FILIPƐ 2:1 - WE NU GALE 1995

¹ Kɔ̃a we nɛ kɔ̃a do Kristo ni, ma hã́ ngawi hã nɛ gɔ nde? Nɛ kɔ̃a zã 'da Kristo ma hã̀ kpã sila hã nɛ, nɛ ma mba li nɛ kpo do Hi Wi Santo gɔ nde? Nɛ kɔ̃a gɛnɛ ongba nɛ, nɛ nɛ ĩ 'bako hã wa ĩ.

FILIPƐ 2:1 Iomraidhean Croise

Zumanɔ 133:1

Zuma 'da Davidi. Wa ga ma li wala gɛnɛ we nɛ dɛ Yeruzalɛmɛ. Ma de wena, nɛ mɛ 'bɔ a yangga wena na, owinɔ 'da Gale wa mba ngba wa do onya wa, nɛ wa zele ngba wa do dia nɛ.

Ezai 16:11

Mi zɔa 'bako 'da Omoabɛ, nɛ sila mi 'bɔa. Fo fala na, mi kunu sila mi dati 'bako 'da owi Kirɛ-Herɛsi bina.

LUKA 2:25

Do 'da fala ni, mbe wele zi tɛ Yeruzalɛmɛ ni, li a a Simeoni. A zi a wi bɔlɔ zu, a dɔnggɔ zi Nwa Gale wena, nɛ a zi tɛ 'bɔ we zɔ wi kɛ a nɛ fo sɛ obe Israɛlɛ kɔ ngamɛ ni. Nɛ Hi Wi Santo zi fala nɛ kpo do a.

YOANƐ 14:18

“Mi lá sɛ nɛ ɔ nɛ obe gula iko gɔ, mi kpolo sɛ 'bɔ tɛ mi 'da nɛ.

YOANƐ 14:27

“Mi hã gɛ̃a sila hã nɛ, mi la gɛ̃a sila kɛ mi do ma ni hã nɛ. Mi hã̀ ma ɔ nɛ kɛ winɔ nù gɛ wa hã ma ni gɔ. Kɔ dɔ sila nɛ ɔ́ ngɔ gɔ, nɛ kili tɛ bà nɛ gɔ.

YOANƐ 17:13

“Nɛ nde ngangga ni, mi nɛ si dɛ 'da mɔ i, kɔ mi tɔ̃ wenɔ ni hã wa 'da fala kɛ mi 'bana dɛ ngɔ nù gɛ ni, takɔ wa kpa tɛ mɛ 'bɔ yangga mi kpa ma gɛ, nɛ yangga ni dunu kɔ sila wa.

Owi Nɛ Tonɔ 2:46

Nɛ tũ kpo kpo, wa mba zi li ngba wa kɔ Tɛmpɛlo, we dɔnggɔ Gale. Nɛ wa mba 'bɔ li ngba wa kɔ tɔanɔ 'da wa, nɛ wa nyɔngɔ mɔ fala nɛ kpo do yangga, nɛ wa bá tɛ wa ngɔ ngba wa gɔ.

Owi Nɛ Tonɔ 4:32

Ngɔ gili owinɔ kɛ wa kɔ̃a zu li Yezu ni, wa zi do sila wa kpo, do linggamɔ kpo. Nɛ wa mba zi li mɛnɔ 'da wa vɛ kpo, nɛ wele kpo zɔ́ zi 'bɔ mɛnɔ 'dɛ ɛ na, mɛ a kɛ 'dɛ ɛ zu ɛ kpo gɔ.

ROMA 5:5

Nɛ olo kɛ lɛ gbini zã lɛ do Gale ni, ma ɔ́ sɛ yala iko gɔ, we duzu kɛ Gale bia kɔ̃a zã 'da a hã lɛ do wala 'da Hi Wi Santo kɛ a hã a hã lɛ ni.

ROMA 8:26

Nɛ Hi Wi 'da Gale tɛ mɛ 'bɔ tɛ gala lɛ 'da fala kɛ lɛ mbɔkɔ ni. Mba gɔ, lɛ ĩ̀ ti sambala Gale do tɛlɛ tɛ kɛ ma wia ngboo ni gɔ. Nɛ nde Hi Wi tɛ sambala Gale we duzu lɛ, do tɛlɛ tɛ ala nu wi kɛ lɛ wè tɛ ala nɛ gɔ ni.

1 KORINTƐ 12:13

Mba gɔ, lɛ vɛ, obe Yuda, do ogele winɔ, ongbánɔ, do wele lenɔ, lɛ kpa zi batisimɔ dɛ kɔ Hi Wi Santo kpo, nɛ lɛ hɔa kili tɛ wele kpo, nɛ ngawi 'da Hi Wi ni ma lia lɛ, nɛ ma dunu kɔ lɛ vɛ.

1 KORINTƐ 15:31

Gbãlã we, onyae, tũ kpo kpo, nɛ mi hɔ fɛna fio. Mi tɔ̃ ma hã nɛ, we kɛ mi dɔnggɔ tɛ mi do nɛ, kɛ lɛ mba do nɛ dɛ kɔ Nwa 'da lɛ Yezu Kristo ni.

1 KORINTƐ 3:16

Nɛ ĩ de wena na, nɛ a tɔa 'da Gale, nɛ Hi Wi 'da Gale ɔ dɛ kɔ nɛ.

2 KORINTƐ 2:14

Gɛnɛ kɔ na mɛ ni, nɛ nde lɛ hã́ iɔ̃nae hã Gale, we kɛ a hã ngawi hã lɛ 'da fala fai, nɛ lɛ nɛ ngɔ mɛnɔ vɛ do wala 'da Kristo ni. A ia lɛ do Owi be sakoe 'da Kristo, nɛ sakoe ni ma yɛ'bɛ falanɔ vɛ ɔ nɛ fala tɛ yɔmbɔ ni.

GALATI 4:6

Nɛ we be na, lɛ a obenɔ 'da Gale ni, nɛ Gale tumba Hi Wi 'da Be 'da a dɛ kɔ sila lɛ, nɛ Hi Wi ni he mɔ hã a na: “Aa Baa mi!”

GALATI 5:22

Nɛ nde mɛnɔ kɛ Hi Wi Santo tombo wele we dɛ ma ni, ma kɛ: kɔ̃ gɛnɛ ngba wi, do dɛ yangga, dungu do gɛa sila, do du sila, do dia zã, dɛ de dɛa mɔ, dɛ olo nu wi,

EFƐZƐ 4:4

Lɛ Owi Kristonɔ vɛ, lɛ a kili tɛ wi kpo, nɛ lɛ kpa 'bɔ Hi Wi Santo kpo. Nɛ lɛ gbini zã lɛ do kpo dia mɛ kɛ Gale kpua zi do mbulu nɛ hã lɛ 'da fala kɛ a sa zi do mɔ hã lɛ ni.

FILIPƐ 1:8

Gale ĩ na, we mi nɛ tɔ̃ nɛ gɛ a gbãlã we: Mi kɔ̃a gɛnɛ nɛ wena ɔ nɛ kɛ Yezu Kristo kɔ̃a do gɛnɛ nɛ ni.

FILIPƐ 3:3

Ĩ na, ngbongbo owi nɛ gaza, wi a lɛ gɛ. Lɛ dɔnggɔ Gale do ngawi 'da Hi Wi Santo, nɛ lɛ dɔnggɔ tɛ lɛ do zu li Yezu Kristo, nɛ nde lɛ á sila lɛ ngɔ mɔ kɛ wa dɛ tɛ kili tɛ wi ni gɔ.

KƆLƆSƐ 2:2

Mi dɛa ni, takɔ wa kpa kpã sila, nɛ wa mba kpo, nɛ wa kɔ̃ gɛnɛ ngba wa. Na mɛ ni, nɛ wa ĩ sɛ ti gulu usu linggamɛ 'da Gale ngboo, nɛ ma dɛ sɛ na, kafi sĩ tɛ ɔ̀ kɔ sila wa gɔ. Usu linggamɛ 'da Gale ni, wi a Kristo do tɛ̃ a.

KƆLƆSƐ 3:12

Nɛ a owinɔ 'da Gale. A kɔ̃a gɛnɛ nɛ, nɛ a saka nɛ do owinɔ 'da a ngboo. We duzu ma, nɛ ĩ́ 'bako hã ngba nɛ, nɛ nɛ ɔ́ do dia sila dɛ 'da wa, nɛ nɛ bá tɛ nɛ dɛ nù, nɛ nɛ ɔ́ do gɛ̃a sila, do du sila.

OHEBRE 6:18

Nɛ mbuli 'da Gale, do zonggo tɛ wi 'da a ma kífí sɛ gɔ, nɛ Gale káfá sɛ olo nu ɛ gɔ. Ki ni ma hã ngawi hã lɛ winɔ kɛ lɛ usu tɛ lɛ dɛ tambala kɔ̃ a ni na, lɛ 'bɔ 'da mbuli ni do sila lɛ kpo.

1 PETRO 1:2

Baa lɛ Gale 'bili zɛ́ do kɔ sila ɛ belee we saka nɛ do owinɔ 'da a, nɛ a hã 'bɔ Hi Wi 'da a hã nɛ, we 'dafa sila nɛ, takɔ nɛ zele we nu Yezu Kristo, nɛ tɔkɔ tɛ Yezu fɔlɔ 'dã mɛnɔ 'da nɛ na, nɛ hɔ sa wi li Gale. E kɔ Gale be dia zã 'da a hã nɛ, nɛ a dɛ na, nɛ ɔ do gɛ̃a sila fai.

1 YOANƐ 3:24

Owinɔ kɛ wa dɛ mbulanɔ 'da Gale dɛa ni, wa a kɔ Gale, nɛ Gale tɛ mɛ 'bɔ kɔ wa boe. Nɛ lɛ ĩ na, a 'bana dɛ kɔ lɛ, we kɛ Hi Wi Santo kɛ a hã a hã lɛ ni, a a tɔ̃ ma hã lɛ.

1 YOANƐ 4:12

Wele kpo zɔ̀ Gale gɔ. Kɔ fala kɛ lɛ kɔ̃ gɛnɛ ngba lɛ, nɛ nde Gale kɔ lɛ boe, nɛ kɔ̃a zã 'da a ma be sɛ tɛ̃ ɛ kɔ lɛ dɛ wila fala.

1 YOANƐ 4:16

Nɛ we duzu lɛ, lɛ ĩ na, Gale do kɔ̃a zã dɛ 'da lɛ wena, nɛ lɛ kɔ̃a gɛnɛ nɛ. Gale a wele kɔ̃a zã, nɛ wi kɛ a 'bana tɛ kɔ̃ gɛnɛ ngba a ni, a kɔ Gale, nɛ Gale kɔ a boe.