FILIPƐ 1:15 - WE NU GALE 1995

¹⁵ Kafi bina, ombe sanga wa ni, wa be Dia Sakoe 'da Kristo do kɔ sila bɔnɛ, nɛ wa fa we nɛ ngɔ ngba wa iko. Nɛ nde ombe wa be ma do dia kɔ sila ngboo.

FILIPƐ 1:15 Iomraidhean Croise

MATIE 23:5

Wa dɛ mɛnɔ vɛ̃ na, owinɔ wa zɔ, nɛ wa dɔnggɔ wa. Nɛ nwá mbɛtinɔ kɛ owinɔ wa kɔmɔ we nu Gale dɛ ngɔ nɛ, nɛ wa kpo dati wa do zã 'baka wa ni, Ofariziɛnɔ wa dɛ kɛ 'da wa gã wena. Nɛ nu tulunɔ kɛ wa e nyanga du tulunɔ 'da wa ni, ma dulu nɛa ngɔ kɛ 'da ogele winɔ.

Owi Nɛ Tonɔ 10:36

Gale tumba zi Dia Sako hã obe Israɛlɛ, nɛ Dia Sakoe ni, ma hã dungu fio do wala 'da Yezu Kristo, kɛ a a Nwa 'da winɔ vɛ ni.

Owi Nɛ Tonɔ 11:20

Nɛ do 'da fala ni, nɛ ombe wi kɔ̃a wenɔ kɛ wa zi tɛ ngɔ nù Siprɛ do Sirɛnɛ i ni, wa la dɛ Antiɔsɛ. Nɛ i mɔ ni, wa bia 'bɔ Dia Sakoe 'da Nwa Yezu hã owinɔ kɛ wa a Oyuda gɔ ni.

Owi Nɛ Tonɔ 5:42

Nɛ tũ kpo kpo, wa nɛ zi kɔ Tɛmpɛlo i, do tɛ nu tɔanɔ 'da winɔ, tɛ be we hã wa, do tɔ̃ Dia Sakoe 'da Yezu na, a a Mɛsiya.

Owi Nɛ Tonɔ 8:35

Nɛ Filipɛ ma ngɔ wele we, nɛ a yula dɛ ngɔ we ni, nɛ a be Dia Sakoe 'da Yezu hã wi ni.

Owi Nɛ Tonɔ 8:5

Nɛ Filipɛ nɛa kɔ le Samaria, nɛ a be hã owinɔ vɛ̃ na, Mɛsiya hɔa ia.

Owi Nɛ Tonɔ 9:20

Do 'da fala ni, nɛ a ndo nyanga be we kɔ tɔa mbulanɔ 'da wa do ti. Nɛ a tɔ̃ hã owinɔ na, Yezu a Be 'da Gale.

ROMA 2:8

Nɛ nde wanɔ kɛ wa bɛ we nu Gale, nɛ wa bɛ gɛnɛ gbãlã we, nɛ wa yɛnggɛ tɛ dɛ 'dã mɔ iko ni, zã a ma nɔ̃lɔ̃ sɛ dɛ tɛ wa, nɛ a sɛ do mãlã dɛ ngɔ wa.

1 KORINTƐ 1:23

Nɛ nde lɛ, lɛ be kɛ 'da lɛ a sakoe 'da Yezu Kristo, kɛ wa bɛ̃lɛ̃ zi a ngɔ finda te ni. Oyudanɔ wa zele sakoe ni nɛ́ lɛnggɛ sape ni, nɛ ogele winɔ wa zele ma nɛ́ wila we bɔ ni.

1 KORINTƐ 13:3

Ɔ do kɛ mi kɛ̃ sɔ mɛnɔ 'da mi vɛ hã owi sãnɔ, nɛ mi hã tɛ mi na, wa dɔ mi, kɔ mi sɔ do kɔ̃a zã bina, nɛ nde mi kpá sɔ mɔ olo nɛ gɔ.

2 KORINTƐ 1:19

Mba gɔ, Yezu Kristo, Be 'da Gale kɛ lɛ do Silasi, do Timote, lɛ bia zi we 'da a hã nɛ ni, a tɔ̃́ we do nu a bɔa gɔ, we nu a tati a gbãlã we iko.

2 KORINTƐ 11:13

Owinɔ ni, wa a ongbongbo wi nɛ tonɔ 'da Kristo gɔ, wa dɛ toe 'da wa do bɛlɛ, nɛ wa be tɛ wa na, lo a ngbongbo wi nɛ tonɔ 'da Kristo.

2 KORINTƐ 12:20

Mi do kili na, dɔ mi nɛ hɔ 'da nɛ i, nɛ nde dɛa mɔ tɛ nɛ si tɛ ɛ do kɛ zã mi kɔ̃a ni, nɛ nɛ bɛ̃ tɛ mɛ 'bɔ gɛnɛ kɛ 'da mi gɔ. Mi do kili na, da dɛ kɔ kpawe, do bɔnɛ, mãlã, ba kafi ngba wi, dɛla, o'dã we, gã zu, do yia dɛa mɔ lé sanga nɛ gɔ.

2 KORINTƐ 4:5

Lɛ bé a we 'da lɛ wele nɛ gɔ, nɛ nde lɛ be we 'da Yezu Kristo na, a a Nwa. Nɛ lɛ, lɛ hɔa Owi dɛa tonɔ 'da nɛ, we duzu Kristo.

GALATI 2:4

Ĩ na, ombe wi Kristo bɛlɛnɔ wa kɔ̃a zi na, lo gɔnɔ a. Winɔ ni wa lia sanga lɛ do usu nɛ, we zɔ tɛlɛ tɛ kɛ lɛ hɔa nza ti mbula 'da Yudanɔ, we kɛ lɛ mba kpo do Yezu Kristo ni. Wa fa zi na, lɛ le 'bɔ ti mbula mbé nɛ,

FILIPƐ 2:3

Nɛ tɛ fà we nɛ ngɔ ngba nɛ gɔ, nɛ nɛ tɛ dɔ̀nggɔ̀ tɛ nɛ gɔ. Nɛ bá tɛ nɛ dɛ nù, nɛ nɛ zɔ́ ongba nɛ na, wa nɛa ngɔ nɛ.

1 TIMOTE 3:16

Gbãlã we, usu we 'da Gale kɛ lɛ kɔ̃a ma ni, ma gã wena, nɛ lɛ wè tɛ ba kafi ma gɔ. Usu we ni ma kɛ: Kristo ba kili tɛ wele, nɛ Hi Wi Santo bia na, a a wi bɔlɔ zu. Anzɛnɔ wa zɔa zi a. Wa bia zi we 'da a hã ogele nu fɛlɛ kulanɔ, nɛ ngɔ nù gɛ owinɔ wa kɔ̃a zu li a, nɛ Gale ba a dɛ li nza i.