FILIPƐ 2:29 - WE NU GALE 1995

²⁹ Kɔ a hɔ i mɔ, nɛ nɛ kɔ̃́ gɛnɛ a do yangga, we kɛ a a nya nɛ wi Kristo. Ma wia na, nɛ dɔnggɔ Owi ɔ nɛ Epafroditɛ ni.

FILIPƐ 2:29 Iomraidhean Croise

Ezai 52:7

Yangga wena we zɔ wi toe kɛ a yolo ngɔ kalanɔ i, hã a tɛ tɛ do dia sakoe ni. A tɛ do dia sako na, owinɔ wa kpa sɛ gɛ̃a dungu, nɛ wa kpasa sɛ, nɛ wa dungu sɛ do yangga. A tɔ̃ hã Owi Yeruzalɛmɛ na: “Gale 'da nɛ a a Nwa.”

LUKA 9:5

Kɔ nɛ hɔ kɔ le kɛ Owi kɔ nɛ wa bɛ̃ we dɛ gɛnɛ nɛ ni, nɛ nɛ lá ma do'do. Nɛ nɛ fɛ́lɛ́ nù tambala nyanga nɛ hã wa, we be na, wa dè de gɔ.”

YOANƐ 13:20

Mi tɔ̃ hã nɛ do gbãlã we na, fala kɛ wele kɔ̃ gɛnɛ wi kɛ mi tumba a ni, nɛ nde a kɔ̃a tɛ mɛ 'bɔ gɛnɛ mi. Kɔ wi kɛ a kɔ̃ gɛnɛ mi ni, nɛ nde a kɔ̃a gɛnɛ Wi tombo mi.”

Owi Nɛ Tonɔ 2:46

Nɛ tũ kpo kpo, wa mba zi li ngba wa kɔ Tɛmpɛlo, we dɔnggɔ Gale. Nɛ wa mba 'bɔ li ngba wa kɔ tɔanɔ 'da wa, nɛ wa nyɔngɔ mɔ fala nɛ kpo do yangga, nɛ wa bá tɛ wa ngɔ ngba wa gɔ.

Owi Nɛ Tonɔ 28:10

Nɛ wa hã dɔ̃lɔ̃ li hã lɛ wena. Nɛ 'da fala lɛ nɛa we kũ kɔ masua we la nɛ ni, nɛ wa hã omɛnɔ kɛ ma wia we gala lɛ li wala gɛnɛ 'da lɛ ni hã lɛ.

Owi Nɛ Tonɔ 8:8

Nɛ owinɔ kɔ le ni, wa dɛ yangga wena.

ROMA 10:15

Nɛ wa nɛ dɛ fala be we 'da a, tɛ kɛ wa tòmbò wi be ma gɔ ni nɛ nde? Ma ɔ nɛ kɛ wa kɔma kɔ 'Buki 'da Gale na: “Yangga wena we zɔ owinɔ kɛ wa tɛ do dia sakoe hã lɛ ni.”

ROMA 16:2

Nɛ kɔ̃́ gɛnɛ a kɔ tɔanɔ 'da nɛ do zu li Nwa, ɔ nɛ kɛ owinɔ 'da Gale wa kɔ̃ do gɛnɛ ongba wa ni. Nɛ nɛ gálá a do mɛnɔ vɛ kɛ a aka sɛ nɛ we nɛ ni. Mba gɔ, a dɛ dia mɔ hã Owele wena, nɛ a gala zi 'bɔ mi.

1 KORINTƐ 16:10

Kɔ fala kɛ Timote hɔ 'da nɛ mɔ nde, nɛ nɛ gala a do dia nɛ, takɔ sila a gɛ, nɛ a dungu do yangga, we kɛ a dɛ toe 'da Nwa ɔ nɛ kɛ mi dɛ ni.

1 KORINTƐ 16:18

Nɛ wa gɛa sila mi ɔ nɛ kɛ wa gɛa zi tɛ mɛ 'bɔ do sila nɛ ni. Kɔ ma wia na, nɛ ĩ ti dɔnggɔ Owele kɛ wa ɔ na mɛ ni.

2 KORINTƐ 10:18

Mba gɔ, wi dɔ̃lɔ̃ li ngboo, wi a wele kɛ a dɔnggɔ tɛ a wele nɛ ni gɔ, nɛ nde wi a wele kɛ Nwa dɔnggɔ a ni.

2 KORINTƐ 7:2

Nɛ hṹi sila nɛ hã lɛ! Lɛ dɛ̀ 'dã mɔ do wele kpo sanga nɛ ni gɔ, lɛ zɛ̀lɛ̀ mbe sila wele kpo gɔ, lɛ ɔ̀lɔ̀ mbe wele sanga nɛ ni we kpa mɔ kɔ̃ a gɔ.

FILIPƐ 2:28

Ma kɛ mi kɔ̃a we gese a hã nɛ dɔ̃, takɔ nɛ zɔ tɛ a, nɛ nɛ dɛ yangga, nɛ 'bakoe 'da mi mbɔkɔ mbe.

KƆLƆSƐ 4:10

Aristarkɛ, ngba mi wi bɔlɔkɛ, mba do Marko, nya Barnabasi wa tumba balɛ hã nɛ. Mi tɔ̃a zi we 'da Marko hã nɛ ia. Kɔ a hɔ 'da nɛ mɔ, nɛ nɛ dɛ́ a do dia nɛ.

1 TƐSALONIKƐ 5:12

Onyae, lɛ aka nɛ na, nɛ dɔ́nggɔ́ owinɔ sanga nɛ, kɛ Nwa ia wa na wa kpe ti nɛ, nɛ wa bɔlɔ nɛ ni.

1 TIMOTE 5:17

Ma wia na, owinɔ kɛ wa zɔ mɔ tɛ eklezia do dia nɛ ni, wa kpa mɔ olo toe 'da wa, nɛ ma dunu kɔ̃ wa. Nɛ wena a owanɔ kɛ wa gbɛ tɛ wa we tɔ̃ mbula do be we ni.

OHEBRE 13:17

Nɛ zélé nu owi kpe dati nɛ, nɛ nɛ dɛ́ mbulanɔ 'da wa. We kɛ wa a wi zɔ mɔ tɛ nɛ, nɛ Gale a aka sɛ wa na, wa tɔ̃ gulu dɛa tonɔ 'da wa hã ɛ. Kɔ fala kɛ nɛ zele nu wa, nɛ wa dɛ sɛ toe 'da wa do yangga. Kɔ ní gɔ, nɛ wa dɛ sɛ toe 'da wa do 'bako, nɛ ma gálá sɛ nɛ gɔ.

3 YOANƐ 1:10

Kɔ 'da fala mi nɛ 'da nɛ i, nɛ mi tɔ̃ sɛ we ngɔ 'dã mɛnɔ 'da a vɛ̃. A 'danga zu li mi do bɛlɛ. Nɛ tati a ki ni iko gɔ, a bɛ̃a 'bɔ we dɛ gɛnɛ Owi Kristonɔ kɛ wa nɛ 'da a ni. Nɛ a bɛ̃a 'bɔ na, ogele ngba a wa tɛ dɛ̀ gɛnɛ wa gɔ. Kɔ wanɔ wa kɔ̃ we dɛ gɛnɛ wa ni, nɛ a fo wa kɔ eklezia do'do.