FILIPƐ 1:26 - WE NU GALE 1995

²⁶ Na mɛ ni, 'da fala kɛ mi hɔ nza kɔ bɔlɔkɛ, kɔ mi kpolo tɛ mi dɛ 'da nɛ i, nɛ nɛ dɔnggɔ sɛ 'bɔ Yezu Kristo dɛ dati we duzu mi.

FILIPƐ 1:26 Iomraidhean Croise

SƆKPƆ DIA ZUMANƆ 5:1

Aa mɔ boko nya mi, kɛnɛ mi, mi lia kɔ fɔɛ 'da mi ia, nɛ mi 'bi onwá tenɔ kɛ ma unu de nɛ ge nde ni, nɛ mi nyɔngɔ ngele gɔlɔ, nɛ mi nɔ dɔ́ do ma'bɛlɛ 'da mi dɛ di ni. “Aa oyali ngba mi, nɛ nyɔ́ngɔ́ mɔ, nɛ nɛ nɔ́ dɔ́, nɛ zu nɛ zĩ́ tɛ kɔ gɛnɛ ngba nɛ.”

YOANƐ 16:22

Ma tɛ mɛ 'bɔ na mɛ ni we nɛ. Mba gɔ, ngangga ni, nɛ do 'bako, kɔ mi zɔ sɛ 'bɔ nɛ, nɛ sila nɛ ma dɛ sɛ yangga, nɛ wele wé sɛ we fo yangga ni gɔ.

YOANƐ 16:24

Gbaa tia do sɔɛ gɛ, nɛ tɛ gɔ̀ mɔ kɔ̃ Baa mi do zu li mi gɔ. Kɔ fala kɛ nɛ gɔ, nɛ nɛ kpa sɛ. Kɔ fala kɛ nɛ kpa ma, nɛ sila nɛ ma dunu sɛ do yangga.

2 KORINTƐ 5:12

Lɛ kɔ̃̀ 'bɔ we dɔnggɔ tɛ lɛ dati nɛ gɔ, nɛ nde lɛ fa na, nɛ kpa wala we dɔnggɔ tɛ nɛ do lɛ. Na mɛ ni, nɛ nɛ we sɛ tɛ gese nu we hã owinɔ kɛ wa dɔnggɔ tɛ wa do mɛnɔ winɔ wa zɔ ma zɔa, nɛ nde wa lénggé do mɔ kɔ sila wi ngboo gɔ ni.

2 KORINTƐ 7:14

Mi dɔnggɔ zi tɛ mi hã a we duzu nɛ, nɛ nɛ kala sape li mi. Nɛ́ kɛ wenɔ lɛ tɔ̃a zi ma hã nɛ ni, mɛ vɛ́ a gbãlã we ni, na mɛ ni, dɔnggɔ tɛ wi kɛ lɛ dɔnggɔ zi hã Tito we duzu nɛ ni, mɛ 'bɔ a gbãlã we.

2 KORINTƐ 7:4

Mi do kafi ngɔ nɛ bina, nɛ mi dɔnggɔ tɛ mi do nɛ. Nɛ kɔ 'bakonɔ vɛ́ lɛ kpa ni, nɛ nde mi mbɔ́kɔ́ gɔ, nɛ mi do yangga wena.

2 KORINTƐ 7:6

Nɛ nde Gale kɛ a nganda sila Owi 'bakonɔ ni, a nganda zi sila lɛ 'da fala kɛ nya lɛ Tito hɔa ni.

GALATI 6:4

Ma wia na, wele do wele soko dɛa mɔ tɛ a wele nɛ we zɔ na, ma a dia nde. Hã ma a dia, nɛ a dɔnggɔ tɛ a we nɛ. Nɛ nde a tɛ wè dɛa to tɛ a do kɛ 'da ngba a gɔ.

FILIPƐ 3:1

Onyae, ngangga ni, mi aka nɛ na, nɛ dɛ́ yangga, we kɛ nɛ mba kpo do Nwa. Fala dala nu mi tɛ wenɔ hã nɛ, ma bá tɛ mi gɔ, nɛ ma gala kɔ̃a we 'da nɛ na, ma nganda dɛ dati.

FILIPƐ 3:3

Ĩ na, ngbongbo owi nɛ gaza, wi a lɛ gɛ. Lɛ dɔnggɔ Gale do ngawi 'da Hi Wi Santo, nɛ lɛ dɔnggɔ tɛ lɛ do zu li Yezu Kristo, nɛ nde lɛ á sila lɛ ngɔ mɔ kɛ wa dɛ tɛ kili tɛ wi ni gɔ.

FILIPƐ 4:10

Mi zɔa na, nɛ kpa wala, nɛ nɛ bia 'bɔ kɔ̃a zã 'da nɛ hã mi, nɛ mi dɛ yangga wena do zu li Nwa. Mi ĩ na, nɛ do kɔ̃a zã dɛ 'da mi boe fai, nɛ nde nɛ kpà zi wala we be ma gɔ.

FILIPƐ 4:4

Nɛ dɛ́ yangga fai, we kɛ nɛ mba kpo do Nwa ni. Mi dala 'bɔ nu mi hã nɛ na, nɛ dɛ́ yangga!