FILIPƐ 1:6 - WE NU GALE 1995

⁶ Gbãlã we, mi ĩ na, Gale kɛ a ndua nyanga dɛ dia to kɔ sila nɛ ni, a 'bana sɛ tɛ dɛ na mɛ ni fai, gbaa we sɔkpɔ do ngba soe kɛ Yezu Kristo a tɛ sɛ nɛ ni.

FILIPƐ 1:6 Iomraidhean Croise

Zumanɔ 138:8

Aa NWA, mɔ dɛ sɛ mɛnɔ vɛ̃ mɔ kpua mbulu nɛ hã mi ni. Kɔ̃a zã 'da mɔ ma 'bana sɛ kɔ sabɛlɛ do sabɛlɛ. Mɔ tɛ bɛ gɛnɛ lɛ owinɔ, kɛ mɔ dɛa lɛ do kɔ̃ mɔ ni gɔ.

YOANƐ 6:29

Nɛ Yezu gese hã wa na: “Mɛnɔ kɛ zã Gale kɔ̃a na nɛ dɛ́ ni, mɛ a kɔ̃ zu li mi kɛ a tumba mi ni.”

Owi Nɛ Tonɔ 11:18

Wa nɛa we zele wenɔ kɛ Petro tɔ̃a ni, nɛ ngɔ tɛ wa gɛ. Nɛ wa dɔnggɔ Gale, nɛ wa tɔ̃ na: “Ní a Gale hã tɛ mɛ 'bɔ wala hã ogele winɔ na, wa kifi sila wa, nɛ wa kpa kpasi kɛ ma é sɛ gɔ ni.”

Owi Nɛ Tonɔ 16:14

Nɛ mbe kpo sanga wa ni, li a a Lidia, a yula Tiatirɛ, nɛ a zi a wi be gole fila tulu. A zi a wi dɔnggɔ Gale, nɛ Nwa Gale hũi linggamɛ 'da a, takɔ a zele bia we 'da Polo, nɛ a kɔ̃ gɛnɛ nɛ.

1 KORINTƐ 1:8

Nɛ Gale a dɛ sɛ na, nɛ yolo nganda gbaa we hɔ tɛ ndɔti nɛ na, dɔ do ngba soe Nwa 'da lɛ Yezu Kristo a tɛ sɛ nɛ ni, nɛ nɛ kpá kɔ'da gɔ.

2 KORINTƐ 1:15

Nɛ ɔ nɛ kɛ mi zi do kafi kɔ sila mi we mɛnɔ ni sĩ bina ni, mi 'dafa zi na, mi nɛ we zɔ nɛ fala bɔa, takɔ Gale wele nu ɛ tɛ nɛ do wala 'da mi fala bɔa.

2 KORINTƐ 2:3

Ma kɛ mi kɔma zi mbɛti ni hã nɛ, we kɛ mi kɔ̃̀ zi na, mi hɔ 'da nɛ i, kɔ mi kpa 'bɔ 'bako kɔ̃ nɛ, kɛ nɛ wia sɔ we hã yangga hã mi ni gɔ. Mba gɔ, mi ĩ na, fala kɛ mi ɔ do yangga, nɛ nde nɛ tɛ mɛ 'bɔ do yangga.

2 KORINTƐ 7:16

Nɛ sila mi dunu do yangga, we kɛ mi wia tɛ gbini zã mi do nɛ kɔ mɛnɔ vɛ.

2 KORINTƐ 9:4

We kɛ ní gɔ, kɔ fala kɛ lɛ hɔ 'da nɛ i do ombe Masedɔanɛ, kɔ lɛ kpa nɛ, nɛ nde nɛ tɛ 'dàfà mɛnɔ ni gɔ, nɛ sape ma ba sɛ li lɛ wena. We kɛ lɛ a zi linggamɛnɔ 'da lɛ vɛ́ dɛ ngɔ nɛ. Nɛ sape ma ba sɛ 'bɔ li nɛ wele nɛ.

GALATI 5:10

Nɛ nde ɔ nɛ kɛ lɛ mba kpo do Nwa Yezu ni, mi gbini zã mi do nɛ na, linggamɛ 'da nɛ ma we sɛ kɔ̃ do kɛ 'da mi. Nɛ nde wi kɛ a vĩ zu nɛ ni, gɛnɛ kɔ a a wio nde, nɛ Gale a hã sɛ etumbu hã a.

EFƐZƐ 4:12

A dɛa ni, takɔ a 'dafa owinɔ 'da Gale na, wa we tɛ dɛ tonɔ kpi do kpi, takɔ wa gã 'da kɔ̃a we 'da owinɔ kɔ Eklezia kɛ mɛ a kili tɛ Kristo ni.

FILIPƐ 1:10

we saka mɛ kɛ ma dia nɛa ngɔ ngbɛ ɛ ni. Na mɛ ni, sila nɛ sɛ a sa, nɛ do ngba soe kɛ Yezu Kristo a tɛ sɛ nɛ ni, nɛ nde nɛ kpá sɛ kɔ'da gɔ.

FILIPƐ 1:29

Mba gɔ, Gale bia dia zã 'da a hã nɛ na, nɛ ɔ owinɔ 'da Kristo. A sàkà nɛ na, nɛ kɔ̃ zu li Kristo iko gɔ, nɛ nde nɛ zɔ 'bɔ ngamɔ we duzu a.

FILIPƐ 2:12

Aa oyali ngba mi, 'da fala kɛ mi zi sanga nɛ i mɔ ni, nɛ zele zi nu mi zila fai. Kɔ ngangga ni, gɛnɛ kɔ mi sanga nɛ bina, nɛ nde ma dia fɛ̃ na, nɛ 'bana tɛ zele nu mi na mɛ ni. Gale kpasa nɛ ia, kɔ nɛ yú kili a, nɛ nɛ dɛ́ nganda na, kpasi 'da nɛ ni we vɛ̃.

FILIPƐ 2:13

We kɛ Gale tɛ dɛ to kɔ sila nɛ na, nɛ kpa wɔ tɛ mɛnɔ kɛ ma de tɛ̃ a ni, nɛ nɛ kpa 'bɔ ngawi we dɛ ma.

FILIPƐ 2:16

Nɛ nɛ bé Dia Sakoe kɛ ma hã kpasi ni hã wa. Kɔ nɛ dɛ ni, nɛ mi dɔnggɔ sɛ tɛ mi do nɛ, do 'da fala kɛ Kristo a tɛ sɛ nɛ ni. Mba gɔ, ki ni ma be sɛ na, olo toe mi dɛa zi, do ngamɛnɔ mi zɔa zi ni, ma ɔ̀ yala iko gɔ.

KƆLƆSƐ 2:12

Mba gɔ, ngba soe nɛ kpa zi batisimɔ ni, ma be na wa mi zi nɛ fala nɛ kpo do Kristo, nɛ Gale tunu zi nɛ kɔ fio fala nɛ kpo do a. Gale dɛa ni, we duzu kɛ nɛ gbini zi zã nɛ do ngawi 'da a, kɛ a tunu do Kristo kɔ ofionɔ ni.

1 TƐSALONIKƐ 1:3

Ta zu lɛ 'bana ngɔ dɛa toe kɛ nɛ dɛ ma olo kɔ̃a we 'da nɛ, do tɛlɛ tɛ kɛ nɛ kɔ̃a ngba nɛ do sila nɛ kpo, nɛ nɛ gbini zã nɛ do Nwa 'da lɛ Yezu Kristo do nɔa sila ngboo ni, nɛ lɛ lengge ma dati Baa lɛ Gale 'da fala fai.

2 TƐSALONIKƐ 1:11

Gulu nɛ a lɛ sambala Baa lɛ Gale we duzu nɛ fai na, a 'dáfá nɛ, kɔ nɛ we do kpasi kɛ a sa zi mɔ hã nɛ we nɛ ni. Nɛ lɛ aka a na, a hã ngawi 'da a hã nɛ, takɔ nɛ dɛ dia mɛnɔ vɛ kɛ nɛ kɔ̃a we dɛ nɛ ni, nɛ a dɛ 'bɔ na, to olo kɔ̃a we 'da nɛ we ngboo.

2 TƐSALONIKƐ 3:4

Ɔ nɛ kɛ lɛ kɔ̃a zu li Nwa ni, lɛ gbini zã lɛ do nɛ na, wenɔ vɛ lɛ tɔ̃ hã nɛ ni, nɛ dɛ ma dɛa, nɛ nɛ dɛ sɛ ma fai.

FILEMƆ 1:21

Mi kɔmɔ mbɛti gɛ hã mɔ, we kɛ mi ĩ ti dia sila 'da mɔ, nɛ mi ĩ na, mɔ dɛ sɛ mɛ kɛ mi aka mɔ we nɛ ni. Nɛ mɔ dɛ sɛ nɛ ngɔ kɛ mi aka ni.

OHEBRE 10:35

Kɔ nɛ tɛ là fala gbini zã nɛ do Gale gɔ, we kɛ nɛ kpa sɛ si mɔ olo nɛ gã wena.

OHEBRE 12:2

Nɛ lɛ ká mɔ kpo dɛ tɛ Yezu, kɛ kɔ̃a we 'da lɛ yolo kɔ a ni, nɛ a kã sɛ 'bɔ lɛ gbaa we hɔ ndɔti nɛ. 'Da fala wa nɛa zi we gbɛ a ngɔ finda te ni, nɛ a kunu sila a, nɛ a lènggè do fio sape ni gɔ, we duzu kɛ a zɔa yangga kɛ ma 'bɔ 'da a ni. Nɛ ngangga gɛ, a dungu kɛ zã kpongbo nwa 'da Gale, si ngɔ ngawili kɔ̃.

1 PETRO 5:10

Nɛ tɛ zɔ ngamɔ ngangga gɛ, nɛ nde 'do bi ngba soe sĩ, nɛ Gale kɛ a a wele dia mɛnɔ vɛ, nɛ a sa mɔ hã nɛ na, nɛ mba do Kristo kɔ dɔ̃lɔ̃ li 'da a kɛ ma e gɔ ni, a 'dafa sɛ nɛ dɛ do nɛ, nɛ a hã ngawi hã nɛ na, nɛ yolo nganda, nɛ mɔ kpo tɛ yɛ̀kɛ̀ nɛ gɔ.

2 PETRO 3:10

Nɛ nde tũ kɛ Nwa nɛ tɛ sɛ nɛ ni, ma gbanga sɛ nɛ ɔ nɛ wi zũ ni. Do ngba soe ni, nɛ giti li nza ma dɔ̃lɔ̃ sɛ nganda wena, nɛ ma bisi. Nɛ omɛnɔ li nza i ni ma ngutu sɛ vɛ̃, nɛ nùi do mɛnɔ ngɔ nɛ vɛ ma 'danga sɛ.