FILIPƐ 1:1 - WE NU GALE 1995

¹ Wi a mi Polo, lɛ do Timote, Owi dɛa tonɔ 'da Yezu Kristo, lɛ kɔma mbɛti gɛ hã nɛ owinɔ 'da Gale tɛ kɔ le Filipɛ, kɛ nɛ mba kpo do Yezu Kristo ni. Lɛ kɔma 'bɔ hã nɛ, Owi zɔ mɔ tɛ eklezianɔ, do owi 'dafa to kɔ eklezianɔ.

FILIPƐ 1:1 Iomraidhean Croise

MARKO 13:34

Ma ɔ sɛ nɛ lɛnggɛ 'da mbe wi wili kpo, a nɛa we la gɛnɛ, nɛ a la nu tɔa 'da a hã owi dɛa tonɔ 'da a, nɛ a kɛ̃ to hã wele do wele na a dɛ ma. Nɛ a tɔ̃ hã wi zɔ mɔ nu ngboe na, li a ɔ tɛ nu tɔa, nɛ a la.

YOANƐ 12:26

Wi kɛ a kɔ̃ we dɛ to hã mi, nɛ ma wia na, a tɛ 'dɔkɔlɔ mi. Na mɛ ni, nɛ fala mi ɔ sɛ nɛ ni, wi dɛ toe 'da mi a ɔ sɛ tɛ mɛ 'bɔ di ni. Wi kɛ a dɛ to hã mi, nɛ Baa mi a dɔnggɔ sɛ a.

Owi Nɛ Tonɔ 1:20

Nɛ Petro tɔ̃ 'bɔ na: “Gale tɔa zé kɔ 'Buku Zumanɔ na: ‘E kɔ nu tɔa 'da a kulu, nɛ wele tɛ ɔ 'bɔ fala ni gɔ.’ Nɛ a tɔ̃ 'bɔ na: ‘E kɔ mbé gele wele ba toe olo a.’

Owi Nɛ Tonɔ 20:28

Nɛ dĩ́lĩ́ fala tɛ nɛ, nɛ nɛ zɔ́ mɔ tɛ gili winɔ 'da Gale, kɛ Hi Wi Santo hã wa hã nɛ ni. Ma wia na, nɛ fɔmɔ ogili wi Kristonɔ, kɛ Gale kpa wa olo li fio Be 'da a ni.

Owi Nɛ Tonɔ 9:13

Nɛ Ananiasi gese na: “Aa Nwa, mi zila Owele wena tɛ tɔ̃ we 'da wi ni, do tɔ̃ we 'dã mɛnɔ vɛ kɛ a dɛ do owinɔ 'da mɔ, tɛ Yeruzalɛmɛ i ni.

ROMA 1:1

Wi a mi Polo, wi dɛa toe 'da Yezu Kristo hã mi kɔmɔ mbɛti gɛ hã nɛ. Gale sa zi mɔ hã mi, nɛ a ia mi do wi nɛ to, nɛ a saka mi we be Dia Sakoe 'da a hã Owele.

ROMA 1:7

Ma kɛ mi kɔmɔ mbɛti gɛ hã nɛ, Owi Roma. Mba gɔ, Gale kɔ̃a gɛnɛ nɛ, nɛ a sa mɔ hã nɛ na, nɛ hɔ winɔ 'da ɛ. E kɔ Baa lɛ Gale, do Nwa Yezu Kristo wa be dia zã 'da wa hã nɛ, nɛ wa hã gɛa dungu hã nɛ.

1 KORINTƐ 16:10

Kɔ fala kɛ Timote hɔ 'da nɛ mɔ nde, nɛ nɛ gala a do dia nɛ, takɔ sila a gɛ, nɛ a dungu do yangga, we kɛ a dɛ toe 'da Nwa ɔ nɛ kɛ mi dɛ ni.

2 KORINTƐ 1:1

Wi a mi Polo, wi nɛ toe 'da Yezu Kristo ɔ nɛ kɛ zã Gale kɔ̃a ni, do nya lɛ Timote, lɛ kɔmɔ mbɛti gɛ hã nɛ, owinɔ kɔ eklezia 'da Gale tɛ Korintɛ, fala nɛ kpo do owinɔ 'da Gale ngɔ nù Akai vɛ̃.

GALATI 1:10

Nɛ lengge na, mi kɔma mbɛti gɛ hã nɛ ní, takɔ mi de li winɔ nde? Gɔ! Mi fa we de li Gale. Mi fa na, Owele wa dɔnggɔ mi nde? Ɔ do kɛ mi fa sɔ na Owele wa dɔnggɔ mi, nɛ nde mi sɔ 'bɔ a wi dɛ toe 'da Kristo gɔ.

GALATI 3:26

Nɛ vɛ́ kɛ nɛ kɔ̃a zu li Yezu Kristo ni, nɛ hɔa benɔ 'da Gale we duzu a.

GALATI 3:28

Na mɛ ni, fo 'bɔ gɔnɔ sanga tɛ ngba wi kɔ nɛ bina. Nɛ ɔ do be Yuda tabi gele wi, ngbá tabi wele le, wi wili tabi wuko, nɛ nde nɛ vɛ nɛ wia kɔ̃, nɛ nɛ hɔa wele kpo kɔ Kristo.

EFƐZƐ 1:1

Wi a mi Polo, kɛ Gale saka mi do kɔ̃a zã 'da a, nɛ a ia mi do wi nɛ toe 'da Yezu Kristo ni. Mi kɔma mbɛti gɛ hã nɛ, owinɔ 'da Gale tɛ kɔ le Efɛzɛ, kɛ nɛ mba kpo do Yezu Kristo, nɛ nɛ 'bana tɛ kɔ̃ gɛnɛ a do sila nɛ kpo ni.

EFƐZƐ 1:15

Mi zila sako kɔ̃a we nɛ kɔ̃a do Nwa Yezu Kristo, do kɔ̃a zã 'da nɛ dɛ 'da owinɔ 'da Gale vɛ́ ni. We duzu ma,

EFƐZƐ 6:24

E kɔ dia zã 'da Gale 'bana do owinɔ vɛ̃, kɛ wa kɔ̃a gɛnɛ Nwa 'da lɛ Yezu Kristo do kɔ̃a zã kɛ ma é sɛ gɔ ni.

FILIPƐ 2:19

Mi gbini zã mi do Nwa Yezu na, a hã wala hã mi, hã mi tombo Timote 'da nɛ i dɔ̃ gɛ, kɔ a si do Sakonɔ 'da nɛ hã mi, hã sila mi gɛ.

FILIPƐ 2:5

Nɛ ɔ́ do kpo linggamɛ kɛ Yezu Kristo zi do ma ni.

FILIPƐ 3:12

Mi ĩ na, mi tɛ hɔ̀ ndɔti yui 'da mi gɔ, nɛ dungi 'da mi tɛ wè 'bɔ vɛ̃ gɔ. Nɛ nde mi 'bana tɛ yu dɛ dati, takɔ mi kpa mɔ olo yui ni, we kɛ Yezu Kristo ba mi do wi mɔ́ a ia.

FILIPƐ 3:3

Ĩ na, ngbongbo owi nɛ gaza, wi a lɛ gɛ. Lɛ dɔnggɔ Gale do ngawi 'da Hi Wi Santo, nɛ lɛ dɔnggɔ tɛ lɛ do zu li Yezu Kristo, nɛ nde lɛ á sila lɛ ngɔ mɔ kɛ wa dɛ tɛ kili tɛ wi ni gɔ.

FILIPƐ 3:8

Gbãlã we, mi zɔa na, gele mɛnɔ vɛ̃ kɛ mi zi do ma ni, ma 'bɔ do gulu nɛ we mi bina. We kɛ mi ĩ ti Nwa 'da mi Yezu Kristo ia, nɛ ki ni dia nɛa ngɔ mɔ vɛ̃. We duzu Kristo, ma kɛ mi bɛ̃a gɛnɛ ogele mɛnɔ vɛ̃, nɛ mi zɔ ma li mi nɛ́ wɔkɔsɔ ngɔ zubu ni, takɔ mi nɛ we kpa Yezu Kristo,

1 TƐSALONIKƐ 1:1

Wi a mi Polo, do Silasi, do Timote, lɛ kɔmɔ mbɛti gɛ hã nɛ owi Kristonɔ kɔ le Tɛsalonikɛ, kɛ nɛ mba kpo do Baa lɛ Gale, do Nwa 'da lɛ Yezu Kristo ni. E kɔ wa be dia zã 'da wa hã nɛ, nɛ wa dɛ na, nɛ dungu do gɛ̃a sila.

1 TƐSALONIKƐ 2:2

Nɛ ĩ na, dati hɔ 'da nɛ i, owi kɔ le Filipɛ wa zɛlɛ zi tɛ lɛ, nɛ wa dã zi lɛ wena. Nɛ nde Gale kpãlã zi sila lɛ we be Dia Sakoe 'da a hã nɛ. Ĩ na, ombe wa bɛ̃ zi 'bɔ gɛnɛ lɛ wena.

2 TƐSALONIKƐ 1:1

Wi a mi Polo, do Silasi, do Timote, lɛ kɔma mbɛti gɛ hã nɛ owi Kristonɔ kɔ le Tɛsalonikɛ, kɛ nɛ mba kpo do Baa lɛ Gale, do Nwa Yezu Kristo ni.

2 TƐSALONIKƐ 1:10

Mɛnɔ ni ma dɛ sɛ tɛ ɛ do kpo soe kɛ Yezu a tɛ sɛ nɛ, takɔ winɔ 'da a wa dɔnggɔ a, nɛ wanɔ vɛ kɛ wa kɔ̃a zu li a ni, wa ɔngbɔ a ni. Nɛ nɛ sɛ fala nɛ kpo do owi kɔ̃a wenɔ ni, we kɛ nɛ kɔ̃a gɛnɛ Dia Sakoe lɛ bia zi hã nɛ ni.

1 TIMOTE 1:2

Mi kɔmɔ mbɛti gɛ hã mɔ Timote, kɛ mɔ a be 'da mi ngboo, we duzu kɔ̃a we kɛ mɔ kɔ̃a do wala 'da mi ni. E kɔ Gale Baa, do Nwa 'da lɛ Yezu Kristo wa be dia zã 'da wa hã mɔ, nɛ wa ĩ 'bako hã mɔ, nɛ wa dɛ na, mɔ dungu do gɛ̃a sila.

1 TIMOTE 3:8

Ma wia na, owi 'dafa to kɔ eklezia, wa dĩlĩ tɛ mɛ 'bɔ fala tɛ wa, nɛ lɛfɛ wa tɛ sàsàlà bɔa gɔ. Wa tɛ ha tɛ wa we dɔ̃ gɔ, nɛ wa tɛ fà mbili do 'dã wala gɔ.

TITO 1:1

Wi a mi Polo, wi dɛa toe 'da Gale, do wi nɛ toe 'da Yezu Kristo, mi a mi kɔmɔ mbɛti gɛ. Gale tumba mi na, mi gã 'da kɔ̃a we 'da owinɔ kɛ a saka wa ni, nɛ mi be gbãlã we dɛa to tɛ wi kɛ ma wia do winɔ 'da Gale ni hã wa,

TITO 1:7

Mba gɔ, wi zɔ mɔ tɛ eklezia a wi dɛa toe 'da Gale, nɛ ma wè na, a dɛ mɔ kɛ wa sa kɔ'da tɛ̃ a we nɛ ni gɔ. A tɛ ɔ̀ wi dɛ gã zu tabi wi nɔ̃lɔ̃ zã gɔ. Nɛ a tɛ ò wi bá dɔ̃ tabi wi kpa we gɔ. A tɛ fà we kpa mbili do 'dã hã gɔ.

FILEMƆ 1:1

Wi a mi Polo, wi bɔlɔkɔ we duzu Yezu Kristo, lɛ do nya lɛ Timote, lɛ kɔmɔ mbɛti gɛ hã mɔ Filemɔ, kɛ mɔ a yali ngba lɛ, nɛ mɔ 'bɔ a ngba lɛ wi dɛa toe 'da Kristo ni.

OHEBRE 13:23

Kɔ nɛ ĩ́ na, wa fua nya lɛ Timote kɔ bɔlɔkɛ ia. Kɔ fala kɛ a hɔ 'da mi nga ngangga gɛ, nɛ lɛ nɛ sɛ do a 'da nɛ i.

ZAKE 1:1

Wi a mi Zake, wi dɛa toe 'da Gale do Nwa Yezu Kristo, mi tombo balɛ hã nɛ owinɔ 'da Gale, kɛ nɛ pɛsa do kɔ gele lenɔ ngɔ nù gɛ vɛ̃ ni.

1 PETRO 2:25

Mba gɔ, nɛ ɔ zi nɛ obatanɔ kɛ wa yɔa wala ni. Nɛ nde ngangga gɛ, nɛ kpula tɛ nɛ dɛ 'da Wele kɛ a fɔmɔ nɛ, nɛ a zɔ 'bɔ mɔ tɛ nɛ kɔ dungu nza 'da nɛ ni.

2 PETRO 1:1

Wi a mi Simɔ Petro, wi dɛa toe do wi nɛ toe 'da Yezu Kristo, mi kɔmɔ mbɛti gɛ hã nɛ, kɛ nɛ hɔa Owi kɔ̃a we, nɛ kɔ̃a we 'da nɛ dia wia kɔ̃ do kɛ 'da lɛ ni. Wi a Yezu Kristo kɛ a a Gale 'da lɛ, nɛ a 'bɔ a Wi kpasa lɛ ni, a hã ma hã lɛ do bɔlɔ zui 'da a.

YUDA 1:1

Wi a mi Yuda, wi dɛa toe 'da Yezu Kristo, nɛ mi 'bɔ a nya Zake. Mi kɔmɔ mbɛti gɛ hã nɛ, owinɔ kɛ Baa lɛ Gale kɔ̃a gɛnɛ nɛ, nɛ a saka nɛ do winɔ 'da a, nɛ Yezu Kristo zɔ mɔ tɛ nɛ ni.

USU MƐNƆ 1:1

'Buki gɛ, ma tɔ̃ lɛnggɛ ngɔ usu mɛnɔ kɛ Yezu Kristo bia hã Owi dɛa tonɔ 'da a, takɔ wa ĩ ti mɛnɔ kɛ ma hɔ sɛ ngangga gɛ ni. Gale bia ma hã Kristo dati, nɛ Kristo tumba anzɛ 'da a we be ma hã mi Yoanɛ, wi dɛa toe 'da a.

USU MƐNƆ 1:20

Mi nɛ be gulu usu we ngɔ osɔlanɔ sambo, kɛ mi 'bia do ngawili kɔ̃ mi gɛ, do omɔ a do mwindanɔ sambo gɛ hã mɔ. Sɔlanɔ sambo gɛ, ma be oanzɛnɔ kɛ wa zɔ mɔ tɛ oeklezianɔ kɔ lenɔ sambo ni. Nɛ omɔ a do mwindanɔ sambo gɛ, ma be oeklezianɔ sambo ni.”

USU MƐNƆ 19:10

Nɛ mi gu li mi nù dati anzɛ ni we dɔnggɔ a, nɛ a tɔ̃ hã mi na: “Mɔ tɛ dɛ̀ ni gɔ! Mi tɛ mɛ 'bɔ a wi dɛa toe 'da Gale ɔ nɛ mɔ, do onya mɔ vɛ̃ kɛ wa kɔ̃a gɛnɛ gbãlã wenɔ 'da Yezu ni. Kɔ mɔ dɔ́nggɔ́ Gale!” Mba gɔ, gbãlã wenɔ kɛ Yezu bia hã winɔ ni, mɛ a kɛnɔ Hi Wi 'da Gale ia zi ma dɛ nu owi gba olo nu a ni.

USU MƐNƆ 2:12

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Pɛrgamɛ ni na: “Wi kɛ du kɔya kɛ nu nɛ bɔa dɛ nu a ni tɔ̃a na:

USU MƐNƆ 2:8

Nɛ wi ni tɔ̃a hã mi na, mi kɔ́mɔ́ wenɔ gɛ do mbɛti hã anzɛ kɛ a zɔ mɔ tɛ eklezia kɔ le Smirnɛ ni na: “Wi kɛ a ndua mɛnɔ vɛ̃, nɛ a sɔkpɔ sɛ 'bɔ ma vɛ, kɛ a fia zi, nɛ a tunu kɔ fio ni tɔ̃a na:

USU MƐNƆ 22:9

Nɛ a tɔ̃ hã mi na: “Mɔ tɛ dɛ̀ ní gɔ. Mi tɛ mɛ 'bɔ a wi dɛa to 'da Gale ɔ nɛ mɔ, do onya mɔ vɛ kɛ wa gba olo nu Gale, do wanɔ wa kɔ̃a gɛnɛ wenɔ kɔ 'buki gɛ ni. Kɔ mɔ dɔ́nggɔ́ Gale!”