FILIPƐ 1:10 - WE NU GALE 1995

¹⁰ we saka mɛ kɛ ma dia nɛa ngɔ ngbɛ ɛ ni. Na mɛ ni, sila nɛ sɛ a sa, nɛ do ngba soe kɛ Yezu Kristo a tɛ sɛ nɛ ni, nɛ nde nɛ kpá sɛ kɔ'da gɔ.

FILIPƐ 1:10 Iomraidhean Croise

Ndo Nyanga Dɛ Mɔ 20:5

Abrahama do tɛ̃ a tɔ̃a hã mi na, Sara a boko nya ɛ, nɛ wuke tɔ̃ 'bɔ ni na, Abrahama a nya ɛ. Nɛ nde mɛ mi dɛa ni, ma yòlò kɔ 'dã linggamɔ gɔ.”

YƆBƆ 12:11

Wa tɔ̃ na: “Zala wi zele we, nɛ ma gɔnɔ sanga nɛ, ɔ nɛ kɛ nu wi yamba nyɔngɔmɔ, nɛ ma ĩ ti ɛ̃fɛ̃ nɛ ni.

YƆBƆ 34:3

Zala wi zele we, nɛ ma gɔnɔ sanga nɛ, ɔ nɛ kɛ nu wi yamba nyɔngɔmɔ, nɛ ma ĩ ti ɛ̃fɛ̃ nɛ ni.

Mike 3:2

Nɛ nde nɛ kɔ̃̀ we dɛ de dɛa mɔ gɔ, nɛ kɔ̃a we dɛ tati a 'dã mɔ iko. Nɛ dɛ do owinɔ 'da mi, ɔ nɛ kɛ nɛ a wi gɔmɔ sa'de ni. Nɛ ɛ̃lɛ̃ ndala tɛ wa, nɛ nɛ 'bili mulu tɛ wa, nɛ nɛ o gbãlã tɛ wa, ɔ nɛ kɛ nɛ nɛ a kɔ kpana we gi we nyɔngɔ ma ni.

MATIE 16:23

Nɛ Yezu siki tɛ̃ ɛ, nɛ a tɔ̃ hã Petro na: “Fó tɛ mɔ li mi do'do, Satana! Mɔ fa we fi mi li wala dɛ 'dã mɔ, we kɛ linggamɔ zu mɔ mɛ a linggamɛ 'da Gale gɔ, mɛ a linggamɔ mɔ́ wele iko.”

MATIE 26:33

Nɛ Petro hɔlɔ nu ɛ, nɛ a tɔ̃ hã a na: “Gɛnɛ kɔ ongba mi wa yu vɛ̃, kɔ wa la mɔ, nɛ nde mi kpo gɛ, mi lá sɛ mɔ gɔ!”

YOANƐ 1:47

Kɔ Yezu nɛa we zɔ Natanaɛlɛ tɛ tɛ dɛ 'da a nga, nɛ a tɔ̃ na: “Nɛ zɔ́, wele kɛ gɛ a ngbongbo be Israɛlɛ ngboo, a tɔ̃́ bɛlɛ fala kpo gɔ.”

YOANƐ 3:20

Wi kɛ a dɛ 'dã mɔ ni, a sɛna sa fala, nɛ a kɔ́lɔ́ do sa fala gɔ, da dɛ kɔ Owele wa zɔ́ 'dã dɛa mɛnɔ 'dɛ ɛ gɔ.

Owi Nɛ Tonɔ 24:16

Ma kɛ mi dɛ nganda wena na, mi ɔ wi bɔlɔ zu dati Gale do dati owinɔ fai ni.

ROMA 12:2

Nɛ tɛ bà dɛa mɔ tɛ winɔ ngɔ nùi gɛ gɔ, nɛ nde nɛ há wala hã Gale na, a kifi linggamɛnɔ 'da nɛ, kɔ nɛ hɔ ombé wele. Na mɛ ni, nɛ nɛ ĩ sɛ ti mɛnɔ kɛ zã Gale kɔ̃a ni. Mɛ a mɛnɔ kɛ ma a dia, nɛ ma dɛ yangga tɛ̃a, nɛ ma wia ngboo ni.

ROMA 12:9

Ma wia na, nɛ kɔ̃ gɛnɛ ngba nɛ do sila nɛ kpo. Nɛ sɛ́nɛ́ dɛ 'dã mɔ, nɛ nɛ kɔ̃́ gɛnɛ dɛ dia mɔ.

ROMA 16:17

Kɔ onyae, mi aka nɛ na, li nɛ sɔ̃ tɛ owinɔ kɛ wa dɛ na, nɛ, Owi kɔ̃a wenɔ, nɛ gɔnɔ sanga tɛ ngba nɛ, nɛ zu nɛ vĩ, nɛ nɛ tɛ kɔ̃̀ 'bɔ gɛnɛ bia wenɔ kɛ nɛ kɔ̃a zi ma dati ni gɔ ni. Nɛ yú wa do'do!

ROMA 2:18

nɛ mɔ ĩ ti mɛ kɛ zã Gale kɔ̃a ni, nɛ mbula bia dia mɔ hã mɔ, nɛ mɔ ĩ ti nɛ.

ROMA 7:16

Kɔ nɛ́ kɛ mɛ mi dɛ ma mɛ a mɔ kɛ mi sɛna ni, ma be na, mi kɔ̃a gɛnɛ mbula, nɛ mi ĩ na, ma a dia.

ROMA 7:22

Mba gɔ, mi do yangga dɛ mbula 'da Gale kɔ sila mi wena,

ROMA 8:7

Mba gɔ, wi kɛ a fa mɛ kɛ kifi tɛ a do wɔ nɛ ni, a a wi sɛnɛ Gale, we duzu kɛ a dɛ́ mbulanɔ 'da Gale gɔ, nɛ a 'bɔ do ngawi dɛ ma bina.

1 KORINTƐ 1:8

Nɛ Gale a dɛ sɛ na, nɛ yolo nganda gbaa we hɔ tɛ ndɔti nɛ na, dɔ do ngba soe Nwa 'da lɛ Yezu Kristo a tɛ sɛ nɛ ni, nɛ nɛ kpá kɔ'da gɔ.

1 KORINTƐ 10:32

Nɛ dɛ́ mɔ tɛ nɛ do tɛlɛ tɛ kɛ na, nɛ tɛ ɔ̀ nɛ zugbulu te kɔ zu nyanga wele, we duzu be Yuda, tabi gele wi, tabi Eklezia 'da Gale gɔ.

1 KORINTƐ 8:13

Kɔ we duzu ma, fala kɛ nyɔngɔmɔ nu mi dɛ na, nya mi te kɔ 'dã mɔ, nɛ mi bɛ̃ sɛ nyɔngɔmɛ ni fai na, dɔ mi fí a kɔ 'dã mɔ gɔ.

2 KORINTƐ 1:12

Mɛ lɛ dɔnggɔ tɛ lɛ do ma ni, ma kɛ: Gbãlã zã lɛ ngboo ni ma tɔ̃ hã lɛ na, dungu 'da lɛ kɛ lɛ dungu nɛ ngɔ nùi gɛ ni, ma a bɔlɔ. Lɛ dɛ mɔ do wala olo nɛ, ɔ nɛ kɛ zã Gale kɔ̃a ni. Da zu nɛ wena a kɛ na, dungu 'da lɛ sanga nɛ ni ma a dia. Lɛ dɛ́ mɔ do hã zã mɔ́ winɔ ngɔ nùi gɛ gɔ, nɛ nde dia zã 'da Gale a kã lɛ.

2 KORINTƐ 2:17

Lɛ ɔ́ nɛ ombe winɔ kɛ wa be gole Dia Sakoe, we nyɔngɔ mbili olo nɛ ni gɔ. Nɛ nde wi a Gale a tumba lɛ, nɛ lɛ mba kpo do Kristo, nɛ lɛ be we 'da Gale dɛ dati a do sila lɛ kpo.

2 KORINTƐ 6:3

Na mɛ ni, kɔ toe 'da lɛ, lɛ kɔ̃̀ we dɛ mɔ kɛ ma fo wele li wala 'da Gale ni gɔ, dɔ winɔ wa kɔ́'dɔ́ toe lɛ dɛ ni gɔ.

2 KORINTƐ 8:8

Mi è ma hã nɛ ɔ nɛ mbula gɔ, nɛ nde mi be tɛlɛ tɛ kɛ ombe winɔ gele falanɔ wa bi we gala do ongba wa ni, takɔ nɛ zɔ, tabi kɔ̃a zã 'da nɛ a ngbongbo kɔ̃a zã nde?

GALATI 5:11

Onyae, nɛ zɔ́ kɛ 'da mi! Fala kɛ mi 'bana sɔ 'bɔ tɛ be na, owi Kristo wa nɛ́ gaza, nɛ gulu kɛ owele wa zɛlɛ 'bɔ tɛ mi we ge nde? Mi 'bana sɔ tɛ be we na mɛ ni, nɛ nde sako fie 'da Yezu ngɔ finda te, ma sɔ 'bɔ a zugbulu te we kɔ do nyanga wi gɔ.

EFƐZƐ 4:15

Nɛ nde ma wia na, lɛ be gbãlã we 'da Gale dɛ nza, nɛ lɛ dɛ ma do kɔ̃a zã. Lɛ dɛ́ ni, nɛ kɔ̃a we 'da lɛ ma gã sɛ dɛ dati gbaa, nɛ lɛ mba sɛ kpo do Kristo, kɛ a a zu Eklezia ni.

EFƐZƐ 5:10

Kɔ nɛ fá we ĩ ti mɛ kɛ ma hã yangga hã Nwa ni, nɛ nɛ dɛ́ ma.

EFƐZƐ 5:27

A kɔ̃a zi na, Eklezia ma hɔ dia mɔ li a wele nɛ. A kɔ̃̀ zi na, mɔ ndi, do yɔa ti dɛa mɔ, do gele 'dã mɔ ɔ kɔ nɛ gɔ, nɛ nde ma ɔ santo, nɛ ma we ngboo.

EFƐZƐ 6:24

E kɔ dia zã 'da Gale 'bana do owinɔ vɛ̃, kɛ wa kɔ̃a gɛnɛ Nwa 'da lɛ Yezu Kristo do kɔ̃a zã kɛ ma é sɛ gɔ ni.

FILIPƐ 1:16

Wanɔ ni wa dɛ to we duzu kɛ wa kɔ̃a gɛnɛ mi, nɛ wa ĩ na, Gale ia mi do wi bi ngɔ Dia Sakoe.

FILIPƐ 1:6

Gbãlã we, mi ĩ na, Gale kɛ a ndua nyanga dɛ dia to kɔ sila nɛ ni, a 'bana sɛ tɛ dɛ na mɛ ni fai, gbaa we sɔkpɔ do ngba soe kɛ Yezu Kristo a tɛ sɛ nɛ ni.

FILIPƐ 2:16

Nɛ nɛ bé Dia Sakoe kɛ ma hã kpasi ni hã wa. Kɔ nɛ dɛ ni, nɛ mi dɔnggɔ sɛ tɛ mi do nɛ, do 'da fala kɛ Kristo a tɛ sɛ nɛ ni. Mba gɔ, ki ni ma be sɛ na, olo toe mi dɛa zi, do ngamɛnɔ mi zɔa zi ni, ma ɔ̀ yala iko gɔ.

1 TƐSALONIKƐ 3:13

Na mɛ ni, a hã sɛ kpã sila hã nɛ, kɔ do ngba soe kɛ Nwa 'da lɛ Yezu a tɛ sɛ do owinɔ 'da a ni, nɛ fo sɛ mɔ kɔ'dɔ nɛ we nɛ bina, nɛ nɛ sɛ santo gbali Baa lɛ Gale.

1 TƐSALONIKƐ 5:21

Nɛ nde nɛ yámbá wenɔ ni vɛ̃, nɛ nɛ saka dia kɛ, nɛ nɛ kɔ̃ gɛnɛ nɛ,

1 TƐSALONIKƐ 5:23

E kɔ Gale, wele gɛa sila dɛ na, nɛ hɔ owinɔ 'da a ngboo, nɛ a zɔ́ mɔ tɛ hi nɛ, do sila nɛ, do kifi tɛ nɛ vɛ̃ do dia nɛ na, da dɛ kɔ nɛ kpá kɔ'dɔ wi do ngba soe kɛ Nwa 'da lɛ Yezu Kristo a tɛ sɛ nɛ ni gɔ.

Yozue 24:14

Nɛ Yozue tɔ̃ 'bɔ na: “Ma wia na, nɛ dɔnggɔ NWA Gale, nɛ nɛ dɛ to hã a do sila nɛ vɛ̃, do gbisa zu. Nɛ nɛ bɛ̃ gɛnɛ gele galenɔ, kɛ oyaa nɛ wa sambala zɛ́ wa tɛ fala wa 'bana kulu lì Efratɛ, tabi tɛ Ezipeto i ni, nɛ nɛ dɛ to tati nɛ hã NWA Gale zu a kpo.

1 YOANƐ 4:1

Aa nɛ, oyali ngba mi, nɛ tɛ kɔ̃̀ we 'da winɔ kɛ wa tɔ̃ na, lo do Hi Wi 'da Gale kɔ lo boe ni do ti 1 iko gɔ. Nɛ nde nɛ yámbá wa dati, takɔ nɛ ĩ na, Hi Wi kɛ wa do ma ni, ma yula 'da Gale nde. Mba gɔ, ngangga gɛ owi gba olo nu Gale do bɛlɛ, wa dɛlɛ ngɔ nù gɛ wena.

USU MƐNƆ 2:2

Mi ĩ ti dɛa mɔ tɛ nɛ vɛ, nɛ mi ĩ ti ngamɛ kɛ nɛ kpa ma, do tɛlɛ tɛ kɛ nɛ kunu do sila nɛ ni. Mi ĩ na, nɛ kɔ̃̀ na, o'dã winɔ wa 'bana dɛ sanga nɛ ni gɔ, nɛ nɛ yamba zi sila owinɔ kɛ wa tɔ̃ na, lo a owi nɛ tonɔ 'da Gale ni, nɛ nɛ kpa na, wa a wi 'bili bɛlɛ.