FILIPƐ 1:13 - WE NU GALE 1995

¹³ Mba gɔ, osodanɔ wa zɔ mɔ tɛ nu tɔa 'da gã nwa ngɔ nù Roma ni, do ombe gele winɔ vɛ, wa ĩ na, mi lia bɔlɔkɛ gɛ, we kɛ mi kɔ̃a zu li Yezu Kristo.

FILIPƐ 1:13 Iomraidhean Croise

Owi Nɛ Tonɔ 26:29

Nɛ Polo gese hã a na: “Mi aka Gale we mɔ, do we owinɔ kɛ wa tɛ zele mi ni na, ngangga ni, tabi do 'do, nɛ nɛ ɔ sɛ nɛ mi ni. Nɛ nde mi tɔ̃̀ gɛ na, nɛ hɔ Owi bɔlɔkɔ nɛ́ mi ni gɔ!”

Owi Nɛ Tonɔ 26:31

Nɛ wa ngbɔ tɛ wa dɛ 'do, nɛ wa tɔ̃ hã ngba wa na: “Wi gɛ a dɛ̀ mbe 'dã mɔ kpo kɛ ma wia na, wa fi a bɔlɔkɔ, tabi wa gbɛ a we nɛ ni gɔ.”

Owi Nɛ Tonɔ 28:17

Polo nɛa we ɔ tũ talɛ, nɛ a sa mɔ hã onwa Yudanɔ. Wa tɛa, nɛ a tɔ̃ hã wa na: “Onyae, mi dɛ̀ 'dã mɔ do owinɔ 'da lɛ gɔ, nɛ mi gbìnì 'bɔ mbula do oyaa lɛ gɔ. Gɛnɛ kɔ na mɛ ni, wa ba mi tɛ Yeruzalɛmɛ i, nɛ wa hã mi hã Oroma.

Owi Nɛ Tonɔ 28:20

Ma kɛ mi sa mɔ hã nɛ na, mi tɔ̃ gulu nɛ hã nɛ ni. Mba gɔ, wa ɛnza nu kɔ̃ mi do dɔkpɔnɔ gɛ, we duzu wi kɛ obe Israɛlɛ wa gbini zã wa do a na, a tɛ sɛ ni.”

Owi Nɛ Tonɔ 28:30

Polo ɔa zi dɛ Roma ni sabɛlɛ bɔa dɛ kɔ futa tɔa. Nɛ a kɔ̃a zi gɛnɛ winɔ vɛ́, kɛ wa tɛ zi 'da a we zɔ a ni.

EFƐZƐ 3:1

We duzu ma, mi Polo, mi sambala Gale we nɛ kɛ nɛ a Oyuda gɔ ni. Mi a wi bɔlɔkɔ we duzu toe kɛ Yezu Kristo tumba mi we dɛ hã nɛ ni.

EFƐZƐ 4:1

We duzu ki ni, ma hã mi, kɛ mi a wi bɔlɔkɔ we dɛa toe 'da Nwa ni, mi ala nu mi hã nɛ na, nɛ 'dáfá dungi 'da nɛ, kɔ ma we do dungi kɛ Gale sa zi mɔ hã nɛ we nɛ ni.

EFƐZƐ 6:20

Gɛnɛ kɔ mi a wi bɔlɔkɔ, nɛ nde mi a wi nɛ toe 'da Kristo we be Dia Sakoe hã owinɔ. Kɔ nɛ sámbálá Gale we mi na, a hã kpã sila hã mi we be Dia Sakoe ɔ nɛ kɛ ma wia ni.

FILIPƐ 1:30

Ma a ngangga ni, nɛ mba do mi li bole kɛ mi bi ni. Mɛ a kpo bole kɛ mi bi zi, nɛ mi 'bana tɛ bi nɛ, nɛ́ kɛ nɛ ĩ fala nɛ ni.

FILIPƐ 1:7

Kɔ ma dia fɛ̃ na, mi lengge do nɛ na mɛ ni, we kɛ nɛ ngɔ sila mi. Mba gɔ, 'da fala kɛ mi zi tɛ bi ngɔ Dia Sakoe, do dɛ na ma nganda kɔ sila winɔ ni, nɛ nɛ mba zi do mi kɔ dɛa toe ni, kɛ Gale hã ma hã mi do dia zã 'da a ni. Nɛ sɔɛ gɛ, nɛ́ kɛ mi a kɔ bɔlɔkɛ gɛ, nɛ 'bana tɛ dɛ toe ni do mi.

FILIPƐ 4:22

Nɛ owinɔ 'da Gale i nga gɛ vɛ̃, wa hã balɛ hã nɛ, wena a wanɔ kɔ tɔa 'da gã nwa ngɔ nù Roma.

2 TIMOTE 2:9

Nɛ we duzu Dia Sakoe ni, ma kɛ mi kpa zɛlɛ tɛ, nɛ wa ɛnzɛ mi do dɔkpɔ, nɛ wa fi mi bɔlɔkɔ ɔ nɛ wi dɛ 'dã mɔ ni. Nɛ nde wa ɛ̀nzɛ̀ we nu Gale gɔ.