FILIPƐ 1:19 - WE NU GALE 1995

¹⁹ we kɛ mi ĩ na, mɛnɔ vɛ̃ ma sɔkpɔ sɛ hã mi do dia nɛ, we duzu sambala 'da nɛ, mba do Hi Wi 'da Yezu Kristo kɛ a gala mi ni.

FILIPƐ 1:19 Iomraidhean Croise

Owi Nɛ Tonɔ 16:7

Kɔ wa nɛa we kɔlɔ do nù Mizi, nɛ wa kɔ̃a we la dɛ ngɔ nù Bitini, nɛ Hi Wi 'da Yezu kele wala ti wa na, wa tɛ nɛ̀ i mɔ gɔ.

ROMA 8:28

Lɛ ĩ na, Gale dɛ na, omɛnɔ vɛ ma sɔkpɔ do dia nɛ we owinɔ kɛ wa kɔ̃a gɛnɛ a, nɛ a saka wa ɔ nɛ kɛ a 'dafa zɛ́ do kɔ sila a ni.

ROMA 8:9

Nɛ nde kɛ 'da nɛ, nɛ tɛ yɛ̀nggɛ̀ ɔ nɛ kɛ 'dã wɔ kɔ kifi tɛ nɛ tombo do nɛ ni gɔ. Nɛ nde nɛ yɛnggɛ ɔ nɛ kɛ zã Hi Wi kɔ̃a ni, we kɛ Hi Wi 'da Gale kɔ nɛ boe. Kɔ wi kɛ Hi Wi 'da Kristo kɔ a bina ni, nɛ nde wi ni a wi 'da Kristo gɔ.

1 KORINTƐ 4:17

Ma kɛ mi tumba Timote hã nɛ, takɔ a gba sɛ tɛ zu nɛ ngɔ mbula ngɔ dɛa toe 'da Kristo, kɛ mi dɛ ma, nɛ mi be ma hã Owi Kristonɔ falanɔ vɛ́ ni. Timote ni a be kɛ a ngɔ sila mi, nɛ a dɛ mbulanɔ 'da Nwa do wala do nɛ.

2 KORINTƐ 1:11

Mba gɔ, nɛ ngboo nɛ gala sɛ lɛ do sambala 'da nɛ. Na mɛ ni, nɛ Gale a gese sɛ nu sambala 'da ogili winɔ kɛ wa sambala a we lɛ ni, nɛ Owele wena wa hã sɛ iɔ̃nae hã a we duzu lɛ.

GALATI 3:5

Nɛ lengge na, Gale hã zi Hi Wi 'da a hã nɛ, nɛ a dɛa ogba sɔ̃ mɔ sanga nɛ we duzu kɛ nɛ dɛa mbula ni nde? Tabi ma we duzu kɛ nɛ zila Dia Sakoe, nɛ nɛ kɔ̃a ni nde?

GALATI 4:6

Nɛ we be na, lɛ a obenɔ 'da Gale ni, nɛ Gale tumba Hi Wi 'da Be 'da a dɛ kɔ sila lɛ, nɛ Hi Wi ni he mɔ hã a na: “Aa Baa mi!”

FILIPƐ 1:18

Ma dɛ́ mɔ gɔ! Gɛnɛ kɔ wa be Dia Sakoe 'da Kristo do kɔ sila bɔnɛ, tabi wa be do ngbongbo nɛ, nɛ nde we bina. Wa vɛ̃ wa tɛ pɛsɛ Dia Sakoe dɛ dati, nɛ ma hã yangga hã mi. Nɛ mi dɛ sɛ yangga we ma fai,

1 PETRO 1:11

Nɛ Hi Wi 'da Kristo kɛ a zi kɔ sila wa ni, a tɔ̃a zi hã wa na, Kristo a kpa sɛ zɛlɛ tɛ dati kɛ na a kpa dɔ̃lɔ̃ li ni. Nɛ owi gba olo nu Gale ni wa fa zɛ́ wena we ĩ ti tũnɔ kɛ mɛnɔ ni ma hɔ sɛ nɛ ni, do tɛlɛ tɛ kɛ mɛnɔ ni ma dɛ sɛ do tɛ̃ ɛ ni.