FILIPƐ 1:11 - WE NU GALE 1995

¹¹ Yezu Kristo a dɛ sɛ na, nɛ dɛ bɔlɔ zu dɛa mɔ kɔ dungu nza 'da nɛ vɛ, nɛ ma hã dɔ̃lɔ̃ li do dɔngga wi hã Gale.

FILIPƐ 1:11 Iomraidhean Croise

Zumanɔ 1:3

A ɔ nɛ te kɛ wa mi dɛ nu lì ni. Ma wala do zɔlɔ nɛ, nɛ nwá nɛ 'bɔ 'bɔa fai. Wi ni dɛ mɔ, nɛ ma Sɔkpɔ do dia nɛ.

Ezai 5:2

A gɔma nùi vɛ̃, nɛ a kala tanɔ kɔ nɛ do'do, a saka dia kpalɛ vinɔ, nɛ a mi ma tɛ nɛ. A dɛa gba'da nu fɔɛ ni we zɔ do mɔ tɛ nɛ, nɛ a zã kɔ̃, nɛ a 'dafa ma we kpĩlĩ lì wala te vinɔɛ dɛ kɔ nɛ. A lingga na, fɔ vinɔ 'da ɛ, ma ko sɛ dia ɛ̃fɛ̃ wala te hã ɛ. Nɛ nde ma kò dia wala te kpo hã a gɔ.

Ezai 60:21

Nɛ nɛ vɛ̃, nɛ dɛ sɛ mɔ do bɔlɔ nɛ, nɛ nɛ sɛ a wele nùi gɛ 'da fala fai. Mi a mi dɛa nɛ do kɔ̃ mi, takɔ nɛ be dɔ̃lɔ̃ li 'da mi. Na mɛ ni, nɛ gã sɛ de wena ɔ nɛ okpalɛ tɛ li fɔɛ 'da mi ni.

Ezai 61:11

Ɔ nɛ kɛ wa mi wala te, nɛ ma hɔ, nɛ ma gã ni, NWA Gale a dɛ sɛ tɛ mɛ 'bɔ na dia dungu 'da lɛ ma gã. Nɛ lɛ dɔnggɔ a dɛ gbali ogele winɔ vɛ̃.

Ezai 61:3

nɛ mi hã yangga hã owi Sioni kɛ wa tɛ dungu gɛla ni. Mi kifi 'bakoe 'da wa do yangga, nɛ mi kifi 'bɔ zuma ala nui 'da wa do zuma dɔnggɔ NWA. Mi kpolo sɛ tulu gɛla 'da wa do tulu ɛngga. Wa ɔ sɛ nɛ odia te kɛ NWA do tɛ̃ a ngboo a mi ma ni. Wa dɛ sɛ mɔ vɛ̃ do bɔlɔ nɛ, nɛ wa hã sɛ dɔ̃lɔ̃ li hã NWA.

MATIE 5:16

Kɔ ma wia na, nɛ nyɛ ɔ nɛ mwinda ni dati winɔ, takɔ wa zɔ de dɛa mɛ kɛ nɛ dɛ ni, kɔ wa dɔnggɔ Baa nɛ, kɛ a li nza i ni.

YOANƐ 15:16

Nɛ a nɛ sàkà zi mi gɔ, nɛ nde mi a mi saka nɛ. Nɛ mi hã to hã nɛ na, nɛ ɔ nɛ te kɛ ma wa wala ni, nɛ wala tenɔ ni 'bana fai. Na mɛ ni, fala kɛ nɛ gɔ mɔ kɔ̃ Baa mi do zu li mi, nɛ a hã sɛ ma hã nɛ.

YOANƐ 15:2

A 'bili gbakɔ̃ te vɛ̃ kɛ ma wálá gɔ ni, nɛ a fo ogisa nwá tɛ kɛnɔ ma wala ni, takɔ tɛ nɛ sa, nɛ ma wala dɛ dati.

YOANƐ 15:8

Nɛ zɔ́, mɛ kɛ ma hã dɔ̃lɔ̃ li hã Baa mi, mɛ a kɛ na, nɛ kó wala te wena, nɛ ma be sɛ na, nɛ a owinɔ 'da mi.

ROMA 15:28

Kɔ 'da fala mi hã mbili ni hã wa do'do, kɔ toe ni ma e, nɛ mi le sɛ wala we nɛ dɛ Ɛspanyɛ i, sɛ nɛ mi ɛlɛ sɛ 'da nɛ i de.

ROMA 6:22

Kɔ ngangga ni, nɛ hɔa nza kɔ ngbá 'da 'dã mɔ, nɛ nɛ hɔa wi dɛa tonɔ 'da Gale. Nɛ mɛ nɛ kpa do nɛ ni, mɛ a kɛ na, nɛ hã tɛ nɛ vɛ hã Gale, nɛ ma dɛa na, nɛ kpa kpasi kɛ ma é sɛ gɔ ni.

1 KORINTƐ 10:31

Na mɛ ni, fala kɛ nɛ nyɔngɔ mɔ, tabi nɛ nɔ dɔ̃, tabi nɛ dɛ ge nde, nɛ ma wia na, nɛ dɛ mɛnɔ ni vɛ̃ we hã dɔ̃lɔ̃ li hã Gale.

2 KORINTƐ 9:10

Gale a hã kpalɛ hã wi wa fɔ, nɛ a hã nyɔngɔmɔ hã a we nyɔngɔ ma. Na mɛ ni, a hã sɛ tɛ mɛ 'bɔ ode mɛnɔ hã nɛ, nɛ a dɛ sɛ na, ma dɛlɛ dɛ dati fai, takɔ nɛ dɛ do bɔlɔ zu dɛa mɛnɔ, nɛ ma ko ode mɔ hã ongba nɛ wena.

EFƐZƐ 1:12

Kɔ ma wia na lɛ, kɛ lɛ a wi dati we gbini zã lɛ do Kristo ni, lɛ dɔnggɔ Gale we gã dia zã 'da a.

EFƐZƐ 1:14

Gale hã Hi Wi Santo hã lɛ ɔ nɛ mbe nu dia mɛnɔ kɛ a kpua zɛ́ mbulu hã ma hã winɔ 'da a ni. Kɛ a dɛa ni ma be hã lɛ na, ngba soe nɛ we, nɛ lɛ kpasa sɛ, nɛ lɛ hɔ sɛ owinɔ 'da a ngboo. Kɔ lɛ dɔ́nggɔ́ Gale we gã dia zã 'da a.

EFƐZƐ 2:10

Gbãlã we, lɛ a mɔ do kɔ̃ Gale. A dɛa lɛ, nɛ a mba li lɛ kpo do Yezu Kristo, takɔ lɛ dɛ dia mɛnɔ kɛ a 'dafa zi dati belee na, lɛ dɛ ma ni.

EFƐZƐ 5:9

We kɛ sa fala dɛ na, wele ɔ do dia sila, do bɔlɔ zu, nɛ a dɛ gbãlã we dɛa mɔ.

FILIPƐ 4:17

Kɔ nɛ tɛ lènggè na, mi fa na, Owele wa 'dɔlɔ mɔ hã mi iko gɔ, nɛ nde mi fa na, nɛ kpa de mɔ olo tonɔ 'da nɛ, nɛ ma gã.

KƆLƆSƐ 1:10

Na mɛ ni, nɛ nɛ dungu sɛ nɛ́ kɛ ma wia do owinɔ 'da Gale ni, nɛ dɛa mɔ tɛ nɛ ma hã sɛ yangga hã a fai. Nɛ dɛ sɛ de mɔ kpi do kpi, nɛ nɛ ĩ sɛ ti Gale dɛ dati fai.

KƆLƆSƐ 1:6

Dia Sakoe ni tɛ yɛ'bɛ ngɔ nù gɛ vɛ̃, nɛ ma dɛ dia mɔ hã winɔ wena, ɔ nɛ kɛ ma dɛa zi tɛ mɛ 'bɔ dia mɔ hã nɛ, ndo do kɛ nɛ zila zi we dia zã 'da Gale, nɛ nɛ ĩ na, mɛ a gbãlã we ngboo ni.

2 TƐSALONIKƐ 1:12

Na mɛ ni, nɛ Nwa 'da lɛ Yezu a kpa sɛ dɔ̃lɔ̃ li kɔ̃ nɛ, nɛ a dɔnggɔ sɛ tɛ mɛ 'bɔ nɛ. Ma dɛ sɛ ní, we duzu dia zã 'da Gale 'da lɛ, do Nwa 'da lɛ Yezu Kristo.

TITO 3:14

Nɛ ma wia 'bɔ na, winɔ 'da lɛ wa yambala we dɛ dia dɛa to fai, takɔ wa gala do winɔ do ngba soe kɛ sã ba wa ni. Na mɛ ni, nɛ dungu nza 'da wa sɛ yala iko gɔ.

OHEBRE 12:11

Wele kpa etumbu, nɛ nde ma hã́ yangga hã a do 'da fala ni gɔ, ma hã 'bako hã a. Nɛ 'do nɛ, nɛ owanɔ wa 'dafa sila wa olo etumbui ni, wa kpa dia mɔ olo nɛ. Nɛ etumbui gala wa na, wa dɛ bɔlɔ zu dɛa mɔ, nɛ wa ɔ do gɛ̃a sila.

1 PETRO 2:12

Nɛ dɛ́ bɔlɔ zu dɛa mɔ sanga owinɔ kɛ wa tɛ ĩ̀ ti Gale gɔ ni. Nɛ dɛ ní, hã gɛnɛ kɔ wa tɔ̃ na, nɛ a o'dã wi, nɛ wa zɔ sɛ de dɛa mɛnɔ kɛ nɛ dɛ ma fai ni, nɛ wa dɔnggɔ sɛ Gale do ngba soe kɛ a tɛ sɛ nɛ ni.

1 PETRO 2:5

Kɔ ma wia na, nɛ winɔ kɛ nɛ kpa kpasi ni, nɛ ɔ tɛ mɛ 'bɔ nɛ tanɔ ni, takɔ Gale dɛ nɛ do tɔa ɔi 'da Hi Wi 'da a. Kɔ tɔa ni, nɛ sɛ a onganga santonɔ 'da a, takɔ nɛ hã dɔnggamɔ hã a do sila nɛ kpo. Dɔnggamɛ ni ma hã sɛ yangga hã a, we kɛ nɛ hã ma do wala 'da Yezu Kristo ni.

1 PETRO 2:9

Nɛ nde we duzu nɛ, nɛ a nu fɛlɛ kula kɛ Gale saka nɛ ni. Nɛ a onganganɔ 'da Nwa. Nɛ a nu kɔnggɔ winɔ kɛ wa santo, nɛ nɛ a owinɔ 'da Gale ngboo. Gale saka zɛ́ nɛ, takɔ nɛ tɔ̃ gulu gba dia mɛnɔ 'da a hã owinɔ. A sa zɛ́ mɔ hã nɛ, nɛ a fua nɛ kɔ gba tũ dɛ nza, nɛ a a nɛ kɔ sa fala kɛ wa ɔngbɔ ma wena ni.

1 PETRO 4:14

Tabi Owele wa tɔ̃ 'dã nu we hã nɛ, we duzu kɛ nɛ a winɔ 'da Kristo, nɛ nde nɛ a Owi yangga. We kɛ Hi Wi 'da Gale kɛ a do dɔ̃lɔ̃ li ni, a do nɛ boe.