 'da a hã owinɔ kɛ wa ba tɛ wa dɛ nù ni.”